كذبة جواز السفر

[Omar_El*POP]

كذوبة جواز السفر التي لم يكلف أحد نفسه التحقق منها : أنا كنت مستغرب جدا ازاي ال...مصريين بيرددوا اشاعات ويصدقو اخبار بدون تدقيق ويرددو كلام من نوعية " 70 مليار و 30... سنة ذل والقمع والفقر ... الخ " الى أن حدث أمر أكد لي الى أي مدى أصبح الناس يرددون الكلام كالببغاوات دون مجرد تفكير او تحقق !!
بالأمس رددت بعض الصفحات على الفيس بوك موضوعا يدعي أنه على جواز السفر الأمريكي مكتوب " نحمي المواطن الأمريك...ي فوق اي ارض وتحت اي سماء " وعلى الكندي " نحرك اساطيلنا من اجلك " أما على الجواز المصري فمكتوب " عند فقد الجواز تدفع غرامة " . والالاف عملوا " شير " للموضوع . وكل التعليقات كانت تتحسر على حال البلد وكيف أن هذه الدول تكرم مواطنيها بهذه العبارات وان حكومتنا لا تهتم سوى بالغرامات ...الخ

المهم ان أحدا لم ينتبه لشئ بسيط : " هذه المقولة كاذبة جملة وتفصيلا ". هذه العبارات غير موجودة على أي من الجوازات المذكورة . والبهوات اللي بيرددو الكلام ده . طيب هاعتبر انكم ماعندكوش جواز كندي او امريكي ، لكن مافيش واحد منكم كلف نفسه يشوف الجواز المصري بتاعه ويكتشف ان الكلام ده مش صحيح ؟؟؟؟؟؟؟!!!!!!!!!

الشئ الوحيد الموجود على الجواز المصري هو ان في حالة فقدان الجواز يجب اخطار مصلحة الجوازات او اقرب قنصلية . وعلى ظهر الجواز المصري : " يرجو وزير الخارجية من المختصين ان يسمحو لحامل الجواز بالمرور ويبذلو له العون والرعاية عند الاقتضاء " يعني لا توجد كلمة واحدة عن غرامات مالية !!!!!!!

المفاجأة الثانية : في جواز السفر الامريكي مكتوب ما يلي :

The Secretary of State of the United States of America hereby requests all whom it may concern to permit the citizen/national of the United States named herein to pass without delay or hindrance and in case of need to give all lawful aid and protection.
و ترجمته كالتالي :
" وزراة الخارجية للولايات المتحدة الأمريكية ترجو كل من يهمه الأمر للسماح لمواطن الولايات المتحدة المذكور اسمه هنا بالمرور دون تأخير أو إعاقة وفي حال الحاجة لتقديم كل مساعده قانونية والحماية تقديمها "

و ماشفتش اي حاجه تذكر الحمايه و الارض و السما اللي العبقري كاتب المقال ذكرها واللي رددها بعده العباقرة كالببغاوات !!

و في الجواز الكندي مفيش اي كلمه متعلقه بالاسطول . مين اللي ألف الكلام الفاضي ده ؟

الغريب مش في ان حد ألف كلام خايب لا أساس له من الصحة يحاول به احباط المصريين واشعارهم بالدونية كالعادة . ولكن الغريب هو مدى انتشار اشاعة كاذبة كهذه في ساعات . ولم يكن يحتاج الشخص سوى للاطلاع على جواز سفره المصري ليتأكد من عدم وجود جملة واحدة عن غرامات . واذا لم يكن يعرف صديقا كنديا او امريكيا فيمكنه ببحث بسيط على الانترنت ان يجد صور وتصميم ومحتويات جوازات السفر الأمريكية والكندية !!

بعد هذا الحدث - البسيط في الشكل والعميق في المدلول - لن أستغرب ان وجدت شخصا يردد اشاعات كأنها حقائق لمجرد أنه سمعها في برنامج تليفزيوني او قرأها على موقع انترنت . فثقافة التحقق من المعلومة غائبة عنا ويبدو أنها لن تعود قريبا !!!

مح تحياتي . ويا ريت مش كل كلمة تسمعوها ترددوها دون تفكير أو بحث !!
(منقول
[IMG]عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ][/IMG]

[SmartMad]

طمنتنى

[Acrobat]

مشكور ع المعلومة

[ahmedmazin]

شكرا يا معلم علي المعلومات

[poiu]

و للعلم في ناس كتيرة كدا :(

[Zero Angel]

تسلم ايدك يا جميل
و فعلا انا بايد كلام poiu لان فعلا فى ناس كتيره جدا كده

[!_ToGoO_MorY_!]

سبقتنى والله

شكرا

[Sky_AnGel]

خلى بالك عيب الشعب المصرى انة بيصدق اشاعات كتير

[SnipZz]

تصدق اني صدقت اللي مكتوب عالفيس و قعدت اضحك و خلاص ^^

[™_MoameN_™]

تــصــدق إنــه كــان هــم و إنــزاح ؟

شــكــرآ

[ToxiCity]

المشاركة الأصلية كتبت بواسطة ™_moamen_™ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تــصــدق إنــه كــان هــم و إنــزاح ؟

+1

هو شكرأ ع الموضوع وع تعبك يا معلم

بس فى ناس كتيرة عارفة ان دة هزار يعنى لا كدبة ولا اشاعة ولا فى اى اثبات شخصية مكتوب علية فى حاله الفقدان سيتعرض حاملة للغرامة المالية

الموضوع مش كبير للدرجة يعنى ناس بتهزر وخلاص

ومع ذلك الولايات المتحدة مش محتاجة تكتب دة ع الجواز لأن حامل الجواز بيبقى تحت حمايتهم فعلا فى اى حتة

وبالنسبة للجواز المصرى معروف بردو

لكى الله يا مصر

[ღ♥_ akeml _♥ღ]

انا كونت عارف والله انو مش صحيح

[™MidoGhost™]

انا سالت الاني ممعيش جواز سفر بس سالت قلولي مفيش كده بنسبه للجواز المصري

[Mr.V.I.P]

الموضوع كله كان هزار مش أكتر ^_^ بس تسلم علي التوضيح

[Just_Warrior]

والله انت معلم