أتكلم ، قول ، أحكى ، ارغى ، ايه قصتك مع اليكسندر

[AbdElLatif]

أوبا يا دوكا شكلك بدأت تغير من الواد بوب سبايدر إن بلاعته طفحت في القسم .... والله و رجعنا لأيام زمان يا دوكا

بس انا قولت اقرفكوا شوية بفكرة من افكارى اللامحدودة

حلوة دي .... دوكا بوند



يلا الواحد يكتب ماضيه الأسود عقبال ما يحضروا السحور

عرفت سيلك رود إزاي

كنا مرة قاعدين في السايبر زهقانين فكان في واحد في السايبر بيلعب اللعبة دي على سيرفر فعجبتنا ..... قالنا دي إسمها سيلك رود فدخل واحد فينا جربها و همل أكونت ويزارد

و أنا فاكر قعد أسبوع عقبال ما طلع لفل 11 و جه وحش الوولف لفل 5 قتله و بيقولي اللعيب ميت و مش عارف أقومه تاني ( كان عدى لفل إنه يقوم الكراكتر تاني في مكانه ) و فضل قاعد يومين عقبال ما عرف يجيب الرسالة تاني و يدوس على الزرار اللي بيرجعه المدينة



ليه قررنا نلعبها

علشان كنا قفلنا كل الألعاب اللي لعبناها و مكنش في حد في المنطقة بيعرف يصد معانا .... بدون غرور والله....... فقلنا التجديد مطلوب و كان صاحبنا إياه ده جاب لفل 15 و عمال يحكيلنا بقى عن تاكسي الـ Crapو دوشنا



ليه إخترت ألكسندر

هو إحنا بدأنا على Sparta و بعدين إكتشفنا إن في واحد صاحب سايبر قريب مننا لفل 80 كروسبو على Alexander قالنا تعالوا معايا ده أنا بشحن جولد ( كان بيضحك علينا و بيشحنلنا المليون بـ5 جنيه ) ..... رحنا عاملين أكونتات في ألكسندر و بدأنا من جديد



أول شخصية عملتها إيه

كانت جليفر و بعيد عنك كنت فاتح فاير و كولد و لايت و جليف .... بس دي كانت على Sparta قبل ما ننقل ألكس ...... و مش فاكر إسمها



ليه إخترت إسم شخصيتك كده
كان عاجبني الإسم ده أوي Arabs_Knight
و كان قصدي Arab's Knight بمعنى فارس العرب بس طبعاً مجتش
و كان الإسم ده من تأليفي مشفتوش في أي حتة تانية
ده بالنسبة لأول كراكتر ليا على Alexander و الحمد لله مستمر بيه



ليه إخترت السلاح بتاعي ؟

بص أنا ليا قصة طريفة أوي مع السلاح

* أول حاجة كان الإسم في دماغي و قلت هختار كل حاجة علشان تمشي مع الإسم

* دورت على أشكال الشخصيات لقيت أقرب شكل للعرب كان واحد في الصيني

* بعد كده قلت أشوف أي سلاح في الصيني قريب للأسلحة العربية لقيته البليدر و مكنتش أعرف الفرق بينه و بين السورد بس قلت البليدر أقرب للعرب وخلاص .... و إنطلقت





نهاية شخصيتك إيه

أهي مركونة أهي مستنية

بس مش عارف بقى أنا هل هرجع اللعبة في المستقبل ولا لأ



كانت طموحاتك إيه؟

إني أبقى أحسن بليدر و تريدر في السيرفر

و كنت ماشي على طريق أحسن تريدر ده كويس أوي لحد ما فكيت اللعبة



حققت طموحاتك ولا لأ؟

لأ