مذكرات سيلك رود

[The.Surviver]

معاناة يومية عشت فيها و مازلت .. منذ أن دخلت سيلك رود .
لذالك قررت أن أسردها لكم بعض منها
من مذكرات أصحابها بلسانهم ليس من باب أنكم لا تعانون اعرف أن الكثير يعاني و لكن
من منطلق أتاحة حرية التعبير قبل أن تتعرض للجنون و من ثم الأنتحار لذا تقبلوا كلماتي بصدر
رحب و أبتسامة من القلب ..
لن يرصدها أحد علي شفاهكم ...
و لكم مني كل الود و التقدير .
" Air force "
------------------------------------------------
الضحية الأولي
تيفا البرنس
تستغرب ليه لما الوحش بيضرب الشخصية بتاعتك مبتجيش أربع حتت علي الأرض أو حتي بتتفرتك زي الكوفته أو بتتطبق زي الكرتونه الفاضية ده طبعا لأن دي مشاهد عنيفة لا يجب أنهم يرعبونا بيها
في لعبة عالمية زي سيلك رود و لكن تيفا تعرض للرعب فيها و الحكاية دي تبعه من مذكراته الشخصية اللي بيكتبها في دفتر تحضير الدروس أصله عقبال عندكم بقي مدرس بالحصة في أعالي الجبال دلوقتي .
تيفا صديقي أخذ يقسم بالله انه لما راح يضرب الوحش المدعو ديفيل ييتي devil yeti وهو ليفل 59 الوحش بص له بصة وحشة زي بتاعة ال باتشينو في فيلم جود فازر علي حد قوله يقصد Godfather و رفع هراوته و ضربه ضربه واحدة كريتكال بــ 5300 ههههه و هو ياعيني نيوكر كل دمه 4200 المصيبة اني حاولت أقنعه أنه أكيد كان ماشي في الخريطة عريان من غير لبس ولا حاجه او ان دمه كان فاضي و مفيش زجاجات دم معاه و هو يحلف بالله العظيم أبدا كان لابس لبسه كله و كان الدم بتاعه ع الأخر , طبعا كواجب صداقة أتهمنا تيفا بالجنون و أن شكله مش بيتغطي كويس و هو نايم و نصحناه يريح أعصابه شوية في أي نادي ديسكو في المنطقة !!!!!!!!!!!! او في أي حضانة أطفال !!!!!!!!!!!!
علشان يشعر بالهدوء و السكينة من تاني ؟؟؟؟ لكنه أصر أنه خلاص هيسيب اللعبة !!
سألناه ليه قال : هم كده !!!!
" زي الأطفال يعني هم أنا مخاصمك " .
رحل تيفا عن عالم سيلك تاركا لنا devil yeti المرعب و الغريبة اني كنت مشتاق لمقابلته
جيت في مرة أول لما طلعت ليفل 59 عديت بوابة الـ penon الخلفية و أنطلقت بحثا عنه
عن devil yeti و ليس ال باتشينو طبعا ولما وجدته أمامي أخذت أحضر البفات و لكنه كان أسرع مني ضربة واحدة بــ 5830 كريتكال صعقت تماما و تذكرت المرحوم تيفا !! يا عيني الواد كان بيتكلم بجد مسكين تيفا اما بالنسبة لي عادي جدا قررت أني أرجع المدينة و أعرف السبب ليه الوحش ال باتشينو ... قصدي devil yeti عنيف كده معانا بس للأسف عرفت بعدين و ده مش موضوعنا حاليا هم .. سلام .
أنتهـــــــــــــــــــــي

-----------------------------------------------------------------
الضحية رقم 2
دسوقي كازانوفا
صاحب الكتاب الذي لم يصدر ...
" أزالة التنحيس في فن التبليص "

- طبعا كان زمان قبل ما أتجوز و أتهد قصدي و أستقر كنت بروح أقعد في السايبر اللي بجوارنا مع الشباب و نلعب سيلك رود و ندخل نت بــ " حرية و سرعة " ايوه ايوه أيامها كان في في النت الكلمتين دول ده قبل عصركم المهبب اللي لما تيجي تدخل السايبر يطلب رقم بطاقتك و أسم و عنوانك و تليفونك و فصيلة الدم و يعملك ريش و تشويش و في الأخر يحلل لك بول و يعلق لك الجلكوز و يقعدك ع الجهاز و لو فتحت فمك معترضا تجده يبرق لك و يقول دي دواااعي أمنية أيييييييييه عندك مانع .!! و بعدها كله قلب جيمز أون لاين المهم و كنا نلعب سيلك رود بالساعات و دايما كان فيه صاحبنا دسوقي كازانوفا الملقب بهذا الأسم لانه كان علي حد قوله مش بيفوت " حته طرية " تعدي من قدامه من غير ما يدوب في غرام اللي جاب أهلها مع انه ممكن يكون مش عارف أسمها حتي ؟؟؟؟؟ لذا لقب بهذا اللقب . كان دسوقي بيعدي علينا
و دايما يجدنا بنلعب سيلك رود و دايما يقول كلمته المشهورة أنتوا خلاص أتهبلتوا من اللعبة دي
لحست دماغكوا أيه يا عم بصوا حوليكم طيرات و مدافع و قنابل ذرية و أنتوا لسه بتضربوا بالسيف و الحصان دا ايه ده !! و لكن الوضع تغيير في يوم من الأيام وجدت دسوقي يقف ورائي أثناء قيامي بعمل plus لأحد الأسلحة في سيلك رود و كان مهتما علي غير العادة و أخذ يسألني هو الأزايز الصفراء دي بتاعة أيه يا فورس و يعني أيه بلس و اجيب منين حجارة زي الخضراء دي و قعدنا نشرح له كل حاجه و الواد بعدها قعد و عمل له أكاونت في اللعبة و كلنا ساعدناه من باب زبون جديد لسيلك و بنجر رجله معانا " واجب الصداقة الأبدي " هو مش كان مش عجباه اللعبة أهو رشق معانا هو كمان اهو .
دسوقي دخل و لعب و طلع ليفيلات و في يوم و هو ليفل حاجه و خمسين سألني بخبث ليه يا فورس البلس بيفشل بعد خمسة ؟؟ ضحكت طبعا و قلت له كده ..علشان تدفع دم قلبك و تجيب لك حجرين سيلك يزودوا نسبة النجاح أمال يستنفعوا منك أزاي أما كنتش هتجيب جولد ولا سيلك . قام قال لي : طيب و اللي يطلع الحاجه لـ + 7 من غير ميشتري حجر سيلك واحد طبعا حاولت أفهمه أنها مسألة حظ يعني باي لك و لكل دسوقي كان لديه ميزة رهيبة و هي قوة الملاحظة ليس فقط في ما يتعلق بالـ البنات او الـ" الحتت الطرية " زي ما بيقول و لكن في كل شيء بيكون بيعمله بتحدي و بعدها بيوم جالي و طلب مني 10 مليون جولد ثم أختفي لمدة أسبوع و لما رجع كان متلهف لفتح الاكاونت و جمعنا كلنا نتفرج علي أغرب شيء يمكن ان تراه كان دسوقي وصل الي ليفل 64 و مسك أسلحة D8 بس الغريبة و العجيبة أنه كل حاجه كان لابسها كانت +7 السلاح و اللبس و الخواتم صحيح مش full blue لكن كانت بلا أستثناء + 7 و طبعا أبدينا أعجابنا و أندهاشنا في نفس الوقت و سألنا علي الطريقة فحاول ان يتصنع المكر و الدهاء و قال دي طريقة سرية عرفتها لوحدي و أنها طريقة طويلة لذا لن يشرحها لنا بل و انها جديرة بأن يضعها في كتاب بعنوان " أزالة التنحيس في فن التبليص " و في مقابل هذا عرض علينا أنه يبلص لنا حاجاتنا و يورينا أزاي كانت طريقته مبتكرة تعتمد علي أستغلال النجاح و الفشل بتاع عملية البلس في نفس الوقت يعني كان الواد فنان لكن جيمي كان رأيه مختلف قال له علي فكرة يا كازنوفا ده كان حظ و انت زي ما أنا شايف وصلت الحاجات بتاعتنا الي + 4 و بس طيب لو انت مش خايف تعرف توصل حاجه لي بلس + 9 ؟؟ نقطة ضعف كازنوفا التحدي و جيمي لعب عليها لذا قرر أن يراهنه أنه بعد يومين هيخلي كل حاجه عنده بلس +9 بس في أيميله هو و بس و ملوش دعوة بينا طبعا
و كواجب صداقة أبدي تجاهه خبينا عليه حكاية أننا مشفناش +9 في السيرفر من أصله و هو لم يسأل و بعد كام يوم عاد الينا و نحن متلهفين لنعرف هو عمل أيه كان شكله قرفان من الدنيا و اللي فيها لما سألناه عرفنا أنه فشل و لكن فشل ذرييييع كل حاجه معاه فشلت من +8 و في حاجات أختفت تماما ضربت يعني و قال أنا عندي مشكلة تخيل أنا الأكاونت بتاعي مبقاش يجيب +1 حتي ّ !! مش عارف النحس دخله ولا أيه مش مصدقين تعالوا اوريكم حاولنا أننا نهديه شوية و نخليه يفك و لكن و ياللعجب كان أي بلس بيفشل عنده من أول تبليص تخيل أنه أستخدم 35 زجاجة أكسير بدون ما واحدة تنجح دسوقي بعدها بطل يفتح سيلك رود و أنضم لحلف الأغاني و بعدها أنضم لطاقم لعبة كونكر أنا سمعت أنه قفل اللعبة 3 مرات ريبورنات و سكند و أنه تروجان جامد فيها و كده و لما سألته ليه يا بوب سيبت سيلك قالي كلمتين مفهمتش منهم حاجه " قالي يا بوب اللعبة بتاعتكم ظالمة و مفيش عدل فيها حاجات بملايين تختفي في لمح البصر أنا يا مان عايز أحافظ علي الأتنين اللي عندي علشان مستقبل الأسرة اللي جايه أن شاء الله و معنديش أستعداد أضحي بيهم علشان سيلك بيــ.. سيلك رود . و أنا مبسوط جدا في كونكر "
طبعا مسألتهوش هما ايه الأتنين اللي عنده و أيه علاقة ده بمستقبل الأسرة
بس للأسف عرفت بعدين و لكن ده مش موضوعنا حاليا .
أنتهـــــــــــي