الزمالك = ريال مدريد !!! بس المكتوب دي يتم خش و مش هتندم (تحليل فني)

[hazempopo]

الزمالك = ريال مدريد !!! بس المكتوب دي يتم خش و مش هتندم

--------------------------------------------------------------------------------
الزمالك = ريال مدريد !!!
ايوه بس الصفقات الجديده دي تتم
زي مين يعني ؟؟؟
نشوف الاول ال هيمشوا

الاول : هاني سعيد
السبب:بطيئ جدا جدا و وحش في نص الملعب ملوش اي لزمه في 4 4 2 وكمان ولا بيقطع كويس ولا سريع ولا بيعرف يشوط ولا يعرف يعمل حاجه في 442 اساسا


التاني:عبد المنصف
السبب: بصراحه هوه جون جامد ومينفعش يقعد بديل وكمان كبير يعني حتي لو استني مش هياخد فرصه عشان مش هيقعد عبد الواحد مثلا في الاحسن له انوا يمشي


الثالث: ايمن عبد العزيز
السبب: بصراحه لعيب علي قده اوي هوه شويط بس لكن بقي في الضغط مقول لكش كل مي خش علي لعيب يعمل معاه فاول وكمان مش سريع ولا بيقطع كويس وكل شويه يعمل فاولات واليقاه بتعته مش اوي ويريت يمش يخلصنا منه و من فاولاته


الرابع:اديكو
السبب: هوه مش وحش بس مش الافريقي ال هيصنع الفرق وبعدين في ناس مصرين برقبته واحنا بنجيب الافارقه عشان بيبقوا احسن من المصرين فا انا شايف ان ملوش لازمه وهياخد مكان افريقي علي الفاضي وكمان عندنا لاعيبين في مركزه احسن بكتير منه و مصرين


الخامس:ابراهيم ايوا
السبب: نفس الكلام ال علي اديكوا بس هوه اهه كويس (شغال يعني) بس في مصرين احسن منه وكمان بيعمل فاولات كتير ملهاش لزمه ومش عشان ابن عبيدي بيليه نجيبه يعني


السادس: عمرو عادل
السبب: كبير في السن وكمان بطيئ و مش حلو في 442 وكمان مش لعيب اوي لدرجه انه يلعب في الزمالك يعني



انا شايف ان في لاعيبين لازم يروحوا اعاره او بدال بلاعيبن جمدين
البدال

احمد عبد الرؤف
السبب: لاعب محترم جدا بس مش ال يلعب في الزمالك يعني يسد بس مش لاعيب سوبر ممكن يروح اعاره او نبدله بحد جامد


شريف اشرف
السبب: انا مش عارف هوه ليه جي الزمالك عشان الاهلي سابه مثلا او عشان كان بيلعب في الاهلي لاعيب علي قده و مش حلو ولا جسمه جامد ولا سريع ولا بيعمل حاجه في 18 هو بس حلو في ضربات الرأس شويه بس مش يقعد في الزمالك عشان يلعب برأسه


بوجي
السبب: انا لما شفته مع منتخب الشباب لقيته تعبان ال بيعمله كل كوره يا خدها علي سدره وكمان معندوش خبره بس هوه حلو في الكرات العليا وكمان سنه صغير يعني ممكن يروح اعاره اي نادي ويرجع تاني


سيد مسعد
السبب :لعيب كويس بس ناقصه كام حاجه كده زي المهاره الفرديه زي واحد علي واحد وكمان انوا ياخد قرار بسرعه قدام الجون يعني لو راح اعاره هياخد خبره وكمان ممكم يتصلح بس هوه خامه كويسه ويجي منه لاعيب كويس


بيتهيئ لي ان دول الهيمشوا دي من رأيي انا




اما الصفقات الجديده
المهاجمين:

اهم حاجه مهاجم
يكون جسمه جامد بيلعب بالراس كويس وجامد في ال 18 و هداف

هما في اتنين نوعين من المهاجمين الجسم الجامد وكده يعني زي : زكي و ميدو وجعفر والناس دي ال تكون محصطه و بيعرف يحضن علي الكوره كويس وتقيل في ال 18

الممكن يجوا :


هشام بو شروان : لاعيب تقيل اوي ومميز في ضربات الراس بس مشكلته ان سنه كبير شويه


بوبا: افريقي علي حق لاعب ملوش حل ولو جي مش هقول لكم علي ال هيحصل و يارب يجي عشان دي هتبقي صفقه جامده جدا



النوع التاني
الاعيبه ال جسمها صغير يعني مش طوال اوي بس هدافين وعندهم سرعه و ذكاء في ال 18 زي : متعب مثلا واحمد بلال والسيد حمدي دي في مصر


ال ممكن يجوا:


احمد رؤف: لاعيب مش ممكن دي لو جيه الزمالك تبقي صفقه العمر في مصر لاعيب عالي جدا ويجيب جون من نص فرصه ومكسب للزماك


ابوكونيه: انا سمعت انه جي الزمالك انا مشفتوش الا في كام متش هوه زي احمد رؤف كده و سريع وهيكون مكسب انشاء الله




نص الملعب: في نوعين برضه الاعيبن

الاول

الاعيبن ال بيدفعوا كويس اوي وكمان بيساندوا الدفاع زي : حسام عاشور ومحمد شوقي ابراهيم صلاح احمد خيري و الناس دي

اما ال ناس ال ممكن يجوا

اكوتي: لاعيب لا يختلف عليه اثنان شويط وسريع وبيدافع كويس اوي وبيقطع الكور وبيضغط حلو اوي وبيعرف يساند الهجوم


محمد شوقي: اسمه لوحد يتكلم بس هوه مستواه قليل اوي الفتره دي بس لو عايز يجي الزمالك اهلا وسهلا لو مش عايز يجي خلاص


نور السيد: لاعيب عالي فعلا وشويط وكويس اوي و سنه صغير وهينفعنا جامد اوي بس مش عارف الجونه هيسبه ولا لأ


عاشور الادهم: اسمه لوحده يتكلم لاعيب عالي جدا ملوش حل بس صعب يجي الزمالك و لو جي الزمالك يبقي مكسب كبير جدا



النوع التاني: الاعيبن ال بياخدوا حريه في الملعب ويساندوا الهجوم وبيعرفوا يشوطوا وبيجيدوا ال لعب للامام وفي لاعبين كتير في مصر من الاعيبه دي زي : حسن مصطفي حسني عبد ربه محمد حمص حسين علي وفي لاعيبه كتير بس انا مش فاكر

ال ممكن الزمالك يجبهم

حسين علي: لاعيب سريع وشويط وبيعرف يلعب للامام وكمان عنده رؤيه مويسه للملعب ولاعيب كويس اوي


حسني عبد ربه: اسمه يتكلم لاعيب جامد جدا مفيش حد يعرف يتكلم عليه ولو جه يكون مكسب كبير جدا


محمد ابراهيم: انا سمعت انه ممكن يجي الزمالك هوه فعلا لاعب جامد اوي و سنه صغير وكمان لما كان بيلعب في الزمالك راح المنتخب وهيكون مكسب للزمالك
و في برضه لاعيبه كتير بس برضه مش فاكرهم




خط الوسط المهاجم : في نوعين برضه
النوع الاول : ال بيبقوا جين من نص الملعب زي : شيكا وحسين ياسر وعيد عبد الملك وابو تريكه وبركات وعبدالله السعيد وعمر جمال وليد سليمان ولاعيبه كتير


الممكن يجي الزمالك :
وليد سليمان: لا عب عالمي ولو شيكا مشي هوه دي ال ال يجي مكانه هوه او احمد عيد بس انا بقول وليد سيلمان سريع ومهاري وشويط وعنده رؤيه كويسه للملعب ولو جه هيكون مكسب للزمالك وصفقه هتكون جامده اوي


احمد عيد : زي وليد سليمان بس بيتعصب بسرعه وبقعد يتعارك مع الجماهير بس مفيش حد يختلف علي احمد عيد وهيفرق جامد جدا لو مشي شيكا وانشاء الله يجي
دول العيبه ال ممكن يكونوا بدل شيكا


وفي لاعيبه تانيه كتير جامدين اوي بس مش هيشلوا الفريق زي شيكا وان بنصح با لو شيكا مشي حد من الاتنين دول يجي



النوع التاني من الاعيبه : راس الحربه المتاخر يعيني ميعرفوش يلعبوا مهاجم صريح او صانع العاب صريح وفي لاعبين كتير في مصر كده زي : محمد زيدان وجمال حمزه وسيد حمدي وميدو كان بيلعب كده لما جيه كان بيلعب مهاجم متاخر وكمان في جدو


الاعيبه ال ممكن تيجي:
جدو:انشاء الله يجي الزمالك و هيكون مكسب وكمان هداف و بيعرف يجيب اجوان من نص فرصه وكمان كان هداف افريقيا وهيكون مكسب لينا


امين الشرميطي:طبعا كلنا عارفينه ال كان بيلعب في النجم الساحيلي ال طلعوا الاهلي في 2008 باين كده ال كان السبب في طرد عماد النحاس وكمان بيلعب في منتخب تونس وبيلعب دلوقتي في اتحاد جده وسمعت انهم عايزين يمشوا ولو جيه هيكون مكسب لينا


سيد حمدي: ملوش حل لاعيب جامد جدا جدا وبيعرف يكمل مع المهاجمين و مهاري اوي وكمان شويط وبيطرف وبيصنع فرص لللاعيبه



دول لازم حد يجي منهم الزمالك



الدفاع: برضوا في نوعين ال مدفعين والباكات ( باك يمين و باك شمال)


الممكن يجوا الزمالك


معتصم سالم: لاعيب جامد وعنده خبره وسريع و مميز في ضربات الراس ولو لعب جنب فتح الله محدش يقلق عي الدفاع


احمد دويدار: لاعيب حلو اوي وسنه صغير وانشاء الله يجي الزمالك وهينفعنا اوي


هاني سعيد : والله خساره انه راح المصري و مجاش الزمالك و يا رب يجي عشان دي لاعيب عالي جدا


اوكا: بصراحه انا مش مقتنع بيه بس بيقولا انا في كلام معاه بس انا مبنصحش انه يجي


سيد فريد : اكيد محدش فيكوا يعرفوا بس دي لاعيب في الاتحاد وهيكون احسن مدافع في مصر وكمان سنه صغير 20 سنه وانا براهن علي الاعب دي



الباكات


الشمال: مش محتجين عندنا احسن باكين شمال في مصر وكمان لو نطلع ناشيئ يبقي تالت معاهم هنكون ميه ميه



اليمين : محتاجين واحد تاني جنب احمد غانم ونخلي عمر جابر لا عب جوكر


العيبن ال ممكن يجوا :


احمد المحمدي : اسمه لوحده يتكلم انشاء الله يجي هوه كده كده رايح سندر لاند واكيد مش هيعرف يلعب هناك ف احنا اولي بيه و لو جيه الزمالك هتكون صفقه مدويه


احمد سمير (ليرس):لاعيب جامد جدا ويريت يجي وانا عارف انه عايز يرجع الزمالك و يريت حد من الاتنين دول يجي



حراسه المرمي: محتاجين بديل لعبد الواحد يكون سنه صغير يكتسب خبره منه ويكون خليفته


الممكن يجوا :


ابو السعود: لاعيب جامد اوي ولو جيه محدش يقلق علي حراسه المرمي في الزمالك كمان 30 سنه



عامر عامر : لاعيب جامد جدا بس انا مفتكرش ان انبي تسيبه واشاء الله يجي




المهدي سليمان:نفس الكلام ال علي عامر عامر ويريت حد فيهم يجي





وفي الاخرانا ارهنكم لو لاعيبه دي جت الزمالك هيكون ريال مدريد و مش هنسي بطوله الا هناخدها



وانا تعبت جامد اوي في الموضوع دي وياريت تقولوا رايكم الموضوع حلو ولا لأ




وتقولوا انا انفع ناقد رياضي ولا لأ



علي فكره دي من مجهودي الشخصي والله ودي اتنشر في مواقع كتير وعجب



وارجو ان لا يغلق الموضوع


لانه ليس سباب او اخبار عن نادي محدد


وانتظروا الموضو ع عن النادي الاهلي


وارجو ان لا يغلق من المشرفين الاعزاء

[_BabY LoVe_]

ههههههههههههههههههههههههههه نكته ريال مدريد هى الزمالك يعمى


دوووول محصلووووش بوركينا فسو

[omar007]

يغلق وابقى اعمله فى رابطه الزمالك علشان ماحدش ليه لازمه يدخل يقول كلمه مالهاش لازمه