بخصوص موضوع جواز السفر المصرى

[begbom]

السلام عليكم

فى البداية الموضوع منقول بس انا جبتو علشان الناس مش تصدق الحوارت بتاعت جواز السفر المصرى و الامريكى و كندا لانها فعلا انتشرت بسرعة اوى و ناس كتير اعدت تشتم فى البلد

الموضوع بسيط جدا و كان متعلق ببوست أنتشر بسرعه غريبه جدا علي الفيس بوك
البوست كان كل هدفه يحسسنا بالأحباط أكتر ما احنا محبطين
اه احنا دوله مازالت متخلفه
اه امريكا و كندا احسن مننا و متقدمين عننا
بس دي الحقيقة و لازم الكل يعرفها بدل ما كنا عمالين ننشر بوست مزيف كل هدفه يخلينا نقعد نتحصر علي بلدنا
البوست منقول كامل دون اي اضافه او حذف للأمانه
_______
أكذوبة جواز السفر التي لم يكلف أحد نفسه التحقق منها : أنا كنت مستغرب جدا ازاي ال...مصريين بيرددوا اشاعات ويصدقو اخبار بدون تدقيق ويرددو كلام من نوعية " 70 مليار و 30 سنة ذل والقمع والفقر ... الخ " الى أن حدث أمر أكد لي الى أي مدى أصبح الناس يرددون الكلام كالببغاوات دون مجرد تفكير او تحقق !!
بالأمس رددت بعض الصفحات على الفيس بوك موضوعا يدعي أنه على جواز السفر الأمريكي مكتوب " نحمي المواطن الأمريكي فوق اي ارض وتحت اي سماء " وعلى الكندي " نحرك اساطيلنا من اجلك " أما على الجواز المصري فمكتوب " عند فقد الجواز تدفع غرامة " . والالاف عملوا " شير " للموضوع . وكل التعليقات كانت تتحسر على حال البلد وكيف أن هذه الدول تكرم مواطنيها بهذه العبارات وان حكومتنا لا تهتم سوى بالغرامات ...الخ
المهم ان أحدا لم ينتبه لشئ بسيط : " هذه المقولة كاذبة جملة وتفصيلا ". هذه العبارات غير موجودة على أي من الجوازات المذكورة . والبهوات اللي بيرددو الكلام ده . طيب هاعتبر انكم ماعندكوش جواز كندي او امريكي ، لكن مافيش واحد منكم كلف نفسه يشوف الجواز المصري بتاعه ويكتشف ان الكلام ده مش صحيح ؟؟؟؟؟؟؟!!!!!!!!!
الشئ الوحيد الموجود على الجواز المصري هو ان في حالة فقدان الجواز يجب اخطار مصلحة الجوازات او اقرب قنصلية . وعلى ظهر الجواز المصري : " يرجو وزير الخارجية من المختصين ان يسمحو لحامل الجواز بالمرور ويبذلو له العون والرعاية عند الاقتضاء " يعني لا توجد كلمة واحدة عن غرامات مالية !!!!!!!
المفاجأة الثانية : في جواز السفر الامريكي مكتوب ما يلي :
The Secretary of State of the United States of America hereby requests all whom it may concern to permit the citizen/national of the United States named herein to pass without delay or hindrance and in case of need to give all lawful aid and protection.
و ترجمته كالتالي :
" وزراة الخارجية للولايات المتحدة الأمريكية ترجو كل من يهمه الأمر للسماح لمواطن الولايات المتحدة المذكور اسمه هنا بالمرور دون تأخير أو إعاقة وفي حال الحاجة لتقديم كل مساعده قانونية والحماية تقديمها "
و ماشفتش اي حاجه تذكر الحمايه و الارض و السما اللي العبقري كاتب المقال ذكرها واللي رددها بعده العباقرة كالببغاوات !!
و في الجواز الكندي مفيش اي كلمه متعلقه بالاسطول . مين اللي ألف الكلام الفاضي ده ؟
الغريب مش في ان حد ألف كلام خايب لا أساس له من الصحة يحاول به احباط المصريين واشعارهم بالدونية كالعادة . ولكن الغريب هو مدى انتشار اشاعة كاذبة كهذه في ساعات . ولم يكن يحتاج الشخص سوى للاطلاع على جواز سفره المصري ليتأكد من عدم وجود جملة واحدة عن غرامات . واذا لم يكن يعرف صديقا كنديا او امريكيا فيمكنه ببحث بسيط على الانترنت ان يجد صور وتصميم ومحتويات جوازات السفر الأمريكية والكندية !!
بعد هذا الحدث - البسيط في الشكل والعميق في المدلول - لن أستغرب ان وجدت شخصا يردد اشاعات كأنها حقائق لمجرد أنه سمعها في برنامج تليفزيوني او قرأها على موقع انترنت . فثقافة التحقق من المعلومة غائبة عنا ويبدو أنها لن تعود قريبا !!!

[WELFA]

مكرر