اختبار نفسى رائع

[احمد حبيب]

بسم الله الرحم الرحيم
نبدأ

لو انت ماشى فى غابه...
1-متخيل الغابه دى ازاى
2-وانت ماشى لقيت فنجان متخيله ازاى...مكسور او سليم /حلو او وحش
3-هتاخد الفنجان ده معاك وانت ماشى ولا لا
3-وانت ماشى لقيت أسد هيكون موقفك ايه هتتعامل معاه ازاى
4-وانت ماشى لقيت بحيره اوصفها
وياترى هتنزل تبلبط شويه ولا هتقعد عليها شويه وتمشى ولا هتتجاهلها خالص

انت ماشى فى صحراء....
1-تخيل شكل الصحراء

2-وانت ماشى لقيت سلم اوصفه
وياترى قديم ولا جديد /يقدر يشيلك ولا لا

3-وانت ماشى لقيت صندوق
اوصفه من حيث انه كبير ولا صغير
ومتوقع تلاقى ايه فى الصندوق ده

4-لما مشيت لقيت حصان
اوصف الحصان ده
وياترى هيخاف يتعامل معاك ولا لا ومحدش يقولى انا اللى هخاف منه انا بتكلم على الحصان هيخاف منك ولا هيتعامل معاك على طول

5-وانت ماشى لقيت سور كبير ما انتش شايفله بدايه من نهايه
هتحاول تشق السور وتعدى ولا هتمشى لما تجيب اخره ولا هتنتظر لحد لما يجيلك الفرج

ارجو المشاركه وكل واحد يقولى هو جاوب ايه؟!!!!!....
وانتظروا النتيجه.........

[احمد حبيب]

النتيجه بكره انشاء الله

[omar007]

-متخيل الغابه دى ازاى
اشجاره متوسطه والجو شمس وضيقه طول مانت ماشى بتخبط فى الشجر مش باينلها ملامح اصلا

2-وانت ماشى لقيت فنجان متخيله ازاى...مكسور او سليم /حلو او وحش
مرمى على الارض سليم شكله فنجان ابيض يعنى حلو شويه


3-هتاخد الفنجان ده معاك وانت ماشى ولا لا
هعمل ايه بيه هسيبه هشوفه بعديها اسيبه لو شكله عاجبنى هخده يمكن يبقى ذكرى ولا حاجه

3-وانت ماشى لقيت أسد هيكون موقفك ايه هتتعامل معاه ازاى
هحاول اتحرك بهدؤ بيحث انه مايوفنيش اما لو لاقيته جاى يهجمنى هجرى منه وخلاص بقى بحيث انى اوح اماكن تصعب عليه انه يدخل فيها زى مثلا يطعل على شجره كده

4-وانت ماشى لقيت بحيره اوصفها
حواليها شطر طويل ومياه فى النص ينطبع عليها اللون الاخضر بتاع المياه وهاديه اوووووووووووى يعنى المياه مش بتتحرك فيها
هتفرج عليها شويه وامشى


-تخيل شكل الصحراء
صحرا فاضيه خااااالص رمل فقط لا غير


2-وانت ماشى لقيت سلم اوصفه
وياترى قديم ولا جديد /يقدر يشيلك ولا لا
قديم ميقدرش يشلنى



3-وانت ماشى لقيت صندوق
اوصفه من حيث انه كبير ولا صغير
ومتوقع تلاقى ايه فى الصندوق ده
هيكون مثلا حوالى متر مكعب ومش هلالاقى فى اى حاجه خااااالص وهيكون قديم كده ومعفن وفىه حتى مكسوره



4-لما مشيت لقيت حصان
اوصف الحصان ده
وياترى هيخاف يتعامل معاك ولا لا ومحدش يقولى انا اللى هخاف منه انا بتكلم على الحصان هيخاف منك ولا هيتعامل معاك على طول
لا مش هيخاف منى ويتعامل معايا عادى وحصان لونه بنى


5-وانت ماشى لقيت سور كبير ما انتش شايفله بدايه من نهايه
هتحاول تشق السور وتعدى ولا هتمشى لما تجيب اخره ولا هتنتظر لحد لما يجيلك الفرج
لو هينفع اطلع ابص عليها هطلع لاقيت صحرا تانى همشىة معاه لاقيت مدينه هنط من عليه

[_ShicO_]

-متخيل الغابه دى ازاى
_كلها أشجار و فى أصوات غريبة و الأرض حتبأا مليانة ورق شجر

2-وانت ماشى لقيت فنجان متخيله ازاى...مكسور او سليم /حلو او وحش
_حيبأا فنجان سليم و شكله حلو

3-هتاخد الفنجان ده معاك وانت ماشى ولا لا
_حخده معايا يمكن ينفعنى بعد كده

3-وانت ماشى لقيت أسد هيكون موقفك ايه هتتعامل معاه ازاى
_ححاول أشوف أى حاجة قوية فى الأرض أضربه فى راسه لو ملأتش ححاول أطلع فوق شجرة :D

4-وانت ماشى لقيت بحيره اوصفها
_حتبأا بحيرة فيها مياه صافية و نظيفة

وياترى هتنزل تبلبط شويه ولا هتقعد عليها شويه وتمشى ولا هتتجاهلها خالص
_حنزل فيها أكيد عشان الدنيا حتبأا حر

انت ماشى فى صحراء....
1-تخيل شكل الصحراء
_رملة * رملة و الشمس حتبأا حامية

2-وانت ماشى لقيت سلم اوصفه
وياترى قديم ولا جديد /يقدر يشيلك ولا لا
_سلم قديم و حايشيلنى

3-وانت ماشى لقيت صندوق
اوصفه من حيث انه كبير ولا صغير
ومتوقع تلاقى ايه فى الصندوق ده
_حيبأا كبير و ممكن ألاقى مجوهرات فيه :D

4-لما مشيت لقيت حصان
اوصف الحصان ده
وياترى هيخاف يتعامل معاك ولا لا ومحدش يقولى انا اللى هخاف منه انا بتكلم على الحصان هيخاف منك ولا هيتعامل معاك على طول
_حيبأا حصان أبيض و ححاول أتعامل معاه براحة عشان ياخد عليا

5-وانت ماشى لقيت سور كبير ما انتش شايفله بدايه من نهايه
هتحاول تشق السور وتعدى ولا هتمشى لما تجيب اخره ولا هتنتظر لحد لما يجيلك الفرج
_ححاول أشق السور و أعدى

[Mohamed Salah]

اختبار مسلي بس اجابته مش مقنعه

انا قريته قبل كده علي :D Facebook

شكرا :)

..

[احمد حبيب]

الغابه والصحراء هم دول الحياه اليوميه
يعنى اللى متخيلها عاديه يعنى نظرته للحياه الى حد ما صائبه
اما اللى شايفها مخيفه وانه تايه والكلام ده يعنى بينظر للحياه بشكل سلبى وبيسمع افلام كتير
والفنجان ده هو الناس اللى انت بتاقبلهم فى حياتك اليوميه
لو كان مكسور يعنى ناس مينفعش تتخذهم اصدقاء واللى ياخد الفنجان المكسور يعنى هيضيع واللى هيسيبه يعنى اتجنب المشاكل
لو كان سليم يعنى ناس ليك الحق انك تصاحبهم وانت شايفهم اهل لذلك واللة يسيب الفنجان السليم يبقى هيضيع برده واللى ياخده يبقى كسب اصدقاء واهل

والاسد ده المشاكل اللى بتواجهك واللى يموت يبقى مبيعرفش يحل مشكله ماشى يارونا واللى يجرى يعنى مش عاوز يواجه المشكله

والبحيره دى الحياه العاطفيه يعنى لو صافيه تبقى حياتك العاطفيه صافيه لو متعكره تبقى مجروح او ماشابه ذلك
ولو تجاهلت البحيره تبقى انت ملكش فى الحاجات دى والحب وكده
ولو قعدت شويه يعنى انت ماتمنعش ان يكون فى حياتك قصه حب او انت بتحب حاليا بس لسه ماصرحتش اللى بتحبه

والسلم ده هو اصحابك اللى معاك اللوقتى يعنى لو سليم ويشيلك يبقى ده حال اصحابك انما لو قديم ومكسر يبقى تبعد عنهم احسن لان دول اصدقاء السوء
وده على حال السلم يعنى لو مكسور اوى يبقى ابعد عنهم احسن لكن لو مكسور نص نص يبقى فى امل انك تلاقى فيهم اصدقاء حقيقين

والصندوق ده قلبك يعنى لو فاضى يبقى انت مشغول بقصه حب بس مش مرتبط ولو فيه حاجه اثريه يعنى انت محب للناس ولو فيه تعبان او حاجه مخيفه يبقى لازم الناس تحذر منك ومن غدرك
وحجم الصندوق يدل على سعه قلب صاحبه يعنى معظم الامهات هتقول صندوق كبير

والحصان ده شريك الحياه يعنى انت متخيله ازاى

انما السور ده المستقبل لو انت اخترقت السور يعنى انت مثابر ومتشوق لمعرفه المستقبل بشكل كبير جدا
انما لو مشيت لما تجيب اخره يعنى انت خايف من المستقبل بشكل بسيط وعندك نفس طويل فى تحدى المستقبل وتنتظر مفاجأته ولا تسعى لها بشده
انما لو انتظرت الفرج يعنى انت احتمال تفشل فى المستقبل ومنتظر حد يساعدك عشان تحديات المستقبل