حاجه تحير بجد..ياريت مساعده!

[Doom_shadow]

انا هاحاول علي اد ما اقدر اختصر...بداية انا كنت بحب واحده من رابعه ابتدائي طبعا دون وصف كنت ومازلت و هافضل احبها...بس بعد كده عزلت انا و روحت منطقه تاني بس في نفس المحافظه...بس قبل ما نمشي اكتشفو عندي في البيت اني بعتلها رساله في مره علي التليفون..اتعاقبت طبعا بس انا ماشيلتش الموضوع من دماغي..جيت بعد كده بعد ما عزلت و ده زي ما يكون حد دعا اني ما اعرفش اقابلها تاني..حاولت بشتي الطرق اني احاول بس اعرف اكلمها كنت خايف في الاول عشان هنا فضلو فاكرين اللي حصل و منعو عني التليفون..اما بعد كده رجعت ثقتهم فيا حاولت اكلمها اما حسيت اني مابقتش تحت المراقبه كان رقمها اتغير علما بأن انا حسيت انهم بقو يتطمنولي بعد 3 سنين..و انا كنت طول الفتره دي بحاول اروح عند بيتها عشان اشوفها..بس مافيش...
جربت حاجات كتييييييييييييييييييير بجد و اي حاجه تخطر في بالكو عملتها..
انا اعرف مدرستها..بس مابرضاش اروح و اكلمها عشان ما اجبلهاش مشاكل..لدرجه في مره اتجننت بجد و قولت انا لازم اشوفها و روحت بس قولت اكلم اختها اللي اصغر مننا بسنتين بس شوفتها و خوفت اكلمها عشان ما احرجهاش زي اختها..واحد صاحبي كان يعرف واحده في مدرستها بس كان بيحبها و من حظي الحلو انا جيت اقوله خليها تكلمها راح سابو بعض..اخدت انا اكونت البنت من الفيس و اتحايلت كذا مره تقول هاروح و مره لا..و يوم مابتقولي روحت و هيا اصلا شافتها و عرفتها و كان سهل اوووووووووووووي انها تكلمها كانت تقولي ماشوفتهاش و ساعات تقول دورت عليها و مالقيتهاش..و بصراحه كنت حاسس انها بتكدب و جت مره قالتلي انها سألت عنها وقالولها انها بتحب واحد تاني..قولتلها انا اصلا كانت اخر واحد تقابله عشان قبل ما اعزل قالتلي ان باباها مش هايخليها تنزل تاني الشارع..و انا عارف بردو انها ازكي من حب الشات و عمرها ما تعمل كده..و اما قولتلها طب اكيد عشان انا عارف انها صحابها قليلين زيي تمام دون دخول في تفاصيل و اسباب اكيد اللي هاتقولها انها بتحب كذا اكيد البنت دي هاتكون معاها رقمها و اما قولت للي كانت حبيبه صاحبي اسألي بقا اللي انت سألتيها عشان اكيد هاتلاقي معاها رقمها..طنشت:) عشان كده عرفت انها كدابه و كان ليه حق صاحبي يسيبها..حاولت اعمل سيرش علي الفيس اللي انا مش بحبه اصلا بس دخلته عشان اكلم اللي كانت حبيبه صاحبي ماعرفتش الاقيها..اقسملكو بالله من كتر مع اختلاف محاولاتي اللي حاولتها انا بقيت بنسا منها بس اكتر محاولتين فاكرهم قولتهم..و انا جيت في وقت بقيت كل ما افكر فيها اعيط و قررت اني اروح اشوفها و هيا جايه مع ابوها قدام بيتها بعد المدرسه..علي اد ما كنت برتاح اني بشوفها علي اد ما كنت بتعذب اكتر اني شايفها و مش عارف اكلمها..هيا اما شافتني الاوا اتفاجئت بس ماعرفتش افهم ملامحها اذا كانت اشتاقتلي ولا لا عشان ملامحها كانت عاديه..و انا عاذرها عشان كانت واقفه مع باباها..انا بس جربت كل حاجه اقدر عليها..كل حاجه جت في بالي عملتها عشان بس اعرف اكلمها او حتي اخد رقم تليفونها بس للاسف كل مره كانت بتفشل انا بجد محتاج اي نصيحه..اي حاجه و لو اني عارف اني ممكن اكون جربتها بس اهو يمكن حاجه تنفع و لو ان كل ماجرب حاجه ماتنفعش و كل المحاولات متقفله..و بجد ابقا متشكر جدا:( و ياريت بجد حد يدعيلي عشان انا ياما دعيت و يمكن ربنا يتقبل منكو..بس مايقولش يارب يقابلها..يقول بس مش اكتر ان ربنا ينولني اللي انا عايزه بالخير مش بالشر...و شكرا


السلام عليكم و رحمه الله و بركاته...

[m.s warrior]

y02.gif" border="0" alt="" title="Winky02" class="inlineimg" />انت اصلا لو كنت عرفت الرقم مينفعش كنت تكلمها لا كده انت بتخون اهلك و هي كمان بتخون اهلها انا الصراحة مش عارفة بس استحمل لحد اما تكبر و اخطبها

[Doom_shadow]

لا انا اقسم بالله عمري ما افكر اقولها حاجه الا في حدود..انا معاملتي كانت معاها و هاتفضل لو رجعنا ان شاء الله زي الاخوات..و احنا ماعمرنا عملنا حاجه لا عيب ولا حرام و مش هانعمل عشان كده انا مابعتبرش دي خيانه لاهلنا..ده حتي انا بحس اني بخاف عليها اكتر من ابوها اللي بيخاف عليها جدا:(بالنسبه لحكايه اخطبها دي...انا ماينفعش اروح واخطبها الا و هيا كانت عايزاني:) لان لو فعلا عرفت حد..انا كده ضعت بس مش اكتر ولا اقل

[RLOxyGeN]

ادخل البيت من بابه

[Doom_shadow]

اولا احنا لسه في مرحله دراسه..ثانيا ماينفعش عشان ماعرفش اّا كانت حبت ولا لا

[CHeeToS]

انت فاكرني هقرأ كل دة ؟!!

ياراجل كبر مخك

[m.s warrior]

t7b eh bs da ento so8yren aked hya m3amltsh keda

[koko000009]

شفها في المدرسه من بعيد لبعيد او نقسك تشوفها اوي
و لما تخلص دراسه اول خاجه تعملها اتقدم لها

[HandSome]

مغــلق

#