الـجـروب الـرسـمى لـلـمـنـتـدى FaceBook | Official Group

**tit3o** · 25-11-2011, 06:53 PM

[CENTER]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والصلاة والسلام على أشرف المرسلين وبعد ...
فهذا بيان لحكم شرعي لكن بأسلوب شبابي كدة لا يخلو من فكاهة فقط لكسر حدة الحوارات

أولا عاوزين نتفق يا تقرأ الموضوع لآخره
أو تكبر يور هيد ومتقرأش

ده وعدنا مع الإخوه برضو حبايبنا اللي من غير لحيه وعاوزين نعمل حوار هادئ معاهم ماشي .. وهنقسم الإخوة الغير ملتحية لشلة
واحد يطلع يقولي يا أخي هو مفيش غير اللحيه .. يا عم إنت عملت لنا خرم في نافوخنا .. خليك إيزي موزو وفريش وجانجا ,وهيثوم.. ( أقوله أنا كنت بقول كدا زمان لكن هتعرف يعني أيه اللحيه أما تلاقيها في وشك) وقلت إنها مش عبارة عن حبة شعر ولا شئ بالعكس هي هويتي كمسلم وأتذكر قول أحد السلف كان أمرد (يعني مش بيطلع له لحيه) كان يقول لو تباع اللحيه لأشتريتها بمالي علي ما أتذكر إن لم تخني الذاكره .. طيب عاوزين نفتح حوار .. الموضوع بكل بساطه ..
عاوزين نعرف الإخوه اللي غير ملتحين هنعمل تقسيمه

1- الإخوه الفرافير - (( وياريت ميزعلوش من التسميه مهو أنا كنت فرفور زمان مش كدا وبس وكتير من الملتحين كانوا فرافير يعني هم كانوا موليدين بلحيتهم ))
2- الإخوه اللي مهماش فرافير (إبتسامه)

أولا الإخوه الفرافير . (( والله أنا أحبكم في الله ولو كانت كلمة فرافير مزعلاكم فأنا ستين فرفور في بعض ))
ودول أوجه لهم سؤال .. حبيبي إنت بتحب النبي صلي الله عليه وسلم؟
طبعا الجواب المحفوظ والمتوقع أيو والله بحب النبي أكتر من نفسي .
تعالوا نحلل الجمله دي علي طريقة أسمع كلامك أصدقك أشوف أمورك أستعجب
طيب السؤال رقم 1 حبيبي الدوجلاس اللي في وشك ده عامله ليه ؟
جـ1 أصل عمرو دياب في أغنية كذا كذا كان عامله
جـ2 أصل نيكولس كيدج وتوم كروز في فيلم البلاصي المفقود كان عامل كدا .
جـ3 بصراحه أنا مش عامله لا زي نكوليس كيدج ولا زي عمرو دياب أنا تفكيري مش خايب للدرجه دي .. أنا عامله لأن مرمر قالت لي كدا وتقولي شكلك تحفة في الدوجلاس .

بالنسبة ل (جـ 1 , جـ 2) .. بكلامك هذا أحببت عمرو دياب ونيكولاس كيدج أكتر من النبي صلي الله عليه وسلم .. يا أخي سيبك إن اللحيه مش فرض .. يعني تعمل زي حبيبك النبي صلي الله عليه وسلم وتتشبه به أم تتشبه بين فاسق (إن لم يتب) أو بكافر .. والله لو حبك للنبي حصل حبك لعمرو دياب كنت ربيت لحيتك . لكن للأسف أنا هصارحك
إنت عارف حبك للنبي أصبح أيه ما بين جملتين اللي يحب النبي يزق واللي يحب النبي يسقف . ويا لحرقة قلبي وإنصداع كبدي .

أما بالنسبة ل (جـ3) أقوله أنت إمعه .. مش إمعه والنبي نهي وقال لا يكن أحدكم إمعه .. عامل دوجلاس عشان واحده حابه تشوفك كدا .. يا أخي كان من المفترض ان تكون كما يحب الله ورسوله . مش كدا وبس لا وكمان واخد واحده مصاحبها .. أنا مش هتكلم يكفي بس إنك عارف إن ده حرام ,, وبلاش نتكلم علي البنطلون أبو حجر ساقط والملابس الداخليه ظاهره .. وربما يبان العوره أثناء الانحناء ... شوف هسكت أحسن الله ستير .
السؤال رقم 2 إنت بتحب ربنا ؟
جـ هي دي فيها شك كمان يعني طلعتني شرك ومش بحب النبي زي عمرو دياب .. . لا بقي دي بقي أبصم بالعشره أنا بحب ربنا .

شوف أنا للأسف مش عاوز أقولك إنت كذاب .. هحسن فيك الظن وأقول إنت مش عارف أيه اللي يثبت حبك لربنا عز وجل خد ياعم أنا هقولك أيه من القرآن قال الله (قل ان كنتم تحبون الله فاتبعوني يحببكم الله ويغفر لكم ذنوبكم والله غفور رحيم )
شوف يا عم ده دليل حبك لربنا إنك تتبع النبي يعني ايه تتبع النبي يعني تتبعه في سمته ومظهره وفي عبادته وفي كل شئ .. ورحم الله من قال إن إستطعت ألا تحك رأسك إلا بدليل فأفعل ..

والله يا أخي أنا بحبك .. ومتفكرش إن الإخوه اللي بتشوفهم بيحضروا دروس علم دول نازلين من السما ولا حاجه ده يمكن إنت أفضل من مليون واحد فينا أيام الجاهليه.. وليه دا يمكن إنت أحسن من مليون ملتحي كمان وإنت بفرفرتك .. فالله أعلم بما تكنه الصدور .

ثانيا الإخوه اللي مش هم فرافير .
ودول .. ما شاء الله ناس فاضله .. ملتزمين دينيا (ولكن إلتزام ناقص).. وجت علي اللحية وقفلت ..
ليه بقي أقولك ..:-
(أ)يا أخي فلسطين بتنحرق والمسلمين يذبحوا كالنعاج .. وغنت جاي تقولي لحيه .. طيب أما نحرر الأقصي نبقي نربيها .. أقول لك يا حبيبي والله أنا أحبك وبلاش التعصب للجماعات ((أنا أعرف ناس مش بتربي لحيتها علشان خايفه الناس تقول عليها دا سلفي والله شئ مبكي))
إنت ربنا يوم القيامه وكلنا هنقف أمام الله عز وجل .. هيجي يقولك .. إنت محررتش القدس ليه .. ولا هيقولك ما أطلقتش لحيتك ليه .؟؟ أممممممممم
شوف الله عز وجل عدل ومن مقتضي عدله أن لا يسألك عن ما لا تستطيع وتطيق .. وأن يسألك عن شئ لا طاقة لك به .. مش هيسألك عن شئ خارج قدرتك .. هيسألك عن اللي في قدرتك .. طيب اللحية فرض .. وده حكي الإمام إبن حزم إجماع علماء الأمه علي فرص اللحيه .. والإجماع لا يتغير .. طالما الأمه أجمعت علي شئ خلاص فرغ منه .. أهو ربنا هيسألك علي دي ...

(ب)نوع تاني يقولك .. والله أنا عارف إن اللحيه فرض .. وإنها واجبه وكل شئ .. لكن أنا مش قدها .. مش هقدر أصونها ... هقولك هوسسسسسسسسسس إظاهر إن الشيطان داخل جوه ودنك أنا حاسس به ده مش كلامك ده ممكن يجيب لك آيات وأحاديث يقنعك بيها ... زي أخينا التالت ده .

(ج)والله يا أخي أنا نفسي أربيها . بس إنت شايف أمن الدولة .. وشايف الحرب علي اللحيه .((. يدخل بقي الشيطان ياعم قوله مش النبي قال لا ضرر ولا ضرار .. مش كدا بس دا ربنا قال ولا تلقوا بإيديكم إلي التهلكه .. إنت صح سيبك منه هو عاوز يوديك في داهيه .. وتروح أمن الدوله يقلعولك ضوافرك .. ويدوك علي قفاك .. لا والمخبرين أيه كمان المخبرين الواحد فيهم إيده عامله زي المطرحه بتاعة العيش .. يعني هيديك كف هيرسمك علي الجدار وهيتعمل لك ملف ومش هتعرف تسافر بره هتضيع مستقبلك يا عبيط )) .. الواد يترعش لا ياعم دا النبي بيقول وربنا بيقول .. دا فلاني الفلاني خدوه المعتقل ... وطلع ناسي إسمه .. طيب يا سيدي ماأنا قدامك أهو ملتحي بقالي يجي كام سنه ليه متخلعليش ضوافري .. وليه متغسليش الذاكره .. وعلي فكره أنا رحت أمن الدولة وكلموني بمنتهي الاحترام مش زي ما أنت فاهم وده إخوه قليله اللي بتروح .. وكمان أنا مسافر يعني متمنعتش ولا شئ .. وجاي أقولك .. يا أخي .. خليك راجل .. وأعمل شئ وقدمه لله .. وبس كدا خلص كلامي ..

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الجزء الثاني اللحية والشغل

هو غالبا الإخوه يقابلهم مشاكل في موضوع الشغل بسبب التدين ( و إلي الله المشتكي )
يعني إخوه كتير يتقدموا ويعملوا مقابلات علشان الشغل
صاحب الشعل يقولهم معلش اللحية دي هتسبب مشاكل في الشغل
ثم يكمل صاحب لشغل قائلا وهذا ما يسبب قهرا للأخ
والله إنت كفاءه وإنت من أحسن الناس اللي اتقدموا
لكن المشكله هي اللحيه أو بالاصح (المشكله إنك مسلم متبع للنبي محمد مقتدي بسنته)

ساعتها تلاقي الاخوه إنقسموا إلي
1- نوع يقبض علي لحيته علي هويته ووتكاد تدمع عيناه ويتحسر .. ويقول لصاحب العمل السلام عليكم جزاكم الله خيرا . ويكون حيزن علي تفكير صاحب العمل. .. وأنا أهمس في أذنيه حبيبي في الله هذه هي الغربة التي تحدث عنها نبيك فلا تحزن ... وأبشر بالخير .. والله أعلم ما هو شعور ولكن أصبر .. وأقول لهذه النوعيه .. أفديك أخي بنفسي والله

2- وإخوه اللي هم زي حلاتي .. يبصوا له بنظرة تكاد تحرقه .. ويقول لصاحب العمل (( ربنا ينتقم منك )) بس في سره ********هه .. ويطلع للبشر في الشارع بالمنظر ده .

3- النوع بعد ما يسمع الكلام ده يقول طيب مثلا لو أنا من غير لحيه باخد راتب كام يقوله ألف جنيه ... عينه تلف ومخه يطر .. والشيطان بنشاط وسرعه وحرفنه يضربه إبرتين بنج في مخه ... يقوم نازل علي الحلاق اللي تحت العمارة .. ومطير اللحية ..((ويقول دي رخصه وأنا غصب عني عشان اكل عيشي))

علي فكره يا إخوه وده كلام بسيط يعني بعيد عن الموضوع ( يعني من الآخر هاخدكم بعيد شويه ونرجع للموضع تاني بس انا مش بسرح بكم) .. اللحية مش عباره عن حبة شعر وخلاص .. اللحية عبارة عن قيم عبارة عن هويه عبارة عن أخلاق عبارة عن أصل فهي تربيها تربيك .. ولا تشك للحظه أن الأخ الذي تخلي عن لحيته تخلي عن هويته تخلي عن قدوة نبيه تخلي عن كل هذا .. سوف يحافظ عي صلاته كما كان .. أبدا والله هذه هي بداية الإنتكاسه .. وسيأتي بعدها إنتكاسات

1- كان زمان قبل ما يحلق اللحية .. كان بيقاب البنت بوسي اللي كان بيمشي معاه زمان كان يقوم حاطط وشه في الأرض أول ما يشوفها ويقوم يمسك لحيته .. وكانت بوسي تهاب تكلمه وهو بالمنظر ده . والشطيان طبعا أه يا خايب يا فاشل مش لو كنت من غيرها كنت كلمتها .
1*. بعد ما راحت اللحيه قابل بوسي قامت بوسي قالت مش معقول دا اللحيه راحت .. وهو ماشي الشيطان جه ((مع إنه كان حاطط في راسه انه حلق اللحية لضرورة وهو الشغل وإنه مش هيتناذل عن اي شئ لا دروس علم ولا صلاة ولا أي حاجه)) .. يقوم الشيطان داخل أيوه يا عم شايف البنت بتبص لك إزاي وكمان بتضحك .. أوعي تكون عبيطط وتضيع الفرصه دي من إيدك .. إنت بتحبها .. ولسه بتحبها شووف قلبك بيدك إزاي .. يا سلام فاكر الواد كيمو والواد هيما كانو بيحسدوك علي البنت دي .. روح بس عنيها بتتكلم بتقول تعالي اهي . ((يقوم صاحبنا رايح)) السلام عليكم بوسي هاي أخيرا فقت من الغيبوبة اللي كنت فيها ..... وتخيلوا نتم بقية الحوار أنا مش عاوز أطول .

2- ساعة اللحية ما كانت تزين وجهه كان لا يترك الصلاة وإن كان يمشي في الشارع أجبرته علي دخول المسجد كيف ملتحي يمشي في الشارع والصلاة تقام .
2* بعد اللحية صلاة في البيت والتانيه في الجامع الشيطان يجي يقول شوف إنت بصراحه انسان مش كويس وكمان فيك جباحه فظيعه يعني ازاي تقابل الاخوه من غير لحيه انت مش بتتكسف .. فبعدين يقعد يصلي في بتهم .. وبعدين يصلي علي سطر ويسيب سطر .. وبعدين .......... كملوا أنت بقي ..
علي فكره هو ده تقريبا اللي بيحصل هو من راسي لكنه هتلاقيه واقع
ثم أنا عندي قصص حقيقية عن كل قسم .. وأقسم أنا علي صدقها ولله الحمد وأتحمل أنا كل شئ لو نقلت .

أخ سلفي نتمني أن يكون كذلك .. ملتحي .. محاسب .. كلما ذهب إلي عمل رفض من أجل لحيته .. أضطر حتي يحافظ علي لحيته أن يعمل بمديان الأوبرا العتبه - بسوق الكهرباء يشتغل شيال .. والناس تحمل البضاعه علي العربيه وهو يجرها .. ويوم ورا يوم وبعد مده فوجئ صاحب الشركه أنه محاسب فنقله إلي المهندسين يعمل كبياع في محل كهربائي .. وكان هذا المحاسب يريد أن يرقي بمستواه خاصه أنه ماشاء الله معه إمكانيات كبيره تقنيه وفنيه .. فأخذ يتصل بالارقام في جريدة الوسيط . وكان في آخر كل مكالمه يقول أنا ملتحي فيكون الرد طالما ملتحي مينفعش لأن معانا نصاري ... وقدر الله أن يتصل بشركة برمجيات ويقول لها أنا ملتحي فتقول الريسيبشن له .. طالما ملتحي ما تنفع اسفين .. وبعدها ب 10 دقائق .. إتصل عليه مهندس وقال تعالي في الانتر فيو .. وفعلا كان هناك 40 متقدم .. ويشاء العلي العظيم أن يكون هو المختار من ال 40 فرد ... وبعدين يتميز في هذه الشركه ويصبح من أبرز مهندسين الدعم فيها ووصل راتبه إلي 1200 جنيه غير بدل السفر وكدا .. ولكن كان هناك مشكه .. أن الأخ بيحط إسطوانات إسلامية علي اجهزة العملاء .. وقدر الله عز وجل . أن يضع اسطوانتين من ضمنهم إسطوانه عن ال*** زكريا بطرس عند عميل ولكن للأسف نصراني .. فذهب هذا العميل لصاحب الشركه .. وكان هناك إجتماع .. وفي وسط الاجتماع قال له المدير .. يا تحلق لحيته يا تسيب الشغل .. قاله طبعا إستحاله اسمع كلامك وأكسر كلام النبي محمد صلي الله عليه وسلم .. وفعلا المدير رفده من الشغل .. فذهب إلي السكن وكان يبكي . ويقول ضيعت شغلي .. علشان خاطر دي .. وبدأ الشيطان يراوده .. ثم إنتبه وقال استغفر الله العظيم .. بكره أدور علي شغل

فكانت المفاجأه أن أمه تتصل عليه في تلك الليله وتقول تعالي يا ابني سيب الشغل اللي عندك .. مش مهم سيبه خالص (وسبحان الله هو مرفود أصلا)إنت هتسافر السعوديه إن شاء الله قالها إزاي وانا بدور علي السفر بقالي 3 سنين مش لاقي .. قالت إحنا بعتنا ورقك وصورك في مكتب إستقدام .. والكفيل إختارك إنت من ضمنهم كلهم وقال أنا عاوز المطوع (( الملتحي )) ... تخيل والله شئ مفرح مبكي .. وفعلا هذا الانسان في السعوديه ومحاسب مالي كمان.

يا إخوه ربنا هو الواجد لنا والواجد لمديرك والواجد للكون وكل البشر يعني إنت ياأخي يا حبيبي .. ربنا عز وجل قال (وفي السماء رزقكم وما توعدون ) وقال (وما من دابه في الارض الا على الله رزقها ويعلم مستقرها ومستودعها كل في كتاب مبين ) حبيبي إنت مصدق ربنا عز وجل .. أه طبعا مصدقه .. طيب بالله هي طالعه من قلبك ؟؟ هي دي الي عاوزين نعرفها

حبيبي إعلم يقينا أن ( ومن يتق الله يجعل له مخرجا )

وأعلم أنك في خير رغم كل هذا الضيق .. وأفكرك بقول الله (ام حسبتم ان تدخلوا الجنه ولما ياتكم مثل الذين خلوا من قبلكم مستهم الباساء والضراء وزلزلوا حتى يقول الرسول والذين امنوا معه متى نصر الله الا ان نصر الله قريب )

والله أنا عارف إنك أخ فاضل وأحسن من مليون زي .. لكني والله بحبك .. و لحيتك دي اللي أنا عنها أناضل دي هويتك يا حبيبي بطاقتك اللي بيشوفك منها بيعرف إنك مسلم .. يعني أنا في الأماكن اللي فيها نصاري لو شفت واحد حليق مش بلقي عليه السلام بخاف إنه يكون نصراني .. أما اللي ملتحي مسلم رسمي إبتسامه ..
أنا معلش خنقتكم شويه لكن عذري أني أحبكم

منقووووول للامانة

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

**Mishary Alafasy** · 25-11-2011, 09:11 PM

أحســنت، إنـه فهـم الكتـاب والسنـة بفهـم ســلف الأمــة ( لا تخـف في الحـق لومـة لائــمٍ )

مـوضـوع روعـة جـداً والله، جـزاك الله خيـر الجـزاءِ وجعـلَ تابعـيك في ميـزان حسنـاتـكِ

يُثــبـــت إن شـاء الله

**tit3o** · 25-11-2011, 09:51 PM

اقتباس:

المشاركة الأصلية كتبت بواسطة mishary alafasy عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

أحســنت، إنـه فهـم الكتـاب والسنـة بفهـم ســلف الأمــة ( لا تخـف في الحـق لومـة لائــمٍ )

مـوضـوع روعـة جـداً والله، جـزاك الله خيـر الجـزاءِ وجعـلَ تابعـيك في ميـزان حسنـاتـكِ

يُثــبـــت إن شـاء الله

شكرا ع التثبيت و ان شاء الله هكمل الموضوع