رجل هز عرش آلنسآء ( آلحلقة آلسآبعة عشر )

[HellZone]

الحلقه السابعة عشر


أحمد ساب أخته أميره وقعد على الكرسى على جنب وقعد يقرى قران ويدعى ان ربنا يخرج هدير من المحنه اللى هي فيها .. والدقيقه كانت بتعدى عليه سنه .. وشويه وأميره جت وقعدت جنبه .. وطبطبت على ضهره

أميره : ايه يا حبيبى عامل ايه دلوقتى

أحمد :أهو هكون عامل ايه زى مانتى شايفه عمال أتفرج ومش بايدى أعمل اى حاجه حاجه

أميره : أحمد انت أنسان مؤمن استغفر الله وادعيلها

أحمد : بدعيلها والله .. بس خايف اووووى يا أميره .. معقول ممكن هدير تسبنى لوحدى .. أنا مقدرش أعيش لحظه من غيرها والله .. دى كل حياتى .. معقول هتسبنى واحنا لسنا محققناش كل أحلامنا اللى رسمناها سوا .. حرام والله انا مقدرش يانــــــــــاس .. يـــــــــــارب أشوفها قدامى كويسه وبتضحك ولو أموت بعدها حتى

أميره : أخص عليك يا أحمد بعد الشر عليك .. ان شاء الله هتبقى كويسه وهتكملو حياتكو سوا وكل حاجه هتبقى زى الأول و أحسن

أحمد : ياااااااارب يا أميره .. ياارب متحرمنيش منها ياارب

وشويه ومحمد جه هو كمان

محمد : ايه يا أبو حميد متخافش ان شاء الله هدير هتبقى تماام

أحمد : ان شاء الله يا محمد ... تعبتك معايا ونزلتك ف نص الليل أنت وأميره

محمد : عيب هزعل منك أنت معزتك من معزه أخواتى ويمكن أكتر كمان

أحمد : ربنا يخليك يا محمد ويارب يديم المعروف

الفجر أذن وأحمد نزل هو ومحمد صلو ورجعو وبعدين عين أحمد راحت ف النوم شويه وصحى على صوت دكتور مصطفى وهو بيتكلم مع محمد

احمد : مصطفى ايه الاخبار هتدخل أمتى ؟؟

دكتور مصطفى : ان شاء الله على الساعه 10 هتكون فى العمليات

أحمد : يارب استرها ياارب

دكتور مصطفى : خلى أملك فى ربنا كبير وان شاء الله ربنا يقدم اللى فيه الخير

أحمد : ان شاء الله يا مصطفى .. يارب يكون خير أنا راضى باللى ربنا كاتبه

الوقت بدأ يعدى والساعه جت 10 وجم أخدو هدير من العنايه على النقاله وهى طبعا فى دنيا تانيه خالص .. أحمد وقفهم وراح بايس أيديها وراسها ... وبعدين كملو مشى بيها

دخلت هدير العمليات والساعه بقت حوالى 5.00 وأحمد هيموت من الخوف وأعصابه متوتره وصوته بدأ يعلى

أحمد : ليه كل ده سبع ساعات بيعملو ايه جوه لو حصل حاجه ميخبوش عليه بس اشوفها لو مره أخيره

أميره : أهدى يا أحمد عملية هدير مش بسيطه والعمليات دى بتاخد وقت طويل جدا

أحمد :أسترها ياارب يا رب جيب العواقب سليمه

أميره : يارب يا حبيبى

وشويه ودكتور مصطفى طلع من العمليات ومجرد ما طلع أحمد واميره ومحمد جريو عليه

كلهم ف صوت واحد : خير يا دكتور

دكتور مصطفى : احنا عملنا اللى علينا وكل اللى نقدر نعمله .. والعمليه نجحت بس هى هترجع العنايه المركزه لأن ضربات قلبها مش منتظمه

أحمد : يعنى ايه ممكن يحصل حاجه

دكتور مصطفى : الله أعلم يا أحمد .. كل اللى أقدر أقوله لو الــ 48 ساعه اللى جايين دول عدو على خير ان شاء الله الوضع هيبقى أفضل ومحدش قصر من الطقم فى أى حاجه والعمليه تمت على أكمل وجه

ومشى دكتور مصطفى بعد الكلام ده .. وبعدين هدير طلعت من العمليات على العنايه تانى

أحمد طلب يدخل يقعد جنبها يقرالها قران .. ووافقو انه يدخل وفضل قاعد جنبها يقرالها قران وهو شايف مؤشر جهاز القلب مش منتظم والضربات بتقل كل شويه قالها

أحمد : أنا عارف انك مش هتسبينى مفيش واحده تسيب روحها وتمشى .. أستحاله أكمل المشوار لوحدى هفضل وهتقومى وهتبقى أحسن

وبعدين قعد يكمل قرايه لحد أما النوم غلبه ونام على ايد هدير وبعديــن ..


نكمل فى الحلقه اللى جايه

[HellZone]

كالعآدة ، آسف مليش فى شغل آلتنظيم و آلتلويَن دة ^^

[™ No_Name ™]

جامده

احسن من الحلقات اللى فاتت : )

[iBrokeRuleZ]

يا مسهل شكلها هتقلب مسلسل تركى ... استمر يا صاحبى