(.•'´(_¸.•'´ الـزواج عبــر الانتــرنت ( قضيـه هـامه جـدا.!! `'•.¸_)`'•.¸)

[!_Secotrr_!]

أهلا بكم أخوانى اعضاء المنتدى الكرام






أثناء تصفحي للأنترنت لفت أهتمامي موقع عربي للزواج



وبغض النظر عن أهداف هذا المنتدي وهي تحقيق الربح ألا أننا أمام قضيه هامه جدا وشائكه وهي زياده نسبه العنوسه بين الشباب العربي ذكورا كانوا أو أناثا



وهنا أطرح التساؤل الهام علي الأعضاء هل ينجح الزواج بهذه الطريقه وهل تؤدي العلاقات العاطفيه التي قد تحدث في المنتديات الي زواج
أحب أن أثير هنا نقطه هامه نحن جميعا لا نختلف علي أن الدين هو الأساس في الزواج وهناك الكثير من الأحاديث النبويه الشريفه لسيد الخلق محمد صلي الله عليه وسلم تحض علي الزواج من المرأه المتدينه والرجل الصالح



ولكن بالرغم من أنها أهم نفطه ولكن توجد عده نقاط أخري لا يمكن تجاهلها مثل التقارب في المستوي الأجتماعي وسوف أضرب مثلا صغير وأرجو أن كنت مخطئا أن اجد التصويب والتصحيح
قضيه زواج زيد بن حارثه رضي الله عنه و زينب بنت جحش رضوان الله عليها وعليها أفضل السلام
فلم ينجح هذا الزواج لعدم التكافؤ الأجتماعي
كما أنه هناك عوامل أخري من بينها علي سبيل المثال لا الحصر المستوي الثقافي والمادي والسن
ولي تساؤل آخر أطرحه للنقاش بفرض تساوي المستوي الديني والأجتماعي هل يمكن أن ينجح الزواج بين جنسيتين مختلفتين علي سبيل المثال مصري وسعوديه أو مصريه وسعودي
وفي الزواج عن طريق الأنترنت ما هو الضمان أن الطرف الآخر صادق ولا يرتدي الأقنعه التي تتساقط عنه بمجرد الزواج ويظهر الوجه القبيح



الناس كالمعادن..
فمنهم من جوهره طيب
ومنهم من جوهره خبيث
وهناك من يحاول طلاء المعادن الرخيصه بالذهب
في البدايه تبدو جميله وبراقه
ولكن سرعان ما تتساقط تلك القشره ويظهر الوجه القبيح
فليس كل ما يلمع ذهب



أدعوكم للمناقشه


[IMG]http://img101.***********/2010/04/12/148243300.gif[/IMG]

[™King0FCream™]

دول مواقع هبله اساسا ازاى واحده تتجوز من غير ما تكون بتحب جوزها او حتى تعرفه !!!!

و كمان بيكون اكترهم نصابين

شكراا على القضية الجامده ديه

:wrd:

[Rayan lover]

انا معاك في كل كلمه قولتها واحب اكد على كلامك قول الرسول عليه افضل السلام
فهذا الحديث رواه البخاري ومسلم ورواه أصحاب السنن. ومعناه أن عادة الناس أن يرغبوا في المرأة ويختاروها لإحدى خصال وهي: الجمال والمال والحسب والدين، وإن اللائق بذوي المروءات وأرباب الديانات أن يكون الدين مطمح نظرهم فيما يأتون ويذرون، سيما فيما يدوم أمره ويعظم خطره. فلذلك حث المصطفى صلى الله عليه وسلم بآكد وجه وأبلغه، فأمر بالظفر بذات الدين الذي هو غاية البغية، ومنتهى الاختيار والطلب. وإذا انضاف إلى الدين الجمال وغيره من الصفات المذكورة فحسن، وإلا كان الدين أولى وأجدر بالحظوة والمتابعة.
وأما معنى (تربت يداك) فهو في الأصل دعاء معناه: لصقت يداك بالتراب من شدة الفقر إن لم تفعل، ولكن العرب أصبحت تستعمله لمعان أخر كالمعاتبة والإنكار وتعظيم الأمر والحث على الشيء وهذا هو المراد منها في هذا الحديث.. والله تعالى أعلم

تقبل مرورى وشكرا على الموضوع الجميل

[!_Secotrr_!]

تــمام
شكــرا لمــروركم..

[TURBO_MiX]

مواقع هجـس كلها عاوزين يكسبوا و خلاص انا اعرف ناس اتعرفوا على بعض نت و الظروف جمعتهم و حبه بعض و اتجوزا و خلفوا بس من غير مواقع و اكتب مواصفاتك و مواصفات فتاة احلامك و الشغل دا :z12z:

[Wise Knight]

انا رأيي بمنتهي الصراحه انها مواقع مفيده بانها ممكن تقرب المسافات علي الناس وعلي رأي المثل يا بخت من وفق راسين في الحلال . احم . معلش يعني علي المثل البلدي ده بس ده اللي جه علي دماغي ومفيده برده انها بتساعد كذا شخص في التعارف ومضره بقي انها ممكن تسبب المشاكل العديده وممكن تجيب لاحد الطرفين حرقه الدم او الاحباط الشديد ..كره الزواج .. الخ وبرده هي مش هتنفع اوي زي متكون واحده ادامك وانت عارفها كويس وعارف اصلها وفصلها وعارف ان معدنها نفيس ونفسها صالحه و تكون متدينه الخ الخ الخ والمواقع دي زي منتا بتقول هي للمكسب طبعا واحيانا بتكون للتسليه عند بعض الشباب يقولك عايز اجرب حظي اشوف مين هيطلعلي حاجات غريبه كده ... وبرده ده ميمنعش انها مفيده لان زي محنا عارفين وبنسمع ان الجواز هو نص الدين .... شكرا تقبل مروري واسف علي الاطاله بس ده رأيي ودي مناقشه ارجو انك تتقبلو

[_BaD_BoooY_]

لول الوحده من دول تعيش حيتها و فى الاخر تعمل متدينه و يجى واحد اهبل يتجوزها و مش عارف عنها اى حاجه

بس الله هوا اعلم مش كل الناس زى بعضها

و شكرا على الموضوع

[SnowMan]

انا مش مواقق ع كده...
طب عندك مثل انه أو هيا لابسه قناع البريئ الطيب الحنين
و هو في الواقع حاجه تانية خالص
و يحكي حكايات و يطلع نفسه هارون الرشيدي و هو في الحقيقه لا شئ
والزواج مبنئ علي اسس صحيحه الأديان جميعها اقرتها
وحكاية الزواج عبر النت خطأ و مابنى علي خطأ فهو خطأ
واحب اشكر حسام علي المواضيع الجامده دي
وتقبل مروري

[Metro]

مفيش احسن من الحب من اول نظرة ومن طرف واحد زي :8hhr:

شكرا علي الموضوع يا برنس

[_New_Frost_]

شكرا يا سيكو

[MoST_WanTeD]

الكلام ده كلو في الهجايس مينفعش تتجوز حد متعرفوش

[WadCool]

كلامك مظبوط والله وتمام 100%

انا مش مقتنع بفكرة جواز عن طريق الانترنت ولا حتا جواز الصالونات اللي ناس كتير بتفضله


كمان انا مضمنش اي كلمه واحدة بتقولهالي من ورا شاشة وعمري ما شفتها ولا حته اعرف ان كانت صادقه ولا كذابه ؟ ول ايه ^_^

شكرا علي الموضوع يا جميل

[alnone]

:ANSmile24:

[michilvxv]

:mo13::mo13::mo13::mo13:

[!_Secotrr_!]

:a7rjtne:
شكرا لمرور الجميع ..:mnb1: