تصويت : مطلوب راى الاعضاء ياريت الاهتمام

[khorshed]

يا جماعه انا طالب تصويتكم ورايكم فى الموضوع ده وهو عن اللى حصل فى قسم بيع الاكونتات وتقسيمه الى اقسام فرعيه كتيره بعد ماكان قسم واحد وانا عملت موضوع فى قسم الاقتراحات بس الاداره ماهتمتش بيه وده كان الموضوع اللى انا عملته

السلام عليكم ورحمه الله وبركاته

بصراحه وبكل وضوح ومن غير زعل انا باقترح وباطلب من الادارة انها ترجع قسم بيع وشراء الاكونتات زى ماكان الاول لان من بعد ماتقسم لسيرفرات اصبح مش مفيد زى الاول بمعنى :-

دلوقتى عشان الواحد يشترى اكونت معين مضطر يلف على كل الاقسام دى على مايعجبه اكونت ؟؟

فى اقسام شغاله واقسام تانيه مهمله بمعنى ان فى مثلا سيرفر زى اثينا مهمل فى موضوعات بيع وشراء الاكونتات بعكس اقسام تانيه وطبعا ده مش مفيد لكل الناس

غير كده ان الاول لما كانت الموضوعات كلها فى قسم واحد كان احسن بكتير كان الواحد لما يعمل موضوع بيلاقى ردود ومكالمات واضافات على الايميل وبندور فى قسم واحد فقط ممكن واحد يعجبه شخصيه فى سيرفر هو مش بيلعب فيه يشتريها وفرص البيع كانت احسن من كده

الواحد مثلا يهتم بموضوعه عشان يتثبت لفتره زمنيه معينه اينعم مش طويله بس كانت بتفيد طبعا

انما دلوقتى القسم مابقاش حلو زى الاول
دلوقتى انا عامل موضوع فى قسم اثينا وشخصيه كويسه جدا والموضوع بالصور ماجاليش تليفون واحد انما الاول لو الشخصيه كانت حتى ليفل 60 كان الواحد مش بيلاحق تليفونات وردود واضافات على الايميل

واقتراحى او طلبى انى باطلب من الاداره انها ترجع القسم زى ماكان الاول لان كده المساله فيها ضرر للاعضاء

ياريت تدوروا على راحه الاعضاء فى المقام الاول مش مجرد زياده فى اقسام المنتدى وحجم قاعده البيانات على الفاضى

وياريت لو عاوزين تعرفوا اذا كان اقتراحى مناسب او لا اعملوا تصويت بين الاعضاء فى موضوع فى قسم المناقشات العامه مثلا وشوفوا رايهم ايه :d

تحياتى ;)

وللاسف مالاقيتش اهتمام من الاداره على الموضوع وماحدش رد عليه رد واحد قولت اعمل تصويت فى منتدى المناقشات عشان نشوف راى الاعضاء فى حاجه زى دى ولو انا صح وحصل تصويت بكده بالاجماع المفروض ان الاداره تلبى طلبنا وترجع القسم زى ماكان الاول وتلغى الاقسام الفرعيه الكتير اللى عملتها من غير لزمه دى وده طبعا لصالح الاعضاء فى المقام الاول

ارجو المشاركه من الاعضاء وتصويتهم واللى فى نفسه حاجه يقولها :d

تحياتى للجميع

[khorshed]

مافيش ولا رد واحد ؟؟

[LinkTheSink]

منا قولتلك ردي قبل كده
وكمان قولتلك روح اعمل موضوع في قسم الاقتراحات ^^
شكرا ...

[khorshed]

مانت لو قريت الموضوع كويس كنت عرفت انى عملت موضوع فى قسم الاقتراحات والاقتباس ده كان نص الموضوع

[المصرى البورسعيدى]

صح يمان والله انا يريت يرجع والراى الاول والاخير للاداره

[khorshed]

اخيرا فى عضو رد ياريت يا جماعه مانكتفيش على التصويت وبس ياريت يكون فى ردود عشان توضح وجهه نظرك فى تصويتك سواء كان سلبى او ايجابى مش هاتفرق بس شارك برايك ووضح وجهه نظرك يمكن يكون فى حد عنده وجهه نظر سليمه تغير تفكيرنا

مشكور يا بورسعيدى على ردك الجميل وانا مازلت شايف ان المفروض كل حاجه ترجع زى الاول والله يا جماعه انا فى حالة ضرر بسبب الموضوع ده لانى عامل موضوع بيع اكونت من يومين ومافيش اى نتيجه منه بسبب تقسيمه قسم البيع والشراء لاقسام منفصله بالطريقه دى

ياريت الاداره تشوف حل

[mody194]

اعتقد الناس حتتعود علي النظام الجديد وانا شايفه منظم اكتر بحيث ان لو حد بيلعب علي سيرفر معين يقدر يدور في السيرفر ده بعينه بدل ما تبقي المواضيع كلها سايحه علي بعضها
وممكن تكون الناس لسه مش متعوده بس علشان كده مفيش ردود جاتلك بس هي كل حاجه ف اولها بتكون كده وبعد كده الناس حتتعود

[ab_hs70]

المشاركة الأصلية كتبت بواسطة mody194 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اعتقد الناس حتتعود علي النظام الجديد وانا شايفه منظم اكتر بحيث ان لو حد بيلعب علي سيرفر معين يقدر يدور في السيرفر ده بعينه بدل ما تبقي المواضيع كلها سايحه علي بعضها
وممكن تكون الناس لسه مش متعوده بس علشان كده مفيش ردود جاتلك بس هي كل حاجه ف اولها بتكون كده وبعد كده الناس حتتعود

ردى مثل ردة تماما كدة فى نظام اكتر

[DeathDance]

هو ليه النظام وحش .......!!
انا عن نفسي معجب بقرار الادارة مش عشان انا مشرف ..لا ..بس اقسم بالله كده احسن واريح لينا علي الاقل اللي هايحب يشتري اكونت يقدر يدور في السيرفر المناسب علي الاكونت اللي يعجبه .......بجد مش عارف انته حابب النظام القديم ليه ...!

[khorshed]

المشاركة الأصلية كتبت بواسطة mody194 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اعتقد الناس حتتعود علي النظام الجديد وانا شايفه منظم اكتر بحيث ان لو حد بيلعب علي سيرفر معين يقدر يدور في السيرفر ده بعينه بدل ما تبقي المواضيع كلها سايحه علي بعضها
وممكن تكون الناس لسه مش متعوده بس علشان كده مفيش ردود جاتلك بس هي كل حاجه ف اولها بتكون كده وبعد كده الناس حتتعود

انت كلامك منطقى بس تعود ايه اللى لسه هانتعوده ؟؟ يعنى اللى عايز يشترى اكونت او يبيع اكونت يستنى على ما الناس تتعود عشان يقدر يقضى مصلحته ؟؟ هو فعلا منظم بس مش مفيد وبعدين فيها ايه لما تكون المواضيع سايحه على بعضها ؟؟ ماهى على طول كده ايه اللى اتغير ؟؟ بالعكس كان الاول الواحد بيتصفح براحته فى كل المواضيع من غير مايتعب نفسه ويتنقل من قسم للتاانى يعنى كانت اريح وافيد تقدر تقولى بالنظام الجديد ده اللى عامل موضوع لبيع اكونت فى قسم مهمل هايقعد قديه على مايبيعه ؟ ماظنش ان النظام هاينفع فى حالة زى دى لان اللى بيدور بيدور على شخصيه معينه يشتريها او يبيعها مش بيدور على السيرفر فى المقام الاول :)

مشكور لمشاركتك بالراى

المشاركة الأصلية كتبت بواسطة hard_rook عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هو ليه النظام وحش .......!!
انا عن نفسي معجب بقرار الادارة مش عشان انا مشرف ..لا ..بس اقسم بالله كده احسن واريح لينا علي الاقل اللي هايحب يشتري اكونت يقدر يدور في السيرفر المناسب علي الاكونت اللي يعجبه .......بجد مش عارف انته حابب النظام القديم ليه ...!

مين قال ان النظام وحش ؟؟ انت برده كلامك منطقى بس السيرفر مش اهم خطوه فى عمليه البيع والشراء هانقول مثلا عمليه الشراء بلاش البيع دى بتم تبعا لاساسيات بمعنى ان اللى بيكون عايز يشترى شخصيه بيكون قدامه حاجات اساسيه زى ( نوع الشخصيه - الليفل بتاعها - سعرها - الايتمز والسيلك اللى معاها - السيرفر ) يعنى السيرفر مش فى المقام الاول

وانا هاقولك حابب النظام القديم ليه لانه كان مفيد اكتر وسريع اكتر الاول كان ممكن تعمل موضوع وتبيع الاكونت بعد ساعتين انما دلوقتى بالحال ده ربنا وحده اللى يعلم الواحد قدامه وقت قديه على مايبيع اكونت

عمليه الشراء مش هايكون فيها مشكله يا باشا لان اللى عايز يشترى هايدور فى اى مكان براحته انما عمليه البيع هاتكون هى المشكله ودى هاتتوقف على حسب نشاط القسم نفسه يعنى لو قسم نشط هاتكون المساله مش صاعبه انما لو قسم مش نشط ومهمل هاتكون عمليه البيع تقريبا مستحيله

ارجو انك تكون فهمت وجهه نظرى ومشكور على مشاركتك بالراى :)

[khorshed]

مقصدى يا جماعه من الكلام ده كله ان مش فى كل الاوقات النظام مفيد وابسط مثال على كده نظام الطابور اللى عملته جوى ماكس مؤخرا فى اللعبه

احيانا النظام بيكون مش مفيد وبيسبب حاله من البطء الشديد ( سرعه السحلفه ) وده هو اللى حاصل حاليا فى قسم البيع والشراء تقريبا الحاله ميته هناك وعمليه البيع بتتم ببطىء شديد جداااااااا وده طبعا شىء مش مفيد

يبقى النظام فى الحاله ده فادنا فى ايه ؟؟ انا شايف ان لو النظام هايكون سبب تاخرنا ( فليسقط النظام ولتحيا العشوائيه ) ان كانت هاتكون مفيده وبتقدم المصلحه العامه فى وقت قليل

[FRONTY]

انا معاك يا مان

[mody194]

انت كمان كلامك منطقي وفي جزء من الصح بس انا بالنسبه لي لما احب اشتري السيرفر عندي في المقام الاول علشان السيرفر اللي انا فيه كل اصحابي فيه فمش معقول اشتري شخصيه علي سيرفر معرفش فيه حد خالص حدخل اعمل ايه لوحدي وده ممكن يكون وجهه نظري انا بس .
و بالنسبه للي عايز يبيع انت فعلا عندك حق ممكن ناس كتير ما تشوفش الموضوع بتاعه
وبالنسبه لنظام الدخول في سيلك روود هو مش طابور هو حظ زي ما كانت بس اللعبه بقت بتجرب مره كل 20 ثانيه و طبعا فرصه الدخول بقت اصعب كتير . انا بحاول ادخل ب 2 اكونت وكتير بيدخل الاكونت اللي فاتحه في الاخر قبل اللي فاتحه في الاول

[khorshed]

المشاركة الأصلية كتبت بواسطة fronty عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا معاك يا مان

مشكور على مشاركتك الجميله

المشاركة الأصلية كتبت بواسطة mody194 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انت كمان كلامك منطقي وفي جزء من الصح بس انا بالنسبه لي لما احب اشتري السيرفر عندي في المقام الاول علشان السيرفر اللي انا فيه كل اصحابي فيه فمش معقول اشتري شخصيه علي سيرفر معرفش فيه حد خالص حدخل اعمل ايه لوحدي وده ممكن يكون وجهه نظري انا بس .
و بالنسبه للي عايز يبيع انت فعلا عندك حق ممكن ناس كتير ما تشوفش الموضوع بتاعه
وبالنسبه لنظام الدخول في سيلك روود هو مش طابور هو حظ زي ما كانت بس اللعبه بقت بتجرب مره كل 20 ثانيه و طبعا فرصه الدخول بقت اصعب كتير . انا بحاول ادخل ب 2 اكونت وكتير بيدخل الاكونت اللي فاتحه في الاخر قبل اللي فاتحه في الاول

اديك قولتها لما تحب تشترى وزى مانا قولت لحضرتك الشراء مش هايبقى مشكله لان اللى بيشترى هو و مزاجه وهو اللى بيحدد اساسيات شرائه سواء بقى ان كان بيدور على شخصيه معينه ومش مهم السيرفر بالنسبه ليه وفى اللى بيدور على شخصيه معينه والسيرفر برده مهم بالنسبه ليه
انما مساله البيع انت فهمت قصدى فيها فعلا فى ناس كتير مش هاتقدر تشوف موضوعه يبقى كده اللى عايز يبيع هو اللى فى حالة ضرر والنظام اللى احنا بنتكلم عنه هو اللى سبب الضرر

وبالنسبه لموضوع دخول اللعبه ده مش قصتنا انا كنت بس باضربلك مثل وهى فعلا معموله بنظام الطابور مش بالحظ دلوقتى اينعم محاولة الدخول كل 20 ثانيه بس معموله بنظام يعنى كل واحد بيحاول يسجل دخول بيتحط فى قايمه بيكون فى اخر القايمه ويستنى دوره على ما اللى قبله يدخل او يزهق محاولات ويقفل الجيم :)

تحياتى وارجو من باقى اعضاء المنتدى التفاعل والجديه لان المساله مش سهله

[mohamed20]

صح يمان والله انا يريت يرجع والراى الاول والاخير للاداره