هو مين الي سرقني :d

[Mr.Alexander]

السلام عليكم
انا هتكلم في حوار كان مش هممني في الاول بس عشان يمكن بسببه هسيب الجيم لاني اتخنقت
ومعدتش بثق في حد
انا الاكونت بتاعي اتسرق من شهر تقريبا واتسرق في الوقت الي كنت شاحن فيه جولد ورحت اشتريت شوية حجات بقيمة 4 بليون الحجات الي فيه تقريبا مع الجولد

المهم انا مكنتش بحمل اي برامج او ادخل في روابط عشان اتهاك من بره بس الاكونت محدش كان يعرف الباسورد بتاعه غير اتنين 1/ TheLionEgypt 2 / Amiral

والاتنين اصحابي بس اميرال دا صحبي من زمان جدا وابن عمه كان معاه 3x120 بيلفلولي في بارتي وانا لفل 98

المهم انا كنت في الجيم لابس الافاتر ومعايا الارنوبه بتاعتي و ولف ولابس الاكسسوري بتاع الشيطان
thelion كان بيلفلي في الجيم ومعاه الباسورد بتاعي كنت ادتهولوا اول ما عرفتوا كان في مشكله في الاكونت فكان بيشفها ومغيرتوش نهائي وهو كان بيلفلي وانا كنت شاحن sbot 2ip وهو بيفتح فيه يعني مفيش حاجه بدون مقابل وبعدها كنت مديله 1 بليون وافاتر angel wing (m) والافاتر كان مجرد سلف ومكنش في دماغي اي حاجه


بس بعد ما شفني ب 3 ايام لابس الحجات دي كلها اتسرقت من الاكونت

وهو مكنش معاه اس بوت كان قيلي قبلها انا هجيب اس بوت كمان يومين

وكان قبلها في مسجات قيلي هفتح الاكونت بتاعك قلتله لا هو في بارتي عشان ميضعش عليا الوقت

قلي هفتحه من جوي ماكس اشوفه ومعرفش كان عاوز يفتحه ليه :)

وطبعا بعد كده الحجات كلها اتخدت وانا مشكتش في صحبي الي فاتح الاكونت لاني معايا ليه 3 اكونتات :) لو جه في بالي اخد حاجه من اي اكونت هاخد يعني

المهم لقيت ThelionEgypt بيقلي ان واحد بيبيع حجاتي وهو اشتري منه الافتار بتاعي

انا بردو قلت بلاش الشك :) يمكن واد هاك هكرني مع اني في الاول كنت شاكك ان الاس بوت هكرني :D هبل والله شكيت في الاس بوت ومفكرتش اشك في صحبي المهم

بعد كده قلت ل ليون انا محتاج الافاتر دا ضروري هشتريه منك قلي لا انا محتاجه

صراحه انا اتصدمت :) بس عدتها وجه قلي الواد بيبيع الارنوبه بتعتك ب 200 مليون قلتله اشتريها طيب عشان انا هقفل ناو ولما افتح هاجي اديك ال 200 مليون واخدها

وانا في كذه حاجه كده اثبتتلي ان هو كداب في شخصيته يعني

وبعدين جالي كلمني في الفيس قلي انا الجيم كله قلتلي سكمر بسببك وعشان نزلت الارنوبه

وانا فعلا رحت اشتريت منه الارنوبه واديته ال 200 مليون :)

وهو بعد ما الاكونت بتاعي اتسرق زي ما قلت كان طلب مني الباسورد بتاع مليووون مره مش عارف ليه ويقلي انا هعلهولك واظبطه وبتاع :)

انا بس عشان الموضوع مش فارق معايا اوي انا عاوز اوصل اني ادتله حجات وبليون وافتار وفي الاخر هو ممكن يكون سبب في سرقتي مش هقول ان هو بس ممكن يكون فتح الاكونت والباسورد في سيبر وحد لقطه واخد الحجات او يكون مديه لحد مثلا الله واعلم المهم ان السرقه عن طريقه

وانا شفته من قريب في الجيم ماشي لابس الافاتر بتاعي قلت ما هو اشتراه :) بس لقيته لابس ال hat بتعتي ومعاه الاكسسوري الشيطان وماشي بيهم :D حاجه تفقع لما تلاقي الحجات الي شحنتها بفلوس حد غيرك خرفنك ولبسهم :D واول ما شفني هوب نفخ وطار


انا مصورتش حجات في الجيم لاني مكنتش بشك في الاول بس في كلام علي الفيس بنا يثبت واي حد شاكك في اي حرف انا بقوله انا اجبله صوره بكل ده :)

ودي شوية صور منوعات كده تثبت ان انا صادق في كلامي ومش كداب

ولو في شك في كلامي المشرف يمسح الموضوع ^^

[bos2love]

ما هو كده فين دليل ..! لو معاك صور وانت باتديلو الباس او اى حاجه تانيه يبق يتحط فى scmer lest ! ?

[MohandMomo]

فى دليل يا عم متشوفو فى لست :d

[Mr.Alexander]

اه يا باشا معاايا صوره وانا بديله الباسورد طبعا وهو اساسا محطوط في لست السكمر لانه عامل علي ناس كتير كمان

[MohandMomo]

انا من الناس ال عمل عليهوم سكامر

[TheSniper1]

اولاً مش هبط للردود بس فى تعليقات كويسه و حلوه اوى ....
معتز كاتب ..... (وكان قبلها في مسجات قيلي هفتح الاكونت بتاعك قلتله لا هو في بارتي عشان ميضعش عليا الوقت )
-انا فعلاً طلبت منه الطلب دا عشان افتح عندى اعليه معايا فى البارتى و فعلاً طلبته لآنى مش كان معايا ولا الاى دى ولا الباسورد ... عشان كدا طلبته .... دا اولاً

معتز كاتب ..( قلي هفتحه من جوي ماكس اشوفه ومعرفش كان عاوز يفتحه ليه :) )
و دا طبعاً محصلش لو عندك عليها دليل هاته بس بلاش الفبركه الكتير اللى انت شغال بيها اليومين دى .... لآنى اقسم بلله ما قلتله الكلمه دى دى تأليفه عشان يلبسهالى ...

معتز بيقول (وطبعا بعد كده الحجات كلها اتخدت وانا مشكتش في صحبي الي فاتح الاكونت لاني معايا ليه 3 اكونتات :) لو جه في بالي اخد حاجه من اي اكونت هاخد يعني )
سؤال الناس تجاوبنى عليه ... لما واحد يفتح اكونت 24 ساعه و يقولك اخد دى سى نزل لقيته متقلب كل اللى فيه و فاضى خالص دا يبقى ايه ..... مين اللى اخد الحاجات ... و كمان مش يوم الثلاث عشان نقول نزل واحد نزل قبله و قلبه و قفله لا دا بقلك و انا فاتح البارتى عادى لقيته اخد دى سى و اتقلب و اتفتح تانى ما هوا حاجه من الاتنين اما الواد دا اللى عملها اما معتز عمل كدا عشان يعمل عليا حوار ...

معتز ... (المهم لقيت ThelionEgypt بيقلي ان واحد بيبيع حجاتي وهو اشتري منه الافتار بتاعي )
اولاً : انا مش عرفت انا الحاجات دى بتعتك الا لما انت قلتلى الاكونت بتاعى اتسرق و قلتلى ايه اللى كان فيه و لما لقيت الولد دا فاتح بموصفات الحاجات اللى انت قلتلى عليها ... قلتلك و انا معرفش و لما قلتلك انت كانت لبس كذا و كذا قلتلى اه فنا عرفت ان هوا دا الولد اللى اخد منك الحاجات ...

معتز بيقول --( انا بردو قلت بلاش الشك :) يمكن واد هاك هكرني مع اني في الاول كنت شاكك ان الاس بوت هكرني :D هبل والله شكيت في الاس بوت ومفكرتش اشك في صحبي المهم )
و قلى الكلام دا ان الواد اميرال دا الاس بوت هكره اشمعنه مش هكر الا الاكونت بتاعك انت بس و الاكونتات التانيه بتعته مش اتهكرت و انا لو سرقته افرض ..... كانت هأكدلك 100 مره ان الاس بوت مش بيهكر و انا شغال بيه انا و صحابى و قعدت اقوله الاس بوت مفهوش هكر نهائى و لو انا اللى سرقته كانت هحاول اديله امل و يقين ان الاس بوت اللى مهكره عشان ابعده بعيدى

معتز (بعد كده قلت ل ليون انا محتاج الافاتر دا ضروري هشتريه منك قلي لا انا محتاجه )
ماشى انا قلتله لآء لآنى دفعت فيه 800 مليون بس كانت هدهولك مش هتفرق معايا بس انا دفعت فيه جولد فهمت ليه قلتله لاء لآنك اتهمتنى بأنى اللى سرقته و قبل ما اشترى اى حاجه سألتك صح ولا لاء

معتز (صراحه انا اتصدمت :) بس عدتها وجه قلي الواد بيبيع الارنوبه بتعتك ب 200 مليون قلتله اشتريها طيب عشان انا هقفل ناو ولما افتح هاجي اديك ال 200 مليون واخدها )
صح الكلام اللى انت بتقوله دا و فعلاً و قلتلك تعالى شوفه لآن انت عارف ان جهاز مش بيفتح غير 2 اكونت و انا كانت فاتح 2 اكونت و بعد لما شلت الرامات مش بيفتح غير واحد بس ... و فعلاً لما فتحت اديتك الارنوبه و اخد الجولد و مش كانت عوز اخده بس فجاً بعد لما مشيت لقيتك ادتهملى مش اخدت بالى ..

معتز :( وانا في كذه حاجه كده اثبتتلي ان هو كداب في شخصيته يعني
وبعدين جالي كلمني في الفيس قلي انا الجيم كله قلتلي سكمر بسببك وعشان نزلت الارنوبه :argue
وانا فعلا رحت اشتريت منه الارنوبه واديته ال 200 مليون :)
فعلاً لآن اميرال صحبك اللى كان فاتح الاكونت عشان يشيل الشبه عنه قال عليا انا اسكمر و انا قلتلك صحابى بقلولى انت اخدت منه ايه و هوا بيقول عليك كدا ليه و كانوا عوزين يكتبوا عليه جلوبلات قلتلهم لاء سبوووه لما اكلم معتز الاول اعرف ليه كدا و مش قلتلك السيرفر كله ... )

معتز :(وهو بعد ما الاكونت بتاعي اتسرق زي ما قلت كان طلب مني الباسورد بتاع مليووون مره مش عارف ليه ويقلي انا هعلهولك واظبطه وبتاع :)
فعلاً طلبته لآنى كانت محتاج كليرك فى البارتى بتاعى فى 102 و كانت عوزه كليرك مش اكتر ... و للآسف انا سبت الجيم فتره كبير بعد لما كانت بلفلفك و انت عارف كدا كويس و ممكن اجبلك صحبى اللى انا اخدت منه اسم الاكونت بتاعى لآنى كانت نسيته ..... و كمان الباسورد و عندى اثبات بكدا .. انى كانت ناسى اكونتى لآنى سبت اللعبه فتره كبير لآنى فى ثانوى و مش فاضى و على فكرى و كمان نسيت اكونت معتز عشان كدا طلبت منه الاكونت لآنى لو فاكره كانت من اول التلات اول البارتى كانت فتحته من غير ما اسأله لآنه كان معايا ....

معتز :: (انا بس عشان الموضوع مش فارق معايا اوي انا عاوز اوصل اني ادتله حجات وبليون وافتار وفي الاخر هو ممكن يكون سبب في سرقتي مش هقول ان هو بس ممكن يكون فتح الاكونت والباسورد في سيبر وحد لقطه واخد الحجات او يكون مديه لحد مثلا الله واعلم المهم ان السرقه عن طريقه )
انت دلوقتى مش متأكد ان انا اللى اخدت الحاجات و رغم ذلك اقسملك بلله ان اكونتى ما دخله حاجه من حاجاتك الا الحاجات اللى شريها بجولد ... و لما انت مش متأكد ليه كتبت عليا اسكمر بشويت محادثات قديمه ...........

معتز :: (وانا شفته من قريب في الجيم ماشي لابس الافاتر بتاعي قلت ما هو اشتراه :) بس لقيته لابس ال hat بتعتي ومعاه الاكسسوري الشيطان وماشي بيهم :D حاجه تفقع لما تلاقي الحجات الي شحنتها بفلوس حد غيرك خرفنك ولبسهم :D واول ما شفني هوب نفخ وطار )
اولاً انا قلتله قبل ما اشترى الافتار انا محتاجه اشتريه ليا ولا لاء قلتلى اشتريه و قلتلك كدا عشان مش تقلى بعدها هاته لآنى مش كان معايا جولد كتير عشان اجيب غيره .... و على فكرى لما انت شوفته البوت اللى كان شغال مش انا لآن يعنى مش هطير ولا حاجه لآن الاكونت بينزل المدينه علطول مش معقول مش هتشوفه يعنى دا بوت لازم انك تشوفه لما ينزل اكيد ...



انا قلت الكلام دا فعلاً و على فكرى انت مدينى الجولد دا منك ليا جدعنا عشان صحاب مش عشان ادهولك تانى و انى ادهولك تانى دا ذوقياً منى انى ادهولك مش ادهولك غصب عنى او بمزاجك



على فكرى الحته دى قبل اللى فوقها عشان تعرف انك بتختار اللى على مزاجك و الباقى بتسيبه و فعلاً طلبت منك كدا لآنى كانت محتاجه معايا فى البارتى و انت مش ادتنى حاجه صح ولا غلط



كتبت كدا ليه لآنى عمرى ما فكرت انى اخد منك حاجه و كانت بشحنلك الجولد وا لسلك و اقسم بلله ما فكرت فى يوم انى اخد 1 جولد حتى ليا من غير ما اقولك و كانت بديك كل حاجه بشحنها و اكونتى عمره ما دخله اى حاجه منك ...



فعلا ً الكلام دا حصل و اتقبلنا فى السيرفر بظروفها صح الكلام ولا لاء



و فعلاً اخدت من صحبى 200 مليون عشان اجبلك الارنوبه و عندى دليل بكدا صوره و انا بكلمه و صوره و انا باخد منه 200 مليون و كمان لو عوزين تكلمووه اجبلكم رقمه تكلمووه دا عنده 35 سنه يعنى مش هيكدب عشان لعبه ....



منين كانت بتقول انك متاخد منك حاجات بـــ 4 مليار و منين دلوقتى كانت بتقلى بــ 2 مليار وضح الكلام لو سمحت بلاش حوارات كتير



انا قلتلك كدا لما اميرال صحبك بقول للعيال انى انا اللى سرقت الاكونت ازى يا راجل يلى عندك 15 سنه .... تكون فاتح اكونت 24 ساعه و من غير دى سى تقلى الاكونت طلع و عمل لوجين نزل مش لقيت فيه اى حاجه ... يا سلام على التفكير ...



و دا كانت بتكلم على الارنوبه لآنى لما اشترتها و طلعتها اميرال بقلى انت اللى سرقت الاكونت قلتله دا انا لسه شريها قدام معتز ... فهمتوا



و الواد دا انا عرفته و للآسف كان اكونت صغير لآكونتات الاستاذ اللى بيلعب بأكونت اميرال .... و دا كان بيقول كدا عشان يبعد الشبه بعيد عنه فهمتوا ليه قال كدا

[TheSniper1]

و دا اول دليل انى مش اعرف اى حاجه عن الاكونت بتاع معتز ...


ببص لقيته حذفنى من الفرند فكلمته قلتله بستفسر انا عملت ايه عشان يحذفنى من الفرند اتفجأت انه اتسرق و هوا اللى قلى ....

--------------------------------------------------------------------------------------------------


و هوا قلى ان الاكونت اتسرق و كان بيحكيلى قبلها ازى اتسرق و مش كانت عارف اوصلها خالص ازى واحد فاتح 24 ساعه من غير دى سى ولا اى حاجه و لما ياخد دى سى مره
ينزل من غير لبس و من غير اى حاجه و فى نفس المكان اللى متبوت فيه ..... ازى
--------------------------------------------------------------------------------------------------

بقلك 5دقائق و فتحنا الاكونت اساساً لوجين مش بياخد غير دقيقتين بكل حاجه و يفتح يعنى لو واحد عوز يفتح الاكونت مش هيلحق يفتحه ... بقلك الاكونت متحركش من مكانه اصلاً معنى ذلك ايه ان الواد اللى اسمه اميرال دا اللى عملها او بلاش نظلمه ... ممكن واحد من اللى معاه فى البارتى اللى عملها لآن بقلك الاكونت مش اتحرك من مكانه ...............
-------------------------------------------------------------------------------------------------
منتظر الرد لآنى مش فاضى عشان عندى ثانويه و مذاكره .... و هدخل اشوف ردودكم و ايه حكمكم فى الكلام دا

[moha2x]

انا يا جماعه الأستاذ TheSniper1
بيقولى انى صاحب الى عمل الموضوع دا صحبى وانا متعاطف معاه انا مش عارف اقول ايه والله الراجل جبلى اثبات والاداره اديك شايف بتقولى اتحرى وشفت كل حاجه وحطيتك فى لست الأسكمر وبيقولى دا صحبك بردو :D
انا عندى فكره حلوه اوى انا حسيب المشرف Bos2Love يشوف الموضوع دا عشان اريح نفسى منكم عشان انتو الاتنين وجعتولى دماغى لو هوا شايف حاجه انا مش شيفها حيتعامل هوا انا مش حتكلم فى الموضوع دا تانى. شكرا .
شكرا يا استاذ TheSniper1 على الاتهام وحسيبك انتا بقا تتعامل معا Bos2Love
برحتكو مع بعض انتو بقا ومتنساش تقولو دا صحبك هوا كمان ههههههههههههه . سلام.

[Sky_AnGel]

لو مشرفين متاكدين من كلام دة ياريت تنهوا الموضوع عشان كلام ذاد اوى فى حكاية دى

[TheSniper1]

الراجل اللى اسمه MohandMomo لو سمحت فى الاجراء اللى اخده المشرف معاه بيكتب كومنتات كتير ورا بعض .......و كمان بيدخل يشتم و هوا ملوش دعوه بالموضوع دا اصلاً ................ و كمان الواد ده اسكمر و عليه دليل كان فى القسم و قعد سنتين فى List scammer يعنى هوا بيعمل معايا كدا عشان انا اللى كشفته فى السيرفر و فضحته

[TheSniper1]

و لو سمحتوا Sky_AnGel انت شوفت كل حاجه و الكلام و انت بجد راجل محترم و كبير و السيرفر كله بيشكر فيك ...و ياريت المشرف ياخد اجراء فى الحكايه دى لآنها طولت اوى و بجد .. مش ينفع كدا .... لآن انتوا شوفتوا كل حاجه و مش كل واحد اتسرق منه حاجه يجيب محادثات بتاريخ قديم من بتاع سنتين و يفبرك التواريــخ و يقول دا اسكمر و للآسف المشرف ......................كان متعاطف معاه عشان صاحبه و ثبتله الموضوع و حذفله المواضيع الباقيه اعتذارى للمشرف دا طبعاً .... مع شديد الاعتذار ... بس لازم يكون فى نهايه للموضوع ده و ياريت مهند ده يحترم نفسه لآن الموضوع مش يخصه خالص

[moha2x]

كان متعاطف معاه عشان صاحبه و ثبتله الموضوع و حذفله المواضيع الباقيه
تغلط فيا كذا مره انا ممكن اعملك Ban من المنتدى على الكلام الى بتتهمنى بيه دا وانا والله منا مسحك خلى حد تانى يشوف الكلام دا ويمسحك هوا تلما انا متعاطف معاه عشان صاحبه و ثبتله الموضوع و حذفله المواضيع الباقيه ادييك شايف كل الكلام يا SkyAngel
وانا مش متحرك فى اى اجراء فى الموضوع دا تلما TheSniper1 بيغلط فيه وحضرتك متقوليش اتصرف عشان انا مش حعملو حاجه اصل انا كان متعاطف معاه عشان صاحبه و ثبتله الموضوع و حذفله المواضيع الباقيه
هههههههههههه عوزنى اعمل ايه بعد اما يتهمنى الأتهام دا دا انا اتغلط فيا عشان واحد بيقوا ان واحد سكمر وجاب اثبات واديك شايف يبقا المشرف متعاطف معاه عشان صاحبه و ثبتله الموضوع و حذفله المواضيع الباقيه
كل واحد حكتبو فى لست الأسكمر حييجى يقولى كدا هههههههههه دى حاجه تموت من الدحك بصراحه يا SkyAngel
انا خلصت كلامى وحستنى كلامك انتا
.شكرا.

[MohandMomo]

سبكو منو يا اسحابىىىىىى :d

[TheSniper1]

و انا كمان منتظر كلامه لآن المحادثات دى قديمه جداً
و كان اخر محادثه بينى و بين معتز ده على برنامج viber كانت من سنه تقريباً و هوا اللى ادانى الجولد و كل حاجه
منتظر كلامه انا كمان

[WadCool]

الموضوع رجع تاني بعد اذن اداره السيرفر

انا عايز اللي هيتكلم يجيبلي دليل علي كلامه دلوقتي انا شفت المحادثات دي كلها والراجل بيرد عليها

مش عايز سبام ولا عايز حد يدخل يقول سكامر ويطلع انا عايز اشوف دليل لان لو الموضوع طلع فشنك ومن غير دليل انا هقوم بطرد صاحب الموضوع لاتهامه الناس بالباطل والاستاذ المشرف لو تعرف حاجه ضيفها بدليل لكن مش عايز اشوف ردود من حضرتك في صالح حد او علي حساب حد اللي تعرفه تقول وبس ...