الحقيقة حول معبر رفح وتصرفات الرئيس مبارك

[eng matrix]

اولا الموضوع منقول وهو مجرد وجهه نظر ربما تكون صواب وربما تكون خطا علشان محدش يعضنى




بداية لازم نعترف بحقائق

اولهم ان موقف جميع العرب من غزة عار عار عار وفضيحة

عيب على جيوشنا وعيب على اسلحتنا وفلوسنا وشعوبنا

هنتكلم بالدين

واجب على كل دولة مسلمة انها تقف جنب غزة بل تحارب معاها

هنتكلم بمفهوم القومية عيب اوى اوى اوى يحصل كدة فى شعب بيجمعنا بية كل التاريخ دة

هيطلع ناس يقولو الفلسطينيين كذا وكذا وكذا

هقولهم الكبير يقف جنب الصغير فى ازمتة وبعدين وقت الفرج يعاتب

ثم حضرتك بتدافع عن الفلسطينيين بحكم انهم مسلمين ولان مسرى الرسول عندهم

ولو قلت وانا مالى تبقى راجل ولا مؤاخذة مهزء



ندخل فى الكلام الكبير ركزو معايا بقى

حسنى مبارك خاين يا ليلة طين

قالوا ان العمولات داخلة جيبة وكان الى بيتكلم قاعد فى مدخل الجيب بتاع الريس

وان تصدير الغاز المصرى لاسرائيل باقل من تمنة وكل الكلام دة خيانة

طيب هديكم معلومة

حد يعرف ان احد اسباب قتل السادات انه كان بيخطط يمد فرع من النيل لاسرائيل ؟!

طبعا مش قالو ساعتها خاين دول قالوا دة اتجنن رسمى

تفسير موقف السادات وموقف حسنى مبارك بيتلخص فى انهم عايزين يدوا اسرائيل حاجة حيوية

لو اسرائيل عملت اى قلة ادب يروحوا ماسكينها من زمارة رقبتها ويقطعوها عنهم

مع العلم بان سياسة رئيسنا داخل البلد يعلم الله بيها وبعيدة كتير عن نبض الشارع

لكن ابصم بصوابع ايدى ورجلى ان الراجل دة داهية سياسية فى العلاقات الدولية

الراجل محكوم باتفاقيات

معاهدات

محكوم بان ولله الحمد يوم مهيقول طاخ ولا هيفتح المعبر

مصر باكملها هتتنفخ من امريكا

ودة حلمهم اننا نعمل غلطة واحدة علشان يقولوا اننا بنخبى ارهابيين

لان حركة حماس مصنفة انها جماعة ارهابية دوليا ويدخلو عندنا

طيب واية كمان ؟

اسرائيل نصبت صواريخ نووية فى اثيوبيا فى اتجاة مصر والسعودية

اثيوبيا يعنى منابع النيل

وكمان فى ضهر السد العالى

فركة كعب كدة هتلاقى قراصنة الصومال

شوية فوق هتلاقى السودان ربنا يكون فى عونهم والله وطبعا دول تحتنا عدل

تعالا على ليبيا

ربنا يخليه السيد معمر القذافى طبعا

يمينك يا استاذ هتلاقى فلسطين المحتلة واسرائيل

وبيننا وبينهم مسمار جحا الى العرب كلهم مسكوه لمصر وكانة هو المعبر السحرى

وكان المعبر دة مش مراقب بقوات دولية ولا كان فية اتفاقيات بتحكم كل نملة معدية فية




طيب نتكلم بقى بالخرايط



قضية معبر رفح

لا تزال قضية معبر رفح بين قطاع غزة ومصر عالقة حيث تصر إسرائيل على السيطرة على الحدود والمعابر بين قطاع غزة والخارج مع ابقاء سيطرتها الكاملة على مرور البضائع التجارية حيث اقترحت نقل معبر رفح إلى مثلث حدودي مصري فلسطيني إسرائيلي في كيريم شالوم (كرم السلام) على بعد عدة كيلومترات جنوب شرق موقعه الحالي. (انظر خريطة الحدود الفلسطينية المصرية في رفح).





و كانت اسرائيل قد وافقت على إخلاء محور صلاح الدين علي الحدود المصرية حيث تم الاتفاق علي نشر 750 من حرس الحدود المصريين مع نقل معبر رفح الحدودي بين قطاع غزة ومصر بضعة كيلومترات جنوب شرق المدينة ليكون ثلاثيا، لتتمكن من فرض سيطرتها الأمنية. ولم تعط إسرائيل ردا بشأن وجود طرف ثالث رغم اعلانها في الرابع و العشرين من شهر اب 2005 أنها قد توصلت إلى اتفاق كامل مع مصر على نشر 750 جنديا مصريا مسلحا على الحدود الممتدة على 14 كيلومترا ونشر الصحف الإسرائيلية تفاصيل الاتفاق التي نص على تزويد القوات المصرية بـ 4 زوارق دورية و8 مروحيات، ونحو 30 سيارة مصفحة خفيفة.




رغبة اسرائيل في السيطرة على معبر رفح:

تصر إسرائيل على نقل معبر رفح الحالي إلى منطقة كيريم شالوم الإسرائيلية جنوب شرق القطاع على خطوط التماس بين مصر وقطاع غزة وإسرائيل

( انظر خريطة منطقة كيريم شالوم) .





وبهذا تحتفظ إسرائيل بالسيطرة الأمنية على دخول الأفراد و البضائع إلى القطاع هذا بالاضافة الى فرض السيطرة الجمركية على السلع التي يمكن أن تباع لاحقا في إسرائيل أو الضفة الغربية. وبموجب اتفاقات الحكم الذاتي بين إسرائيل والفلسطينيين في عام 1993, لا يحق لاسرائيل أن تفرض رسوما جمركية على السلع الفلسطينية بل تدفع للفلسطينيين قيمة الرسوم على المنتجات التي تمر عبر إسرائيل



بداية المعاناة:

و كانت بداية المأساة لاهالي مدينة رفح عندما احتلت إسرائيل كلا من قطاع غزة وشبه جزيرة سيناء المصرية عام 1967 وبالتالي لم يكن يفصل بين رفح المصرية والفلسطينية أي حدود ،وتشكلت علاقات اجتماعية كبيرة بين سكان رفح المصرية والفلسطينية. وبعد توقيع اتفاقية كامب ديفيد عام 1978 وتنفيذ الشق الخاص برسم الحدود الفلسطينية المصرية تم فصل رفح المصرية عن رفح الفلسطينية وبالتالي تم تشتيت العائلات وفصلهم عن بعضهم البعض مما أدى إلى خلق كارثة إنسانية وخاصة بعد أن تحكمت إسرائيل بمعبر رفح وأصبح القوات الإسرائيلية تمنع مرور الفلسطينيين من خلال هذا المعبر.




قطاع غزة ... السجن الاكبر

مازالت 'إسرائيل' هي المسيطرة على المعابر البرية (المجال البري) و البحرية (الشواطئ والموانئ) و الأجواء الجوية (المطار) مما يجعل قطاع غزة رغم الانسحاب الاسرائيلي من قطاع غزة في منتصف شهر اب, سجنا محكم الاغلاق.


هل بعد كل هذا مصر تمتلك شيئا فى معبر رفح ؟؟؟

هل من حق مصر أن تكون لها سلطة على إغلاق المعبر أو غلقه ؟؟؟

غزة محكومة بمثلث حدودي مصري فلسطيني إسرائيلي لا تملك مصر فيه السيطرة

وسؤال لكل الدول العربية بس واجعنى اوى

هو لية فجاءة كلكم قمتو على مصر وفى نفس التوقيت

مع انكم عايشين حياتكم زى الفل والعيال بتروح تعمل خمسات باللاند كروزر

وما شاء الله الواحد شايف بعينة القطع البحرية الامريكية واقفة فى موانيكم ودبابات رايحة وجاية

ويوم مبتبقى اى قطعة امريكية موجودة ولو طراد صغير بتقفلو المينا والدنيا بتتقلب

واللذيذ ان جارى حاليا طرد الوافدين العرب تحديدا فى البلاد العربية بطرق مختلفة وشيك

تقليل المرتب او التفنيش او او او

واحلال مواطنين او وافدين اجانب مكان العرب

مش غريبة شوية الحكاية دى ؟ حقيقى ونعم العروبة


مع ملاحظة ان مصر متبهدلة بينكم وشعبها مطربق الدنيا مظاهرات

واصلا شعبها وصل لمرحلة ما يعلم به الا الله

دة غير كل التاريخ الى بيقول عن شهداء مصر فى سبيل القصية الفلسطينية

كل دة ومصر خاينة ؟

والله لاول مرة احس بالفخر لانى خاين ومن بلد خونة

والله الكلام دة مش معايرة لان مفيش بين الاخوات الكلام دة

لكن فية مثل بيقول الى بيته من قزاز ميحدفش الناس بالطوب

شوفوا الى فى بلادكم والى بتعملو وبعدين عيبوا على مصر وشعب مصر

وبصدق اكتر حاجة ضحكتنى الحاج حسن نصر الله الى طلع لنا فى البلاى ستيشن

وكان مصر الى عندها حضارة سبع الاف سنة وشعبها مستنيين عمو حزنبل ( حسن نصر الله سابقا )

انه يعمل عليها قائد ويعلم شعبها يعمل اية

وبصفتى مجرد واحد عادى من شعب مصر بقوله يا حسن بك نصر الله اغا

مصر دولة ذات سيادة عارفة بتعمل اية وعارفة رايحة فين

لا انكر انى احترمت حربك مع اسرائيل والى عملته فى اليهود

لكن دة ميديكش الحق تتدخل فى شئون مصر الداخلية

ولو تسمع عن الصعايدة فى مصر عندهم مثل بيقول اية

انا واخويا على ابن عمى وانا وابن عمى على الغريب


وتيجى كدة شارب نفسين معتبرين وتهوب ناحية بلدنا والله العظيم هنخلى الكيلو منك بقرش

اعرف مقامك كويس ومتسرحش فى داء العظمة

انا كدة ارتحت ومستنى تعليقاتكم