رساله للهمج

[Just_Warrior]

بسم الله الرحمن الرحيم
{وَإِنْ طَائِفَتَانِ مِنْ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِنْ بَغَتْ إِحْدَاهُمَا عَلَى الأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ } [سورة الحجرات: 9]

وعلى ما اتذكر ان فى كثير من الزعماء حاولو حل المشكلة بدون قتال ولكن القذافى طغى على شعبة واستبد فيهم بالقتل على يد المرتزقة

وقال الله فى كتابة الكريم فى سورة النساء
بسم الله الرحمن الرحيم
{ وما كان لمؤمن أن يقتل مؤمنا إلا خطأ ومن قتل مؤمنا خطأ فتحرير رقبة مؤمنة ودية مسلمة إلى أهله إلا أن يصدقوا فإن كان من قوم عدو لكم وهو مؤمن فتحرير رقبة مؤمنة وإن كان من قوم بينكم وبينهم ميثاق فدية مسلمة إلى أهله وتحرير رقبة مؤمنة فمن لم يجد فصيام شهرين متتابعين توبة من الله وكان الله عليما حكيما ومن يقتل مؤمنا متعمدا فجزاؤه جهنم خالدا فيها وغضب الله عليه ولعنه وأعد له عذابا عظيما }

يعنى القذافى مسلم يقتل مسلمين منهم من كان يقاتل القذافى ومنهم من كان اعزل فى دارة وقد قتلتة قوات القذافى

ولكن الحرام هنا هو االتمثيل بجثتة فقد حرم الله عزً وجل التمثيل بأجساد الموتى

[Sky_AnGel]

كان المفروض يتاخد ويتحكم علية محاكمة عادلة ولكل ظالم نهاية

[total20102010]

القذافي مكانش اعزل كان معاه مسدس مصنوع من الذهب !!!!!! بس مضربش منه

[Metro]

حرام اية بس يا كبير انت عارف هو قتل كام واحد؟
بالألف
وكمان الثوار مقتلهوش دة هو كان مصاب بطلقة في دماغة وطلقة في جسمة وبعديها بنص ساعة مات

وحتي لو مكانش مات كان هيتحكم علية بالأعدام

صلي علي النبي يا كبير وراجع حساباتك واعرف هو عمل اية ^^

[moha1a]

من قتل يقتل و لو بعد حين
انت لو كان القذافى قتل عيلتك و شردك مكنتش قلت كدا
و هما ممثلوش بجثته هوا كان بيقاوم وهما كانو ماسكينو
و هما لو مكنوش موتوه و حاكمو
كان ولادو هيحرروه و هيكملو دمار فى ليبيا
......
و عقبال بشار و عبدالله صالح
كل السفحين الى بيموتو فى شعبهم
محلل دمائهم
ودى مش فتوى منى دى من الشيخ القرضاوى
النصر للشعوب العربيه

[Loleta]

هو طبعا راجل زى الزفت وعمل مدابح وحرق سجون بلى فيها

بس لو كان اتحاكم كان هيبق احسن كتير من القتل بلطريقة دى

[! FiRe !]

احساسك كمراقب غير احساس الشاب اللى اتقتل ابوه او اخوه او امه او اخته
فيه غضب كبير بعد ما كانت اغنى دول العالم بالثروات بقت اغنى دول العالم بالشهداء !!!!
بأى حال من الاحوال هو كان هيقتل بتهمة الخيانة والقتل العمد فى المحاكم
ومعتقدش انهم غلطو فى شئ
غير انهم مثلوا بجثته وجعلوا موته بطئ
وده حرام
انما الباقى هو يستاهل وربنا هو اللى قدر ده انه يحصل عشان يبقا كما تدين تدان

[_pharaoh_]

ارحموا عزيز قوما ذل

ارحموا من في الارض يرحمكم من في السماء

راجل مسن مهما عمل يعملوا فيه كدة وعلي فكرة القذافي كان مريض و مهووس بالعظمة يعني واحد مش عاقل

[moha1a]

المشاركة الأصلية كتبت بواسطة _pharaoh_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ارحموا عزيز قوما ذل

ارحموا من في الارض يرحمكم من في السماء

راجل مسن مهما عمل يعملوا فيه كدة وعلي فكرة القذافي كان مريض و مهووس بالعظمة يعني واحد مش عاقل

يعنى القاتل الى يقتل نسيبو و نقولو كمل قتل
و الحرامى الى يسرق نسيبو و نقولو كمل سرقه
و الدنيا تولع بقى
مشأالله

[_pharaoh_]

المشاركة الأصلية كتبت بواسطة moha1a عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يعنى القاتل الى يقتل نسيبو و نقولو كمل قتل
و الحرامى الى يسرق نسيبو و نقولو كمل سرقه
و الدنيا تولع بقى
مشأالله

انا مقولتش ان هما يسيبوه لكن ميقتلهوش بالطريقة دي والتمثيل بالجثة هو و ابنه المعتصم كدة هما ميفرقوش عنه حاجة هما قتلوه ذي ما هو كان بيقتل بدم بارد

[moha1a]

المشاركة الأصلية كتبت بواسطة _pharaoh_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا مقولتش ان هما يسيبوه لكن ميقتلهوش بالطريقة دي والتمثيل بالجثة هو و ابنه المعتصم كدة هما ميفرقوش عنه حاجة هما قتلوه ذي ما هو كان بيقتل بدم بارد

امال يقتلوه ازاى
انت لو واحد قتل ابوك وامك
و شردك وشرد اخواتك
ايه الحكم الى هيرضيك غير انو يتقتل
انا شايف ان الثوار حكمو عليه بالأعدام رمى بالرصاص
مثل ما فعل بأهلهم
و ممثلوش بجثتهولا حاجه لازم العالم كلو يشوف نهاية الظالم

[Ğ_Unit0]

المشاركة الأصلية كتبت بواسطة moha1a عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

امال يقتلوه ازاى
انت لو واحد قتل ابوك وامك
و شردك وشرد اخواتك
ايه الحكم الى هيرضيك غير انو يتقتل
انا شايف ان الثوار حكمو عليه بالأعدام رمى بالرصاص
مثل ما فعل بأهلهم
و ممثلوش بجثتهولا حاجه لازم العالم كلو يشوف نهاية الظالم

مين اللى قال انهم اعدموة ؟

قصدك انهم عذبوة لحد ممات

[ღ♥:: Beckham::♥ღ]

ازاى فايدتها ايه الرد على القتل بالقتل...هو مش من قتل يقتل ولو بعد حين ولا غلطان انا؟

[SnipZz]

طيب انا عندي سؤال ليك هو لو كان ابوك .. امك ... حد من اخواتك قتل على يد القذافي كنت هتقول نفس الكلام ؟؟؟ غير كده كمان فيه واحد بيقولك ما هو واحد ضد شعب يعني لا حول له لو لا قوة جميل اوي يعني الناس اللي هو قتلهم كان ليهم حول و لا حتى قوة ؟؟؟؟ و في ناس بتقول ما المفروض مدام اتقبض عليه يتحكم محاكمة عادلة طيب جميل ما هو حسني مبارك مقبوض عليه بقاله كتير و لسه مفيش حكم نزل ضده !!! ف انت متقلش همج و لا بتاع دي ناس بتقتل انتقاما لشعب و في مثل انا بكرهه جدا الا و هو (ارحموا عزيز قوم ذل) طيب هو و لا حسني كنا شايفين منهم اي رحمة ؟؟؟ يا ريت بعد كده لما تكتب عن حاجة يا اما تسرد ادلة مقنعة او متكتبش من اساسوا ....

[moha1a]

فى حكاوى كتييير اتقالت فى تفاصيل قتله
بس اقرب روايه انهم سمعو خبر قدوم ابنه لتحريره
فاقتلوه بالرصاص
هنفترض انهم عذبوه فا هوا ده رد الفعل الطبيعى
واحد قتل ابوك و اغتصب اختك و امك و شردكو
و مش انت بس دا معظم الشعب
!
انا متعجب بصراحه
من الى عايزيين يخلو الثوار الأبطال همج !!!!