شـريـط الاهـداءات |
|
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
11-11-2008, 02:11 PM
|
#1 | ||||||||||
  
|
هذه القصة حقيقة ومستمرة وحدث لصديق لى طلب منى تنبيه كل من اعرفهم حتى لايقعوا فى الخطأ مثله.... السبت 26-8-2008 الساعه 8 مساءاً نفترض اسم المشترى (صديقى وزميلى فى العمل) حسن... ذهب لشراء موبايل نوكيا موديل N81 2GB من محل موبايل شوب فرع مدينة نصر الشهير.... وبعد الشراء وذهابه للمنزل يفاجأ بأن احد زراير Right Soft Key لا يعمل جيدا ويبدوا كما لو كان مستخدم!!!راح للمحل تانى بعد بساعتين فى نفس اليوم وبعد نقاش مع مسئول الفرع تم تبديل الجهاز باخر جديد... الأحد 29-6-2008 الساعه 9 صباحا فى الشغل حسن بيفرجنا الموبايل وكان سعيد بيه جدا وبشكله الانيق وفعلا الموبايل شيك جدا نفس اليوم على الساعه 1 ظهرا بيشتكى من ان زرار الفتح والغلق لا يعملان جيدا ويجب الضغط بشدة لكى يعملا... احنا كلنا إتاجئنا واعتقدنا ان ده فى نظام ال N81 ..... نفس اليوم 8 مساءا الزرارن لا يعملان بالمره !!!! (تخيلوا حالة الغضب اللى عليها حسن)... الاثنين 30-6-2008 الساعه 9 صباحا حالة النكد على وش حسن ومحاولة مواساة .... الساعه 4 عصرا راح حسن لفرع نوكيا الصيانة اخر مكرم عبيد وهناك مسئول الصيانة عرض التصليح بالضمان خلال فترة 10 أيام ولكنه لما عرف انه لسه جديد لانج رفض واستحرم يدخله الصيانه!!! وطالب حسن باستبداله طبقا لقانون حماية المستهلك... الساعه 6 المغرب فى محل موبايل شوب الفرع الشهير بمدينة نصر... حسن: الموبايل ده لسه واخده من يومين والزراران دول مش بيشتغلوا مسئول الفرع (لنفترض اسمه أحمد): ايوه حضرتك .... (سكوت) حسن: عايز استبدله بواحد جديد طبقا لقانون حماية المستهلك أحمد (مبتسماً): إزاى يعنى حضرتك ؟؟!! مينفعش طبعاً!!! حسن: مينفعش ليه ده حقى أحمد: حق حضرتك تاخده تودية لراية تصلحهولك!! حسن: تصلحهولى؟!!! يا استاذ أحمد بقول حضرتك ده بقالة يومين اصلح ايه؟؟!! أنا حقى استبدله!! أحمد: اه حق حضرتك تستبدله لو مفيهوش عيب!!!!!!!!!!!!!!!!!!!!!!!!! حسن: ياسلام!! إذا كان القانون بيقول لو وجد اى عيب فى الجهاز خلال 14 يوم يتم استبداله او استرجاعه!!! أحمد: انا معرفش الكلام ده !!! حسن: خلاص نخليها تحقيق... يخرج عم حسن وراسه مولعه نار (لاحظ معاملة محل موبايل شوب المكيف الشيك صاحب الابتسامه) الثلاثاء 1-7-2008 الساعه 4 مساءاً يتصل حسن بشكاوى موبايل شوب ويوعدوه بالرد على الشكوى خلال يومين لكنهم يخبروه بانه مادام اتصل من الموبايل يبقى حق الاستبدال او الاسترجاع ضاع عليه!!!! طبعا عم حسن اتنرفز ونزل تهزيء فيهم وابسط حاجه قالها هو الموبايل وظيفته الرئيسية ايه اصلا!!! يقفل التليفون يتصل بجهاز حماية المستهلك 19588 ويقدم شكوى رقمها 29*** ويرسل صورة الفاتورة والضمان على رقم فاكس 35392647 ويتم التحقيق بدءاً من يوم الاربعاء 2-7-2008 الاربعاء 2-7-2008 الساعه 8 مساءا يتصل أحمد (مسئول فرع وبايل شوب الشهير بمدينة نصر) بحسن ويطلب منه الجهاز حتى يتم الكشف عليه من قبل راية وتحديد ما إذا كان سبب سوء الاستخدام او عيب الصناعه ويوافق حسن مطمئنا بصورة نسبية ... الخميس والجمعه والسبت والاحد والاتنين فى حالة حزن واكتئاب وفى انتظار الرد... الثلاثاء 8-7-2008 الساعه 8 مساءاً يتصل حسن بموبايل شوب ويخبروه انه يستنى كمان 5 أيام !!!! حالة من النرفزة والحزن طبعا... الاربعاء يتصل موبايل شوب بحسن ويخبروه ان السبب سوء استخدام واتفضل تعالى خد موبايلك!!!! عم حسن راح شاف الباد مخدوشة ورفض استلام الموبايل والراجل قاعد جانبى اهو بيقرا الموضوع وحالة الحزن والاكتئاب على وشه... الخميس عم حسن اخد اجازة وهيروح بنفس جهاز حماية المستهلك اللى منفضنله بقالهم 7 ايام...ادعولوه بالتوفيق... ملخص وهدف الحكاية: 1. مش كل محل مكيف وشيك والبائع بيبتسم فى حضرتك ذو امانه فى البيع فالواضح ان الجهازين كانوا فى الاساس بهم عيوب بل والمفاجأة ان العده القديمة اللى رجعها حسن اكتشف النهارده انه تم بيعها لشخص أخر!!!! (أضحك عليه) 2. متشتريش من موبايل شوب ولا موبايل طعميه ولا حسن عبدالسميع اللميع ... يفضل ذائما الشراء مباشرة من الضمان (على الاقل ده اللى نسبيا بينفع فى مصر)... 3. يفضل شراء الموبايل كعده نضيفه من بره مصر.... كل العدد اللى فى مصر زبالة (وده تجربة شخصية) حتى لو صناعه فنلندى زى اللى حسن وقع فيه ده... 4. دائما وابدا ثق إن لاضاع حق وراءه مطالب ...إلا فى مصر هيضيع وهتموت من الغم !!!! الخميس 10-7-2008 الساعه 10 صباحا اتصل عم حسن بمدير قسم التحقيقات فى حماية المستهلك واكد له بمجرد حصوله على رقم شكوى من الجهاز القومى لتنظيم الاتصالات سيتم الاتصال وإعلامه....(خطوه جيده) الساعه 12 ظهرا يتصل حسن بشركة راية ويبلغهم بما حصل ... يطلبوا ال Sn بتاع الموبايل علشان يتأكدوا انه اصلا دخل شركة راية ويديهم الرقم ويفاجا بان الجهاز متكشفش عليه فى راية !!!! ويتثدم بالنصيحه مسئول راية باخد الموبايل وانتظار رد الجهاز القومى لانه المفروض اكيد اكيد هيحل الموضوع ده .... الساعه 12 ونص فى محل موبايل شوب يروح عم حسن يستلم العده: حسن: السلام عليكم ... فين العده؟ أحمد: اتفضل حضرتك... هو حضرتك هتصلحه؟؟ حسن: اصلحه ليه؟ إذا كنتم انتم اصلا مدخلتهوش وبتكدبوا على الزباين!!! أحمد: ازاى حضرتك دخل الصيانه!!! حسن: انت كداب... وهتصل براية قدامك واثبتلك... أحمد : لأ ما هو اصل حضرتك ...أ ....أ...أحنا سلمناه لأ...أ...أ لخدمة العملاء وهما رفضوا حسن: رفضوا على اساس ايه؟ أحمد: اساس الكشف على الموبايل .... حسن: ازاى وهو مدخلش يتكشف عليه... أحمد: أ...أز...(تهتهه) حسن: طب اسكت اسكت ... وياخد العده وينتظر حاليا الجهاز القومى لتنظيم الاتصالات.... السبت (12-7-2008) حسن يقوم بالاتصال بالجهاز القومى لتنظيم الاتصالات ويفاجأ بالمفاجأه التالية: - الجهاز القومى لتنظيم الاتصالات هو المسئول عن حماية المستهلك ضد التوكيلات الرسمية للموبايل (زى شركة راية) -المسئول عن استرجاع او استبدال الموبايل هو جهاز حماية المستهلك فقط! وليس الجهاز القومى لتنظيم الاتصالات لان الجهاز القومى اتصاله بيكون مع الشركة الضامنه وجهاز حماية المستهلك بيكون مع المحلات... -يتم الطلب من حسن الاتصال بجهاز حماية المستهلك وتوصيل الفكره دى لان راية ملهاش دعوه والمفروض هما يتوجهوا فورا للمحل بصفه مباشرة... -نصيحه اخيره من مسئول الجهاز القومى: تصوير اى مستندات تحصل عليها من اى شركة او محل مع العلم بالاتى: 1. فى حاله اصلاح الموبايل وقت التصليح لا يزيد عن 14 يوم او يستبدل الموبايل. 2. إذا تم ادخاله للصيانه لنفس العيب 3 مرات يتم استبداله. ماهو غير ذلك فهو من اختصاص جهاز حماية المستهلك... عم حسن صاحبنا ان شاء الله هيتصل بكره بجهاز حماية المستهلك ويوصلهم الفكره دى... ادعوله بالتوفيق وادعوا على الظالم فى انتظار الأراء... |
||||||||||
|
|
| إعلانات google |
|
|
|
11-11-2008, 02:13 PM
|
#2 | ||||||||||
|
الأحد 13-7-2008 الساعه 5 عصرا عم حسن يتصل بجهاز حماية المستهلك ويقولهم على كل الكلام بتاع الجهاز القومى لتنظيم الاتصالات ... يطلب جهاز حماية المستهلك E-mail من عم حسن فيه الكلام ده... فعلا عم حسن يبعت الميل وفيه التفاصيل عن المسئول عن التحقيقات هناك.... الاثنين 14-7-2008 الساعه 11 صباحا عم حسن يتصل بجهاز حماية المستهلك لتاكيد وصول الميل وبالفعل يتم الاستلام ويعد المسئول عن بدء التحيقي باسرع وقت ممكن.... الثلاثاء 15-7-2008 الساعه 11 صباحا عم حسن يتصل بجهاز حماية المستهلك ولكن المسئول يعتذر عن وجود اى من المحقيقين يبوم الاثنين (كلهم كانوا فى تحقيقيات خارجية) ويعد عم حسن بان يتم التحقيق بدءا من اليوم.... الاربعاء النهارده عم حسن ان شاء الله هيتصل بجهاز حماية المستهلك ويتابع التطورات (لاحظ يوم الشراء 28-6-2008) |
||||||||||
|
|
|
11-11-2008, 02:27 PM
|
#3 | ||||||||||
  
|
ولا اكننا فى شارع عبد العزيز حسبى الله ونعم الوكيل |
||||||||||
|
|
|
11-11-2008, 02:30 PM
|
#4 | ||||||||||
|
ربنا معاه وخلينا معاك قلنا ايه الى هيتم معاه
|
||||||||||
|
|
|
11-11-2008, 02:42 PM
|
#5 | ||||||||||||
|
معلن 
|
لا حولو لا قوة الا بالله العلي العظيم حتي موبايل شوب |
||||||||||||
|
|
|
12-11-2008, 08:18 AM
|
#6 | ||||||||||
  
|
هههههههههههههههه في الأخر أنا عارف اللي هيحصل لعم حسن ممكن طوبه في إزاز المحل ويتبعها كام طوبه في دماغ الناس اللي قاعدين جوه المحل علشان مش هيعرف ياخد حقه للأسف من المحل ده وحسبنا الله ونعم الوكيل معلش يا ابو علي وربنا يعوض عليك يا جميل وربنا يوفقك أحمد شفيق |
||||||||||
|
|
|
12-11-2008, 12:36 PM
|
#7 | ||||||||||
|
منورين كلكم ومنور احمد باشا الموضوع :) بس مش انا والله انا معايا i phone وربنا يسهل ونجيب الـ 3G بتاع فودافون من وكيل ابل فى المهندسين |
||||||||||
|
|
|
12-11-2008, 03:03 PM
|
#8 | |||||||||||
|
اقتباس:
حسبى الله ة نعم الوكيل فى الناس دى الواحد مش بيعرف ياخدمعاهم حق ولا باطل .. |
|||||||||||
|
|
|
12-11-2008, 03:29 PM
|
#9 | ||||||||||
|
حسبنا الله و نعم الوكيل اصل الناس دي شعارها الابتسامة لخداع العميل اقصد لتغفيل اقصد لإرضاء العميل , و على فكرة مش موبايل شوب بس اللي بيعمل كدة اي محل في مصر بيبيع اي سلعة بيعمل كدة ربنا يستر على مصر كلها
|
||||||||||
|
|
|
12-11-2008, 04:22 PM
|
#10 | ||||||||||||
  
|
كل الموبايلاتية فى مصر حرامية فى حرامية
|
||||||||||||
|
|
|
12-11-2008, 05:38 PM
|
#11 | ||||||||||
 
|
انا لسه جايب من اسبوعيين موبايل من هناك و زى الفل فى فرع مصر الجديده تريومف و زى الفل و مفيش معامله احسن من كده و الله
|
||||||||||
|
|
|
12-11-2008, 05:40 PM
|
#12 | ||||||||||
|
اه نسيت الموبايل هو lg g1600
|
||||||||||
|
|
|
12-11-2008, 06:04 PM
|
#13 | ||||||||||||
 
|
ماهو لو كل واحد شاف شغلة كويس وبطلنا الروتين الي احنا فية كنا زمنا حاجة تانية  حل مشكلتك : عربية مليانة صعايدة ينزلوا يدغدغوا المحل وتدخل انت تنقي اي موبايل انت عايزة مااخز بالقوة لا يسترد الا بالقوة :) |
||||||||||||
|
|
|
13-11-2008, 07:06 AM
|
#14 | ||||||||||
 
|
صحيح كلام الشباب صح الحكاية مش هتخلص الا بخناقة عشان دى عالم ولاد تييييييييييت بجد و شكرا للقصة عشان الناس تبقى عارفة اللى بيحصل وعجبتنى اوى حكاية طالما اتصلت من الموبايل يبقى بره الضمان دى هههههههههههههه جامدة كييك |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| لا تعليق بالفعل ؟؟؟؟؟؟؟؟؟؟؟؟؟؟؟ | T_O_T_A | قسم الاستفسارات ومشاكل وحلول ال Sbot | 19 | 13-12-2011 07:00 AM |
| الفرق بين موبايل الولد و موبايل البنت | yoyo122 | بـعـيـدآ عـن سـيـلـك رود | 31 | 27-02-2010 03:36 AM |
| يا الله يا بر يا رحيم ( حدث لي بالفعل ) | Ahmed shafiq | بـعـيـدآ عـن سـيـلـك رود | 11 | 12-02-2009 02:02 PM |
.gif){kind=icon}
العرض العادي
