احكى اول يوم ليك فى الدراسه من اوله لاخره

[Hawkaaa]

انا هحكي نيابة عن جميع الطلبة

كالعادة كل يوم اصحى مفزوع على صوت المنبه القديم بتاع جدي اللي بيقول تررررررررررررررررررررررررررررررررررررررررررررررررر ررررررررررررررررررررررررررررررررررررررن بصوت عالى يجيب ازعاج اقوى من ميدان رمسيس و طبعا اروح قافل المنبه و احاول اكمل نوم الاقي الست المصونة والدتي بتقولي يالله فز قوم من عالسرير المخروب اللي انت نايم عليه انت ناسي ان عندك مدرسة يا زفت؟؟؟؟ و لو طنشتها القى ابويا بينده من اخر الشقة: يا حيوااااااااااااااااااااااااااااااااااااااااااااااا ااان يا بغل اصحا عندك مدرسة يا حمااااااااااااااااااااااااااااااااااااااااار

طبيعي جدا انك تحافظ على كرامتك(اللي بتضيع اول ماتخش على ايام المدارس و تستردها في الصيف و الله احلى ايام) و نفذ الامر يا عسكري فقمت غسلت وشي و اتوضيت و صليت ركعتين لربنا

جيت عالفطار و امي ما شاء الله عاملة فطار هنا ، سندوتشين فول بالسمنة الفلاحي و سندوتش بيض مسلوق بالملح و جنبهم حلاوة طحينية و رحت لاب و روحت المدرسة مع كلمة امي المعتادة تقولهالي : خلي بالك لتدوسك عربية و انت بتعدي الشارع

رحت المدرسة كانوا لسه مبدقوش الطوابير فقابلت صاحبي القديم (زيكو) و الشلة المتحدة بتاعتنا فقعدنا نتكلم شوية عن اللي نيلناه في الاجازة و طبعا متحسرين على دي ايام لحد ماجه المدير البأف بعلو صوتو بيقول

عالطاااااااابووووووووووووووووووووووووووور يا بهااااااااااااااااااااايم

و ما احلاها بداية دراسية بجد بداية سعيدة و استبشار بالخير و الله

و طبعا قال كلمة المدرسة اللي هيا مشابهة للي قالها استاذ رمضان مبروك ابو العلمين حمودة في فيلمه ^^ و طبعا انتوا عارفين قال ايه و اللي ميعرفش روح اتفرج عالفيلك

طلعنا عالفصول و كانت اول حصة عندنا هيا العربي جالنا مستر سعد و الراجل ده متسم بالخشونة في التعامل (يعني يضرب الولد او البنت بالعصاية دون مراعاة لعدم مبالاة الولد الولد منهم معندوش دم على فكرة يعني الراجل بيفرغ غضبو عالفاضي

فراح رازع الفصل كلو طبعا كلمة محترمة جدا جدا

اهم حاجة عندي الواااااااااااااااجب و اللي مش هيعملوا حسابوا معايا عسير و انتوا فاهمين انا بعمل ايه
و اللي مش هينتبه و القى كل الدروس مكتوبة هعلقو من رجليييييييييييييييييه

(الله يخرب بيتك و اللي جنب بيتك يا عم سعد)

خلصنا العربي بعد مما مرارة الطلبة انفقعت فجت حصة الانجليزي و اللي بتديها مدرسة امورة عندها 22 سنة اسمها زينب و طبعا مع الاسف الشديد هيا من الشابات اللي اياهم فطبعا دخلت هيا من هنا و هاتك يا صفير و معاكسات من العيال و المدرسة عمالة تقول بس اتكتموا يخرب بيت اليوم اللي درستلكم فيه و تروح سايبة الفصل على مدير المدرسة اللي بيشوفوه يروحو قعدين زي الالف و هيا تكمل حصتها

جه مدرس العلوم بعديها و الراجل ده اسمو منير و هوا اسم على مسمى لانو عاشق للمغنى محمد منير فهوا دخل الفصل و لقى اتنين بيكلموا عن محمد منير فواحد قال اسكت يا عم كل اغاني منير بايخة و طبعا الواد قال الكلمة دي من هنا و عينك متشوفش النور اتعلق في السقف عبرة لكارهي محمد منير...

جه مدرس الحساب و اسمو مستر عمر و ده معروف بانو راجل هادي جدا جدا جدا و عمرو ما قلب على حد (فاكر نفسو سقراط) العيال لبتعمل دوسة (كالمعتاد) يروح قايلهم حاجة بسيطة جدا كملوا دوشة يا عيال و قولوا يا رحمن يا رحيم على اعمال السنة و بعديها صوت الابرة متسمعش

جه البريك و العيال زقططت و فرحة تعم المكان و الحالة النفسية كويسة جدا خلال الربع ساعة بتاعت البريك ثم استكمل اليوم الدراسي مليئ بالمعاناة و الهم حتى عادوا الى منازلهم


شكرا


القصة من تأليفي و حقوق الطبع محفوظة لهواويكو

[mido8823]

انا فى كليه العلوم جامعة القاهرة و ان شاء الله هابدأ يوم 24/9/2010



و كالمعتاد الجامعة احلى ايامممممممممممممممم

بااااااااااااااااى

[™ Vitch« ®]

طبعا صحيت على صوت امى وهى بتقول اصحى يا بغل مش كفايه نايم من العشا لحد دلوقتى طبعا انا باخد الكلمه من هنا و بعمل نفسى نايم تعد تصحى فييا لحد ما ابويا يصحى و يقول اصحى يا طووووووووووووووور طبعا اصحى دى مافيهاش نقاش صحيت و غسلت وشى و نزلت اقف نص ساعه اعد اوقف تاكسى مافيش حد بيقف لحد ماجالى واحد صاحبى ابن حلال وصلنى بعربيته و روحنا انا و هو المدرسه واقفين بره المدرسه لحد ما جت الشله كلها و اعدنا نرغى شوه عشان كان فى طابور و اليوم ماكنش ناقص بييض لحد ما الطابور خلص دخلنا المدرسه و طلعنا الفصل و كانت اول حصه هى حصه الكميا و المفرض المدرس فى اول يوم فى الدراسه يدخل يشرح و يسأل بعدها لكن ده مش طبيعى عند المدرس بتاعنا هو يسأل بعدين يشرح و الواحد لسه خارج من الاجازه مش فاكر ه كل ايه امبارح و طبعا طلنا قادين مبلمين و مافيش حد بيجاوب هو يقلك مش الدرس ده يا بهااابم مش واخدينه السنه اللى فاتت الترم الاول طبعا ده مايتردش عليه NoComment المهم الحصه خلصت و بعديهاا حصه الانجليزى دى زى الفسحه بالظبط المدرس بيشرح اللى مطلع الموبايل و اللى نايم و اللى مطنش و اللى بينز يجيب حاجه و يجى تانى و بعديها حصه العربى Mr. Mans ده اسم الدلع بتاعو المدرس واقف و احنا نضحك هو مش بيعمل حاجه فى شىء الهى بيخلى الفصل يضحك على الفاضى بعد كدا اخدنا حصه الفرنساوى و هاتك يا الششششش الش السنين فى حصه الفرنساوى هى بيألش مستنى حد يضحك بس البنات بس هما اللى بيضحكو و طبعا مش هاقول الالش بتاعو عشان ممكن اخد طري من المنتدى المهم البريك جه وقضيناها لعب كوره فى البريك و الحصص اللى بعديها و بعدين خرجنا لعبنا بلاى ستيشن شويه و روحنا بس ^^