[الدرس السادس والسابع] شرح Protection tab

[abdopasha2011]

شرح صفحة الحماية فى البوت وهنجمهعا فى درسين عشان كده البوت يخلص مع رمضان ان شاء الله بالتفصيل الممل





اولا : potions





هنا هتعلم بالنسبة المئوية والمربع ده العدد بالملى ثانية 1000 ملى ثانية يعنى = 1 ثانية ده طبعا لو انت صينى الاوروبى بيكون 15 ثانية بس عادى مش هتفرق يعنى اعملها ثانية برضه





اول حاجة الاستخدام لو معلم عليها بس هيبتدى يستخدم لو معاك الاتش بى ده ابو 25% من الدم بتاعك ايا كان هوا قد ايه بعد اما يخلص الاتش بى العادى

لو علمت بريفير هيستخدمه بقا قبل الاتش بى العادى وده بياخد 3 ثوانى بس يعنى هيخلصه بسرعه وبعد كده بقا يدخل على العادى





ده للدم الازرق بتاعك وينطبق عليه نفس الشرح اللى قلتوا على الاتش بى





ده يستخدم ال grains بس للدم الازرق وبغض النظر دول اصلا مش موجودين عند بتاع الدم فدول يا اما بتجيبهم من الموبس او بتاخدهم من ايفنت ونفس الشرح ينطبق عليها اللى قلتوا فى الاتش بى



هنا لو علمت وحددت النسبة المئوية لو البوت شغال الكاركتر هيقعد على الارض لما النسبة دى تيجى وهيستنى لما يملى بقا على حسب منتا علم انو يقعد للدم الاحمر او المانا الدم الازرق بتاعك ولما هيخلص هيقوك يكمل ضرب





هنا هيستخدم الفيجور اللى بيذود 25% فى الدم الاحمر والازق من دمك مهما كان هوا قد ايه هتعلم وتحت النسبة المئوية براحتك والثانية مش مشكلة هوا بيزود كل 3 ثوانى عشان ده سيستم الجيم اعملها ثانية واحدة مش مشكلة



الاولى دى للحصان او الحيوان اللى بتعمل بى كويستات جوب او حيوانات التريد

الثانية لو معاك اتاك بيت الولف القديم او فيلو بت جديد

طبعا الاتنين دول بتحدد بالنسبة المئوية والبوت هيزود الدم لما ينقص عن النسبة اللى انت محددها



الاولى عشان يستخدم البيلز

الصورة القديمة



ودى صورتها الجديدة




التانية دى مبقتش موجودة فى اى سرو دلوقتى ممكن تلاقيها فى البرايفت سيرفرز

وصورتها اهيه





دى بقا انو يستخدم البيلز بس على الحيوانات بتاعتك او حيوان الجوب ودى بتجيبها من عند بتاع الاحصنة انا مجربتهاش قبل كده بس المفروض انها بتشيل التأثير مثلا زى تأثير ال Burning من على الفيلو او على الاتاك بيت الولف او لو معاك حيوان تريدة او جوب



ده بتحدد النسبة المئوية للفيلو عشان يزود ال HGP عشان يزيد فى ال EXP



ثانيا : الرجوع الى المدينة Return



اول جزء : Potions/inv



هنفصصه بقا هشرح كل حته فيه بصوا معايا



اول حاجة انت بتعلم هنا وتحدد كمية الدم الاحمر لو نقصت عن 10 مثلا او 15 من الدم الاحمر كله اللى معاك يرجع التاون

تانى حاجة هوا محددها اقل من او يساوى 5 يرجع التاون عشان معظم الشخيات int str بتستخدم ال mp اكتر من ال hp



اول حاجة لما البيلزز تخلص يرجع التاون

تانى حاجة لما الفيجور يخل يرجع التاون



اول حاجة لو خلص منه الذخيرة اسهم او بولت للكروسبو ولو انت لعبت اس بوت هتلاقى مكتوبة Ammo ذخيرة المفروض ان دى بتتقال على الرصاص وكدة بس ى اللعبة ذخيرتك لو انت بو صينة الاسهم او كروس بو اوروبى فدى الذخيرة بتاعتك بس كده y.png" border="0" alt="" title="Arrowheady" class="inlineimg" />

تانى حاجة لما اسكرولات الاسبيد تخلص وغالبا لو انت بتعمل تاكسى وبتجيب ملا 10 درج اسبيد ولو خلصوا التكسى هيكون بطئ فلازم تجيب درج اول بأول بتعلم لما الدرج بيخلص بيرجع التاون وبيعمل التاون لوب عادى ويرجع يكمل



اول حاجة دى لما الانفونترى يكون مليان

تانى حاجة لما اى ايتم معاك يتكسر او متانته تقل او قدرة صمودة ههههه قدرة دفاعة مثلا تلاقى ايتم انت لابسه 200/200 ده كده متصلح على اخره لو بقا 4/200 كده يبقا باظ ومحتاج يتعملوا ريبير

ثانيا : الوقت Time



هنبتدى نفصص بقا



ده عشان الايفنتات وفايدتها ان البوت جع قبل الساعة ماتخلص بوقت معين بالدقايق لو كتبت مثلا 10 هيرجع مثلا قب الساعة ماتخلص بالدقايق على حسب الوقت فى جهازك
-ولو نفترض ان الساعة 12 دلوقتى وانت شغلت البوت وعملت الاختيار وكتبت 10 هيرجع امتى ؟ الساعة 1 الا 10 دقايق
طيب لو كتبت 15 هيكون 1 الا ربع
لو 20 هيكون 1 الا تلت
لو 30 هيكون 1.30 او كل نص ساعة هيرجع التاون الشاهد هنا انك بتخصم من ورا مش من قدام بمعنى قبل الساعة ما تخلص بتخصم لو كاتب 10 بتشيل 10 دقايق بتبقا الا 10 فى الساعة اللى بعديها ياب تكون اتفهمت



دول بقا بوص من الاخر ان الاتنين دول اتعملوا عشان كويست الجنى اللى حضرتك ليك مرة واخدة فى اليوم كل يوم المهم
الاولى دى لو انت فاتح 24/7 ومتأكد ان النت مش هيقطع عليك بتحدد وقت دقايق معين يرجع فيه ومكتوب 1440 ودول 24 ساعة بالدقايق يعنى بس ظهرت مشاكل الدى سى الكتيرة عند الناس وبكده لو انت دخلت ومختار الاختيار الاول وجلك دى سى فى وقت الجنى هيصبر يوم كامل تانى عشان يرجع التاون وواحد هيقول يا ذكى طيب هوا ما كده كده بيرجع عشان الدم ويصلح وكده اقولك اه صحيح بس بعض الناس لما بيجى وقت الكويست عليها بيكون حظها ان البوت مش محتاج ولا دم ازر ولا احمر ولا اى تصليح فجت بقا الخاصية التانية دى بترجع وقت معين كل يوم محدد بالدقيقة والساعة
عشان تحل الازمة المهم هنا متستخدمش الاتنين عشان متخليش الاكونت كل شوية يرجع استخدم اللى يريحك انا بستخدم التانية بتريحنى اكتر فى الاستعمال



هنا هيرجع كل جمعة وسبت تقريبا للاستيرا لازم يكون البوت شغال وتكون عامل اسكربت تاون وضايف فيه الاستيرا ومعلم الاختيار ده عشان لما يكون البوت شغال ويجى وقت الاستيرا يرجع ويعمل جوين واكيد تكون لابس الجوب

ثالثا : التدريب Training



نيجى بقا للتفصيص



الاولى لو بتلعب بكاركتر واحد او بتلعب بكاركتر لوحده بتبوت بتعمل حاجة معينة مثلا ولو علمت هنا هيرجع التاون لو مات

التانية دى لو انت فى بارتى بتعلم عليها وبتعلم على الاولى برضه فى نفس الوق وبتكتب الوقت بالدقايق لو فات وانت متعملكش ري يرجع التاون



دى يرجع فى الحال لو مات بره الاسبوت طبعا زمان لو انت رايح 120 فى الميرور غالبية الناس بتعمل 5 دقايق و 10 دقايق والبارتى سعات بيموت لكن دى الخاصية دى لو عملتها لو انت موت بره الاسبوت بتاعك والغالبية بيموتوا وهما رايحين فى الطريق من الاااج بيرجه التاون على طول بدل ما يستنى الوقت اللى عملته وق وده ليه لان الخاصية اللى فوقيها لو انت ميت فى الاسبوت بس انما دى لو بره مفيدة جدا



دى لو مت ومعاك ريس اسكرولز ممكن تعلم انه يستخدم الريس اسكرول عشان الاكونت يصحى ويكمل تبويت



دى لو مضربتش لمده معينة بيرجع التاون على حسب العداد اللى انت عاملة بالدقايق (لا ينصح بها للمبتدئين فى البوت)



دى لو انت بتضرب بقا اوباااا ظهر يونيك جنب سيادتك طبعا انت هتفتح زيرك بقا لكن فى بعض الاوقات ممكن بعض الناس تكون بتبوت فى مناطق اعلى منها والحج اللى ظهر هيموتها وينزلها فى ال EXp فبتعلم هنا عشان يرجع المدينة لو ظهر جنبك وانت بوت



لو حيوان الجوب لو بتعمل كويست جوب مثلا ثي او هانتر والحيوان مات ممكن تعلم هنا انه يضرب ريتيرن ويرجع التاون او تعلم اختيار تانى بس مش هنا فى ال Misc هنجيله ان شاء الله



ثالثا : صفحة الوحوش Monsters



تعالو بقا نفصصها

اولا : التفضيلات Preferences



زى ما احنا شايفين كل انواع الوحوش وتم اضافت نوع التايتن لليته وتم تجديد النظام

-انواع الوحوش المذكورة بالترتيب

الجنرال العادى الوحش العادى خالص

الوحش البطل ههههه هوا ده معناه وده تانى نوع Champion

الوحش العملاق الكبيير اوى ده Giant

الوحش القوى strong ده انت بتنزله ب Monster scroll او باندورا بوكس pandora box او اخر وحش فى الارينا لو انت بتعمل ارينا وانت اعلى من 71 بيكون دمه كير جدا وغبى فى ضربته

البارتى جنرال والبطل والعملاق دول اعلى من اول 3 انواع فوق بمرحلة

التايتن ده غالبا بيكون فى السيرفرات الخاصة

الوحش الاليت دول بينزلوا من اليونيكات

وحوش الايفنت زى الايفنت العبيط بتاع على بابا والاربعين حرامى اللى بينزلوا ليفل واحد او ايفنت الاسنو فليك او ايفنت سونسونج جوست شبح السونسونج دول مثال لوحوش الايفنت وانت بتضربهم غالبا ب 1

دول اليونيكات اللى بينزلوا فى الجيم فى يونيكات كتير جدا فى منهم فى التيمبل او العاديين اللى بينزلوا فى اللعهبة زى التايجر جيرل او عمو اللورد ياراكان

البلورات الحمراء اللى بتظهر جنبك فى مكان وانت بتضرب دول عشان الفورجتن ورلد او العالم المنسى وبيتلع منها ارانب اسمهم حسد هههههههههه Envy حسود او يحسد يعنى المهم دول بتموتم بيقع منهم اسكرولات بتفتح بوابة فى التاون للعالم المنسى



meh دى يعنى مليش دعوة بالعامية او وانا مالى بالفصحى مثلا عدم الاهتمام او عدم اللامبالاه ممكن يضربه
Aviod دى معناها التجاهل يتجاهل نوع ده من الوحوش مش هيضربه خالص
Prefer دى معناها التفضيل والتفضيل هنا بيكون حسب مكانة الوحش اللى دمه اكبر يعنى لو معلم مثلا انه يفضل الجنرال وال Cham. والجاينت بارتى قبل الوحوش التانية وظهر بارتى ومعاه جاينت بارتى هيروح للكبير الاول الجاينت بارتى عشان اكبر فى الدم هوا كده

وده مثال بعد التعليم



ثانيا : الزيرك berserk

المعنى الحرفى فى جوجل هائج بمعنى اخر الجنون ودى بتكون حالة غير طبيعية اكيد انتو فاهين بنفتح الزيرك ليه على الجاينت بارتى



ودى حالات الزيرك بالترتيب :

لو عدد معين من الوحوش مثلا اكبر من 3 بيهاجموك

لو الزيرك اتملى يفتحه
يتسخدمه على الجاينت بس
يتسخدمه على البارتى جنرال بس
يتسخدمه على البارتى اتشامبيوت بس
يتسخدمه على البارتى جاينت بس
يتسخدمه على تايتان بس
يتسخدمه على الليت بس
يتسخدمه على استرونج بس وحوش ال strong
يتسخدمه على وحوش الايفنت بس
يتسخدمه على اليونيك بس
يتسخدمه فى الاسكربت بس
يتسخدمه على البلورات الحمراء بس



رابعا صفحة التنبيهات او الاشعارات



مفيهاش تفصيص المرى دى

اول حاجة دى لو حاجة وقعتلك ايتم وقعلك فى الارض من الوحوش
تانى حاجة لما يختار الكاركتر بتاعك
تالت حاجة لما الكاركتر بتاعك يموت
رابع حاجة لما يعدى الليفل
خامس حاجة والاخيرة هيا لو جالك دى ىس



خامسا : صفحة المنوعات Misc



تعالوا نفصص بقا عارف انكم زهقتم معلش



اول حاجة يقبل الريس من الاشخاص الاخرين

تانى حاجة يقبل الريس من اعضاء البارتى فقط

ينصح بأستخدام الاختيار الاول فى الاوقات العادية



هنا اول حاجة دى بتعلم وتكتب عدد المرات لو البوت مات فيها لو مثلا كتبت 50 مرة لو مات اكتر من 50 مرة هيقف فى المرة اللى اكبر ب 50 مثلا 51 هيقف

تانى حاجة يوقف البوت لو مات من تمثال العدالة ههههههههه اللى كان جوى ماكس عملاه زمان ده عشان البوتات

صورته اهو وهوا فرحان


نكمل بقا اللى بعده



لو علمت على الاختيار الاول هيستخدم الدرج فى اى حته وفى اى مكان تاون اسكرب اسبوت اى مكان طول ما البوت شغال

لو علمت على التانى مع الاول هيستخدم الدرج فى التاون وهوا رايح الاسكربت واحد هيجى يقولى انت مش قولت الاسكربت ليه التاون يعنى اقولك لانه التاون ديه ليها اسكربت بيمشى عليه برضه



ودى لحبايبنا فى سرور ار لما الشريط الاصفر يبقا لونه رمادى مفيش Exp يعنى بتاخده البوت هيقف



ودى هيشيل الزيرك من الجيم بمعنى انك هتشوف الاكونت بتاعت ارقامه الضعف لو انت متأكد انك عامله يفتح زيرك مثلا فى جاينت بارتى وانت معاك الزيرك لو علمت هيفتها من غير ما الشخصية يبقا لونها احمر ازرق وده عشان الناس اللى بتجيلها كرائ من الزيرك وده غالبا بيكون للاجهزة الضعيفة والمتوسطة



ده خيار حيوان الجوب اللى قولت عليه فوق لو حبيت بقا بالاوبشن علم عليه هينزل الحيوان تانى لو مات بدل ما يرجع التاون ويرجع يجيب من الاول



يببع البوشنز الزيادة اللى معاك عشان الانفونترى متتمليش وتعملك مشكلة والبوت يقف



هنا هيعمل لنفسه ديسكونكت من السيرفر لو الجى ام ظهر جنبه براحتك بقا فى ناس مش بتعملها بس اعملها للامان



دى بتعمل للاكونت ديسكونكت لو حد فتح عليك ال PK وانت بوت مش لازم يكون دمه احمر المهم يكون بضربك دمه احمر دمه مردى مش قصتنا



ركزوا بقا للناس اللى بتكون كلينت ليس لو عندك نقاط لما تعدى الليفل هتلاقى موجودة فوق وهتلاقى ارقام ال Str وال int وانت زودت ايه هنا وقد ايه هنا وزود على حسب البيلد بتاعك

مثال :



زى ماحنا شايفين النقط اللى عندك هتكون موجودة بدل ال 0 لو عندك 3 هيكون مكتوب 3 علما بأن كل ليفل بتاخد 3 نقاط

الجزء اللى تحت ممكن تعلم هنا عشان يحط النقاط دى بشكل اوتوماتيكى لوحده يعنى المهم هنا ان وى مان عامل 3 ماكس يعنى لو كتبت 3 فى الاحمر مش هتقدر تكتب تحت حاجة هيكون 0 ولو حبيت تكتب مثلا فى الازرق 2 هتلاقى اتكتب واحد فى الاحمر الخلاصة انه بيوزعلك 3 نقاط بس هتقولى لو انا معايا اكتر من 3 هقولك جرب واكيد هيحط حسب منتا عامل ان شاء الله

كده الدرسين انتهم الحمد لله لو فى مشاكل او فى حاجة غلط قولوا عشان اعدلها




اسـتنونى بكره فى درس جديد كان معاكم Abdopasha2011
رمضان كريم عليكم ان شاء الله

غير مسموح بالنقل للمنتديات الاخرى شكرا

Eng-AbdoPasha

[™Mahmoud Gamal™]

تمام يا عبدو مجهود حلو ولله وكويس انك فيك دماغ تعمل موضوع كبير كده بالتفصيل ده

[Detective Kaito]

بجد بجد انت اسطورة,,,لا اقدر ان اصف هذا