بمناسبة عمارة العفاريت

[mazenkhaled]

حبة اسئلة على الماشى

طالما العمارة دي محدش بيسكنها ,, ,لا حد بيقعد فيها اكتر من يوم ,, ولا حد بيطيق يعدي من جنبها,, و لو مجرد عديت او بصيت بتحس بحاجات غريبة ,, فيةشوية اسئلة كدة في بالي
1- هو البية البواب قاعد بيحرس اية بالظبط ؟؟
2- هو هو نفسة البية البواب ,, بيحرس العمارة من اية ؟؟
3- البية البواب , بياخد الاجرة بتاعتة منين ,, مين بيدفعلة فلوس ؟؟
4- اشمعني البية البواب دة ,, هو البواب الوحيد اللي مش بيخاف من العفاريت ؟؟
5معقولة البية البواب مجالوش فضول ولا مرة انة يطلع يشوف العمارة دي فيها اية ؟؟

انا لاحظت في ال5 اسئلة دوي

ان كلها اسئلة بتلف دائرة الشك حول علاقة البواب و العمارة

ولا انا غلطااااااااااااان ؟؟؟

خلينا نكلم كلام كده حد يفهمنى

[mazenkhaled]

وكمان ليه كان بيمنع الناس انها تدخل

[Sneezy]

اهو البيه البواب فى رشدى روح اسألو ^.^

[mazenkhaled]

للاسف انا من القاهرة بس متابع الاخبار احسن حاجة مع البواب نفتح عليه ماطوة ونخليه يكلم

[mazenkhaled]

انشاء الله هتشوف شباب القاهرة هيروحوا يباتوا فى قصر البارون ونشوف بقى مين اللى هيطلعلنا انا وانا صغير كنت بخاف بس دلوقتى مش فارقة معايا ونفسي اروح قصر البارون ويكون بليل كمان ونشوف بقا

[_BlackHorse_]

انا من القاهرة وما شفتش حاجة

بس اعتقد ان البواب واخد الموضوع كـ سكن لية

لأن اكيد ظروفة الاجتماعية صعبة مثلا

فـ بيشتغل برا ومراتو فى البيت تطبخ ويرجع ياكل وينام

وبكدة يكون وفر تمن الايجار كـ مشكلة بتواجه اي حد بسيط

[omar34]

أنا اعتقد إن موضوع العمارة ده إن صح فهو موضوع سياسي فقط

[MịηaTσ]

انا شايف ان الموضوع ده واخد أكبر من حجمه

[Solitaires]

موضوع فارغ الصراحة فى حجات اهم اكيد نتكلم فيها

[™Funky™]

هيا العمارة طول عمرها كدا

[GaKsoN]

برضو الواحد مش متاكد لحد ديلوقتى ان الكلام الى على العماره ده حقيقى ولا لا !

كمان صاحب العمارة هو الى شكله مجنون

[Sneezy]

يا جماعه عالم الجن موجود والشياطين
واسأل اى شؤخ الحاجات دى بتأذى وبتسكن المكان الى يعجبها هيؤلك اه
بس بصراحه انا عمرى ما اهتميت بالعماره دى
يعنى طول عمرنا نسمع عن اعمال
او واحد مخاوى جن وكل ده فى منو حقيقى
وكمان الحاجات دى بتأذى الأنسان وانا والله العظيم اتأذيت مره بسبب الحاجات دى
علشان عملت شجيع السيمه زى العيال دى
بس اهم حاجا فكك من العالم الآخر وسيبو فى حالو الموضوع ده ملهوش لزمه
ولو مش مصدق اشترى كتب عن الجن وهتعرف كل حاجا
بس لو قريت خليك ادها
بس اهم حاجا فككو من الموضوع الأهبل ده
لأن العيال دى نفسى يدخلو كل واحد ينام لوحده فى اوضه
لحد تانى يوم ونشوف الأساطير الى اتقالت صح ولا لأ
والله اعلم

[total20102010]

يا باشا البواب اللي تحت دا بيحرس الجراج بتاع العمارة و الجراج شغال و فيه عمارات و اكيد بيقبض من الناس اللي بتركن السيارات و الجراج شغال لشان العمارة علي شارع حيوي و مفيش ركنة ....

[kastel]

انا سمعت ان العماره ديه بتاعة راجل اعمال وليه مصلحه ف ان العماره تفضل فاضيه ومهجوره وفنفس الوقت متتهدش
الله اعلم يمكن يكون فيها مخزن سري
ولاد الحرام مبيرحموش

[Patrenda]

الله أع ـلـ ـم بـيـ ـ ـه بـ ـ ـقــى