عاااااااااااااااااار عليكم يا مصريين

[Mr_Aky]

السلام عليكم ورحمة الله وبركاته

حقيقه يا جماعه في ناس وللاسف مننا ( مصريين يعني ) دخولهم الالعاب العالميه دي غلط ملوش لزمه نهائي لان الناس الي زي دي لسه عليهم بدري انك تعتبرهم سفراء لبلدهم الي من المفروض والواجب انه يظهر كل ميزه قدام الغير لكن للاسف الاشخاص التعبانه المريضه نفسيا دي لسه عليها بدري ناس عايشه في دور الفهلوه والنصب والرخامه وقلة الادب والمشكله ان الاشخاص دي هي الي بتسوء صورتنا بشكل عام .

لما اجي اتعامل مع شخص من اي جنسيه تانيه ويتكلم مع صحابه عني وعن طريقة كلامي معاه مش حيتكلم ويقول محمد ولا احمد ولا حسن ولا .... مهما كان اسمه اي مش حيقول اسمه لكن حيقول كلمت واحد مصري
( حط تحتها مليون خط ) واحد مصري بمعني اني لو كنت معاه سئ حيبقي في نظره كل المصريين سييئين الي حين اشعار اخر انه يتعامل مع مصري كويس يعمل مجهود مضاعف علشان يغير الفكره دي

حقيقه وبكل اسف كل ما ادخل مكان فيه مصريين كتير بتعب نفسيا من تدني المستوي الي وصلنا فيه من فكر ومن طريقة تعامل وتعبير عن الراي مع الاخرين ( طبعا في مصريين كتير ربنا يبارك فيهم الواحد يفتخر بيهم ) لكن الشرزمه التعبانه دي هي الي بتخلي الغير ياخد عننا فكره سيئه .

عموما كلامي ده كان بشكل عام وكان سببه طبعا لعبتنا المحبوبه سيلكرود بشكل خاص من السيرفر العالمي للسرفرات الخاصه كنت بعاني من الاشكال دي اصحاب مبدء ( Give Me one Gold ) مش عارف الجولد ده حيعملو اي
ده غير الحراميه الي يعملو تاكسي يقوم يلغي البارتي ده غير النصابين لما جيت السيرفر الكوري فرحت لقيت في تعاون وناس لفلات عاليه بتعمل تاكسي فري وشوفت ناس كوريين بتشكر الي بيعمل التاكسي وناس بتساعد في التريدر واتمنيت يبقي الحال كما هو عليه لكن اكتشف ان الاشخاص التعبانه المريضه نفسيا ورانه في كل مكان محترم نكون فيه

ما الحل ؟