من فضلكم مساعده

[_Prince_Omar_]

انا اللعبة عجبتنى جدا جدا ودلوقتى بنزلها ولكنى معرفش فيها حد خالص وكل معلمواتى فيها معتمده على الشروحات وانا انشاء الله حخش سيرفر Siel لانى سمعت ان فيه مصريين كتير فياريت حد يساعدنى فى اللعبة و وكنت عاوز اعرف بس الفرق بين الاليوس والاسموديان والاغلبية هنا مختارين ايه وكان نفسى الائى شرح لنظام الفورترس و للسكيلز بتاعت الكلاسات عشان معرفش عنهم حاجه خالص بس للاسف ملقيتش خالص هنا ولكنى اسفدت من المواضيع المعمولة فشكرا

[captin_Don]

انت انزل الجيم بس وماتشيلش هم ، الغالبية هنا اليوس ، فيه اسموديانز بس مش كتير
مافيش أي فرق بين إليوس وأسموديان غير شكل الشخصية ولون الأجنحة مش اكتر
وكمان حاجه ، الاليوس ليهم خرايط ومدن لوحدهم والأسموديان برضو ليهم خرايط ومدن خاصة بيهم
مش بيتقابلو إلا بعد ليفل 25 في الـ Abyss land (Reshanta) a وفي ليفل 55 في Tiamaranta & Tiamaranta Eye
وفي ليفل 60 في Katalam, Danaria, Idian Depth

دي الاماكن اللى الاليوس والاسموديان فيها بيتقابلو كتير

بالنسبة للفورتريس ، هي بتبقي مدينة صغيرة وانت والنوع بتاعك سواء كان أليوس أو اسموديان بتقتحموها
تموتو الحراس اللي على الأبواب ، تكسرو الأبواب ، تدخلو جوا تلاقو وحش كبير جداً تموتوه ، ولو موتوه بتبقي الفورتريس تبع النوع بتاعك وبيتكب عليها إسم اكتر Guild ضرب وجاب داميدج على المونستر الكبير.

فوايدها ، لما مثلا يكون الإليوس واخدين أكتر عدد فورتريس في الجيم ، أسعار التليبورت بتقل وبيكون فيه Instances داخل الفورتريس دي مايدخلهاش غير النوع المتحكم فيها ايا كان بقى إليوس أو اسموديان.
ومميزات تانيه كتير.

بالنسبة للإسكيلات ، انت بتشتري كل الاسكيلات الخاصة بالكلاس بتاعك ، الاسكيلات مش مكلفة ولا غالية ، تاني شيئ اللعبه دي مختلفة عن سيلك رود وأغلب الألعاب ، مافيش فيها حاجه اسمها فارم ولا فيه عدد معين من الأسكيلات لما توصل له توقف ، انت بتاخد كووووووول الاسكيلات اللي موجودة
والأسكيلات كذا نوع
*فيه اسكيلات بتتشرى من عند الأن بي سي العادي
*وفيه إسكيلات اسمها Stigma skill ودي بتيجي دروب من المونسترات او بتشتريها من البروكر
*وفيه أسكيلات عادية بس مابتجيش الا دروب من المونسترات أو بتتشرى برضو من البروكر ، وانت وحظك ممكن تلاقيها غالية حبتين
* وفيه اسكيلات اسمها Greater Stigma ودي بتشتريها بـ Abyss Points والنقط دي بتجيبها من مهمات او تقتل اسموديانز او تجمع Relics وتغيرها بنقط ، ودي من أقوى الأسكيلات اللي في اللعبه بصفة عامة.
* اسكيلات بتتشرى بـ Blood Marks ودي في ليفل 63 و65 فقط هم اسكيلين مافيش غيرهم والبلود مارك دي بتتجاب من كويستات أسبوعية وسهلة.

وأي شرح تاني انا موجود
ولو دخلت الجيم هتلاقيني موجود معظم الوقت وإسمي في الجيم Getlost
نوع الكلاس بتاعي Sorcerer
ليفل 65

أي خدمة ياريس

[sico win]

بص يا باشا مع انى اوروبى بس اهلا بيك فى الجيم و ان شاء الله تعجبك

و نصيحه متحاولش تفهم كل حاجه فى وقت واحد لانك صدقنى هتتلغبط

انت بس اهم حاجه تحدد الكلاس اللى داخل مزاجك و تلعب بيه و تحاول تفهم عنه كل حاجه و الموقع الرسمى لايون شرح كل ده كويس جدا او تقدر تلاقى على يوتيوب فيديوهات كتير جدا

الاليوس هم شعب النور و الاسمو شعب الظلام كما يقال و فى شعب تالت الـ Balaurea و دول مينفعش تختار تبق منهم دوول وحوش بس
مفيش فرق بينهم اختار الجانب اللى فيه مصريين اكتر عشان يساعدوك

بالنسبه للاسكلات انت هتشترى كل الاسكلات لحد لفل 50 تقريبا من السكيل ماستر بتاع الكلاس اللى هتختاره يعنى مش هتسيب حاجه و اكيد يعنى لما توصل لفل 40 هتلاقى نفسك فهمت اكتر من 90% من الجيم


و حاجه تانيه اهم من كل الكلام اللى انا كاتبه ده الكويستات الكويستات الكويستات اهم شىء فى الجيم كلها بتعتمد عليه

Campaign quests دى بيكون فى الاخ اللى هيديهالك سهم لونه ذهبى دوول لازم تعملهم اول باول
التلفيل فى الجيم بيعتمد على الكويستات

[_Prince_Omar_]

شكراااااااااااااااااااا الف شكر يا رجاله بس كنت عاوز اعرف الفرق بين الجلادياتور و التامبلر ومين فيهم احسن من ناحية التلفيل والبى فى بى والفورترس و السكيلز وكدا

[captin_Don]

مستنيك ياحاج

[MFA1486]

ههههه انا الجيم خلص بس بصراحة مش عارف ادخل سيرفير اية بس واضح انكم كلكم Siel

[sico win]

المشاركة الأصلية كتبت بواسطة _Prince_Omar_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكراااااااااااااااااااا الف شكر يا رجاله بس كنت عاوز اعرف الفرق بين الجلادياتور و التامبلر ومين فيهم احسن من ناحية التلفيل والبى فى بى والفورترس و السكيلز وكدا

اختار الجلاديتور و ريح نفسك ممتع اكتر فى اللعب

بس اييووون مينفعش اقولك ده احسن من ده الحكايه بتعتمد على شطارتك انت فى اللعب و انك تقدر تظبط شخصيتك من ناحيه اللبس و الستونس و السلاح

ولو كان فى شخصيه واحده افضل من ناحيه التلفيل و البى فى بى و الفورترس و السكيلز كل ده مره واحده اظن الناس كلها كانت هتلعب بيها

[sico win]

المشاركة الأصلية كتبت بواسطة MFA1486 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ههههه انا الجيم خلص بس بصراحة مش عارف ادخل سيرفير اية بس واضح انكم كلكم Siel

معلش استفسار بسيط فيه شويه حقد و قر ... هو انت سرعه النت عندك كام بالظبط هههههه

اصلك لسه بدات تحميل اللعبه من امبارح بس على ما اعتقد

[_Prince_Omar_]

تمام بس يا sico win انا مقصدش ان فى شخصية جامده فى كل الحجات دى والا كان كل الناس لعبو بيه بس اقصد ايه الفرق بينهم فى كل حاجة من الحجات دى و بذات فى البى فى بى ضد باقى الكلاسات وشكرا على المساعده

[_Prince_Omar_]

طب انا دلوقتى عندى اسفسار فى ثلاث نقاط
1-انا سمعت ان فى طريقتين لتجميع الجولد وهما crafting و gathering ف انهو الاحسن
2-ال siegs و ال rifts دول عبارة عن
3-stigma stone-enchantment stone -godstone ايه وظيفة كل واحده فيهم

[MFA1486]

المشاركة الأصلية كتبت بواسطة sico win عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

معلش استفسار بسيط فيه شويه حقد و قر ... هو انت سرعه النت عندك كام بالظبط هههههه

اصلك لسه بدات تحميل اللعبه من امبارح بس على ما اعتقد

هيا اللعبة حملت في حوالي 30 ساعة انا مش بطفى الجهاز وسرعة النت 2 ميجا ^_^

بس في شئ انصحكم بيه اللعبة اصلا مساحتها 25 جيجا ونص بعد التسطيب وهيا بتنزل من النت ملفات السطب باسم $Patch$ وده اهم شئ لانة من خلاله بتسطب اللعبة يعنى كل اللى بتنزله منه 21 جيجا وهو بيسطب اللعبة تقريبا ان مكنتش مخطئ

[captin_Don]

طب انا دلوقتى عندى اسفسار فى ثلاث نقاط
1-انا سمعت ان فى طريقتين لتجميع الجولد وهما crafting و gathering ف انهو الاحسن

ازيك ياحاج ، بالنسبة للـ Crafting و الـ Gathering
انا هقولك نبذة بسيطة عنهم
مبدأيا الكرافتنج اول ما بتبدأه لازم تصرف عليه وبياخد منك وقت مش قليل وبيبدأ يجيبلك فلوس بجد بعد ماتجيب فوق ال450 نقطة ولازم تكون صارف عليه جامد
(انا بتكلم عن الكرافتنج بصفة عامة ايا كان بقى ، الكمي - تايلور - ارمور سميث - ويبون سميث - هاند كرافت)
بالنسبة للـ Gathering خبرتي فيه مش كتير اوي بس كل اللي اعرفه عنه ان دا بتجمع بيه حاجات نادرة ، وبتبيعها بفلوس كتير ، ومازال برضو يندرج تحت قائمة الكرافت ، يعنى مش هيجيبلك فلوس عليها القيمة الا بعد ما تعدي ال400 نقطة

2-ال siegs و ال rifts دول عبارة عن

الريفتات : الريفت هو بوابة بتتفتح لمدة ساعة بين النوعين ، مثلا مدينة Eltnen التابعة للإليوس بيتفتح فيها في وقت معين حوالي 6 او 7 بوابات في البلد كلها لو دخلت بوابة منهم بتاخدك عند المدينة الموازية ليها عند الأسموديان ، بتلاقي مدينة مختلفة بس نفس ليفل المونسترات بس كل اللي فيها اسموديان (لو انت إليوس والعكس صحيح)
الـ Siege : هو نظام الفورتريس في اللعبه
جدول مواعيد الفورتريس بالتوقيت الأمريكي على موقعهم وان شاء الله هبقى احاول اظبطه وأترجمه عربي واحطه في أقرب وقت
وبالنسبة للسيج بتاع الفورتريس ، انا شارحه لك في اول رد ليا.

3-stigma stone-enchantment stone -godstone ايه وظيفة كل واحده فيهم

نبدأ بالاستيجما ستون : كل شخصية في الجيم عندها 12 Slot اسمهم Stigma بيتحط فيهم 12 سكيل فقط والاسكيلات دي اسمها Stigma Skill بتيجي دروب من المونسترات وبتتشرى بـ Abyss points

تاني حاجه الـ Enchantment stone :
ودي ستون بتيجي لما تكسر أيتم في اللعبه او بتشتريها من البروكر دي بترفع لك السلاح او اللبس +1 ، زي الإلكسير في سيلك رود.

تالت حاجه God Stone :
ودي ستون بتقع لك دروب (نادر فشخ) او بتتشرى ، وفيه كويست بيديلك ريوارد وفيه منها بعض أنواع بتتباع بـ Abyss Points
الاستون دي ياسيدي بتتحط على السلاح وكل ستون ليها خصائص معينة ، مثلا فيه واحدة لما تحطها على السلاح وتضرب اللي ادامك ، اللي ادامك يتسمم ودمه ينقص شوية بشوية لمدة مثلا 10 ثواني

فيه نوع تاني بيخلي اللي ادامك بطيئ الحركة

نوع ثالث بيخلي اللي ادامك مايعرفش يضرب ماجيك

نوع رابع بيخلي اللي ادامك يقف ثابت مايتحركش (غالية جداً)

...

[_Prince_Omar_]

الف شكر يا برنس

[_Prince_Omar_]

يا جماعه هو مفيش طريقة اقلل بيها حجم اللعبة شوية عشان حجمها عندى 50 جبجا فواخده مساحة كبيرة من ال c

[captin_Don]

المشاركة الأصلية كتبت بواسطة _Prince_Omar_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يا جماعه هو مفيش طريقة اقلل بيها حجم اللعبة شوية عشان حجمها عندى 50 جبجا فواخده مساحة كبيرة من ال c

فيه فولدر اسمه باتش .... امسح اللي جواه .... اوعى تمسح الفولدر من برة