قصه حبيبتي راحت طلعت للسما وارتاحت

[Dead heart]

حبيبتي راحت طلعت للسما وارتاحت

انا كنت ومازلت بحب انسانه هيا كل ما ف حياتي
الانسانه ده كانت بنت خالتي كنت بحبها اكتر من روحي وحياتي كلها كنت اعشقها .. عمري ما زعلت منها ولا هيا زعلت بنا .. كانت فتره الزعل بينا مش اكبر من دقيقه واحده
ف يوم اتصلت بيه واحده صحبتها من رقم الموبيل بتاعها رديت قالتلي نور تعبانه اوي مغمي عليه تعاله روحت جري اشوفها .. رحت خدتها وروحت للدكتور كشف عليها وطلب تحاليل صوره دم كامله .. خدتها من عند الدكتور وروحتها وروحت وبعدين بليل خدتها وروحت عملتها التحاليل الي طلبها الدكتور وبعد يومين رحت اخد التحاليل واروح للدكتور قالي الانسانه ده تقربلك ايه قلتله ده خطيبتي وحياتي كلها .. قالي يؤسفني اقلك ان هيا عندها مرض خطير جدا وعلاجه مش مفيد .. قلتله مالها عندها ايه قالي عندها سرطان ع الراي .. انا سمعت كلامه مصدقتهوش وخدت التحاليل وروحت لاكتر من دكتور وقالو نفس الكلام مبقش عارف اقولها ازاي وله اعمل ايه .. كلمتني قاتلي الدكتور قالك ايه قلتها مافيش ده ارهاق بس لانك بترهقي نفسك جامد ريحني نفسك شويه وبعدين روحت لاهلها الي هيا خالتي وقلتها ع الي حصل .. الكل اتصدم وهيا عرفت .. كلمتني مليون مره وبعتتلي اكتر من جواب الكلام كان واحد لزم نبعد عن بعض .. وانا مقدرش ابعد عنها مهما حصل مهما هيا فيها ايه .. قررت اني لزم اعمل حاجه عاشنها سافرت الغردقه واشتغلت هناك ف مقهي سياحي وف فندق كبير كانت عدد ساعات الراحه ليه ف اليوم 3 ساعات .. 3 ساعات انام واكل واشرب وارتاح فيهم ... اعدت ع الوضع ده 4 شهور وبعد كده رجعت وخطبتها كانت اسعد لحظات حياتي ايام خطوبتي بيها سعاده ملهاش حدود .. وبعدين سافرت تاني الغردقه علشان شغلي هناك بعد ما سفرت ب 46 يوم شهر ونص اتصل بيه حمايا جوز خالتي وقالي نور تعبانه اوي حاولي تيجي دلوقت .. طلبت من الشغل اجازه لان خطيبتي تعبانه وف المستشفي رفضو قالتهم مش عاوز القبض ومش عاوز حاجه انا ماشي .. وروحت لواحد صحبي استلف منه فلوس وحكتله ع الي حصل .. قالي خد اليه روح بيها وخد الفلوس ده .. خدت منه العربيه ورجعت قبل ما اول بحوالي 20 كيلو اتصل بيه جوز خالتلي قالي انت اتاخرت اوي .. قفلت ف وشه السكه وجريت باقصي سرعه وروحت ع المستشفي اسئل عليها .. قالولي البقيه ف حياتك تقدر تروح عند المشرحه .. انا سمعت الخبر ده حسيت من جوايا بصدمه كبيره اوي .. روحت عند المشرحه ماشي مش شايف قدامي ولا عارف انا رايح فين .. لقيت كل العيله كلها هناك والكل بعيط اول ما شافوني الي يجي يواسيني ويقلي البقاء لله والي يقلي البقيه ف حياتك ... وانا اقلهم هو ف ايه هو انتو هنا بتعملو ايه .. جيه جوز خالتي قالي نور ماتت .. قلتله انت كداب وضربته ف صدره رميه ع الارض الكل مسكني .. خرجت من المشرحه وروحنا نصلي عليها صلينا .. ورحنا الترب المدافن علشان ندفنا نزل الدفان ينضف التربه .. مسكته وطلعته ونزلت انا مكانه انظفها .. نظفتها كويس ونزلوها ليه .. اعدت اقرا قران وادعي .. وبعدين فكيت الكفن من عليها اول لما عيني جت ف عنيها وشفتها وهيا ....
مش قادر اوصفلي حالتي وقتها كان عامله ازاي ..وقتها بس اعدت اعيط واعيط جامد اوي .. اعدت ابكي اكتر من ام تبكي ع ابنها .. حته مني وراحت مني .. طلعوني من التربه خدت بعض ومشيت لوحدي روحت ع البيت وقفلته عليه واعدت مع صور الفرح بتعتي انا وهيا واجمل لحظات عشتها ف حياتي الي عمرها ما هتتكرر .. واشوف شريط فرحنا .. واعدت ابكي .. ابكي بحرقا من كل قلبي .. لدرجه اغمي عليه
اسف مش قادر اكمل..

انهارده عيد ميلادي .. وعيد وفاتي .. 17/4

ادعو لها
وللاسف الكليب دع بيحكي قصه حياتي بالحرف والصوره
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[amir5000]

ربنا يصبرك

[d0lar]

الله يرحمها ويصبرك

[Khaled Salem]

ربنا يصبرك وان شاء الله ربنا هيعوضك خير طالما صابر

[StarWars]

ربنا يصبرك

[ValnTino]

ربنا يصبرك ويرحمهـــا انشــاء الله
:smail:

[Rayan lover]

البقاء لله عز وجل ربنا يصبرك

[Hawkaaa]

من ترك شيئا لله عوضه الله بخير منه و اصبر على ما اصابك بدل الله لك الحزن الف سعادة

[Dead heart]

شكرا جدا ليكو وع الردود

البقاء لله وحده

[TURBO_MiX]

انا ولله بعد ما قرايت مش قادر ارد لانى حاسس بيكـ بس ربنا ريحها من التعب اللى كانت فـيـه و حرمها منكـ ربنا يصبركـ

[☜ ĂиTaKą ☞]

الله يرحمها ويصبرك

[!(Black Jack)!]

ربنا يصبرك

[™_Beso_™]

ربنا معاك :o

[popo369]

ربنا يصبرك و يرحمها اللهم امين

[PaRKouR MaN]

ربنا يصبرك