|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
26-01-2011, 01:00 AM
|
#1 | ||||||||||
  
|
بسم الله الرحمن الرحيم 25 يناير عنوان يوم النهارده عنوان لذيذ اوي " عيد الشرطه " .... كان عادتا اليوم ده بيمر بسلام كأي عيد ملوش لزمه في مصر ..... بس الغريب ان شويه من ملاك الiphone و متابعين mbc4 و اصحاب الفيس بوك و التويتر ... حكمت معاهم يعملو مظاهره او ثوره علي حد التعبير ... " شوف ازاي يا اخي " .... و المشكله انها قلبت معاهم جد و ناس كتير اوي انضمت ... و فعلا بقت ثوره " شوف ازاي برده " .... المهم اني النهارده صحيت الساعه تمانيه الصبح كالعاده كل يوم استعد علشان انزل الشغل .... بيتصل بيا عم " يوسف " يقول انه هيقفل المحل و مافيش شغل النهارده " قال ايه بيقولو ثوره " ... قلت اشطه اوي ادينا طلعنا من الثوره ديه بحاجه حلوه ... نمت تاني علشان كان مهدود حيلي ... اثناء جلوسي في غرفتي ( علي سريري ) ... واضعا الام بي 4 في اذني استمع الي اغنيه " المولد " غناء محمد عدويه و الملك عدويه الكبير فاذا بيا اسرح في الاغنيه و جمالها من حيث الالحان و الكلمات لفت و سرحت في كلماتها " فى المولد مراجيح وعيال ووشوش دراويش " " عمالة تبوح بكلام مسموح وكلام مكتوب " " فى قلوب الناس ممنوع يتقااااااال " " المولد مليان احوال والزحمة براح " " والليل بيفوت وانا من عشق الحكم " " متربط فى الملكوت " " ماشى بسبح رب الخلق وسط الخلق " الدنيا ديه فعلا مولد ... مين كان يصدق ان شويه السيس دول يهزو امن البلد ... بس برده و انا في سرحاني قلت ما ليهم حق ... السيس مننا حقه انه يمشي في الشارع مسقط بنطلونه من غير ما حد يرفعهوله .... و الراجل مننا من حقه ان قفاه ميتلمش من امين شرطه لا راح ولا جه .... و الطالب مننا من حقه ينجح من غير ما ابوه ياخد رشاوي علشان يديله دروس .... و الموظف مننا من حقه يضمن اخرته " و مش محتاج اقول ليه " ..... الممثله مننا حقها تبوس رجاله مصر كلها و تهيج الشباب و محدش يكلمها .... لعيب الكوره مننا من حقه ياخد ملايين علشان ينزل يلعب علي نجيله .... العسكري مننا من حقه يلاقي سلاح ( سليم ) يحارب بيه .... ممكن اقول الشاب مننا من حقه يلاقي مكان يتجوز فيه .... الشاب مننا من حقه يشتغل ... اقول ايه بس ... اتحزنت و طار النوم من عيني علي حال البلد و الي جارلها ..... لا و تخيلو ققرت انزل الثوره ... و ما ان علمت امي بالامر قال والله لو خرجت من باب الشقه لا انت ابني ولا اعرفك .... فقررت اتابع القنوات الاخباريه اشوف ايه الي بيحصل في البلد .... بيدبحوا في بتوع المطريه ... و ميدان التحرير هيفرقع ..... الدقي بقي مدبحه ... المهندسين بقت ارض المحشر .... الكربه الامن فيها مش عارف يشوف كف ايده ... " كويس ان عم يوسف قفل المحل " .... قلت خلاص انا قاعد لحد ما يجي جديد .... قعدت قعدت لحد الساعه السابعه و اسمع من بلكونه بيتنا حد بينده علي جاز ..... شريفهااااااااع .... شريفهععععع ... قلت مين الاهبل الي بيسيحلي في الشارع ده .... طلعت من البلكونه شريف : ( كميه كبيره اوي من السباب و اللعن ) مجموعه من الاصدقاء : انزل ... " يا ابن المستخبي " قاعدلي في البيت كان عليكم طار انزل يلا شريف : لا يعم ليعتقلوني الاصدقاء : هتنزل ولا نيجي احنا نعتقلك فوق شريف : خلاص خلاص نازل و بعد مناقشات حاده مع الحجه اقنعتها اني هنزل .... لبست السمعات الجديده الي مبقتش انزل من غيرها و اتشيكت و حيطت برفان و ظبطت روحي و نزلت .... الي عجبني النهارده ان كان فيه واحد من صاحبي كنت متخانق معاه خناقه جامده ... جه النهارده و صالحني و بقينا فل انتهي اليوم ... كان يوم لذيذ بصراحه |
||||||||||
|
| إعلانات google |
|
|
|
26-01-2011, 02:01 AM
|
#2 | ||||||||||
  
|
فعلا ياض يوم لذيذ بطعم الشطه والليمون بيس كمل يا ريس |
||||||||||
|
|
|
26-01-2011, 02:10 AM
|
#3 | ||||||||||
  
|
يا لزيز يا رايق ^_^ |
||||||||||
|
|
|
26-01-2011, 02:25 AM
|
#4 | ||||||||||
  
|
جامده اووي ولله انا متابع معاك علي طول و مستني يوم تكتب ان الحكومه اتشالت ان شاء الله |
||||||||||
|
|
|
26-01-2011, 02:46 AM
|
#5 | ||||||||||
|
رايق رايق يعنى ^^ تسلم ومستنى الرابع :d بس هتلى رابط الثانى علشان ملحقتهوش:d |
||||||||||
|
|
|
26-01-2011, 04:04 AM
|
#6 | ||||||||||
|
انا بكتبلكم اليوم بيومه يا رجاله ان شاؤ الله هبقي اجمعهم في مجلد كبير و انشره و اخليهم يحطوه في مكتبه الاسكندريه كمان " و النعمه لانيمك من المغرب يا طه يا حسين " |
||||||||||
|
|
|
26-01-2011, 03:03 PM
|
#7 | ||||||||||
 
|
عايزك تنزل الحلقة الرابعة الساعة 12.1 :d |
||||||||||
|
|
|
26-01-2011, 03:34 PM
|
#8 | ||||||||||
 
|
ده انت رايق اوىىىىىىىىىىىىىىىىىىى ايه يا عم ده  |
||||||||||
|
|
|
26-01-2011, 03:56 PM
|
#9 | ||||||||||
|
جبار بس يا تري نزلت المظاهرات ولا لأ ؟؟؟؟ |
||||||||||
|
|
|
26-01-2011, 04:40 PM
|
#10 | ||||||||||
|
αиɢєℓs мαy нυяτ  
|
فــــــــــــاجــــــــــــــــر |
||||||||||
|
|
|
26-01-2011, 05:15 PM
|
#11 | ||||||||||
|
حــــــــــــلوه اوى |
||||||||||
|
|
|
26-01-2011, 11:19 PM
|
#12 | ||||||||||
|
αиɢєℓs мαy нυяτ
|
فـيـن اللى بـعـده يـا شـريـف ؟  |
||||||||||
|
|
|
27-01-2011, 12:12 AM
|
#13 | ||||||||||
|
قشطة |
||||||||||
|
|
|
27-01-2011, 12:43 AM
|
#14 | |||||||||||
|
اقتباس:
|
|||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| مـــزكـــرات شـــاب " الـحـلقـه الـتـانـيـه " | super_man619 | بـعـيـدآ عـن سـيـلـك رود | 13 | 02-02-2011 06:41 PM |
.gif){kind=icon}
العرض العادي
