شـريـط الاهـداءات |
|
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
11-07-2012, 03:27 AM
|
#1 | ||||||||||||
  
|
شخصيات القصه:- عمر حسام شريف سعيد الاربعه سنهم واحد و فى نفس المدرسه بعد لما خلصوا امتحاناتهم و خدوا الاجازه ! , اقترح حسام عليهم فكره انهم يروحوا مكان فى العين السخنه حسام يعرفوا و هو مكان هاادى خالص و مفيهوووش اى حد زى عباره عن بيت على البحر و الشط فاضى خالص و مفيهوش اى مخلوق , عمر و شريف و سعيد حبوا الفكره اوى و قالوا ليه لا ما احنا اخدنا الاجازه و مبقاش فى حاجه ورانا يلا نطلع عمر قال لهم : كله يحضر الشنط عشان هنطلع بكره ! .. و فعلاً كل واحد حضر الشنطه بتاعته و جمعوا بعض و ركبوا العربيه بتاعت عمر و راحوا الطريق كان المفروض حوالى 7 ساعات ! وهما فى الطريق شريف كان حاسس بخنقه غرييبه و كان قاعد يقول يا جماعه انا مش مستريح و حاسس ان فى حاجه هتحصل انهارده ! كان رد اصحابه كلأتى عمر:يابنى فكك بقى و بطل هبل بس عمر كان حاسس القليل من الاحساس ده برضو بس هو افتكره حاجه عاديه عشان اول مره يطلعوا رحبه مساافه بعيده كده حسام:هههههههه يا شريف وحيات ابوك مش ناقصه نكد احنا طالعين رحله سعيد:الله يحرقك و احنا جايبينك عشان تنكد علينا ههههه ده احنا لسه ماوصلناش اومال لما نوصل هتعمل فينا ايه شريف اتكسف لما قاال الكلام ده و شاف رد اصحابه كان عامل ازاى فاسكت و قعد يضحك مع ان برضو هو كان لسه حاسس بنفس شعور الرعب و الخوف و القلق بس حاول ان يخفى الشعور ده عشان صحابه مايتضايقوش و كلهم يقضوا وقت جميل يعد حوالى 4 ساعات من الطريق عمر تعب من السواقه و قال يريح شويه عمر قال لسعيد : بقولك ايه .! ماتيجى يا سعيد تسوق انت عشان انا تعبت سعيد:منتا عااارف يا عم اننى مش بعرف اسوووق انت هتستهبل ؟ عمر: خلاص يا عم نسيت . شريف تعا.... عمر فى وقتها محبش يكمل الكلمه لأنه كان بيشعر بنفس الاحساس اللى كات حاسسه شريف ملقاش غير حسام و يقوله حسام قالله ماشى تعااالى انت و انا هسووق و عادى كانوا كلهم فرحانين و مشغلين ااغاانى و هايصين فى الطريق وعمالين يرقصوا و شريف الاحساس ده رااح خالص هو و عمر وبعدها ناموا شويه و حسام هو اللى كان سايق بعد حوالى ساعتين ونص او تلاته حسام:يلا يا رجاااااااااااااااااااااااااله وصلناااااااااااااا و البيت اهو معلش هو بتاع جدى بس ولا انا ولا ابويا ولا اى حد خاالص دخله من كام سنه كده فهو شكله مهجوور شويه و كان رد صحابه كده شريف:بجد؟؟؟؟؟؟؟؟؟؟؟؟ يانهارك اسود هو ده المكان اللى قولتلنا عليه حلو و مسفرنا 7 ساعات ؟ عمر ماكنتش فارقه معاه اوى عشان هو اصلا بيحب الهدووء خالص و كان رده عمر: ايه ده هههههههه ؟ و احنا هنقعد هنا قد ايييييه ؟ على قد ما هو هادى هو مخييف اوى برضو و كمان احنا الصبح ! اومال بليل ايه اللى هيحصل بس خلاص يا جماعه احنا هنقضى يومين حلوين و نمشى مش عايزين نحسس نفسنا ان احنا متضايقين شريف بدأ قلبه يدق ! و مابينش انه خايف خالص و ضحك و سعيد قال:وحييييييييات امك ؟؟؟؟؟؟؟؟؟؟؟ كله ضحك لما سمع الكلمه دى . حسام قالهم يا جماعه والله المكان حلو بس هو عشان هاادى بس و مفيهوش حد ! و بعد اما خلصوا كلامهم سعيد قاللهم يلا يا جماعه نطلع ننام عشان انا فااااصل خااالص و كلهم قالوا يلا احنا كمان فاصلين و كان وقتها الساعه 5 تقريباً كلهم دخلوا البيت عمر..شريف..سعيد..حسام..:- احيييييييه ! ده المكان معفن اوى شريف قاللهم يلا كل واحد يمسكله مقشه و كلنا ننضف البيت و عشان البيت كان كبير خدوا وقت شويه فى تنضيفه بعد لما نضفوه ناااموا كلهم كتيييير اووى لحد ما الساعه بقت 12 بليل لما جت الساعه 12 عمر صحى عشان ماكنش مستريح اووى فى المكان اللى نايمم فيه و مارضيش يصحى اصحاابه و خليهم نايمين عشان هو عارف قد ايه هما مرقين ! عمر قال فى نفسه انا هنزل اشم شويه هوا تحت ! عمر نزل من البيت و طبعاً المكان فااضى خالص و مفيهوش اى حد ! عمر حس ان فى حد بيهمس فى ودنه من ورااه لما قرب من البحر عمر بص ورااه قاال انت صحييييت يا حسسسام ! ؟ بص وراااه ...... ملقاش حد وراااه ! فى اللحظه دى عمر كان حاسس بخوف و شعور رهييب و قعد يبص فى كل حته حوااليه و كان حاسس ان قلبه هيطلع بره صدره من كتر ما قلبه كان بيدق فقال لنفسه :- ايه الهبل اللى انا فيه ده دى اكيد يعنى تهيئات ! عمر كمل عادى و كان بيستمتع بالهواء الجميل اللى فى المكان اللى محسش بييه قبل كده فى القاهره بعدها فجأه اصحابه كلهم نزلوا بس هو كان لسه بيشعر بخوف بس لما شافهم اتطمن شويه ! حسام: ايه يابنى واقف بتعمل ايه هنا عمر:- ابداً اصل حضراتكوا كنتوا نايمين و انا كنت زهقااان انتوااا جايين عشان تنااموا ؟ المهم قعدوا هما كمان فى الهوا الجميل فجأه الصوت همس فى ودنهم كلهم ! بيقول "امشوا من هنا " كلهم بصوا لبعض فجأه و شريف قام وقف و قاللهم حد سمع او حس بحااجه كلهم قاموا وقفوا و فى لهفه شديده كلهم قالوا "انا" شريف قاللهم بزعيق مش انا قولتلكوا انا مش مستريح ! عمر قالله و هو كان قلبه بيدق اووى يا شريف انا حسيت كده برضو والله ! و سعيد قال يا جماعه احنا لازم نمشى من هنا حااااالاً ! حسااام قاللهم يا جماعه صلوا على النبى و ان شاء الله مفيش حااجه عمر قال له مفييييش حاجه ايه يا عم انت ما سمعتش الصوت ؟؟ الله اعلم ده ايه ؟ , ده اكيييد جن !! شريف اول ما سمع كلمه جن قلبه وقع !! O-o !! كلهم اتفقوا انهم هيمشوا من هنا كلهم رااحوا عند العربيه حسام قال :- ياااااااااااه دى المفاتيح فوووق انا هطلع اجيبها بسرعه بس وهو عند العربيه شااف طوبه جوا العربيه ! قال ايه الطوبه دى يا جماعه و هو كان خايف ! كلهم قاااالوا منعرفش هو احنا هنجيب طوب معانا لييه ! و سعيد قال لهم ده كمان العربيه مقفووووله ! و يعد ما شافوا الطوبه دى كله حس بالخووف كانهم هيموتوا ! ايه ياعم حسام المكان اللى انت جايبنا فييييه ده ؟؟؟؟ حسام قال والله العظيم يا جماعه انا معرفش انها هتبقى كده و هو انا لو اعرف كنا هنيجى اصلا؟ وفجأه لقوا حاجه جايه من بعيد و زى ما تقول انسان بس , مش عااارف هو ما يتوصفش انسان كان جاى بيجرى بسرعه رهييييبه مع انه ماسك عكاااز و رجليه الاتنين مقطوعين خاالص وعينه من بعيد كان طالع منها ضووووء احمر رهييييب و اول ما شافوه جاى عليهم هما الاربعه و قعوا فى الارض ! فقدوا الوعى بعدها صحيوا كلهم فى وقت واحد و فاقوا وبصوا كلهم لبعض و لسه في خووف جواهم ! كل واحد صاحى مستغرب اووى طيب ده كابوس ؟ طيب حتى لو كابوس ايه اللى خلانا نايمين هنا ؟ المهم قااموا حسام قاللهم شايفين الراجل اللى واقف بعيييد ده ؟؟ كلهم طلعوا يجروا على الراجل ده عشان يعرفوا هو مين بس لما قربوا منه شويه لااحظوا فى ايده سناره و معاه حاجه كده شايلها على ايده زى شنطه ف هو لما لاحظهم جايين عليه و هما فى لهفه رهيييبه هو كان خايف هو كمان ! رااحوا بعد ما وصلوا عنده سألووه انت مين و ايه اللى جابك هنا قاللهم انا عم على ساااكن بعيد عن هنا بس بااجى هنا كل يوم فى الوقت ده اصطاد سمك ! و ببيعه فى السوق بس انتوا اييه اللى جابكوا هنا ؟؟ حسام رد عليه و قال له ده احنا فى اجازه و جينا هنا عشان نقعد يومين فى البيت ده هو بيت جدى سايبه من زمن ! بس من ساعتها و احنا بيحصلنا حاجات غريبه و بنشوف حاجات و بنسمع اصوااات ! عم على قاطعهم فى لهفه و خوف عليهم قاللهم "هووو ظهرلكوا" ؟؟؟؟؟؟؟ كلهم ردوا عليه فى وقت واحد قالوا له هووو مين ده ؟ قاللهم انا هحكيلكوا يا شباب بس ياريت بعد ما احكيلكوا تسيييبوا المكان ده فووراً قبل الليل ما يطلع و القمر يكتمل ! عمر قال له اشمعنا بليل يا عم على ؟ عم على :- هتعرف كل حاجه يابنى ! من زمان حواالى 7 سنين كده كان فى واحد كان اول مره اشوفه فى المكان ده , المهم كان معاه واحده و معاهم شنطه اعتقد كان فيها خمره ! استغفر الله العظيم يا رب و كان داخل البيت ده ! بس كان في ايده حاجه مش عارف ايه هى بس هى مش مفتااح ! و فتح البااب بيها ! و انا كنت قاعد بصطاد ! بعدها بساعه سمعت صووت ضرب و الست اللى كانت معااه بتصوت صوييت رهيب جايب لاخر المكان الظاهر يابنى والله اعلم انهم اختلفوا على الاجره المهم لقيت الست دى طالعه بتجرىىى بسرعه جداً و ركبت العربيه بتاعتها و مشيت و الله اعلم راحت فين ! و سابت باب البيت مفتووح دخلت البيت ده لقيت الراجل وشه كله غرقااان دم و واقع على الارض ولقيت المحفظه على ترابيزه جمبه و فلوس واقعه على الارض و بصيت فى البطاقه بتاعته لاقيت اسمه حمدان ! بعدها رميت البطاقه و جريت على بيتى على طوووول و اسمع من بعدها ان كل الصيادين اللى بييجوا هنا بليل بيسمعوا اصواات همس و صوييت و صووت ضحك عاااالى جداً و حمدان بيظهرلهم و هو رجليه مقطوعه و علينه طالع منها ضوء احمر وكل اللى بيشوف حمدان مش بيقدر يعيش حياته طبيعيه زى الاول ولازم يحصله فى مخه حاجه بس هو بيظهر فى وقف محدد الى هو الوقت اللى مات فييه يعنى من الساعه 12 بليل كده فجأه عمر قالله هو ده الوقت اللى انا حسيت فيه بالصوت عم على قال لهم انتوا قد ولادى انا خايف عليكم و امشوا من هنااا حااالاً ! عشان محدش يتأذى وفجأه عينه قلبت لونها احمر و مليانه شر و رجعت تاانى زى ما كانت ! كلهم بصوا لبعض و كانوا خايفين اوووى و عرفوا ان الراجل ده ورااه حااجه حسام بصلهم بصه كده كان معناها كده بيقول ان محدش يتكلم خاااااالص ومشيوا كلهم دخلوا البيت كانوا خاييفين بعد اللى سمعووه من عم على اللى محدش عارفله حاااجه ! اول ما دخلوا فى وشهم لاقوا كلمات مكتووبه بالدم !!! و كان مكتوب .. ده يعتبر انذار صغير و عم على ده انذار ليكوا برضو بس لو فضلتوا هنا كتير مش هتمشوا من هنا تانى !! وهتبقوا زى عم على كده !! ..حمدان.. كلهم اترعبوا و سعيد جرى خد مفاتيح العربيه ونزلواا كلهم ركبوا العربيه ! شريف قالهم اومال فين الطوووبه ! ؟؟ و كان اللى سايق عمر قال له طوبه او مش طوبه خلاص ماعدتش بتفرق احنا اتعربنا بما فيه الكفايه و كتابه بالدم و حمدان اللى كان طالع من البحر ! و الاصوات و و و و و و و و الحمد لله طلعوا من المكان ده خالص ! و بعد لما وصلوا كل واحد بيته كان كل واحد قاعد فى بيته مش بيتكلم خاااالص و محدش من اهلهم كان عارف فى ايه ! و بعدها بحوالى شهرين كلهم نسيوا الموضوع ده خالص ! بس يا ترى ممكن حمدان ممكن يطلع لحسام تانى؟ او يطلع لعمر تانى ؟ او يطلع لشريف تانى ؟ او يطلع لسعيد ؟ والله ممكن مش بعييد و ممكن برضو ! .. .. .. .. حمدان يطلعلك دلوقتى و انت قاعد بتقرأ الكلام ده !!! |
||||||||||||
|
| إعلانات google |
|
|
|
11-07-2012, 03:42 AM
|
#2 | ||||||||||||
 
|
أول ما قريت القصة ديه ليقت كلاب اعده بتهوهوا و حاجات غريبة بتحصل الله يخربيتك يا شيخ ! |
||||||||||||
|
|
|
11-07-2012, 03:48 AM
|
#3 | ||||||||||||
|
هههههههههههههههههههههه معلش يا صاحبى ^_^
|
||||||||||||
|
|
|
11-07-2012, 04:16 AM
|
#4 | ||||||||||||
|
ههههههههه
جامده بس ياريت كنت عملتلها اجزاء وخليتها زى الحلقات فكر فى كلامى |
||||||||||||
|
|
|
11-07-2012, 04:16 AM
|
#5 | ||||||||||||
|
| مُلحد بالوطن |  
|
حمدان .. جمع مذكر سالم
 |
||||||||||||
|
|
|
11-07-2012, 04:18 AM
|
#6 | ||||||||||||
|
ههههههههه جامده بس ياريت كنت عملتلها اجزاء وخليتها زى الحلقات فكر فى كلامى |
||||||||||||
|
|
|
11-07-2012, 04:18 AM
|
#7 | |||||||||||||
|
اقتباس:
|
|||||||||||||
|
|
|
11-07-2012, 04:31 AM
|
#8 | ||||||||||||
  
|
الصراحة قصة عادية كان الاحسن تتطول شوية فى القصة
|
||||||||||||
|
|
|
11-07-2012, 05:00 AM
|
#9 | ||||||||||||
 
|
تسلم
|
||||||||||||
|
|
|
11-07-2012, 05:05 AM
|
#10 | ||||||||||||
 
|
استمر 
|
||||||||||||
|
|
|
11-07-2012, 05:11 AM
|
#11 | |||||||||||||
|
اقتباس:
|
|||||||||||||
|
|
|
11-07-2012, 05:13 AM
|
#12 | ||||||||||||||
|
اقتباس:
اقتباس:
|
||||||||||||||
|
|
|
11-07-2012, 05:18 AM
|
#13 | ||||||||||||
 
|
يخربيتكككككككككككككك انا قاعد لوحدي مع حمدان حد ينقذني   
|
||||||||||||
|
|
|
11-07-2012, 05:23 AM
|
#14 | |||||||||||||
|
اقتباس:
انا قعدت كتير اوى لحد ما لقيت اسم حمدان ده انا فضلت افكر و اقول ف نفسى عاايز اسم غريب و مرعب قولت اكتب حمدان 
|
|||||||||||||
|
|
|
11-07-2012, 05:30 AM
|
#15 | ||||||||||
 
|
شكرا
|
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
