عم درويش.. وبياع الحشيش !!

[وائل شكرى]

.


صباحك فل وياسمين يا عم درويش

سيبني في حالي أنشاله تعيش

مالك بس ؟ فضفضلي ومتخبيش

أصل العيشه غلا ويوميتي ما بتكفيش

ياعم معلش استحمل واصبر وعيش

ما كنت صابر وعايش بس في حالي مسبونيش

هما مين؟وعملوا أيه؟وأزاي ماتقوليش؟

هما ألي في الأسعار بيغلوا وفي الخلق نازلين تفتيش

اه قصدك الحيتان.ياراجل روق وأنسي وكل عيش

عيش بتراب ولحمه سراب وكمان حشيش مفيش

أيه ده؟ هوأنت يادرويش بتشرب حشيش؟

ومين هنا ومننا من غير حشيش يقدر ينسي ويعيش

أنا أهو قدامك بعيش ومش بشرب حشيش

معقول الكلام ده؟ وأزاي قادر تعيش؟

تحب أقولك علي سري ومتفضحنيش؟

أبوس رجلك علي راسك قولي وعلي اخوك متخبيش

حقك بدراعك تخدوا ولسانك عن الحق ساكت وأخطف ومتورنيش

يا سلام ع الحكم والمواعظ قول وزيد وعليا متدريش

ضميرك تقتله وقلبك تدفنه وعقلك في الأذي تشغله وبعدها من الغلب متشتكيش

ياه ده أنا غلبان قوي وفي الدنيا ديه طلعلت ماليش

هاهاهاهاهاهاهاي ومش حتصدق دي.. أنا ألي ببعلك حشيش

هاهاهاهاء الغلط عندي مش عندك عشان بأيدي بديك سكينه وبقولك متئتلنيش

ياخبر الراجل شكله فاء.... عايز مني حاجه يا درويش؟

غووووووور ووشك متورنيش داهيه فيك وفي الحشيش.


.