اهـم الاحـداث / بـورسـعـيـد

[!! Prince World !!]

و حاجة كمان تأكد كدة حلقة عمرو اديب في القاهرة اليوم بس انا مش عارف اجيب الفيديو

كان مستضيف 6 من الألتراس أهلاوي من الناس اللي هربوا و طبعآ كلهم مدشمليين

و أكدوا ان موضوع اللافتة حصل و قالوا ان الأمن مارضيش يفتح الباب عشان يجروا ولا أتدخل في اي حاجة

و جماهير بورسعيد نزلوا ضرب و طبعآ في منهم ناس مأجورة

[!! Prince World !!]

بص يا بوب اللى بيبقى قاعد على الفيس من ورا الشاشة انت متعرفش دا مين ولا تبع اية اصلا
دا بيبقى مجرد واحد بيرمى كلمتين يشعلل بيهم الدنيا وخلاص
ثانيا موضوع الاغنية بتاعت ابعت لأمك وصية
الاغنية دى بقالها سنتين وكل ماتش بيغنوها يعنى مش حاجة جديدة
و انا مش هطول عليك فى الكلام جرب كدا تنزل بورسعيد او لو ليك قرايب او اصحاب من بورسعيد اسئلة البلد عاملة ازاى من امبارح
اقسم بالله يا جدعان البلد فى ميتم

هو مين قالك ان دة كلام فيس ؟؟

وهو انا بقول بورسعيد كلها ؟؟

وبعدين اما الاغنية قديمة اتمسحت لية من ع اليوتيوب اما هي عادي بقي و بتتغني علطول و كمان انا مش أكتع انا شايف تاريخ الأبلود بتاعها قبل الماتش بفترة قصيرة

و الكلام اللي كتبوا الادمن بتاع البيدج المصري الرسمي دة كمان قديم ؟؟

الأغنية و الكلام بيتقالوا من زمان و التاريخ من زمان كمان

و انت عايز تفهمني انت بتوع ألتراس اهلاوي هيعملوا اليافطة علي كلام قديم و بيتقال للكل ؟

و علي فكرة ألتراس الاهلي كان واخد تعليمات ب ممنوع الشغب و كان واخد كلام من المجلس او من الشرطة الله اعلم علي ما اظن مش فاكر يعني المهم ان كان في حراصة ع الجماهير واللعيبة عشان كدة كان راحيين عدد قليل علي ما اعتقد

بس الحراصة راحت فين ..

واحد من اللي طلعوا مع عمرو اديب بيقولك انهم بيتضربوا و الآمن كان بيأكل

انا كل اللي قلتوا ماتحولش تفهمني انهم مالهمش دخل علي ألأقل ... قلة من بورسعيد من بتوع الألتراس و مهما كان انا اخوك و اخو الراجل اللي عامل الموضوع سواء مسلم او مسيحيي كلنا تحت سقف واحد مصر

[M07aRB]

ان لله وان اليه راجعون

[™_BlackEagle_™]

يا جماعة انا من القاهرة بس ركزو شوية في الي بيحصل وياريت الناس تاخد بالها


شهادة احد جماهير المصري ببورسعيد لما حدث .. على فكره كلامة معقول جداً .. انشرو يا جماعة لو سمحتم

والله اللى حصل ده مؤامره رخيصه مدبره بشكل يفوق الوصف
انا هقول اللى شفته واللى اعرفه واللى متأكد منه
متصدقوش اى حد يقولك اللى حصل بسبب يافطه اترفعت ولا شتيمه
... فى بلطجيه معروفين كانوا ف الاستاد ومعاهم سلاح ابيض ف الماتش وطول الشوط التانى كانوا موجودين جوا الملعب
الظباط شايفين معاهم السلاح ومش بيمسكوا حد .. سايبينهم ليه؟؟
اول م الحكم صفر بوابات الاستاد اللى بتودى على الملعب كلها اتفتحت
هنقول مثلا مثلا ان جمهور بورسعيد كان متعصب وكسر البوابات اووووكى انا معاكوا وهنمشيها كدا
طيب مين بقى اللى فتحت بوابات مدرجات الاهلى؟؟؟
جمهور الاهلى هو اللى فتحها عشان يموت يعنى؟؟؟
هنقول جمهور الاهلى كان ليه مزاج يموت امبارح ف فتحها اوووووكى
مين بقى اللى حط سلالم عشان الناس تطلع لمدرج جمهور الاهلى ؟؟؟؟؟؟؟؟؟؟؟؟؟؟
جمهور بورسعيد داخل بسلم الاستاد كمان ولا ايه !!!!!!!!!
ومين قفل باب الخروج الخاص بجمهور الاهلى ومنعهم من الخروج واتسبب ف اختناق ناس كتير ولم حاولوا يكسروا الباب وقع عليهم ومات بسببه ناس كتيييييير
اول م ده حصل النور طفا ف الاستاد وسمعنا ضرب النار وده اللى اكدته النيابه النهارده الصبح بوجود طلقات ناريه وخرطوش
جمهور بورسعيد هو اللى كان بيودى جمهور الاهلى المستشفيات عشان الجيش كان قافل الشوارع والاسعاف معرفش يوصل
جمهور بورسعيد هو اللى كان بالاااااف عند بنك الدم بيتبرع بدمه عشان نقدر ننقذ اى مصرى مصاب
لو فى نيه مبيته من جمهور بورسعيد لعمل شغب كان الناس كسرت اتوبيس الاعيبه قبلها بيوم وهو داخل بورسعيد
او كانوا استنوا جمهور الاهلى اول م يدخل بورسعيد
ايــــــــــه السبب انه البورسعيديه يعملوا كدا وهما كاسبنييييييين
لو البورسعيديه عايزين يعملوا كدا مين قال للناس تقفل محلاتها والبلد كلها طافيه النور والقرآن ف كل مكان
لسه مش متأكد ان كلامى بيأكد المؤامره اللى حصلت
طب قولى ليه ف نفس الوقت فض اعتصام ماسبيرو وحرق الخيام وسحل المتظاهرين؟؟؟؟
نفس طريقه حرق المجمع العلمى اللى عمرنا م كنا نعرفه وشغلوا الرأى العام بيه وسابوا البنت اللى اتعرت وكانت لابسه ايه ومش لابسه ايه !!!!!
برده مش مصدق كلامى اسمع شهادة شباب الالتراس العائد اليوم .من بورسعيد بيقول
الهجوم اللى حصل علينا مش من ناس بتتخانق ..احنا متعودين على الاشتباك والخناقات.
دول كانوا ناس كل ماتوصل لواحد فينا تقتله مباشرة بضربة واحدة وكانوا بيستخدموا حركة كسر الرقبة اللى بتقتل فورا علشان كده معرفناش نتعامل معاهم

لسه برده مش مصدق كلامى ؟؟؟؟
ممكن تقولى طيب ازاى بعد م البورسعيديه جامدين اوى كدا وبيقتلوا مصريين بسهوله ودم بارد عشان ماتش كوره ف الوقت اللى بكتب فيه الكلام ده وقت اذان الضهر صلاه الجنازه على 27 واحد بورسعيدى ماتوا امبارح؟؟؟؟؟؟؟؟؟؟؟؟؟؟؟
طب ماتوا ازاى ومين اللى موتهم؟؟؟؟
من الاخر اللى فتح البوابات للجماهير هو اللى سمح للجمال تعدى وتوصل للميدان يوم موقعه الجمل اللى بتشبه احداث بورسعيد جداااا ف كل حاجه حتى ف التاريخ موقعه الجمل 2/2/2011 واحداث بورسعيد 1/2/2012
لو تشويه بورسعيد والبورسعيديه هيكون اخر مسمار ف نعش طنطاوى ومجلسه فأهلا وسهلا بالتشويه والشتيمه
دى شهادتى قدامك وقدام ربنا على اللى انا شوفته واللى متأكد منه
تحيا مصر والمجد للشداء
الثوره مستمره ... يسقط يسقط حكم العسكر

[!! Prince World !!]

ما انا اتأكدت من كدة لما المشيير قالك شعب في شعب احنا نعمل اية

بس السؤال هنا انا مش عارف جماهير المصري كام بس نقول 10 الأف

هل ال10k مفهموش ولا من المصري


ع العموم حصل خير و بأذن الله بكرة أحسن

[moha1a]

وصلت المسيرة التى انطلقت من ميدان مصطفى محمود، إلى بنك فيصل الإسلامى بالدقى، فى طريقها لميدان التحرير، فيما هتف المتظاهرون بسقوط حكم العسكر مرددين: "الرئيس قبل الدستور مش هستنى 6شهور"، "يسقط يسقط حكم العسكر"، "الشعب يريد إعدام المشير".

وحملت المسيرة الكابتن نادر السيد حارس مرمى منتخب مصر سابقاً فوق الأعناق، ممسكاً بيديه مكبرا للصوت، فى الصفوف الأولى من المسيرة، بينما رفع المشاركون فى المسيرة علمى مصر والنادى الأهلى، كما رفعوا لافتات مكتوبا عليها "اقتل فينا أكتر وأكتر.. يا طنطاوى مش هتقدر".


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

راجل يا نادر ربنا يقويكو

[elhaidi]

قال الاتحاد التونسي لكرة القدم اليوم، الجمعة، إن لاعبي الفريق الوطني سيضعون شارات سوداء على الأذرع، في مباراة الفريق ضد غانا، في دور الثمانية لكأس الأمم الأفريقية لكرة القدم، المقررة الأحد، حدادًا على ضحايا كارثة استاد «بورسعيد».

وأضاف الاتحاد، في موقعه على الإنترنت: «أمام حجم الكارثة الحقيقية، بادرت الجامعة التونسية لكرة القدم بالطلب من الاتحاد الأفريقي للعبة السماح للاعبي منتخب تونس - بالإضافة للوقوف دقيقة صمت على أرواح الضحايا - بحمل شارات سوداء في مباراته أمام غانا».

وفي بيان منفصل، قدم الاتحاد التونسي التعازي لضحايا العنف، وقال: «باسم الاتحاد التونسي لكرة القدم والهياكل التابعة والأندية المنتسبة، نتقدم للاتحاد المصري الشقيق بتعازينا الخالصة، بعد النهاية المأساوية لمباراة المصري البورسعيدي».

المصدر : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[SmartMad]

يُدمج مع الموضوع المثبت

[moha1a]

أعلن شباب الجمعية الوطنية للتغيير، الحداد على أرواح شهداء مذبحة بورسعيد الأبرار، والدخول فى اعتصام مفتوح بميدان التحرير وجميع ميادين مصر، لحين تسليم السلطة ومحاكمة كل رموز النظام السابق وقيادات المجلس العسكرى على ما اقترفوه من جرائم فى الفترة الانتقالية.

وأكد شباب الوطنية للتغيير، فى بيان أصدرته، أنهم لن يتركوا حق شهداء الثورة دون القصاص العادل فى أسرع وقت، مخاطبين أمهات وآباء الشهداء، قائلين: يا كل أم وكل أب فقد ابنه أو ابنته من أجل حرية هذا الوطن اعلموا أن دماء أبنائكم غالية وأبدا لن تذهب هدراً، ولقد عاهدنا أنفسنا أمامكم وأمام الله والوطن ألا نترك حق شهدائنا دون القصاص العادل فى أسرع وقت ودون تحقيق ما بذلوا من دمائهم الذكية من أجله.

وطالب بيان الوطنية للتغيير، مجلس الشعب الذى يمثل السلطة الشرعية الوحيدة فى البلاد التى اختارها الشعب، بسحب الثقة من المجلس الأعلى للقوات المسلحة وحكومته ودراسة كل السيناريوهات التى طرحتها القوى السياسية لنقل السلطة والتوافق حول الطريق الأمثل لنقلها إلى سلطة مدنية تراعى أمن ومصلحة البلاد وتقدس أرواح أبنائها وتضعها فوق كل اعتبار، كما طالبوا بسرعة تشكيل لجنة تقصى الحقائق البرلمانية لتقوم بدورها فى معرفة محركى الفتنة وأسباب تقاعس الأمن عن حماية أبناء الوطن لتتم محاسبتهم جميعا على تلك الجرائم.

كما طالب البيان، النائب العام بالتحقيق الفورى مع وزير الداخلية ومدير أمن بورسعيد، وتقديمهم للمحاكمة كأطراف مسئولة أمام القانون عن أفعال مرءوسيهم من تقاعس أمنى وفعلهم السلبى، بعدم إصدار أوامر فورية مناسبة لوقف ما شهدوه من عنف، ما أسفر عن هذه الكارثة.

وحمل شباب الوطنية للتغيير المجلس الأعلى للقوات المسلحة وحكومته المسئولية الكاملة عن كل أحداث العنف والفوضى والتقاعس والانفلات الأمنى التى شهدتها البلاد فى ظل إدارته، واللذين أثبتا فيها فشلهما الكامل وعملهما ضد الثورة ومحاولاتهما الدءوبة لتعطيل ومنع الثورة من تحقيق أهدافها طوال الفترة الماضية، والمحافظة على النظام السابق وأدواته مع اختلاف الأقنعة.

ونعى شباب الجمعية "إخوانهم ممن سقطوا شهداء فى الأحداث الدامية بمدينة بورسعيد، تلك المذبحة التى أدمت قلب الوطن وقلب كل مصرى شريف والتى لم يكن فى الحسبان حدوثها فى مباراة لكرة القدم هى مجال للتنافس الرياضى الشريف ما لم تكن هناك مؤامرة محبوكة لوقوعها".

وقال البيان، لقد انضم إلى قائمة شهدائنا فى الثورة فى هذه المؤامرة عدد جديد من شباب مصر الأبرياء من مجموعة الألتراس، وهم شباب تضامنوا وشاركوا بقوة فى الثورة منذ يومها الأول، وكأن المقصود مما حدث أن يكون مخططا واضحا ودنيئا لمعاقبتهم على دورهم الثورى ووقوفهم فى وجه النظام وإخلاصهم لوطنهم.

وأضاف، وتشاء الأقدار أن تكون هذه الكارثة فى ذكرى مرور عام على موقعة الجمل التى شارك فيها شباب الألتراس بأرواحهم فى حماية ثورتهم، واستشهد منهم فى ذلك اليوم شباب أحرار أبرياء ضحوا بأنفسهم لأجل الوطن، مؤكدين أن الرجولة والشرف وسام على صدر كل ثورى، وأبدا لن نرضخ ولن نتخاذل عن إنجاح الثورة وتحقيق كل أهدافها ولن نرضى عن ذلك بديلا.

http://www.youm7.com/News.asp?NewsID=593450

رجالة البرادعى يعلنون اعتصامهم فى الميادين
يا نجيب حقهم يا نموت زايهم

[™Masry™]

حد اتفرج على قناة النهار حوالى الساعة 8 وشاف الفديو بتاع احداث متش الاهلى

ساعت اما الامن كان بيضرب الالترس بتاع الاهلى وزنقهم عشان بتوع المصرى يضربوهم
حد شافو ؟!

انا هحاول اجيب الفديو وكمان فى فديو البوبات كانت ملحومة !!!!!!!!!!!!!!!

[.a7la-smile.]

اة انا كمان هجيب الفيديو

[™Masry™]

المشاركة الأصلية كتبت بواسطة ™~no_bad~™ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اة انا كمان هجيب الفيديو

دا كمان الحجة الى بيقولو قتلناهم بسببها (بلد البالة مفيهاش رجالة) طلعت من متش قديم
والامن ابن ال........... كان يقدر يعمل كدة فى القاهرة او الاسكندرية انت عارف لو كان الامن مزنقهمش كان ممكن يهربو ومكنش هيموت كل دول كان ممكن بكتيرو 30 واحد بس دم المصرى غالى

[zapoza]

السلام عليكم ..

مش حزخرف الكلام .. مش حعمل مقدمات ... لان الوضع مأساوي الي صار...

مباراة تنتهي بقتل ناس ؟؟ بصراحة الوضع مأساوي جد .. و انا زعلان من كل قلبي على كل مسلم شارك في الهبل ده !

بس عندي استفسار ! دحين الي مات في 25 يناير شهيد لانه بيدافع عن بلده و الاسلام و اخوانه الفقراء !
هل يتساوى مع واحد مات في مباراة ؟؟ هل نقدر نقول على الاثنين شهداء ؟؟ واحد مات مشان وطنه و دينه .. و واحد مات عشان فريق كرة قدم ؟ و الله ما يتساوو ... و الله انا زعلان انو بتقول عليهم شهداء ..


امانة كل واحد هنا يقلي سبب تسمية الناس الي ماتو عشان فريق كورة بشهيد ! بدي سبب مقنع عشان اسميهم شهداء متساويين مع شهداء 25 يناير .. متساويين مع شهداء سوريا


(( انا مش مصري ... بس قلبي على مصر ))

[M07aRB]

يسمئ ضحايا وليسم بشهداء

والله اعلم

ان لله وان اليه راجعون

[zapoza]

المشاركة الأصلية كتبت بواسطة bangr عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يسمئ ضحايا وليسم بشهداء

والله اعلم

ان لله وان اليه راجعون

يب معاك حق .. ضحايا .. مقتولين ... الخ الخ بس ما يسمو شهداء !!

امال ليه الفيس بوك .. المنتدى .. الاخبار بيسموهم شهداء ... و الله هدول الهبل الي ماتو ما يتساوو مع الي ماتو في 25 يناير و لا مع سوريا !