نقاش مع الناس القديمة في اللعبة

[Zero_Code]

شوف ياصاحبي
انا بلعب من 2004

مستحيل حد يجيب من لفل 101 ل 110 من غير بوت

اما من لفل 1 ل 100 في ناس كتير عملتها من غير بوت

بس طبعا في المقابل silk بالعبيط و جولد بالعبيط و تضييع وقت ملوش حصر

اي banned من اللعبة بيجي زي ما الناس المحترمة دول قالو

1- سيلك مضروب او من visa - maste - paypal -moneybooker -etc مسروقين
2- استخدام الفري بوت
3- استخدام برامج مشابهه لل Loader - او لتغير ال Skin
4- تغير لو مسح او اضافة اي ملفات جوه ملف اللعبة الاساسي

تقريبا كل الناس الي بتستخدم Sbot - isro bot - T bot محدش بياخد منهم بلوك ( و انا لحد دلوقتي مسمعتش ان في حد من اصحابي الي بيستخدمو الانوع دي من البوت اخدو بلوك )

اما بالنسبة لسؤالك : اكيد هتلاقي ناس كتير لسى معاهم كركترتهم الي كانو عملنها من 2004 -2006


وبالنسبة للسؤال التاني : اكييييييييد شركة جوي ماكس عملت ال iteam mall عشان تساعد الناس في الlvling + fun
واكيد الي شاحن prem + bot هيكن اسرع بكتيييييييييييير من ال بيلعب من غير دا او دا

اما موضوع كام سيلك عشان تجيب لفل الكاب (110)
نحسبها براحة كدا

شهرين فارم ( عشان تجيب 3 مليون sp ) محتاج 2x prem+ & 2x Sp ticket =290x2+78x2= 738 silk

و شهر عشان تجيب من لفل 30 الى لفل 90 ( دا لو عندك حد يلفلك او تاكسي ) = prem+ = 290 silk

وشهر بالكتير عشان تجيب من لفل 90 ل لفل 101 = 290 silk و من اول لفل 90 انت هتحتاج pick pet+ devil spirit = 150 +88 = 528 silk

ونقول مثلا لو انت عندك pt حلوه من اول لفل 101 ل لفل 110 هتاخد 3 شهور بالكتير لو انت Eu بريم و pet و ديفيل = 3x 290 + 50 x3+48x3= 1164 silk

ونسيت انك هتشتري avater واحد كامل على الاقل = 175 silk

يبقى المجموع يا سيدي 175 + 1164 +290+738 =====2367 silk عشان تجيب لفل 110 FF

[yoha]

اللعب من غير بوت مستحيل خصوصا فى اللفلات العاليه بس خليك معا sbot وان شاء الله مفيش بلوك

كلام جميل يا Zero_Code بس لو تقدر تعمل كده من غير كل المصاريف دى يبقى ليه لا

انا عملت شخصيه فارم 600k ايام دجرى 10 بتكت واحد اسكلات ب 78 سلك

بعد كده شحنت بريميم عادى ب 150 سيلك طلعت لفل 88

كمان بريميم ب 150 سيلك طلعت لفل 96

اشتريت ستجاب وطقيه سيلك ب 108 سيلك

كمان بريميم ب 150 سيلك طلعت لفل 100 وشكرا على كده كان اخر لفل موجود

بعدها بشهر فتح دجرى 11....كنت مشغول شويه رجعت اللعبه فى شهر 7

بريميم واحد ب 150 سيلك بقيت 105 وبعد كده مقضيها من غير بريميم عملت فارم فى كهف الهنتر ظبطت نفسى على الاخر دلوقت وصلت 107 FF ومعايا 773k زياده هكملهم مليون فى يومين ان شاء الله وكده انا طالع 110 FF

وكل ال صرفته 786 سيلك

البريميم وسيله للدخول مش اكتر مش بيساعد بالدرجة الكبيره اوى فى التلفيل زى الناس ماهى فاكره .عشان كده عمرى ماهشحن بلس ابدا لانه تكلفه على الفاضى والفرق مش كبير

وكمان مشحنتش جولد ابدا والحمد لله لبسى كله +6 +7+8 ماكس بلو ومعايا جولد كتير من النوفا

وكمان ببيع الجولد واشحن سيلك واشحن بوت من تمنه ...ايه الفرق بينى وبين ال 110 ال صرف 2367 سيلك ؟

[silkroadd]

معلش مع احترامي للناس القديمة المفروض هما يبقوا اكتر ناس فاهمة
مفيش حاجة بالنسبة لجوي ماكس اسمها بوت بفلوس ولا بوت فري
لأن هما ملهمش علاقة بشركات البوت اصلاً
ومش عشان انت شاري البوت بفلوس فجوي ماكس مش هتدي لك بلوك
الفكرة كلها في الباكتج اللي بيرسلها البوت للكلينت ان كانت بيتبعت بيها تقرير لجوي ماكس او لا
+ ان لو حد شافك وانت بتبوت وبعت فيك تقرير

انا ممكن اوريكم احصائية معمولة في منتدى اجنبي عن ناس كانت شاحنة سيلك وبوت مدفوع وخدوا بلوك عادي

ومن خبرتي البسيطة اقدر اقول ان الفارق الوحيد هو البرميم
لأن كلمة برميم في حد ذاتها معناها حساب مدفوع يعني انت كأنك ليك اشتراك شهري في اللعبة وده بيكون الحجاب الواقي بينك وبين البلوك في حالة انك لو اتعرفت

لكن ولا اس بوت ولا حرنكش بوت هي مسألة نصيب مش اكتر

في اكتر من ان الناس بتكتب البارتي taxi s bot fast kill هههههه
ووالله في اللي بيكتب على الجلوبل انه بوت ومش بيحصل له اي حاجة

ليه دول مخدوش بلوك ؟
يعني هو الجي ام مش شايفهم ولا عبيط مش واخد باله

كل اللي بيعمل كده بلا استثناء بيكون واثق من نفسه لأنه شاحن برميم بأستمرار

[Zero_Code]

رد جميل يا أستاذ silkroadd

وكلام منطقي على حوار البوت - بس انا مش programer عشان اقدر اتناقش معاك في حوار طريقة كشف البوت

سواء كان بفلوس او free ( او طريقة كشف اي بوت او برامج غير شرعيه في اللعبه )

انا كنت بتكلم عن خبرة تجربة شخصيه و مع 99% من الناس الي اعرفهم

يعني زمان جدا كان اول بوت نزل في تاريخ ال i sro كان ال T bot ( او الشرة الي بقا اسمها T bot )

ايام ما كان بيستخدم skill واحده كل 60 ثانيه ( يعني شلل اخر حاجه - بس وقتها كانت معجزة ان الواحد يدخل ينام و الكركتر شغال يلفل )

وطبعا وقتها كان غالي جدا - وكان ليه crack يعني تستخدمو فري

المهم عشان منطلعش عن الموضوع كان الي بيستحدمو من غير ما يكون شاحن على الاقل 50 سيلك كان بياخد بلوك

وعن نفسي انا كنت بستخدمو من 2004 لحد ما طلعت شركة T bot وبقى بفلوس ( وملوش اي crack ) تقريبا سنه 2007
والحمد لله ماخدتش بلوك خالص

اما موضوع حوار الناس الي كاتبة تاكسي bot والكلام دا

فال GM اخد موقف من الموضوع دا وعمل banned 7 days لاي حد كان كاتب كدا

وكان اول واحد ال GM يدلو انزار كان واحد مصري وكان في موضوع عنو في المنتدى من فترة ( ايام ديجري 10 )
وال GM بشر زينا يعني مش متواجد 24/7 عشان كدا نسبة ان الناس دي تاخد block اقل بكتير

وفي الوقت الحالي انت اكيد شايف ان بعد ما عملو الحرب على شركات اجولد بوت

محدش اخد banned بسبب استخدام البوت - ممكن يكون السبب سياسة الشركة او خلافه ( لانهم لو عملو حرب على جمييييييييييييع الbotters يبقى محدش هيلعب silkroad اساسا - الناس اتبرمجت انها تفتح بوت وتتفرج عليه )

اكيد مش كل الناس - بس ممكن نقول 80 % من silkroad players بيستخدمو بوت

[silkroadd]

استاذ زيرو شكراً ليك
انا فاكر في الأول خالص مكنش في حاجة اسمها بوت اصلاً
واول ما بدأ الكلام عن Isro كان عبارة عن سكريبت كي بريسس معمول بال الأوتو ات

وبعدين بدأ شوية بشوية تظهر برامج البوت واللي كات عامل ثورة وقتها هو ال I sro وكان بينزل له سوفت مود كل فترة
ومكنش حد عارف يشتريه اصلاً او بمعنى اصح لأن البايبول مش مفعل في مصر لحد دلوقتي والدفع كان عن طريقة

حوار البلوك 7 ايام ده زيه زي اللي بيشتم مثلاً
بس والله في ناس بتكتب انها بوت بشكل صريح ومش بيتعمل لها حاجة
بس هو مش بيجي يقول انا بوت على طول كده لأ انما مثلاً بيقول انه عامل تاكسي بوت او يكتب على الجلوبل انه بيبيع اكونتات بوت

كلامك عن الجي ام محسسني انه بيدخل من بيته :)
دول موظفين في شركة جوي ماكس وليهم مواعيد شفتات يعني مش هتلاقيهم كلهم في نفس الوقت مثلاً داخلين
انت عارف زي ايه ؟
زي خدمة عملاء فودافون كده D:
مقر شركة وبيروح يشغل فيه وهو وظيفته جنرل مانجر وكمان مش بيتحكم بمزاجه في قواعد ثابته ماشيين عليها
اصل فعلاً في ناس بتكبر موضوع الجي ام ده اوي وتحسسك انه صاحب اللعبة وهو ما الا انه مشرف زي مشرف المنتدى العام مثلاً ومش بيقدر يتحرك ويعمل حاجة الا في حدود قوانين ثابته تحكمه وتحكمك

بس يا جماعة صحيح اللعبة من غير بوت مستحيلة واللي يلعبها من غير بوت يبقى بجد حرام عليه نفسه هيضيع وقت ومجهود كبير الناس لو شغلت البوت وراحت شافت مصالحها وعملت حاجة مفيدة ده هيبقى افضل واحسن ميت مرة
ولا اييييييييه

[M_I_N_A]

علي فكرة انا عايز اقول حاجة مرة سنة 2006 تقريبا او 2005 مش فاكر ايام مكان في بوت فري انا عملت اكونت فرعي وبوت بالبوت الفري بس كنت ببوت في اماكن غريبة يعني مش الاماكن العادية اللي الناس بتلعب فيها يعني مثلا كنت في دون هانج اطلع ابوت فوق خالص فوق المدينة ساعت الابديت بتاع كل تلات صحابي كلهم لبسو بلوك الا انا

[MoST_WanTeD]

في شخصيات مستمرة من 2005 تقريبن واعرف كذا كراكتر موجودين عادي

[Zero_Code]

حبيبي silkroadd بجد انت جبت الي انا كنت عاوز اقولو بس خفت اقول كلمة شفتات الناس متفهمهاش - ان كل GM ليه مواعيد بيدخل عليها لسرفرات معينة -عشان في ناس فاكره ان وهو قاعد على جهاز واحد هو موجود في كل السرفرات في نفس الوقت

وكلامك صح كمان اسمو السوفت مود ( كنت ناسيه والله )

وانا من رأيي انهم منفضين شويه على حوار ال botters عشان هما كداكدا عوزين يكسبو

وعلى فكره هقول للناس على حوار حصل في سيرفر ميركري وقت ال uniques event

اغلبية الناس كانت بتسخدم ال sbot عشان تعمل auto select على الuniques بسبب الزحمة من الmobs

ف ال GM اتكلم وقال ( اقفلو اي برامج غير شرعيه او هديكو DC )

طبعا في ناس خافت وناس قالت دا شويه و هيمشي - المهم - كل الناس الي كانت فاتحة بوت اخدو DC مش bann وممكن تسأل حد من الاعضاء لو كان موجود سعتها

خلاصة الكلام الي انا كاتبو ان دلوقتي همهم الاول والاخير يقللو او يمنعو نهائيا شركات الgold bot

عشان ناس كتير اشتكت بسبب ان السرفرات زحمة وان دي لعبة free2play ومنفضين للباقي

[_moon_]

بالنسبه للبلوك انا عمري ما اخذت بلوك

وبالنسبه للسلك على حسب يعني انتا واستخدامك

بالتوفيق ان شاء الله

[سيف]

بصراحه انا في اللعبه من سنه 2005
جالي في 3 اكونتات ورا بعض
بلوك لي درجه اني اعد فنره سايب الجيم والله

[ALEX_MOON]

عندى اكونت من 2006 مخدش بلوك بس انا مش بلعب عليه دلوقتى

[SnipZz]

انا عندي اكونت من 2005 بس ملعبتش بيه و لسه سايبه لحد دلوقتي اما عن حكاية البوت اعتقد ان شوية شوية هسيبونا لأن لو كل واحد لبس بلوك مفيش حد هيلعب و بالتالي هيخسروا و الشركة هتتقفل بس انا سمعت انهم هينزلوا بوت قريب من عندهم و هيكون فيه كذا طريقة للشحن ربنا يسهل

[™VuaPhaHoai™]

يااه ايام زمان كانت حاجه عاليه وكنت بأتك hand grinding بالساعات وعادي خالص
دلوقتي وربنا ولا حتي 5 دقايق ظهري بيوجعني ع طول
بدون سلك اللعبه بتبقي بضان الصراحه
ازاي ميبقاش معاك ديفيل او الارنب صعبه اوي
انا في الدراسه كنت ديفيل والارنب والاس وبس
والاجازه بظبط نفسي بقي
واللعبه مش مبنيه ع انها ببلاش ويلا هيصه
اللعبه بدون سيلك تقريبا مستحيله وخنقه جداً
اما عن البان انا خدت بان مره واحده ع شخصيتي العبيطه كنت بهيس بيها كدا كانت النوب بتاعي يعني عشان كان نفسي العب بالاكس بو ^^ عشان يوميها اصحابي خدو ال 2 IP في الاس وكنت عاوز افتح 2 char
كان سعتها السروكنج الناس بتستخدمه واحد صاحبي قالي خش بيه افتح شخصيتين ومشي حالك وخلاص فتحت خدت البلوك سبع ايام وخلاص اول ما بدأت طبعا كانت من تقريبا 4-5 سنين كان جهاز فااااجر كارت شاشه16
ramz 256 حاجه عال العال ^^ كنت اياميها في ثانوي ومليش في الالعاب اصلا
واهو سبت اللعبه وانا في قمه مجدشي (مجدي من مجد ^^ ) والشخصيات كلها اتباعت ماعدا البفرز لسه معايا مسجل الباصزز ع هارد تاني وخلاص والاس اصحابي خدوه
وانتهيت بقي ومفيش اي فكره لحد الان ترجع
باتل ارينا لقيتها برضو
مستني اشوف الحضاره الاسلاميه ونشوف لو عملو حاجه تستحق وتبهر ممكن بس معتقدش بقت كلو حاجه زي الطين زي وشهم
انا بقالي كتير مشفتش ناس قديمه XD

[Zamael]

انا بلعب من ساعت ما سيرفر سبارتا دة كان بيقولو هيعملو يعنى 2004 تقريبا
المهم
مفيش بلوك عشان انا كنت واخد بالى من الاول
ثانية : سيلك على حسب يعنى فى ال 8 ديجرى من 1 لى 80 كنت بتحتاج 5000 سيك
اما ال 9 ديجرى مش فاكر والله استخدمت كام بس برضو نفس المبلع ( ملحوظة السيك زمان كان رخيص ال 1000 ب 100 جنية )
ال 10 ديجى كان كتير عشان الكيف الزفت و الترفيك يعنى بتا 2000 و ال 11 لحد دلوقتى 2000 برضو
اما الاخير برأى مستحيل تلفل من غير بوت و سيلك اخررك لفل 80 فى كاب 11
لان مفيش بنى ادام هيقعد ادام الجهاز 15 يوم 24 ساعة ! عشان يلفل من 105 ل 106 بس !او فى واحد مش هياكل و يشرب ولا ينام لمدة شهر 24 ساعة عشان يجيب من 110 ل 110 99.99%
وشكرا :)

Sparta Till i die
_GoIdenEye_ Muahahahhaha

[السرساوى]

اكيد اكت الناس بتاخد بلووك دة من سنة 2004

دلوقتى مش لازم سيلك عشان اللفل اب بقى سهل