اخر الاخبار : اضحك كركر

[Luis]

:D بعد محادثة ومناورات طويلة بسبب موضوع انشاء عمل سيرفر عربى بينى وبين GM Turkey جائنا البيان التالى :
احنا هنعمل سيرفر عربى بعد9 6 سنين وقام باعطائى بعض المعلومات عن الشخصيات والاراضى ودى نبذة منهم :
الاسلحة:
1-عصاية نبوت
2-مطوة قرن غزال only sosun
3-منجل عم هريدى
4-نبلة بطوب
5-سكينة منشار وفى اليد التانية حلة ( sheld )
اللبس :
1-جلابية للجميع
نيجى للشصيات بقى
الشخصيات كالاتى :
male:
1-صعيدى بنبوت
2-الفلاح ابو منجل
3-الفلاح ابو فاس
4-صعيدى بعصاية
5-راعى الغنم
6-عم هريدى
7-العمدة الآلى
female :
1-الفلاحة المصرية المعاصرة
2-الفلاحة ام تشت
3-الفلاحة ام شبشب
4-البنت هنادى
اما عن الاراضى:
1-شارع البحر
2-ابو زعبل
3-الفلاحين دى المدينة الام وحواليها الترعة
وسنقوم بعمل GMs مصريين واليك اساميهم
GM 3BAS:D
GM 7DEDA
فعلى سبيل المثال
GM 3BAS HAS BEEN APPEARED FE ELTR3A
وندور احنا بقى على GM 3BASوكل واحد يرفع الجلابية وينزل يدور عليه
بس كفاية كدا المرة الجاية هبقى اقولكوا على اسم الوحوش واماكنها تابعونا :D :D

متنسوش الردود :D

بصوا يا جدعان انا حاولت ادورلكم على اسامى وحوش بس ملقتش حاجات قوية بس فى واحد قال ان الولف هيبقى ابو قردان اه حلوة دى وفى واحد تانى قال ان اول كويست هيبقى جمع غطيان البيبسى يا ريت بقى يا جماحة اللى حنده حاجة جديدة يقولها علشان الكل يستفيد وانا فى اسرع وقت هتكلم تانى مح GM Turkey واشوف ايه اخر الاخبار

يا جدعان الاخ madee شوفوا بقى كمل الموضوع ازاى:
فجائنا البيان التالي :
اسماء الوحوش الممكن انك تلاقيها عندنا
ابتداء من الليفل ترتيب تصاعدي
1ـ شويه قطط
2 ـ شويه كلاب جربانه
3 ـ فئران سوده
4ـ فئران بيضه وعليها كويست 20 ( حته جبنه رومي)
ندخل بقي علي الوحوش التقيله
5 ـ السلعوه في مدينه القطاميه وانت نازل من المقطم
6 ـ حمار
7 ـ حمار بعربيه كارو و معاه كويست 50 ( الديل )
8 ـ مدينه الحمام تدخل الغيه وتصطاد 500 حمامه

وقال كمان


لقد وصلنا اخبار من مصادرنا الخاصه ان الوحوش هي :
9 ـ خروف و معاه كويست 50 (حزمه برسيم ) .
10 ـ معزه gaint
و جاءت مرحله انك تدخل مدينه الزريبه
11 ـ عجل
12 ـ بقره لحظه ممكن تجمع 500 ( قرص جله ) اللي ميعرفش ايه هي الجله يسال .
13 ـ طور
و كده خرجنا من الزريبه ودخلنا علي العشه
14 ـ شويه فراخ بلدي كويست البيض الابيض
15 ـ شويه فراخ رومي بس بنت ايه جامده موت .
16 ـ الديك البلدي ابو عرف احمر كبير اكيد حد هيقول عليه كريست العرف طبعا يا معلم
17 ـ ارانب بلدي
خرجنا من العشه دخلنا القهوه
بتاعه المعلم كرشه هههههه
18 ـ الواد القهوجي محمود عصايا ده واحد صاحبي بجد عليه كويست 600 ( كبايا )
19 ـ الزباين منهم الواد تفاحه الي بيشرب شيشه
20 ـ الكيس الواد سمبوسه 500 ( كوين ) .ده بي من تاليفي لان محدش اسمه سمبوسه.
21 ـ الجاينت الكبير المعلم كرشه نفسه بس ده بينزل اللعبه كل اربع ساعات واللي يقتله يتكتب اسمه .
اما امام القهوه نيجي واحنا داخلين الشارع اللي ورانا نقف شويه علي الناصيه نقابل مين بقي
22 ـ الواد حناطه
23 ـ صاحبه الواد كلاظه ماسك في ايده ازازه
24 ـ اما الواد حنكش معاه سنجه ليفل 45 سوس
25 ـ عطيه معاه مطوه قرن غزال ليفل 16 كريتيكال 3
26 ـ و عم عويس البقال معاه شومه ليفل 25 بلص 2 و معاه كويست ( جمع العسليه )
ندخل علي الشارع بقي الناصيه كده خدت اكتر من حقها
المهم اول مندخل الشارع نلاقي اول بيت
27 ـ ام الخير معاها خرزانه بتجري ورا العيال اللي ليفل 12
28 ـ وفي الدور الي فوقيها نلاقي الراقصه دينا بس ده وحش بيرقص
29 ـ نلاقي عم حسين بتاع الحاجه الساقعه 500 ( غطاء جازوزه)
30 ـ ومعانا السيف الكبير عبده حركات ( الحرامي)
و ياجماعه وانا بكتب دلوقتي دخل عليا عم عبده حركات فهكمل بعدين اعزروني عمال يقلبني .

[super_hunter]

هههههههههههههههه
اية يا عم اللى انت بتقولة ده معقول

[kiko200562]

هههههههه موضوع للتسلية بس حلو بجد هههههههه

[QueeN_aiko]

هههههههههههه انتا لذيذ اقوى

[ayopadel]

حلو اوى الموضوع دة يا مان

[mjohncena45]

lol

[sindwiller]

جامد والله

[dido22]

lol ana 7ktar haridy
gamed gda

[محمد كمال]

حلوه عايزين متابعه :) :d :d :d

[_EGY__HUNTE_]

gaaaaaaaaaaaaaaamdekeeeeeeeeeeeeeeeeeeek

[koko_king]

متنساش زينهوم الجزار ده يبقي اجمد بكتير من الاروبي و الصيني lolz

[mido diaa cool]

@@
WLAD ABO ASM3ILHAS BEEN APPEARED IN ALMADB7
wlol ya3m al7g

[THE KING OF KINGS]

loooooooool nice yaman

[asheri]

niceeeeeeeeeeeeeeeeeeeeeeeeeee:))))

[badboy2010]

hahahahahahahahahahahahahahahahahahahahahahahahaha hahahahahahhaha