الـجـروب الـرسـمى لـلـمـنـتـدى FaceBook | Official Group

**nader.lovers** · 21-09-2010, 10:09 PM

-شاب بيبص على البنت الحلوة
(لان الله جميل يحب الجمال)
بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .

2- الشاب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .

3- ممكن الشاب يعجب بيكي للحظة و ينساكي بعديها ولا كأنه شافك قبل كده .

4- لما الشاب يقولك انا مش قادر افهمك هوا يقصد ببساطة انو أنتي مبتفكريش بطريقته أو زيه .

5- "بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .

6- صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها .

7- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك وحشة ) .

8- ابتسامة فرح جميلة منك بالدنيا واللي فيها عند الشاب .

9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

11- لما الشاب يقولك انو عايز يقابل اهلك اوعي ترفضي بل بالعكس شجعيه و اققفي جمبه في المعركة عشان تحسي بحلاوة النصر .

12- الشاب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن

13- على فكرة الشاب بيعيط

(مهما بان جامد و قوي مهوا بني آدم برضو) .

14- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .

15- الشاب ميعرفش يحلم و يتأمل كتيير زيك و معندوش صبر عايز كل اللي يتمناه يتحقق في ثانية .

16- الشاب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .

17- لما توصلي لقلب شاب أنتي كده دخلتي سكة مفيهاش رجعة
(دخول الحمام مش زي خروجه) .

18- اوعي تدي شاب رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوييييييي عن اللي في دماغك

19- الشاب بيتجنن لما بيلمس ايدك .

20- الشاب لما يكون بيلعب بكلامه و بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه

21- لما الشب يقولك " اااممممم " أو يديكي أي عذر لما تطلبي منه حاجة اعرفي انك مش عاجباه ومش مستعد يديكي (الكريديت كارد) أو حتى يدفع فيكي قرش واحد .

22- قولي للشاب أنتي عايزة إيه منه بالضبط من الاول قبل ما تقع الفاس في الراس و بعدين يقول باريت اللي جرى ما كان .

23- لما تقولي لشاب " لأاااه " بيسمعها هوا حاول تاني بكرا
(معلش أطرش هههههههههههههه) .

24- الشاب بيكره الشاب الفافي .

25- الشاب بيموت في أمه (يعني كلوا الا هيا) .

26- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .

27- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .

28- مستحيل تفهمي الشاب إلا لو سمعتيه كويس
(فبلاش بقاه تنزلي لوك لوك لوك لوك و اديه فرصة ينطق) .

29- الشب لو قالك بحبك مرة واحدة في القرن اعرفي انو فعلا بيحبك
(بس مفيش مانع حضرته يسمعك شوية كلام حلو عشان يحسسك بأنوثتك) .

30- حاسبي ........ الشاب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب

**nader.lovers** · 21-09-2010, 10:10 PM

لازم تقول ردك عشلاان ردك يهمنا

**superman_344** · 21-09-2010, 10:13 PM

يامان لسا خارجين من رمضان

ياجماعه شغل الحب والكلام ده غلوه شويه كمان

انتوا متعلمتوش حاجه فى رمضان ؟

**nader.lovers** · 21-09-2010, 10:18 PM

واللى شكرا لمرورك علشااان مقدرشى اقول اكتر من كده
بس انتا عايز تفهمنى انك مبتحبش

**Solitaires** · 21-09-2010, 10:21 PM

كلام دة فية حجات صح
شكرا على الموضوع

**omar007** · 21-09-2010, 10:29 PM

بجد كلامك كله صح وفيه كوميديه حلوه بس صح

**superman_344** · 21-09-2010, 10:38 PM

اقتباس:

المشاركة الأصلية كتبت بواسطة nader.lovers عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

واللى شكرا لمرورك علشااان مقدرشى اقول اكتر من كده
بس انتا عايز تفهمنى انك مبتحبش

الحب ليه حدود وانواع

مش هحب امى زى ماهحب زملتى فى الفصل

وبعدين انتوا فى سن تحبوا فيه اصحابكم امهاتكم

لكن متحبش بنت ابدا

لو هتحب

اعمل علاقه شرعيه

متزعلش منى

انا مقدر مجهودك

**Tito007** · 21-09-2010, 11:03 PM

جامد الحقيقه الموضوع
مشكور على مجهودك

**Mr.V.I.P** · 21-09-2010, 11:09 PM

شــكرا علي الموضوع

**WheelMan** · 21-09-2010, 11:15 PM

مشكوور موضوع جميل

**amr159951** · 22-09-2010, 12:35 AM

تسلم موضوع جمييييييييييل جدا

اقتباس:

المشاركة الأصلية كتبت بواسطة superman_344 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يامان لسا خارجين من رمضان

ياجماعه شغل الحب والكلام ده غلوه شويه كمان

انتوا متعلمتوش حاجه فى رمضان ؟

ممكن أسألك سؤال؟

ليه لما بتيجي كلمة حب دايما دماغك بتروح لبعيد؟

يا عم الحب مشاعر في القلب مش بيقدر يتحكم فيها

تحياتي

**Dead heart** · 22-09-2010, 02:11 AM

مش لقي تعليق لان كلامك ميه ميه

**kemo elkassas** · 22-09-2010, 02:22 AM

والله فنان وموضوع جامد جدا مش بجاملك بس موضوع رهيب وشكرا لمجهودك

**Genar** · 22-09-2010, 03:51 AM

تصدق انى مأعجبتش ببنت الا مرة واحدة فى حياتى كان فى اولى اعدادى و كمان معرفتش اكلمها

**super_man619** · 22-09-2010, 07:07 AM

اقتباس:

المشاركة الأصلية كتبت بواسطة genar عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تصدق انى مأعجبتش ببنت الا مرة واحدة فى حياتى كان فى اولى اعدادى و كمان معرفتش اكلمها

زي

بس انا كلمتها مره

كنت انا و صحبي

و صحبي قالي هخليك تكلمها

و فعلا حصل

اليوم ده طرت من الفرحه و قلت ديه بتحبني و مش عارف ايه

و نشرت الخبر

جه واحد صحبي فهمها اني بتاع كلام و بنشر و بفضح كل واحده انا بحبها قامت مفرقعاني

بس خدت شويه شتيمه ياض

بس معرفتش ارد

بس مسكت صحبي ده

طلعت 3 ********

يتصفح الموضوع حالياً : 1 (0 عضو و 1 زائر)

	حفظ بياناتي ؟

شـريـط الاهـداءات