۩۞۩ السيرفرات زحمة ؟؟ اللعبة خنقة ؟؟عاوز تدخل السيرفر بسرعة ؟؟ .. حل مشكلتك عندى ۩۞۩

[carlos333333]

فى بداية الموضوع لو عاوز تعرف تدخل بجد أقرا الموضوع للأخر و بتمعن يعنى افهم مش قراية و خلاص ...

في طريقة أنا جربتها والحمد لله كانت حلوة أوي وسهلة ومضمونة 100% بأذن الله :)
قبلما أقولكم على الطريقة هحكلكم حكاية صغيرة ..
في مرة واحد راح للرسول عليه الصلاة والسلام و قالو أنا ضاع مني الفلوس بتعتي وغلبت مش لاقيها فقالو صلي مئة ركعة فالراجل راح أتوضا وأبتدا يصلي ولما وصل الركة الربعين لقى الفلوس أدامه عارفين إيه إلي حصل الشيطان مستحملش أن الراجل يصلي المئة ركعة فجبلوا الفلوس عشان الراجل يفرح بيها ويبطل صلاة .

وأنا شخصيا مرة ضاعت مني نضارتي ولفيت عليها البيت و ملقيتهاش فقولت أجرب الطريقة ديه
وفعلاً أبتديت أصلي مش فاكر كنت في الركعة الكام بس لما جيت أسجد وحطيت إيدي على الأرض تخيلوا لقيت إيه لقيت النضارة بتعتي أيوا و الله العظيم لقيتها.
وقصة الراجل مع الرسول حقيقية ومذكورة في السنة والمش مسدأ يسأل في الموضوع ده أو يجرب والمثل بيؤل أسأل مجرب ولا تسأل طبيب.
نرجع لي موضوعنا بالطريقة ده هتضرب عصفورين بحجر.

هقولك على الطريقة وأنت بتفتح اللعبة سيبها تحاول وأمسكلك المصحف وأعد أقرأ فيه شويا وبكدة هتكون ضربت عصفورين بحجر واحد بدل ما تقعد تشد في شعرك قدام اللعبة عشان مش راضية تدخل تبقى زعلان اكسبلك شوية حسنات لأخرتك وبعدين دا الحسنة بعشرة أمثالها إلى سبعمائة ضعف والله يضاعف لمن يشاء.
وبعدين ربنا هيوفقق وتدخل بسرعة إنشاء الله وعلى فكرة أنا جربت الطريقة ده ونجحت معايا أنتا جربها ورد علياااا .
وعلى فكرة لو حد نقل الموضوع ده في اي قسم تاني يبقى جزاه الله خير .

----------------------------------------------------------------------------------------------------

انا عارف انى فى واحد حيجى يقولى ... بس يا مان أيه علاقة الدين باللعبة ؟؟

أقوله : كان في رجل صالح كان جاره مبيصليش فقالو كل ما تصلي في المسجد صلاة تجيلي بعد الصلاة وهديك دينار فالراجل فرح ووافق واستمر على كدة مدة وبعد كدة بطل يجي عشان يأخذ الدينار فالراجل الصالح أستغرب فخلى واحد من الخدم يقف في آخر المسجد عشان يشوفوا بطل يصلي ولا إيه فلقاه بيصلي كل الصلوات فستغرب منه وأستنا كام يوم وبعد كده جمعلوا الفلوس وراح زاروا في بيته وأدالوا الفلوس فرفض الراجل ياخد الفلوس وألوا أنا كنت بصلي زمان عشان الدراهم لكن دلوقتى أنا بصلي لله و لقاه عامل خطوط على حيطتة بيته فسأله إيه ده ؟ فقالو ديه الصلوات إلي صلتها عشان الفلوس وأنا هعيدها تانى .
فلما تجي تقولى أيه اللى دخل ربنا في اللعبة هقولك يمكن الفكرة ده تكون سبب في هداية واحد فاهم قصدى .
والنهاردة هقرأ قرآن عشان اللعبة بكرة هقرأ القرآن عشان ربنا.

والله الموضوع ده انا تعبت فيه جدا ياريت المشرفيين يثبتوه و لو لفترة حتى مش عشان اللعبة بس عشان الناس تاخد ثواب و على فكرة المشرفيين كمان حيأخذوا ثواب ..

و السلام عليكم و رحمة الله و بركاته

[D-war]

بارك الله فيك ربنا يكتر من امثلك

[ZEROCOLD]

الله يفتح عليك و ينور دربك و يحميك
والله فكرة رائعة جدا جدا
الله يحفظك من كل سوء يا رب

يا

يا أخي ^^

[Dev.Myth]

بوص ياصاحبى ^^
قسماً بالله انا معتزل ومابدخل الموقع بس بجد فكرتك تستاهل النقل ^^
وهانقلها دلوقتى فى قسم انا كنت بحبه زمان ^^
جزاك الله كل خير وبإذن الله نتقاسم الأجر يوم القيامه :)
شكراً ليك وأوعدك بإذن الله ده اللى هاعمله ^^

[carlos333333]

شكرا لمروركم يا شباب و جزاكم الله خيرا .. بس يا رب المشرف يثبت الموضوع لأن ده حل أهم مشكلة فى سلك رود

[Anubis]

والله الواحد مش عارف يقولك اه
غير ربنا يرزقك ويكتر من امثالك
ويبارك فيك وفى اهل بيتك

[desertstorm6]

ربنا يجزيك خير

[kawz]

موضوع ممتاززززززززززززززززززززززززز

[PirateOfHell]

ربنا يجزيك خير وثواب علي الموضوع الجميل جدااااااا وبارك الله فيك

[sniperman]

ممتاز وربنا يحفظك من كل سوء

[SeifElkomy]

بارك الله فيك

[monde]

ربنا ينور عليك

[roc]

جزاك الله كل خير الى احنا بندور على واحد يقلنا حاجة مفيدة وانتا فدتنا بجد

[sasuke2009]

بارك الله فيك
حجرب بس انا بقول ان ربنا لو بيحبك مش هيخلى اللعبة تنزل !!!
علشان انتا و بتقراء (قران) بتاخد ثواب............مش هيخليها تنزل علشان يزيد ثوابك

[carlos333333]

جزاكم الله خيرا يا شباب على الردود الجميلة .. و اللى عايز ينقل الموضوع ينقله و ان شاء الله حنتقاسم الأجر و الثواب يوم القيامة