قصة قصيرة (1)

[°•.♥ H3ll King ♥.•°]

بسم الله الرحمن الرحيم

بعد توقف كتابة قصة " يوميات شباب حر " بسبب مخروبه اسمها "المدرسه" و شئ متعب اسمه " الدراسه " و منشكحات اسمها "الدروس" قررت اعمل كل ما انا فاضي قصة قصيرة منفصله كده .

واتمنى اتمنى ان فيه حاجه ولو صغيره تعجبكم فيها

قصة اليوم : كوميدية

بطل القصة

محمد - H3ll King - أنا يعني إحم إحم ..

============

صحيت من النوم النهار ده : واعاااااااااااهاااااااااااااااااا صباح الخير يا منطقه

ابويا : قوم يلا هات الفطار

انا : انا نايم لسه ناايم

ابويا : امال انا بقولك قوم ليه

انا : طب انا صاحي

ابويا : خلاص روح هات الفطار بس

امي : ما تسيبه براحته انا هنزل اجيب الفطار

محمد : ست الحبايب يا حبيبه

امي : روح انت هاتلنا العيش بقى

محمد : لا هروح اجيب الفطار احسن

ابويا : انت بتعارض امر امك ياض طب هتجيب الفطار والعيش

محمد : طب اجيب الفطار الاول ولا العيش الاول

ابويا : الاثنين

محمد : طب هبعتلكم الفطار والعيش هيجيلكم بعد بكره سلامو عليكوو

،، وبعد صراع طويل ومناوشات و محاربات وغز وطحن وتنطيط ،،

إستطعت ان اشتري بجنيه عيش بحاله نعم بجنيه عيش

اول ما رجعت

" بتخيل : طبعا ، أبويا هيظبطني بقى ده انا جبت عيش الى هو معجزه يعني "

اول ما دخلت

محمد : انا جييييييييييت

ابويا : كنت فين ياض يا صايع يا إبــن الكـ** يا ************ صحيح مش متربي

محمد : يا حاج انت مش قلت لي جيب عيش

ابويا : كل ده

محمد : طب انزل بكره وشوف الزحمه ده اكثر من الزحمه ع اللحمه يا حاج

ابويا : انت بتتريق عليا يلا

محمد : وربنا ابدا ده انا بهزر

ابويا : بتـ ... إيه ؟

محمد : ولا حاجه يا حاج ممكن ادخل اعمل الواجب ؟

ابويا : واجب ايه مش انت في اجازه

محمد : لا في دراسه يا حاج انا في المدرسه من الساعه 7 الصبح وراجع الساعه 1 ونص ورحت دروس رجعت الساعه 8 بليل وتقولي اجازه

ابويا : دروس ؟؟ ااااه يعني فيه فلوس دروس وكتب ومذكرات ويطلع عينا

محمد : مش انا ابنكو يا حاج هو انا لقييط

ابويا : انت بتبرطم بتقول ايه

محمد : ببرطم ايه دي الجيران سمعت

ابويا : يعني دي مش برطمه ؟

محمد : برطمه يا حاج انا اسف ، اتفضل العيش سلامو عليكو

امي : رايح فين يا حبيبي

محمد : حبيبك ايه ما انتي سبب العيش ده

امي : طب رايح فين

محمد : نازل رايح درس

ابويا : كلم امك عدل يااااض ( وخدت لي جزمه طايره ، اصل ابويا كان قناص في حارتنا )

محمد : يا حاج وربنا ما قلت حاجه غلط

ابويا : انت بتشوحلي ( والجزمه التانيه وراها وفي نفس المنطقه )

محمد (ببوس راس امي ) : انا اسف يا امي العزيزه سلامو عليكو

============

محمد : بيت فقر

ابويا : من البلكونه ساااااااامعك !!

محمد : مش علينا يا حاج بقول على بيت محمود ساكلانس

محمود : بتقول على مين ؟

محمد : ابويا ^

محمود : ازيك يا حاج لا متخفش بيقول على بيتنا احنا

محمد : راجل ياض

ابويا : وانت ازاي تسيبه يشتمكو كده وساكت انت معندكش دم

محمود : اه

ابويا : ازاي

محمود : اهو غلاسه كده بقى

محمد : هيييييييه كااااابسه

ابويا : ولله لأنزلكوا

محمد : ولا امحمود اجري يلا !!

،،،،،،،،،،،،،،،،،،،،،،،،،،،،

محمد : امال فين العيال ولود التيت دول

محمود : هناك اهوم

محمد : ايه اللمه دي فيه ايه يا جدعان فيه ايه يا باشا

الظابط : واحد اضرب هنا ومصاب

محمود : اه مش ده الواد الى اتخانقت معاه وانت بتشتري عيش الصبح يا محمد

محمد : لالا مش هو

محمود : لا يابني هو بص كويس

محمد (نظرة شر) : وربنا ما هو

محمود : غريبه مع انه شكله بالظبط

الظابط : الله الله الله طب تعالى معايا بقى دي شغلانه سهله اوي

محمود : روح يا محمد اكيد هتفيدهم بمعلومات

محمد : انا اما اخرج وربنا ما انا سايبك يا ابن الـ ***

محمود : انا عملت حاجه يابني !! القانون لازم ياخد مجراه

محمد : مجراه ؟ ده انا هجرجرك بس اخرج

،،،،،،،،،،،،،

بعد تحقيق ونيابه وكله واتحولت ع القضاء

القاضي : اسمك ايه

انا : محمد

القاضي : محمد ايه

انا : محمد ابن ابويا

القاضي : انت هتهزر ؟

انا : ولله ما بهزر زي عنتره ابن شداد كده بس انا محمد ابن ابويا

القاضي : طب ابوك اسمه ايه

انا : ماهو هنا اهه تقدر حضرتك تسأله

القاضي : انا بسألك انت

انا : ماهو حضرتك مينفعش اجاوب وهو هنا

القاضي : اسمك ايه حضرتك

ابويا : ما تسأل المتهم وانا مالي

القاضي : !!!!!!!!

القاضي : المهم يا محمد عبد الغني

انا : طب ما انت عارف اسمي اهه انت لازم تغلبونا يعني

القاضي : بتقول حاجه

انا : لا يا فاندم

القاضي (لوالدي) : انت متجوز مين الى هي ام المتهم

ابويا : متجوز واحده ست

القاضي : انت هتهزر امال فيه حد بيتجوز راجل ؟

ابويا : آه أُختي

القاضي : حرام عليكم .. حكمت المحكمه ببراءة المتهم

انا : وربنا انا مظلوم مظلووووووووووم مظلوووووووووووووووووووووووووم

ابويا : احسن احسن علشان تتربى يا صايع

،،،،،،

بعد ما خرجت وروحت

ابويا : هربت امتى ياض

انا : هربت ايه يا حاج انا لقيتهم بيقولولي روح قمت مروح

محمود ( من تحت ) : محمااااااعهد ،، محماااااااااعهد نن محمااااااعهد

امي : انت يا زفت شوف مين الكائن الى بيندهلك ده

انا : بيندهلي انا !
بعد ما رحت اشوف

انا : هو انت

محمود : حمد الله ع السلامه اساحبي وربنا ليك شوقه

انا : يا سلااااااام وانت ولله اصبر بس نازلك

ابويا : رايح فين ياض

انا : هتخانـ ...... اقصد نازل اسلم على محمود

ابويا : طب روح هاتلنا عيش

انا : وربنا ما انا رايح

،،،،،،،،،،،،،،

محمود : حبيـ....

وقبل ما يكمل لقى حاجه غريبه في وشه كده

محمود : ايه يا عم هو انا كافر

محمد : انا تسلمني

محمود : وربنا ابدا مين قال كده انت محمد

محمد : وكمان بتستظرف

محمود : وربنا ما كان قصدي ده انا حتى جي اعتذرلك وواخدلك معاد مع بنتين جامدين وربنا

محمد : طول عمرك حبيبي والمسامح كريم هم فين بقى

محمود : يلا بينا

،،،،،،،،،

بعد ما وصلت لقيت عنتر و شيبوب واقفين هناك ع اليمين كده

محمود : اهم هناك اهم

محمد : اهم مين

محمود : المزتين المنورين الى هناك دول

محمد : دول منورين ؟

محمود : امال

محمد : ودول المزتين ؟

محمود : أهآ

محمد : أهآآ بالجبنه ، وريني كده الآي باد الى ابوك جابهولك وهو جي من السعوديه

محمود : ايه ده هو وصلك الخبر

محمد : هات بس هات /// بكام ده ؟

محمود : ده بـ هيبروميت دولار

محمد : يا راجل ؟؟ طب هات العصايه الى هناك دي كده

محمود : هتعاكس بيها ولا ايه اصبر ،، خد

محمد (بحط الاي باد موقفه على الارض) : ايوه كنا بنلعب جولف ازاي بقى ، بنأمبر الاول ونصدر المصلحه وهوبااااااااااااااااااااا ( طرااخ في الاي باد )

محمد (وانا حات ايدي على عيني ببص بعيد ) : طبعا لو وقف في النيل يبقى 10 نقط

محمود : موبااااااايل موباااااااايلي الله يخربيتك عملت ايه

محمد : ابدا ولله مش كنا بنلعب جولف كده

محمود ( بعد ما قلب وشه الوان ) : !!!!!!

محمد : مكنتش اعرف انك هتتعصب كده مش احنا اصحاب وحبايب

محمود : هاااااااااااع

محمد : الحقووووووني !!

،،،،،،،

وبعد صراع طويل وطحن وايادي اتكسرت ورجول اتخرمت مش قادر اكتب ع الكيبورد !!

اتمنى تعجبكم

°•.♥ H3ll King ♥.•°