النيابة تطلب‏5‏ أشخاص للتحقيق في واقعة حرق مقر شفيق

[__MR_JOK3R__]

طلبت نيابة الدقي استدعاء‏5‏ أشخاص لاتهامهم في واقعة إحراق مقر حملة الفريق أحمد شفيق‏,‏ كما أمرت النيابة بتحريات المباحث حول‏15‏ شخصا اشتركوا في إشعال النيران‏.‏
وأمر اللواء كمال الدالي, مدير الإدارة العامة لمباحث الجيزة, بتشكيل فريق من المباحث الجنائية بإشراف اللواء محمود فاروق والعميد محمود خليل, مفتش المباحث, لسرعة التوصل الي دور كل من طلبت النيابة التحريات حوله في واقعة إحراق فيلا شفيق.وطلبت النيابة سماع أقوال كل من أحمد إبراهيم القاضي, وأحمد عبدالله أبوالعلا, ويحيي وحيد, ومني أحمد, وعلاء سيف, حول الاتهامات الموجهة اليهم.

المصدر
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
طبعا الناس دي بريئة و أنا متأكد من كده أنا هتكلم عن 3 منهم وهم مني احمد و احمد عبد الله (القائد بتاعي) احمد القاضي (رفيق الكفاح)

نبتدي بـ مني
منى سيف الاسلام احمد عبد الفتاح

مؤسسة لا للمحاكمات العسكرية للمدنين.
والمفاجأت لأعضاء أولتراس أهلاوى أن منى هى صاحبة بيدج المجد للشهداء الى بتعمل مسيرات الشهداء في جميع انحاء الجمهورية
منى كل همها فى الحياة ان مفيش مدنى يتحاكم عسكرى او يتظلم
منى هتتعرض على نيابة الدقى يوم السبت المقبل فى العاشرة صباحا بتهمة حرق مقر شفيق ..
منى سيف خط أحمر
قد يظن البعض اننا نبالغ تجاه تلك الفتاة ولكننا نسدد جزء بسيط من ديوننا... ..

احمد عبد الله أبوالعلا

منسق مجموعة شباب 6 ابريل مدينة نصر من ارجل الشباب التعرفت عليهم في الميدان طيب جدا و هو القائد بتاعي في 6 ابريل الراجل ده ساعة الحريق كان متواجد في قهوة 8 ابريل في وسط البلد و كان موجود معاه ناس كتير قوي من مجموعة 6 ابريل مدينة نصر و الناس الشغالة في القهوة شاهدين بـكده

أحمد إبراهيم القاضي

من أرجل شباب الثورة طيب جدا و خدوم و عمرنا مشوفنا منه حاجة وحشة ولا عمره زعل حد خفيف الدم قاضي كان متواجد في قهوة 8 ابريل قبل الحريق و ساعة الحريق كان موجود على قهوة البورصة في وسط البلد بياكل برده في شهود على كده

الحمد لله خبر مفرح جدا الحمد لله اخلاء سبيل مني سيف و علاء عبد الفتاح و يحيى وحيد ناقص قاضي بكرة إن شاء الله عبد الله الإستدعاء مجالوش فـمرحش