الـجـروب الـرسـمى لـلـمـنـتـدى FaceBook | Official Group

**kingoffruits** · 13-01-2011, 09:10 PM

ذنوب الkeyboard
ايه ده؟؟؟؟ يعنى ايه... هيه الكيبورد بتعمل ذنوب

لا طبعا هوه صاحب الكيبورد هوه اللى ممكن يعمل ذنوب
كلنا بتقعد على النت ما بين ساعتين الى ما شاء الله كل واحد حسب احتاجاته

ممكن فى الساعتين دول ناخد حسنات كالجبال

بمجرد موضوع كتبته تنصح الناس او فيديو قمت بنشره يتكلم عن الله

او انشوده تتحدث عن رسول الله عليه افضل الصلاه والسلام

او حتى صوره وضعتها وكنت سبب فى تذكير الناس بالله....بس وتقفل النت وتمارس يومك

وتنام وكل ما واحد يشوف بروفايلك او المكان الى نزلت فيه الموضوع

يتحط فى ميزانك وممكن واحد شاف الفيديو اللى انت منزله

ودخل الكلام قلبه واهتدى بفضل الله ثم انت

كل ده وعداد الحسنات شغاااااال الله اكبر وانت ولا عارف سبحان الله

والحسنه بعشر امثالها وكلنا عارفين كدا.. اللهم اجعلنا منهم

وممكن لا قدر الله يحصل العكس

لما نبقى قاعدين كل همنا ننشر الاغنيه دى ومقطع الفيلم ده
واخبار المطرب الفلانى ده
وواحد يفتح يعجبه الاغنيه دى ياخدها وينزلها عنده
والناس اللى عندها تشوفها وواحد تانى ينقلها
وانت مش بتاخد منهم غير كلمه وااااو او جامده جدااااااا وما الى ذلك
وكل الكلام ده ملهوش اى قيمه عند رب العباد انت فرحت بشكر الناس ليك واعجابهم بس
ونسيت ان رب الناس دى كلها مش راضى عن الافلام والاغانى وووو.....

شوفوا ربنا بيقول ايه" يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُمْ بِمَا كَانُوا يَعْمَلُونَ"

يااااااااااااااااااااه يعنى كل صباع كنت بكتب بيه كلمه
مترضيش ربنا هيشهد عليا وايدى هتشهد عليا يوم القيامه
وعلى كل عمل كنت بعمله فى الدنيا مش بس فى الكيبورد فى كل حياتى

وشوفوا قول الله تعالى ..
{وَإِذَا الصُّحُفُ نُشِرَتْ }

كيف حال صحيفه كل شخص منا... يا ترى مليانه بالحسنات ام لا قدر الله بالسيئات

شوفوا كدا عند موت الانسان الصالح سيرى ملائكة وهى ملائكة اليمين وملائكة الشمال
تقول له جزاك الله عنا خير
فلطالما جلسنا معك مجالس الذكر
ولطالما أحضرتنا معك فى الطاعة وسنتركك الأن

ونصعد بالكتب إلى الله عز وجل وسترى هذه الكتب يوم القيامة فى الميزان

وتخيلوا بقى لو كان العكس وانت عمرك ما سمعت الملايكه كلمه طيبه او رحت مكان بيذكر فيه اسم الله عز وجل...

احنا محتاجين وقفه مع نفسنا

بالله عليكم يا جماعه بالله عليكم

لا تنشروا المعاصى ولا تجعلوها سيئات جاريه لكم