تعلم كيف تكون scammer محترف - احداث حقيقية الجزء 1

[arab_nuker]

خلى بالك أنا مستنى الجزء التانى بفارغ الصبر

[elkanaas]

هههه شوفت كل الناس مقتنعة انك بتتكلم تمام

فعلان koRkoR دة فى الموضوع من الاول
اسيبك الان انا هتلع وراجع لى الموضوع تانى بكرة
ان شاء الله



سلامى وتقديرى لكل من شارك فى الموضوع

[airforce]

هههههه لما نشوف اليقية نبقي نرد يااساكمر روما

حبيب قلبي ايه ده السما بتمطر مشرفين
انا و الله لو أعرف كنت لونت لكم الموضوع وردي بس للأسف الألوان مأشتغلتش و مردتش ادخل أكواد من عندي علشان متأثرش علي الموضوع

مشكور للمرور حبيبي و أن شاء الله البقية تأتي

* ملحوظة : علي فكرة النازية أنتهت من العالم كله و المانيا خسرت الحرب
بس واضح أن ليك رأي تاني بدليل صورة الأفاتر بتاعتك
انا شايف انك لو حطيت صورة ليك أو صورة مصرية أو عربية هيكون أحسن .
( علي فكرة دي مجرد ملحوظة يعني متزعلش مني أعتبرها مش موجودة )

كل التوفيق حبيبي و الي الأمام .

[airforce]

هههه شوفت كل الناس مقتنعة انك بتتكلم تمام

فعلان korkor دة فى الموضوع من الاول
اسيبك الان انا هتلع وراجع لى الموضوع تانى بكرة
ان شاء الله

ميرسي حبيبي و أنا ماشي علي المثل اللي بيقول

أقرأ و أفهم بعقلك و رد بقلبك
و لا تخشي لومة لأئم

كل الود و التقدير


سلامى وتقديرى لكل من شارك فى الموضوع

[airforce]

طب ازاى يا مان مثلا انا اتعمل عليا سكام يبقى دى (بدون مبالغة ) حالة حرب
و كل حاجو مباحة فى الحرب و با ريت تقرا الرسالة بتاعتى

النبي علمنا انه لما بتبعد عن الدين ممكن تعمل أي حاجه لانك بتنحرف عن الطريق المستقيم و أنا زي ما قولت و بقول غلط و ....

حبيبي انا حربي انتهت نهاية مؤسفة لكافة الأطراف كله خسر فيها حتي انا
و يا سيدي حتي في الحرب في حاجه أسمها قوانين معاملة الأسري

و النبي عاملني كويس و بلاش العنف lol
كل الود حبيبي و شكرا لحماستك الرهيبة .

[airforce]

سهــــــــوا و ليس قصدا سقطت هذا المشاركة
مني في تر تيبها هرد عليها و بعدين نكمل

بص يا صديق انا مش عرف اقولك اية
موضوعك بجد رائع انا اول مرة افضل اكتب ردود كدة
دة بيديل على جمال الموضوع
بس يريت مش تطويل فى الجزء التانى

حبيبي انت كريم جدا لدرجة أنك كرمك باين حتي في ردودك علي المواضيع
و بالنسبة للميعاد بتاع الجزء الثاني أ وعدكم انه يبقي غدا ان شاء الله و ..
وعد الحر...

كل الود و التقدير .

[king_of_Silkroad]

لم أؤمن بالمرض النفسى يوماً من الأيـام و أعلم أن كل مرحلة يمر بها الإنسان هى عبارة مكونات و تفصيلات تبنى شخصيتها وتقومها و تنحتها سيادتك لما اتسرقت حبيت تنقل الإحساس بالضعف والقهر اللى حسيت بيه لكل اللى حواليك و بدأ سلسلة الإنتقام اللى أكيد إنته مكونتش عامل حسابه و لا تتخيل إنك تغوص فيه للدرجة الفظيعة والمتردية دى بدأت تنتقم فى شخص أصحابك ولما البلية لعبت معاك بدأت تنتقم من كل شخص بتقابلوا بشئ من السادية ( عندك تفسير تانى ؟) و الدليل إنك كنت بتستمتع و إنت بتعمل كده و بتشوف عبقريتك فى كل ضحية بتوقعها
ربنا معاك و معانا و ربنا مش بيسيب حد لعلمك أنا عمرى ما إتسرقت فى حياتى لكن حصل الأبشع إن أخواتى إتسرقوا قدامى وطبعاً أنا مش عارف اعمل أيه ؟ :(:(:(:(:(
يا ريت تكفر عن ذنوبك مع أصحابك و الناس اللى خدعتها ووثقت فيك بأى شكل إنته تشوفه صاين لكرامتك إللى خليتها ازبل من كرامة الحرامى (*) و أانا عامل موضوع عن السكامرز و الهاكرز فى المنتدى التعليمى يا ريت تيجى تدينا نصايح أكتر عشان منوقعش فى خدع الهاكرز
(*) مش قصدى اهينك لكن لو تلاحظ الحرامى بيسرق من شقة الواحد أى حاجة يقدر عليها لكن سيداتك بتاخد الشقة كلها و إنته ماشى :o:o
يا ريت تكون فهمتنى ... ومستنى أشوف الجزء التانى من قصتك و إن كنت أعرف نهايتها ....

[king_of_Silkroad]

يا ترى تعمل أيه لو وقفت قدام واحد دمر جزء كبير من حياتك و هو واقف بدون أى مشاعر ؟؟

[arab_nuker]

بجد أنا مستنى الجزء التانى بفارغالصبر عايز أعرف ايه اللى هيحصل على ما أظن حتخسر صحابك و تعرف غلطتكو تعتزر لهم و خلاص

[airforce]

لم أؤمن بالمرض النفسى يوماً من الأيـام و أعلم أن كل مرحلة يمر بها الإنسان هى عبارة مكونات و تفصيلات تبنى شخصيتها وتقومها و تنحتها سيادتك لما اتسرقت حبيت تنقل الإحساس بالضعف والقهر اللى حسيت بيه لكل اللى حواليك و بدأ سلسلة الإنتقام اللى أكيد إنته مكونتش عامل حسابه و لا تتخيل إنك تغوص فيه للدرجة الفظيعة والمتردية دى بدأت تنتقم فى شخص أصحابك ولما البلية لعبت معاك بدأت تنتقم من كل شخص بتقابلوا بشئ من السادية ( عندك تفسير تانى ؟) و الدليل إنك كنت بتستمتع و إنت بتعمل كده و بتشوف عبقريتك فى كل ضحية بتوقعها
ربنا معاك و معانا و ربنا مش بيسيب حد لعلمك أنا عمرى ما إتسرقت فى حياتى لكن حصل الأبشع إن أخواتى إتسرقوا قدامى وطبعاً أنا مش عارف اعمل أيه ؟
يا ريت تكفر عن ذنوبك مع أصحابك و الناس اللى خدعتها ووثقت فيك بأى شكل إنته تشوفه صاين لكرامتك إللى خليتها ازبل من كرامة الحرامى (*) و أانا عامل موضوع عن السكامرز و الهاكرز فى المنتدى التعليمى يا ريت تيجى تدينا نصايح أكتر عشان منوقعش فى خدع الهاكرز
(*) مش قصدى اهينك لكن لو تلاحظ الحرامى بيسرق من شقة الواحد أى حاجة يقدر عليها لكن سيداتك بتاخد الشقة كلها و إنته ماشى
يا ريت تكون فهمتنى ... ومستنى أشوف الجزء التانى من قصتك و إن كنت أعرف نهايتها ....

يا سلاااااااااااااام روعة يا دوك
اخر حاجه كنت اتوقعها ان المنتدي فيه خبير نفسي بسم الله ماشاء الله
تحليل نفسي عميق و لكن اسمح لي أقدم لك تفسير هتفهمه أنت بس

**يعتمد السلوك الفردي علي عدة عوامل و مؤثرات منها الداخلي كالمشاعر و الأحاسيس
و ألخ و منها الخارجي و أقواها علي الأطلاق هو درجة تفاعل الأخريين مع هذا السلوك
فعلي سبيل المثال اللص لا يولد لصا و لكن تدفعه بعض العوامل الداخلية مثل الجوع او الفقر او الحاجه الي أي يتعامل مع ممتلكات الأخريين علي انها له و يزيد لديه هذا الشعور بعض العوامل الخارجية مثل نظرة الناس الي انه ليس كفء او انه اقل منهم
مما يولد لديه الشعور بالنقص او عدم الثقة مالم يمتلك ما يريد حتي و لو كان علي حساب الغير , غير أن البعض منهم يشعر بتحسن اثناء السرقة او لرؤية ضحيته تعاني
و هو يعتبر شعور بالانتقام نوعا ما يهيا له كانه ينفذ العدالة او التوازن الطبيعي
و قد لا يكون السارق بحاجه الي ما يأخذه و انما هو حالة نفسية تنتابه لذا فعندما يقوم بالسرقة يشعر بهذا التحسن ( أي أنه قد يكون ثريا مثلا و مع ذلك يدخل بعض المحلات و يخفي بعض الأشياء في ملابسه ) أذا هو لا يسرق لانه محتاج بل لانه نوع من انواع
ما يمكن تسميته بمرض السرقة بالتعبير الدارج هو يستطيع شراء المتجر بالكامل ولكنه
لن يشعر بالرضا مثلما يقوم بسرقته .
( ذي النكته بتاعة الحرامي اللي تاب و بعدين عمل بنك و كان كل يوم يروح يسرقه و الصبح يرجع اللي أخده من تاني )
( أما بالنسبة للمحتاليين فهو يعتمل علي( عامل خارجي ) اما سذاجة او غباء الاخريين أو ضعق تفكيرهم او قد يعتمد علي( عامل داخلي ) قدرته علي الأقناع او يلعب علي وتر الغرائز البشرية و هذا نوع يختلف كثيرا عن اللص العادي )
الناس بتاعة رجل المستحيل هيفهموا النجمتين اللي في أول الكلام دول بتوع أيه.
جود لك يا بروفسير و يا رب تكون فهمتني
و أهم حاجه لو هتاخد الشقة و تمشي ميكونش أصحابها جواها .

_________________________________________
**( مقتبس بتصرف من دراسة أنجليزية عن التحليل النفسي لعينة من المجرمين )

[airforce]

يا ترى تعمل أيه لو وقفت قدام واحد دمر جزء كبير من حياتك و هو واقف بدون أى مشاعر ؟؟

أولا دي لعبة خلينا منحملش الأمور اكتر من حجمها
لو انت كل حياتك لعبة او لعب أسمح لي دي تبقي حياة ...

جود لك يا مان و شكرا للمرور الكريم .

[airforce]

بجد أنا مستنى الجزء التانى بفارغالصبر عايز أعرف ايه اللى هيحصل على ما أظن حتخسر صحابك و تعرف غلطتكو تعتزر لهم و خلاص

ايوه يا مان ده الكلام ده لما نكون هزرنا هزار غبي مع بعض مش موضوع زي ده
و بعدين متستعجليش علي خراب ديار بني عبس ان غدا لناظره لقريب .

ميرسي يا بوب للمرور الجميل .

[airforce]

اولا السلام عليك انا بصراحه مش عاجبنى الى انتا عملتو.
بس عاجبنى اوى طريقتك فى التكفير عن الى انتا عاملتوه.
و عاجبنى اوى العقلانية بتاعتك و طريقتك المحترمة فى الرد على كل الى العضاء قالوه اذا كان رد حلو او وحش و انا بصراحه شخصيتك عاجبنى اوى و ربنا يسامحك على الى انتا عملتوا و يغفرلك .



و لك منى كل الود و التقدير و الحترام

ميرسي يا جميل علي الرد الأجمل
و ان شاء الله ربنا يغفر لي و للجميع بس نخلينا فعلا مؤمنين بأنه هيغفرلنا
و ربنا بيقول ( بما معناه في الحديث القدسي ) انا عند ظن عبدي فليظن عبدي بي ما شاء .

كل الود و التقدير للمرور الكريم .

[Noise]

اولا احب احيك على شجاعتك فى انك تتكلم عن الموضوع ده بصراحة..
ومفيش انسان عندة ذرة عقل الا وعارف ان الكلام السئ والنقد الجارح هو اللى هيسمعه من الناس ومع ذلك انت كتبت وقولت اللى عندك بصراحة...

ثانيا انا فعلا زى ناس كتير وده شعور لا إرادى حسيت انى مضايق منك من اللى عملته بس رجعت وقولت ان عشان تحكم على حاجه حكم صحيح يبقى ما تتسرعش الا لما تعرف كل فصول الحكاية مش من اول فصل تصدر حكم ...

ثالثا احب من الناس اللى معانا انها تقرا عشان تستفيد من تجارب الاخرين..
وما حدش يزعل من كلامى بس مفيش ولا واحد فينا ملاك واكيد كل واحد عنده من الاخطاء اللى يتكسف حتى يقولها لاخوة مش لناس ما يعرفهاش ...

اخيرا بجد احيك من كل قلبى يا صاحبى ( واسمحلى اقولك صاحبى ) على صراحتك وشجاعتك وبجد متشوق اعرف الباقى .....

[bassem_oo7]

يا ابن آدم افعل ما شئت فكما تدين تدان
علي فكره يا باشا انا الاكونت بتاعي اتسرق برضو و هو لفل 70
و مش عارف ازاي و مين و انا بقعد في البيت بس اهو نصيب و الحمد لله قدر الله و ماشاء فعل
بس اهم حاجه معملتش اللي انت عملتو ده و سرقت الناس
لأ قولتلهم علي اللي حصلي و سبحان الله لقيت ردود مكنتش متوقعها
كل اللي كان في ايدو حاجه ساعدني بيها و الحمد لله طلعت بشله صحاب ربنا يخليهيم ليا ان شاء الله