உهــيما و زيــزو ع القهوه (مع المعلم emadreda3)

[Dev.Myth]

وعندك واحد شيشه تفاح وصلحوووووو
[IMG]http://n4hr.com/up/uploads/d5767***b8.jpg[/IMG]
وكمان جايبلى شيشه مضروبه فين الشيشه ياض :P
1- مين هو احمد عرفنا بنفسك من غير الاسم
(سنك وعنوانك ومهنتك ايه ورقم جلوسك لو سمحت هههههههه )
سنى :بيقولو 20 رقم جلوسى وربنا مافاكره ده كان من 3.5سنين

2- ايه هى مميزات احمد وعيوبه (اشرح فيما لا يقل عن 15 سطر هههههههه )
15سطر طب مش مجاوب على السؤال ده :P
طبعاً مميزات ديه كتيييييير جداً ومفيش عيوب الحمدلله غير
(شلل بسيط فى الرجل الأيمن_عين معوره_نص صوابعى مقطعه _وشى ملئ بالمطبات الصناعيه _وشوية فقدان فى الضلوع فى الصدر)يعنى حاجات متذكرش .
3- اصعب موقف مر عليك فى حياتك كان ايه ؟؟
ان الجو يبقا بيشتى ومبقاش عامل حسابى فى جاكت فاخودها صح على نفوخى وديه أصعب حاجه بتعدى عليا فى حياتى.
4- ايه الحاجه اللى حصلت فى حياتك خلتك اسعد انسان فى الدنيا ؟؟
انى جالى بلوك ياسلآم أحساس ميتوصفش بصراحه
5- لو انت قدامك 3 امنيات فى حياتك تمنيهم ايه هيبقوا هما
1.اركب حصان بس يكون قصير علشان مقعش.
2.أصلح الجهاز اللى عايز ويندوز ده :D
3.انى أشوف الواد King0FCream هطبق فى زمارته علشان أزمر بيها شويه ^^
مع العلم انه مش ينفع اكتر من 3؟
خليك فى حالك ملكش دعوه انتا بس :P

6- يعنى ايه حب بالنسبالك ؟

يسلآم.... أجمل معانى الحياه (الحب) يعنى الخيانه يعنى الخداع يعنى أبعدى عنى بدل متزعلى منى

7- الخيانه فى نظرك ايه ؟
أن واحد صاحبى أأمنه أمانه ويبعنى ويقولها لحد تانى أو أتفق مع حد على حاجه والآقيه هوا سبقنى فيها حاجه صعبه أوى أوى أوى

8- التسامح بيعنيلك ايه ؟
اااااه... السماحه جيت على نقطة ضعفى أنا مشكلتى الوحيده فى الحياه أنا متسامح جداً (يعنى مثلآ لو حد عمل معايا حاجه مش عجبانى وأترجانى علشان أسامحه طبعاً طبعاً مش هسامحه وهاحبسه يعنى هاحبسه
9- وهل ممكن تسامحى فى اى حاجه ؟
تسامحى أيه يامعلم أنتا نسيت أسمى أنا أحمد مش حمديه هههههههههههه وعموماً
ممكن يعنى مثلآ لو حد داس على صباعى من غير مايقصد ممكن أسامحه
10- ايه اكتر حاجه بتحب تعملها و انت فرحان موووت ؟
العب سيلك رود ويسلآم لو لآقيت حاجه عدله فرحة عمرى.
11- وايه اكتر حاجه بتعملها و انت زعلان مووووت ؟
أشرب سجاير سجاير سجاير
12- ما هو اسوأ يوم مر عليك فى حياتك؟
اليوم اللى أطبق فيه باليومين (زى دلوقتى كده)
13- ما هو اكثر شئ بتخاف منو فى الدنيا ؟
لأ بصراحه فى الدنيا انا مبخافش من حد خالص إلآ (ابويا _الريس _المراقب_الظابط_البلطجى_الحرامى_أن حد يشتمنى.......ألخ ألخ)
14- ما هو أحلى يوم مر عليك فى حياتك؟
يوم ماخلصت أخر أمتحان ليا فى الثانوى طلعت من باب المدرسه من هنا لبست فى عربيه نص نقل نمت فى المستشفى طول الصيف يا سلآم أيام جميله الصراحه
15- مين اقرب حد ليك فى السايت؟ ومين اقرب حد ليك فى حياتك عموما؟
فى السايت 2 (The Hector _King0FCream)
وفى الحياه أثنين (مصطفى _الشهير بالمعلم عنبه) وفتحى ولسا مطلعناش عليه شهره لكن قريباً
16- تقولى لمين العبارات دى

* يا ورد مين علمك تجرح
* انا آسف
* مقدرش على بعدك
* محيتك من صفحة حياتى
* ليه بعدت عنى
* امشى بأى خنقتنى
* بحبك
* طول غيابك
* ارجعلى
* هموت واشوفك
أقولها لواحد كده مينفعش نقول عليه (الموضوع سرررر)
17- راضىى عن نفسك؟
أساسى دانا حتى مبعملش غير 60أو70حاجه فى اليوم غلط حاجه عاديه يعنى
18- حاسس انك ظلمت حد قبل كدا؟
لأ عمرى ماظلمت حد إلآ حوالى (56)واحد حاجه زى كده حاجات خفيفه يعنى
19- لما بتكتئب بتعمل ايه؟
بضرب أخويا الصغير
20- لما بتفرح بتعمل ايه؟
بسيب البيت وأمشى
21- لو انتيمتك خانتك فى يوم او ظلمتك او عملت فيك موقف رخم اوىىىىىىىىى وهى قاصده ممكن تسامحها ولا ......؟
طبعاً ده خنق الحبيب زى أكل الزبيب برضو بس مش بعيد أدفنها بالحيا بس مش أكتر حاجات رمزيه يعنى المهم أنى هاسمحها فى الأخر
22- ايه هواياتك؟
سيلك رود
23- ايه مواصفات فتاه احلامك ؟ مواصفاتك انت مش عايزين وقائع
تكون سودا وعينها حمرا وشعرها أكرت ويسلآم بقى لو يكون فى عنيها سنة حول تبقى متوازنه كده وحاجه جميله زى ده بالظبط
24- لو عندك اختيارين : واحده انت بتحيبها وهي مبتحبكش وواحده بتحبك وانت مبتحبوش هتختار مين؟
هختار اللى مبتحبنيش ديه كرامه برضو ولآزم يبقى عندى عزة نفس

كفايه عليك كده بقى احسن انضرب بجد مع انى عارف انهم خفاف خالص
لأ يامعلم براحتك المهم بس تظبتلى الشيشه بتاعتى لحسن خرمان أوى :D

يالا برب واجرع تانى اشوف ردك
ولسه فى مجموعه كمان وكمان ^^

يالآ يامسهل