البشرية هتخسر إيه ؟ لو القطر داس عليك ؟؟

[kingoffruits]

البشرية هتخسر إيه ؟ لو القطر داس عليك ؟؟




السلام عليكم و رحمة الله و بركاته ,

و خلونا ندخل في الموضوع على طول ,

تخيل جنابك إنك قاعد لا بيك و لا عليك :dry:

و عايش زي ما الناس عايشة ,

بتاكل و بتشرب و بتنام - لكن ما بتتجوزش علشان الجواز غالي :gap:-

و ماشي مع القطيع عادي خالص

و فجأة !!

.
.
.
.
.
.
.
.

تيجي عربية نقل الشرقية بمقطورة و محملة طن زلط تدوس عليك :emot-sad:!!

أو قطر أسباني مكيف و آخر حلاوة ( فعص ) جنابك و خلى وشك زي قفاك ,

من الآخر يعني ,

إنك ( إتكلت ) و مُتّ و خرجت من الدنيا ,

و تعالى فكر معايا بقى إيه اللي الدنيا فقدته بموت جنابك ؟؟ :dry:

المترو التعطل ؟؟ و لا الهرم اتقلب جبنة و الناس أكلته ؟؟

متهيأ لي :dry:ما فيش أي حاجة هتحصل ,
غير إن الأسرة يعيطوا عليك و أصحابك برضه ,

و آخرتها شهر بالكتير .

طبعا مش عارف أنا عاوز أوصل لإيه لسه , صح ؟؟

اللي أن اعاوز أقوله إنك مت ( كما يموت البعير ) ,

مت و خلاص , و ما كانش ليك أي دور في الدنيا تأثر بغيابك ,

يعني لو كنت انت فعلا ليك دور في الدنيا و بتخدم دينك بجد أكيد كان هيحصل فراغ في الموضع اللي انت كنت فيه ده ,

لكن ما حصلش فراغ لأنك ما كنتش ماسك موضع أصلا ,

يعني سيدنا عمر - على ما أعلم - كان بيقول :

" إن كل مِنَّا على ثغر فلا يُؤتَيَنَّ من قِبَلِه "

يعني كل مسلم منا على ثغر من ثغور الإسلام و ليه دور بيقوم بيه ,
فلا يجب أن يسمح للعدو أن يدخل من الثغر بتاعه , و لا أن يترك الدور اللي بيقوم بيه ,

لكن الحالة دلوقتي للأسف في الحضيض ,:

إحنا مش واقفين على ثغور أصلا ,
فضلا عن أن نؤتى من قِبَلها !! - و لا أزكي نفسي -
لازم يا جماعة كل واحد يشوف ليه ثغر يقف فيه ,:goatee:
يشوف له دور يؤديه ,
يشوف حاجة يعملها للدين ,
بحيث و هو عايش يبقى ليه دور ,
و لما يموت يبقى فعلا فيه مكان فارغ بعده , حد تاني غيره يملاه

الثغر ده مش لازم يكون في الجيش و لا في الحرب ,
لأ
ممكن دورك و ثغرك يبقى دور بتقوم بيه في وظيفتك ,
أو في شارعك و بين الجيران و ( الحتة بتاعتك ) ,
يبقى في الكلية و بين زمايلك و في سكشنك ,
أو في أي مكان ,

المهم يكون ليك دور !!!

[poiu]

شكراا يا بوب و الله بتقول كلام زي العسل

[PaRKouR MaN]

شكرا بجد موضوع جامد

[™KeroMan™]

انتا صح

[White Angel]

أولاً : شكراً على الموضوع العظيم برأيى
ثانياً : والله عندك حق الواحد لما يجى يفكر كدة هو عمل اه فى حياته بيحس أنه ولا حاجة

اه الكلام الكبير ده

[Mohamed1163]

موضوع هايل

[Mysterious]

شكرا يا جميل..
بس سؤال هتخسر ايه لو القطر داس عليك؟؟
اقل حاجه مش هتبان من الارض
:)):))

[super_man619]

المهم القطر حصله حاجه

اهم حاجه مصلحه مصر

بلادي بلادي

[~Soon~]

شكراا يا بوب و الله بتقول كلام زي العسل

[omar007]

ماهو دلوقتى صعب ان واحد يكون مؤثر اوى
اصل مش كل واحد هيطلع عالم مثلا او دكتور ناجح اوى او مهندس معمارى محترف مثلا البلد فيها 85 مليون
عايزهم كلهم يبقوا ناجحين اوى
ماهو احنا اقتصاديه تعبانين بسبب ان التعليم فى الضياع وده السبب الرئيسى
اذااكر ليه بدال هغش وانجح ؟
هخما المفروض يعودونا من ابتدائى هتذكر هتنجح ولو العيل سقط فى ابتدائى ايه يعنى علشان يتعمل ياذكر
ولوا يذاكر هيطلع يفيد بلده
عندك الناس التعليم الصناعى ده
لو مش بينجحوا ب الغش هتلاقيهم كلهم مستوايتهم عاليه وهنبقى بلد فيها مصانع
لاكن احنا التعليم الصناعى عندنا مرمى فى الزباله علشان كده مافيش مصانع بتفتح عندنا
لو بتوع الصناعى كويسين لما يكبروا هيشتغلوا فى مصانع الوبلد هتكبر
فاهمين قصدى
اصل كله يقولك هعمل ايه ب الشهاده
فبلتالى مش هيشتغل فى مجاله فبلتالى مش هيعرف يفيد

[BonBony]

والله كلام 100 100
جزاك الله خيــرا

[Zenger]

سيلك روود هتقل واحد

[amr159951]

المصيبة إن ده هوا إللي حاصل دلوقتي

[modyman2000]

شكرا بجد كلان تحفة !!

[mamomoro]

انا دورى الدور الخامس الشقه اللى جنب السلم