يوميات اسره مصريه جدااااااااااااااااا .....

[mask_5_5]

الحلقة السادسة


ما نمتش لحظة واحدة طوال الليل من شدة القلق .....عريس ؟! على طول كده ؟ ده احنا ما قعدناش فى الفرح ساعتين ؟ والبنات كانوا عاملين عمايل فى نفسهم رهيبة .....ليه أنا ؟ مش عارفة ليه مش مطمئنة للحدوتة دى !!!! وخصوصا ان طلباتى متواضعة جدا وكمان أهلى مش ماديين ويهمهم انهم يفرحوا بى مع عريس طيب ويتقى الله فى بنتهم .........

لكن ما شاء الله كل اللى اتقدموا لى فيهم عيوب قاتلة اللى ماعمره ما صلى الا فى المناسبات والاعياد الرسمية !! واللى عاوز يتجوز على مراته بدون اى أسباب !! واللى شخصيته بشعة وغاية فى التسلط عاوزنى اقطع علاقتى بكل الكون بما فيهم أهلى لو أمكن .......

- يالا بقى يا سلمى قومى من السرير احنا ورانا حاجات كتير ح نعملها ياعروسة !!

- رددت على ماما باحباط : عروسة ؟ بذمتك ما زهقتيش من الحدوتة دى ياماما ؟ خلاص بقى كبرى دماغك !!

-فدقت على صدرها : اكبر دماغى ؟ ليه هو انتى وحشة ولا انا نشرت لك اعلان اريد زوجا ؟ ماهى ام العريس هى اللى شافتك فى الحنة وطلبت انها تيجى هى وابنها علشان يقابلونا .......انا مالى بقى ؟ نقول للنصيب لأ؟


فجاوبتها بمكر : بذمتك يا جميل انتى ما حطيتى شوية البهارات بتوع الامهات زى – دى بنتى دى زى النسمة تتحط على الجرح يورم !!.....دى ست بيت لهلوبة تنضف ولا الفليت


-
-
مش عارفة ليه كل واحدة بييجى لها عريس بيحصل تار بينهم وبين فرش البيت؟ هاتك ياخبط ورزع وتنفيض ومسح وتتحول العروس المنتظرة الى زوبة الشغالة ........بدأت ماما فى القاء الاوامر يمين وشمال الى كل من فى البيت :

-خالد روح هات الجاتوة والحاجة الساقعة بسرعة ........خلينا نستفيد منك مرة واحدة لله !!

-ملك هانم روحى لطنط ليلى اللى فوقينا وقولى لها ماما بتسلم عليكى وتقول لك عاوزين طقم الكاسات المدهب واوعى تكسريه لأرميكى من البلكونة .....!! ويجيب كل الفاكهة ضاربة مش عاوزين نتكسف قدام الناس .........

-وانتى ياسلمى قاعدة كده ليه ؟ قومى شوفى حتلبسى ايه ؟ وبلاش طقم الميتين البنى اللى انتى بتحبيه ........اصل ام العريس أروبة اوى !!

واندفع كل واحد من أفراد الكتيبة لأداء المهمة الموكلة اليه من الجنرال مانجر الست ماما .......الا انا كان جسمى مهدود من علقة التنظيف وكنت متأكدة انى اول ما ح ادخل اودتى ماما ح تندهنى لأى سبب من الأسباب !!
وفعلا !!!!!!!

-ما تنسيش ياسلمى تطلعى مفرش السفرة اللبنى اللى فى الرف اللى فوق فى الدولاب وتفرشيه واغسلى الورد احسن يقولوا جايبينه من القرافة ؟ لازم فى الفناجين ؟ ده انا بيتهيألى انهم بيعملوا الفناجين مخصوص فى الاطقم الصينى علشان العرسان .........!!!!

-فردت بضيق : انا مش باخد منكم كلكم الا وجع القلب


- قابلته خرج من الحلوانى أخدت منه الحاجات وبعته يشترى هو الفاكهة علشان رجلى تعبانى اوى !!!!

وقبل ان تفيق من الصدمة جاءت ملك تحمل الكاسات المدهب وعدتهم ماما فوجدتهم خمسة فقط فسألتها : هى طنط ليلى ادتك الطقم ناقص ولا ايه ؟


فردت ملك بثقة : لا ياماما هى الاطقم الجديدة 5 بس !!! .......ونظرت الى الساعة فوجدت لم يتبقى الا ساعة ونصف ويأتى العريس وأمه ..فدق قلبى بعنف وأخذت أنظر الى عقارب الساعة وهى تتحرك وكأنها تحمل معها مصيرى ..........fprivate "type=pict;alt="