شـريـط الاهـداءات |
|
| مـنـاقـشـات عـامـة حـول سيلك رود أون لايـن [ خاص بمناقشات احوال اللعبة وعن كل شىء جديد يتم طرحه فى اللعبة مؤخراً ] |
 |
|
|
أدوات الموضوع | انواع عرض الموضوع |
10-01-2009, 12:05 AM
|
#1 | ||||||||||
 
|
[بسم الله الرحمن الرحيم اولا احب اعرفكم بنفسى انا samsoom812 واسمى الحقيقى سامح حسنى ( ابو شهد ) يا جماعة انا الحمد لله ربنى كرمنى وبطلت العب اللعبة دى من 5 شهور والاكونت بتاعى والله معرفشى مع مين وفين واخر ما سمعت عنه انه اخد بلوك . انا لما سمعت الخبر ده والله زعلت جدا جدا بس فى نفست الوقت قولت احسن علشان اللعبه دى يا شباب واقسم بالله دى فيروس بس فيروس بيدمر الانسان اللى بيلعبها مش فيروس للكمبيوتر . اللعبة دى بتزعل الاخوات والاصحاب من بعضها اللعبة دى بتخلى الطالب الممتاز بيبقى فاشل اللعبه دى بتعلم السرقه وبتعلم البعد عن الله وانا متاكد ان كلكم حاسيين انكوا مش عارفين تبطلوها بقت زى الادمان وعلى فكره هى فعلا ادمان زى الهيرويين والمخدرات وضررها اشد من ضرر المخدرات لانها بتخليك تهمل دراستك و تصرف فلوسك وممكن تسرق علشان تلعبها وبتدمر صحتك بسبب السهر كل يوم للصبح ممكن بسبب سلاح تخسر اعز صاحب ليك . بزمتكوا مش دى نفس اعراض مدمن الهيروين ؟ اللعبة دى كان زمان من 3 سنين كان ليها طعم وكانت فعلا لعبة جامدة كان اياميها كان الكل لفل 50 مكانش فيه الا جانجان وداونهانج بس . حالن اللعبة دى عباره عن بزنس ال جى ام بيبيع الجولد للشركات بيبيع الصن .و كداب اللى يقول دى لعبة فرى والله العظيم يا جماعه انا لما كنت بلعبها كانت مدمره حياتى كنت بهمل شغلى ووقتى وصحتى وفلوسى وكانت شبة ضيعتنى بس الحمد لله صحيت وفقت على اخر لحظه ان مابطلبشى منكم تسيبوها لاء عادى العبها بس مثلا مره فى الاسبوع كل جمعه ولا حاجه او اى وقت فيه فراغ والافضل طبعا انك تسيبها خالص انت يا معلم ياللى بتبيع فى جولد وبتشحن سيلك بفلوس غيرك ايه اللعبة دى اللى تخلى الواحد يسرق ويكدب ويغضب ربنا علشانها ؟ اى واحد منكم باع سيلك ولا جولد ولا اتمز يا ريت يقوللى هل الفلوس دى كان فيها بركة كده زى الفلوس اللى انت بتتعب بيها او والداك ووالدتك بيتعبوا بيها ويدوهالك ؟ اكيد طبعا الفلوس دى بتطير منك من غير ماتحس وبتروح برده فى الفش والحرام اصحا انت وهو وفوقوا من الوهم ده قبل فوات الاوان __________________________________________________ ___ وياريت كل اللى يقرأ الموضوع يقولنا سيلك رود وصلته لغاية فين علشان لو فى اى حد جديد ناوى يدخل الخية بتاع سيلكرود يلحق نفسة من دلوقتى. وفعلا سيلكرود دى خية ( يعنى مصيدة ) واللى بيخشها صدقونى استحالة يطلع منها . وبردوا اللى عندوا حلول يساعد الناس تقدر تسيب اللعبة دى ياريت يقولها . وانشاء الله انا متأكد اننا هنلاقى حل . لان مش معقول هتفضلوا تتضيعوا فى مستقبلكوا اكتر من كده ______________________________________ بقالى اكتر من ساعة عمال بدور على حلول ومش لاقى والله العظيم دى كارثة ومالهاش حل . وعموما انا هعرض بعض الحلول اللى خطرت على بالى اولا اوقاتك على الكمبيوتر والانترنت * التركيز على اى حاجة تانية تكون جديدة زى التعرف على البرمجة واستخدم البرامج الجديدة التوغل فى البرامج * دونلود افلام جديدة ومشاهدة بعض اللقطات على اليوتيوب زى الكاميرا الخفية * او مشاهدة واستماع احلى مافى الدنيا زى الخطب للشيخ محمد حسان وغيره من اولياء الله . * قراءة الاخبار والقصص واخر تطورات العلم ومعجزاتة. * ارجع للشات من تانى زى زمان على الهوت والياهوو المهم تعمل اى حاجة جديدة تشغلك عن كلمة play وياريت تمسح اللعبه من عندك وتعمل للاكونت بتاعك delete والاحسن اديلوا بلوك واخلص منه مدى الحياه لان الاكونت دى استحالة يعبر عن شخصيتك وحياتك دى عباره عن شخص وهمى عايز يعيش عن خلالك وياخد كل وقتك . ايوه الاكونت بتاعك هو اللى بيمتلكك مش انت اللى بتملكة ثانيا : اوقاتك فى حياتك اليومية . * اقرا القرءان وارجع للصلاة زى الاول ومتنساش انها عماد الدين . * اخرج انت واصحابك وشموا الهوا وعاكسوا البنات زى زماان . * المذاكرة . كلمة بتهيألى انك نسيتهااا حاول ترجع متفوق زى الاول ومتدفنشى ذكائك فى ام اللعبة الحقيرة دى . * نام بدرى واصحى بدرى والعب رياضة وارحم ضهرك اللى اتكسر من كتر اللعب وارحم عينيك نظرك هيضعف من الكمبيوتر . * نظم ماتشات الكورة زى الاول اكيد لو جيت تلعب ماتش زى زمان مش هتقدر تجرى ولو كون حارس مرمى هيدخل فيك اجوان للصبح . * بالمختصر ارجع لحياتك الطبيعية من تانى وقاوم السم والفيروس اللى اسمه سيلكرود . __________________________________________________ ________ -------------------------------------------------------------------------------- اولا شكرا على مروركم على الموضوع وانا شايف ان فى ناس كتير علقوا على الموضوع ده واكتر التعليقات بتؤيد كلامى وفى بعض الناس ليها اعتراض زى اللى بيقول انه هو اللى بيتحكم فى اللعبه مش هى اللى بتتحكم فيه اوكى طب جرب كده اتحكم فيها وسيبها اسبوع واحد بس وساعتها هتشوف مين اللى بيتحكم فى التانى . وفى ناس تانيه بيقولوا انها مصدر رزق السيابر ليه هى السيابر قبل سيلكرود مكانتش بتشتغل ؟؟ وثانيا دى ارزاق . وفى ناس تانية مش مصدقه انها تمويل يهودى اسال وادخل مواقع البحث زى جوجل ودور وشوف مين ليه نسبة 51% من شركة جوىماكس . وفى ناس تانية بتقول انها بوت 24 ساعة ومبتصرفشى فلوس على اللعبة علشان عندها كمبيوتر فى البيت وخط انترنت ه البوت ده مش بفلوس برده ولا ايه ؟ والكهرباء ؟ وهل البوت ده انت مش كل 1 ساعه تسي كل اللى فى ايدك وتجرى تبص عليه ؟ وفى ناس تانية بتقول انها عمرها ماتخسر اصحابها بسبب اللعبه . طب قوللى كده لو انت اديت الاكونت بتاعك العز اصحابك وتانى يوم الامونت بتاعك اتسرق وهو حلفلك بالله انه مايعرفشى حاجه عن الموضوع ده . يا ترى رد فعلك ونظرتك لصاحبك هتكون ايه ؟ وفى ناس تانيه بتقول انها مش ادمااااان امال هى ايه اشرحلنا لو سمحت . عموما انا كل اللى اعرفه عى تجربة ان اللعبة دى بتخسررر الاصحاب من بعضهاا ياريت نشغل التلفزيون ونشوف اليهود بيعملوا ايه فى اطفال ونساء غزه ونقول لبعض ان الدنيا دى مالهاش لازمه وسيلك رود ايه وزفت ايه اللى مضيعانا دى وفى النهاية شكرا على مروركم وانا بحترم جميع اراءكم وحاولواا تشوفواااا حلللل. |
||||||||||
|
التعديل الأخير تم بواسطة samsoom812 ; 23-03-2009 الساعة 11:50 PM
|
| إعلانات google |
|
|
|
10-01-2009, 12:09 AM
|
#2 | ||||||||||||
 
|
والله عندك حق بس فى حاجه بتبين وساخه المصريين كلهم حتى فى واحد صاحيى ولسه سارق إيميلى |
||||||||||||
|
|
|
10-01-2009, 12:24 AM
|
#3 | ||||||||||||
  
|
بجد بجد كلم جميل ولله ونااااس كتير قالتو وانا الحمد لله انا بابيع الاكونت بتاعى علشان هبطل العب وشكرا لمرورك |
||||||||||||
|
|
|
10-01-2009, 12:50 AM
|
#4 | ||||||||||
|
بصرحا عندك حه العبا دي بدامر شباب مصر
|
||||||||||
|
|
|
10-01-2009, 02:00 AM
|
#5 | ||||||||||
|
مفيش حد هيبطل يلغبها و انا اراهن على كدة انا مش عارف ابطل بصرلحة :s
|
||||||||||
|
|
|
10-01-2009, 02:05 AM
|
#6 | ||||||||||
|
بجد كلم جميل
|
||||||||||
|
|
|
10-01-2009, 04:21 AM
|
#7 | ||||||||||
|
صح ولهى يا سماح العبه ديه ضيعتنى انا أبتديت أبطل العبها حسيت ان فو وقت فى حياتى أزاكر وشتغل وشف الناس انا كنت حاصر مخى داخل لعبه انا بلعبها بس مش زى الاول انتا فعلان راجل ذى العسل نفسى انتعرف عليك بجد كلمنى على الاميل بتاعى الى يظهر فى التوقيع
|
||||||||||
|
|
|
10-01-2009, 05:39 AM
|
#8 | ||||||||||
|
انا معاك في كلام الادمان بس انت تعمل من الحبه قبه يعني اي شي تدخلو فيه اسرايىل و اليهود ؟؟ وبس في الاخر احب اشكر على الموضوع |
||||||||||
|
|
|
10-01-2009, 08:39 AM
|
#9 | ||||||||||
|
كلام جمييييييييل و تلقائى
|
||||||||||
|
|
|
10-01-2009, 09:53 AM
|
#10 | ||||||||||
|
ماله عندك حق انت ميا ميه
|
||||||||||
|
|
|
10-01-2009, 10:21 AM
|
#11 | ||||||||||
  
|
فعلا اللعب في سلك رود هو قمة التفاهة مع احترامي لمحبي اللعبة وأنا واحد منهم
|
||||||||||
|
|
|
10-01-2009, 10:24 AM
|
#12 | ||||||||||||
|
السلام عليكم ورحمة الله وبركاتة
احب ارد عليك فالموضوع الجميل دا اولا مش كل صوابعك زى بعضها. تانى حاجة حوار الادمان او الكلام دا فدا بيكون مش ادامن دا اسمة انك بتحاول تملا وقت فراغك . انت بيكون عندك وقت كبير مثلا مبتعملش فية حاجة مبتلقيش غير اللعبة دى وتلعبها على انك تضيع الواقت دا. وعشان ااكدلك انها مش ادمان اتجمع انت واصحابك واتفقوا انكوا تنزلو تخرجوا مثلا كل يوم او تروحو النادى، هتلقيك انك نسيت اللعبة دى اساسا. انا عن نفسى بعترف انى بحب اللعبة دى وبحبها جدا بس برضة انا عندى اهلى واصحابى وشغلى وحجات كتير تانية. انا مثلا برجع من شغلى على الساعة 6 بعدها بشوية بفتح الكمبيوتر ممكن العب شوية وبعدها اشغل بوت واقوم اغير هدومى وانزل اخرج لو معنديش بوت او اكون لسة مشحنتش يبقى هقفلها واقوم وحوار انى اسرق منها دا فاحب اقولك حاجةمهمة اوى لازم تكون عرفها وانت بتلعب اللعبة دى (قانون اللعب لا يحمى المغفلين).... دا اولا تانى حاجة انا لو جة يوم وفتحت الاكونت وملقتش فية حاجة ولا هتفرق معايا مع ان معايا حجات دافع فيها فلوس:d عادى اصلها فالاول والاخر انا الى بتحكم فالعبة مش هيا الى بتتحكم فيا ولا اية بقى;) تقبل مرورى |
||||||||||||
|
|
|
10-01-2009, 07:28 PM
|
#13 | ||||||||||
|
مشكور على الموضوع الجميل دة بس المشكلة ان الواحد فى الاول بيلعبها عشان يملى وقتة وبعد كدة ياخدها على انها تحدى ويفضل قاعد قدمها طول النهار وبعد فيييييييين يعرف انها ضيعته وبردة مبيعرفشى يسبها ارجو ان كل واحد يراجع نفسة ويحاول يبعد عنها |
||||||||||
|
|
|
10-01-2009, 09:41 PM
|
#14 | ||||||||||
|
احب اقول ردى انى اللعبة دى من غير ما تكون فى السيبر صاحب السيبر مش هيكسب
علشان اللعبة دى لو مش فى السيبر هتلاقى السيبر فاضى ::d |
||||||||||
|
|
|
10-01-2009, 11:23 PM
|
#15 | ||||||||||
|
thxxx
|
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| تحزير هام جدا لكل من يلعب سيلكرود ( نصب × نصب) | ينبوع | أخـبـار سـيـلك رود أون لايـن | 18 | 14-03-2009 09:52 PM |
| تحزير هام جدا لكل من يلعب سيلكرود ( نصب × نصب) | ينبوع | قـسـم الـبـرامـج الـمـسـاعـدة | 0 | 08-03-2009 04:41 PM |
| تحذير الى كل من يلعب سيلكرود . لا يفوتكم | samsoom812 | مـنـاقـشـات عـامـة حـول سيلك رود أون لايـن | 6 | 10-01-2009 12:12 AM |
.gif){kind=icon}
العرض العادي
