.•°« ◙ نــــقـــــاش لــــمـــــن يــــريــــد : أفــــضــــل تـــجـــاربـــك ◙ »°•.

[! FiRe !]

المشاركة الأصلية كتبت بواسطة firephoenix عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا كنت بلعب ايام ما كان الواحد ينفع يلبس ترايدر وهنتر وثيف في نفس الوقت وفي اي حتة ... تبقي ماشي مع واحد هنتر في امان الله ... هووووب .. تلاقيه قلع الهنتر ولبس الثيف وهو واقف جنبك كدا ويروح سارقك عادي جدااا ... كان الموضوع سلطة خااالص ... كل واحد كان ماشي في جيبه الـ 3 حاجات .. فلاج الترايدر والهنتر وبدلة الثيف ... انا فاكر اول تريد عملته كنت لفل 23 وطالع من جانجان ولسه ماشي لقيت واحد كدا شكله غريب وماسك سيف كبير كدا ومشرشر وشكله يخوف (دا فيلم هندي ولا ايه) وعمال ماشي جنبي ومرة واحدة يامولانا لاقيته نازل ضرب في الحصان لله في لله ولا هو ثيف ولا نيلة .. قولت هروح اضربه طبعا رزعني ضربة محترمة نيمني .. المهم موت الحصان واستريح وبقي مردر بعد كدا لبس ثيف ولم التريد ... ههههههههههه ... شكله كان عايز يسرقها من الاول بس ميعرفش انه لازم يلبس ثيف الاول ... هههههههههههههههههه.. بعد كدا عرفت انه لفل 32 وان السيف الكبير المشرشر دا بليد لفل 32

لا ناصح ههههههههههههههه

[ahmed48]

اول مابدأنا نلعب سيلك رود كانت لسا الشخصيات الصينى هى الى موجوده فاكنا مانعرفش حاجه فى اى حاجه كان اخرنا نضرب وحوش ونلم الجولد الى بينزل من الموبس
المهم كان عندنا اتنين اخوات كاونو بيفضلو يلمو الجولد من على الارض اليوم كله 24 ساعه كل واحد بالاكونت بتاعه وبعدين يحطو الجولد فى اكونت واحد فكانو بينقلوه ازاى كنا لسا مانعرف ال Exchang كانو بيروحو فى مكان مفيهوش حد غيرهم ويرمو الجولد على الارض وياخدوه باكونت تانى ونفس الكلام مع ال item
المهم عرفنا انهم بيعملو كدا روحنا عاملين اكونت جديد ومشينا وراهم واول مارمو الجولد على الارض احنا اخدناه وسكوت بقا ماقلكش على الى حصل بيناتهم دا يقولو مين الى الك ارمى الجولد دلواقتى والتانى يقولو انتا الى قولتلى ونزلو ضرب فى بعض
واحنا الى اخدنا الجولد

[elordkromr55]

انا فاكر لعبه اونلين تانيه كونت بلعبها اسمها vangard ف كان معايا 2sun و 3 nova و كونت عايز انقلهم و قولت ارميهم فى الارض و افتح بسرعه اخدهم فا روحت فى حتا فى كوستنتين ولقيت مكان و قمت رميهم بفتح الاكونت التانى ولقيت الحجات نزلت تحت الارض ومن سعتها و انا قررت اسيب اللعبه دى

[legendd]

موضوع جامد



انا بقى كان
حلم حياتى انى اجمع مليون و اجيب ولف ^_^
وى بعد ما جبتة كنت فرحان اوى انه اتك معايا وى مكونتش اعرف يعنى ايه تاكسى :flowers:
كونت انا وى صحابى مقضينها اتك فى Tigers xD
بس و الله كانت ايام حلوه

[hbk2080]

المشاركة الأصلية كتبت بواسطة ahmed48 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اول مابدأنا نلعب سيلك رود كانت لسا الشخصيات الصينى هى الى موجوده فاكنا مانعرفش حاجه فى اى حاجه كان اخرنا نضرب وحوش ونلم الجولد الى بينزل من الموبس
المهم كان عندنا اتنين اخوات كاونو بيفضلو يلمو الجولد من على الارض اليوم كله 24 ساعه كل واحد بالاكونت بتاعه وبعدين يحطو الجولد فى اكونت واحد فكانو بينقلوه ازاى كنا لسا مانعرف ال Exchang كانو بيروحو فى مكان مفيهوش حد غيرهم ويرمو الجولد على الارض وياخدوه باكونت تانى ونفس الكلام مع ال item
المهم عرفنا انهم بيعملو كدا روحنا عاملين اكونت جديد ومشينا وراهم واول مارمو الجولد على الارض احنا اخدناه وسكوت بقا ماقلكش على الى حصل بيناتهم دا يقولو مين الى الك ارمى الجولد دلواقتى والتانى يقولو انتا الى قولتلى ونزلو ضرب فى بعض
واحنا الى اخدنا الجولد

هههههههههههههههههههههههههههههههههههههههههههههههههه ه

[Destiny_Man]

فعلا كانت ايام حلوة اوى كان الواحد بيبقا فرحان وهو بيكتشف الحاجة فى اللعبة لأول مرة كات احساس جميل
انا فاكر كنت بفرم اول اكونت ليا كان اسمة Casilasوكنت اسمع ان الافترات دى حاجة جامدة جدى بتظبط الشخصية فجبت افاتر الخوزة بتاعت الEarth Ghostطبعا الناس الى بتفهم هاتقول انة افاتر كتيان بس كانت فرحتى كبيرة بعد كدا بقا عرفت انة مش حلو فبيعتة بعد الفارم

[! FiRe !]

NIce
يا شباب
KeeP It Up
^_~

[yahia masrawy]

انا بردو يا جماعه بصراحه اتصدمت اول مدخلت الجيم بعد مسبتها اكتر من سنتين و عليت بس خدت بالى ان ولا فى هنتر ولا فى ثيف ولا فى تريد حتى واحد سئلت يحد معرفت انها اتلغت او ملهاش لازمه بصراحه الجيم ملهوش لازمه فعلا من غيرها و دى اللى كانت بتغير سرو عن بقيت الالعاب كده بقت زها زى اى لعبه ملهاش هدف فى النهايه لكن فى سؤال ينفع اننا كلنا مرة وحدة نراسل جوى مكس تحاول انها تبص فى الموضوع تانى و تعيد لينا التريدر ولا هندن فى ملطه

[Dare]

انا بقى فاكر اول شخصية عملتها طلعت بيها تريد و انا لفل 26 و اخدت الجمل و عملت دكر و جرى من جنجان لى دونهانج اول ما رحت عند الايرث جوست لبدت على الجمل و ربعت عليه لحسن اموت و قعدت اتنطط لما الجمل مات ..... ال 150 الف الى حيلتى ضاعو ههههههههههه.

و فاكر كمان اكبر تريد عملتها فى حياتى من جانجان لى كنوستبل ... كنت انا و 6 تريدر تانيين على البهيموث و معانا 33 او 36 هنتر و كانت ليله .... عملنا التريد فى اربع سعات و نص

["ReD-HaireD SHaaNKs"]

زمان اول مالعبت كان معايا اميل Xbow لفل 39 كنت طالع بيه السما و كنت عامل فيها أميتبتشان و فى يوم طلعت تراد كع اتنين إصحابى الأول لفل 49 wizz و التانى كان مظهر ضربات فى كل حاجه :D المهم فضلنا نعمل تراده 1 ستار من الصبح لحد الظهر و فى مره جالنا واحد هانتر لفل 105 قولنا يااااه دا أكيد هيظبطتنا روحت انا جايب 5 ستار و ساعت ما لسه بنقول بسم الله و هنخرج من المدينه عينك ماتشوف النور نور ايه دا ماكنش فيه نور أصلاا
الثيفات كانت واقفه كتير
و أحنا واقفين يعينى بنضرب بس مش بنعمل اى حاجه غير ان احنا نضرب
وخسرت كل مليم احمر فى الطلعه دى :)):)):evil(1)::evil(1)::evil(1)::evil(1)::evil(1) ::evil(1):

[MeCHoo]

ههههههههههههههههههههههههه انا اعد بضحك على الردود والله موضوع جامد

انا بقا حكايتى حكاية اول ماتعلمت العبة دى كنت بلعب فى سيبر عندنا اسو سايبر عم خالد كان سيبر مشهور اوى والعيال بيجو من الصبح ابل مايفتح اصلا يستنو على الباب عشان يلحقو الاجهزة واول مايفتح يرقولو المحل وينضفو هما وهو اعد يتفرج برنس والله ياعم خالد :goatee: وبعد كدة نتسابق على مين الى يعد الاول والى يلحق يعد خلاص الجهاز بتاعو حتى لو لسة واصل هى كدة وانا كنت من الناس الجامدة والله هناك كنت لفل 52 ويزارد ودة كان بنسبة للعيال اسطورة وكان اعل واحد فينا لفل 60 ودة بئا التوب بتاع السيبر وكان المليون بيتباع بجنية ونص عندنا ويوم ماتجبلك 3 ولا 4 مليون يبئا انت كدة عم الناس الى اعدة وتمشى زى الباشا كنا نوبات بس كان ايام حلوة والله نفسى ترجع تانى دلوقتى الواحد معاة 110 واعد فى بيتو زهقان انا عارف انى طولت عليكو معلش هههههههههه

[! FiRe !]

ههههههههههههههههههه
والله جامدين يا شباب
استمروا ^^

[maher_ema]

طبعا و بما ان اللي علمني الجيم كان نوب اصلا فانا بقيت نوب المهم اخينا دا قالي ان كل ما تعلي في السكلز بيبقى الاكونت جامد جدا و محدش بيقدر يموتو فرحت انا يا معلم معلي فكل الاسكلز و فكل الميستري من غير ما اعرف فايدة ولا حاجة فيهم و كان الاكونت دا جليفير وصلت لفل 30 و نزلت النيوكز و انا فرحان طبعا سكلات جديدة و ضربتها حلوة (دا يعني على ما شفت ان صاحبي عامل واحد int و الهيت بتاعتو اعلى من الجليفر) دا انا كنت نووووووووب يا جدع و الكركتر دا لسة موجود لغاية دلوقتي مرضيتش اعملو ديليت بيفكرني بايام الشقاوة على فكرة الكلام دا من 6 سنين و الحمد لله لسة بنتعلم

[zizo100]

السلام عليكم
انا احسن موقف ليا كان ايام التريدا كنت نيوكر 82 لما السرفر كان اخرو 90 و طلعنا تريدا علي الديناصور بتاع الفرتس و كنا 20 تريدا 5 ستار و حوالي 200 هنتر بيحمونا و كانت التريد من جنجان لحد كونستنتبل حوالي 3 سعات او اكتر و كانت مطحنه ملهاش حل و علي باب كونستنبل خدت احلي دي سي و طبعن كنت لازم تعد 5 سعات عشان تدخول تاني من الترفك و لما دخلت ملاتش حد خالص من الهناتر و بعت التريده لوحدي و كانت اكتر مره كسبت فيها في الجيم
مش الجوب الفاشل بتاع دلوقتي

[HANYALEX23]

انا مش عارف لازم الموضوع يكون على التريد بس ولا لا بس انا عندى موضوع اجمد عن اكونت كان بتاعى ايام ما كان معيش اكونتات كنت مطلع اكونت لحد 74 وده بجد الاكونت الوحيد الى شقيت فيه كنت مدى الباسوورد لواحد وبعد كده الاكونت اتسرق وكنت شاكك فى الى انا كنت مديلو الباسورد المهم بعد كام شهر لقيت واحد جى يقولى انت فلان صاحب الاكونت (1_sky_1)بعد ما فقدة الامل انه يرجع قولتلو ايوهانا قالى انا واحد صاحبى كان معاه الاكونت ده وانا عرفت انو بتاعك وكان مسروق منك فانا جى اجبهولك وهات يعم 50 جنيه بس قولتلوا طب ادينى الباسورد لقيته بيقولى رقم تلفون قلتله انا اعرف الرقم ده خد اتصل بيه كيب الرقم واتسجل على التلفون الى هوا باسورد الاكونت قالى هات بقى الخمسين جنيه قولتلوا هاتى الاول الميل بتاعوا وخلى الاكونت معاك لحد ما تجيب الاميل قالى ماشى بعد ما مشى بجرب الباسورد على الميل الضامن الى كان فى الاكونت لقيته نفس الباسورد انتوا عارفين بقى الباقى طبعا الاكونت غيرة ملامحه وملامح الميل ومشفتوش تانى من ساعتها لغاية ما مره جالى وقالى الاكونت اتسرق منى اعمل ايه قولتلوا الله يعوض عليك الحلال مبيروحش