سهل طربة لكى تعمل الكمياء

[Bero]

بسم الله الرحمن الرحيم

دة شرح مبسط بالصور لكيفية عمل الكيمياء وتعديل الاسلحة وزيادة درجة قوتها بمقدار + 1 او اكثر وكيفية الحصول على الالمنتات وما هى اهميتها وبتستخدم فى اية . وكيفية عمل الاحجار واضافة البلو للملابس والاسلحة كل دة هيتشرح هنا بالصور بشكل مبسط ان شاء الله واتمنى الشرح يجيب على كول تساؤلاتكم !

نبدأ :
كيفية الحصول على الاليمنتات :

فية طريقتين الحصول منها على المواد الاولية الى بتقع من الوحوش أو تكسير مواد اخرى ايتمز يعنى لبس او اسلحة مش محتاجهم بتقوم مكسرهم وواخد منهم الاليمنتات الى هية العناصر الطبيعية الاربعة .
اولا :الحصول على الاليمنتات من تحويل المواد الاولية

لما بتجى تموت الوحوش بيقع منها اكياس ودى فيها materials او المواد الى بيتعمل منها الالمنتات )
كيفية عمل الاليمنتات :
تجمع المواد الى جمعتها من قتل الوحوش والى وقعتلك على شكل اكياس وتروح عند NPC بتاع الأكسسوارات ( اللى بيبيع الخواتم rings وباقى الاكسسورات والى بتشترى منه الكاب بتاع ال PvP) هو دة عندة بردو سوائل كتير ميهمناش منها غير السائل الى بيحول المواد الى انت جمعتها من الوحوش الى اليمنتات السائل دة اسمة Void Rohndo ودة تمنه رخيص مش غالى بتشترى مثلا مش اقل من 100 زجاجة ودى صورة للسوائل الى بتكلم عندها والى عند تاجر الاكسسوارات وباين فى الصورة انهى سائل الى محتاجينه عشان نعمل الالمينتس من المواد الاولية

صورة السوائل الى موجودة عند تاجر الاكسسورات

هنا زى ما باين فى الصورة السائل الى محتاجينه منها عشان نعمل الاليمنتس ( الالمينتات هية العناصر الطبيعية الاربعة الماء والرياح والنار والارض )






طيب بعد ما عرفنا اية هية الالمنتات وكيفية الحصول عليها تعالو نعرف نعملها ازاى .
بنضغط على حرف ال ( y ) فى الكى بورد هيظهرلنا الصورة دى


دى القايمة الى بيتعمل فيها كل حاجة خاصة بالكيمياء وهشرحها بالتفصيل ان شاء الله

بنحط السائل ال Void rondho فى اول خانة الى عليها الدايرة وباقى المواد الاولية فى الخانات الصغيرى الى جنبها كما هو موضح بالصورة كدة




وبعد كدة نضغط على كلمة Fuse all هتلاقى عملية تحويل المواد الاولية الى عناصر طبيعية ( اليمنتات ) بيتم اوتماتيك وبعد ما تخلص تفتح الانفينتورى inventory اللى هية الشنطة بتاعتك هتلاقى العناصر الاربعة موجودين .

ثانيا الحصول على الاليمنتات من تكسير الادوات

لما يقعلك ايتم سلاح مثلا او لبس جزمة .. صدر . او خوذة اى حاجة مش عايزها او مش مناسبة انك تلبسها كمثال انها تكون female مثلا
ممكن تبعها لل NPC ودى فكرة وحشة او تكسرها وتاخد منها اليمنتات طب ازاى اكسرها ....
تفتح القايمة بتاعة الكيمياء من حرف ال ( y) ودى ونحط السائل المسؤل عن تكسير الادوات ودة غير السائل الى بيحول المواد الى المنتات ودة بيكون اسمة Destroyer rhondo وهتلاقوة جنب السائل التانى نفتح قائمة الكيمياء ونحط السائل فى اول خانة ( الخانة الدائرية ) ونحط الايتم المراد تكسيرها فى الخانة الى جنبها وندوس Fuse or fuse all ودى صورة لعملية تكسير الادوات وتحويلها الى اليمنتات



ودى صورة لل الاليمنتات بعد الحصول عليها



طيب عملنا العناصر البطبيعية او الاليمنتات نعمل اية بيها دى ؟ اقولكم اودامك حلين اتنين يا اما تبيعها بمبالغ باهظة التمن ومش اى نوع انواع معينة ودة مش موضوعنا دلوقتى او تستخدمها فى انك تضيف blue على البس و الاسلحة . البلو دة عبارة عن تعديل على البس والاسلحة بحيث يضفى عليها مزيد من خصائص القوة .

ودة هشرحة هنا فى نفس الموضوع ولكن خلينا نقسمهم لجزئين عشان تعبت فى الجزء دة كتابة ورفع صور قريبا تكملة الشرح فيما يخص كيفية استخدام الاليمنتات الى صنعناها فى رفع كفائة وقوة الاسلحة والملابس قريبا ً انتظرونى

ارجو عدم كتابة ردود حتى ينتهى الموضوع شكرا
--------------------------------------------------------------------------------

طيب : نكمل الجزءالتانى ....

نعمل بالالمنتات حاجة مهمة جدا وهية رفع كفائة البس والاسلحة عن طريق اضافة حاجة اسمها ال Blue البلو دة بيزود حاجاة معينه فى قدرات البس والسلاح او قدرات الشخصية بتاعتك زات نفسها زى الدم مثلا فية نوع معين من البلو بيزود الدم زى ال Str Blue ودة بيزودلك اوتماتيك فى نقط ال Str لما بتحط str blue

عشان نعمل ال blue باستخدام الاليمنتات لازم حاجة مهمة اسمها Tablets ودى بتحصل عليها بردو من الوحوش عند قتلك للوحوش بيقعلك يعنى زى علبة حمرا كدة دى فيها التابليت ودى صورة للتابليت


طيب ازاى نعمل البلو بعد ما حصلنا على التابليت
نفتح قايمة ال alchemy او اكلمياء بالضغط على زرار Y كما سبق ووضع التابليت فى الخانة الاولى الدائرية ووضع الاليمنتات الى بيحتاجها التابليت عشان يعمل Stone . وكل تابليت لما تعلم علية بيظهرلك فى القايمة بتاعتة انواع الاليمنتات الى بيحتاجها وبكمية اد اية ولازم يكون متوفر عندك الانواع والكميات اللى محتاجها التابليت عشان يتعمل منه الحجر او stone

ودى صورة لكيفية عمل ستون من التابليت


ودى صورة ال Stone بعد ما حصلنا عليها من التابليت والالمنتات




وبعد ما نحصل على ال Stone او الحجر هية دى بقا الى بتعمل البلو نجيب ال حجر دة ونحطة فى قايمةال alchemy او الكيمياء فى الخانة الدائرية و فى الخانة الى جنبة الايتم سواء اللبس او السلاح الى عيزين نضيف الية البلو blue ونضغط على كلمة Fuse

كما فى الصورة بالظبط :



وهنا صورة بتبين ال blue الى اضفناة على الايتم بعد نجاح العملية ..... ملاحظة من الممكن العملية تفشل ودة بيرجع للحظ واذا العملية فشلت بتحتاج تعيد الموضوع تانى ولازم يكون متوفر ليك التابليت والاليمنتات الخاصة بيه عشان تحاول مرة اخرى


__________________

[LegendMaker]

مشكور على المجهود
ينقل الى قسم الارشادات

[العفريت الاسود]

الله ينور عليك و يبارك فيك

[كورابيكا]

VeRy
GooD

[essam2000]

يا باشا انت مشكور على اى حال بس مفيش صور نزله خالص

[masterxxx]

شكرا على هذا الدرس القيم ولكنه مش سهل ومكلف جدا وهناك احتملات فشل فى عمليات الاضافة

[love_allah]

مشكور

[speedz52]

thx my freind

[bakaar81]

نيس يا مان بجد
انا مكنتش اعرف حاجات
وشكرا اوى يا مان

[DR\Walid AbaZa]

شكرا ياباشاعلي الموضوع باين انك تعبت فية

[Amr Mando]

مشكور مجهود ممتاز

[HESOCA]

مشكور بس اعرف ازاى ازا كان الحجر ينفع لسلاحى ولا مينفعش
وهل للمحارب كيمياء ارجو الرد
ومشكور على مجهودك

[matrixnm]

مشكور على الموضوع يا مان

[gomane]

لك جزيل الشكر

[mzr555]

مشكور وانا عملت زي ما قلت بس في مشكله
انا جمعت بعض الاليمنت وفي حجر بحتاج 80 عنصر ارض
والي عملتهم اكثر من 80 بس مش عارف ادمجهم مع بعض عشان احطهم مع الالمنت التانيين يعني بدي ادمج 30 عنصر ارض مع 50 عنصر ارض عشان عشان احطهم مع باقي العناصر ممكن تحكيلي كيف
ولك جزيل الشكر