يوميات شباب اون لاين (الجزء الخامس)

[maz999]

السلام عليكم





اليوم التالت ..السبت الساعه ناو 7:00 ص

ياسمين اول واحده صحت فى البيت كلها نشاط وداخله تصحى مامتها

...خبطط تك تك تك ودخلت...


ياسمين: (باست دماغها) ماما يا ماما .. قومى يلا يامامتى عشان تحضرى الفطار

والده محمد: (تفتح عنيها) ايه النشاط والحيويه اللى نزلوا عليكى فجاه دول

ياسمين: مش احسن ماسيبهم ينزلوا عالارض ي***وهالك

والده محمد: طب يالمضه روحى صحى اخوكى يغسل وشه لحد مااحضرلكوا الفطار

ياسمين: اوكى ياست الكل.. بس مفيش صباح الخير لبنتك حبيبتك

والده محمد: ( تقوم من عالسرير).. صباح الخير ياحبيبتى

ياسمين: ان شالله انتى

والده محمد: يالله يارمه امشى


ياسمين خرجت من عند مامتها وراحه تصحى محمد

خبطط تك تك تك ودخلت بردوا من غير مايدلها الاذن


ياسمين: قوم يامحمد قوم ياحماده ياخلاصتوا على طعامتك وانت نايم ياتى بطه ياتى بطه

محمد: (قلق من النوم) بطه.. ايه يابت طقم الحنيه اللى داخلالى بيه عالصبح دا ..

ياسمين: اصل طقم الشاى اتكسر محبتش ادخل عليك بايدى فاضيه

محمد: هههههههههه يخربيت لذاذه اهلك .. الساعه كام دلوقتى

ياسمين:الثاعه ناو ثبعه ونث

محمد: بتتكلمى كدا ليه يابت

ياسمين: هق هق افتكغت ثاحبتك بوثى اللاثعه

محمد: هههههههههه اه على فكره بتسلم عليكى هى وسلمى

ياسمين: الله يثلمهم .. ماتبقى تاخدنى تخرجنى معاك ياابيه شويه عشان خاطرى

محمد: اوكى حاضر بس اشوفك بتذاكرى كويس الاول

ياسمين: لالا ملكش دعوه بيا انت فى المذاكره ابقى ذاكر انت ربعى

محمد: كدا طب وحياه امك مانا واخدك معايا

ياسمين: لالالا خلاص خلاص انت اجدع واحد فى الدنيا دى بتذاكر اموووووووااه

محمد: طب اوعى بقى يافاشله عشان اقوم اغسل وشى

محمد قام يغسل وشه وياسمين خارجه تتنطط وتهز فى شعرها يمين وشمال وراحه لمامتها عالمطبخ

بتغنى وهى ماشيه

شخبط شخابيط لخبط لخابيط
مسك الالوان ورسم عالحيط

اعمل ايه وياك ياحماده اللى عملته دا احسن عاده
عايز ترسم ارسم لكن هات بوسه الاول ياعبيـــــــت
*****
والده محمد: (فطسانه من الضحك) ايه اللى بتقوليه دا ياياسمين

ياسمين: ههههههههههه ههههههههههه بغنى لنانسى بنت الحج عجرم


مامتها ضحكت وقالتلها طب تعالى شيلى معايا الفطار ورايحين عالسفره

ومحمد كان قاعد مستنيهم

محمد: برافو ياياسمين برافو ليكى مستقبل

والده محمد: مستقبل فى ايه يااخويا فى الهيافه مانتوش نافعين

محمد: هيافه ايه ياماما دا كدا بنتك من المتفوقين .. طب يالله ياياسمين نورى بقيت مواهبك لماما..

محمد: اللى يطلع ميتين اهله شو بنقله

ياسمين: شاطر شاطر

محمد: اللى بيقعد مجنون وحده شو بنقله

ياسمين: شاطر شاطر

محمد: اللى بيسقط فى مدرسته واللى يعذب فى معلمته شو بنقله

ياسمين: شاطر شاطر شاطر شاطر

والده محمد: هههههههههههههه وانا بقول مين اللى بوظ البنت

ياسمين: لا يامامتى انا بايظه لواحدى

والده محمد: عليه العوض فيكوا افطروا هاتتاخروا


الباب بيخبط تم تم تك تك تم تم تك

طبعا عارفين مين ابو مخ تعبان دا

ياسمين قامت تفتح الباب


ياسمين: اهلا بننوس عين مامته اتفضل حماتك عينها فى الاكل

ميزو: حبيبه قلبى صباح الخير ياياسمينا محمد صحى ولا لسه ؟

والده محمد: تعالى ياحبيبى افطر معانا محمد صاحى من بدرى

ميزو: هاى ياطنط ازيك ..ايه يامان جود مورنينج مش عوايدك يعنى تصحى كدا من نفسك

محمد: اقعد ياعم اطفح انت داخل ترغى عالصبح

ياسمين: انا اللى صحيتوا فى مانع ياكلاماله

ميزو: نو بروبلم ياسمسمه انا وانتى واحد

ياسمين: دى حاجه انا متاكده منها

ميزو: ههههههههه يالله يامعفنه

محمد: ههههههههههههههههههههه كل بقى ياعم ماترغيش معاها كتير عشان ماتفضحكش

والده محمد: اه ياميزو البت دى بقت فظيعه معرفش اتعلمت اللماضه دى فين؟

ميزو: من الدش ياطنط الاطفال بيلقطوا كلام منه وبيطوروا من نفسهم

ياسمين: ايه ياعم التكنولوجيا تطوير ايه اللى هانعمله هما هيفا وروبى ونانسى اللى بوظونا

ميزو: ااااااااخ هيفا دى صاروووووووووخ

محمد: (يخبطه ويوشوشه) امى قاعده يابن الدزمه

ياسمين: طب سمعت سونجايه روبى الجديده

ميزو: تؤ لسه بتقول ايه دى

ياسمين: انا مش عارفه امسك نفسى لا ولا الم واظبط حالى كلى على بعضى كدا مزه ماشيي وحلى وسرحالى

محمد وميزو ووالده محمد: ههههههههههههههههههههههههههههههههههههههههههههه

محمد: انا فاكر انى كنت مقدملك فى لغات مش فى كباريه ايه اللى بتقوليه دا يابت

ميزو: اختك انحرفت ياميدو

والده محمد: بس ياولا انت وهو ياسمينا دى زى العسل هههههههههههههههه يالله اخلصوا الساعه بقت 8:00

محمد: اوكى ياموم انا خلصت ...انا اهقوم اغسل ايدى واطقم وجايلك ياد ياميزو

ميزو: اوك يامان تييك يور تايم

ياسمين: وانت مش هاتقوم تغسل ايدك بقى ولا هاتقضيها اكل كدا 24 ساعه عندنا

والده محمد: عيب ياسمين ايه اللى بتقوليه دا .. دا بيتك ياحبيبى اختك الصغيره وبتهزر معاك

ميزو: لا ولا يهمك ياطنط عادى منا معنديش دم

والده محمد: ههههههههههه دانتوا عيال فاقده انا هاقوم اغسل ايدى انا كمان

ياسمين: واد ياميزووووو انا حاوزه 10.50 عشان اجيب كارت شحن للموبايل

ميزو: نعم ياختى وانتى جايه تستقطعينى انا

ياسمين: هابقى اديهوملك ماتبقاش غلس انا مصروفى خلص ومحمد مش راضى يدينى

ميزو: طب انا دلوقتى رايح الجامعه ومش عامل حسابى على فلوس زياده

ياسمين: خلاص يبقى تحولى رصيد بقى

ميزو: وانتى عاوزه رصيد ليه اصلا انتى تعرفى حد تكلميه يازبله انتى

ياسمين: وانت مالك .. انجز هاتجيب الفلوس ولا لا مبحبش الرغى الكتير

ميزو: فى واحده فى لغات تقول انجز والكلام البيئه دا

ياسمين: ياعم انت هاتعملى فيها ابن ناس مش عايزه منك حاجه

ميزو: احسن

ياسمين: انت مصدقت خلاص ياميزو معنتش تكلمنى

ميزو: خلاص خلاص انتى هاتمثلى هاجيبلك كارت شحن وانا جاى لاخوكى بالليل

ياسمين: اوكى بس فى الاستخوبص اوعى محمد يعرف

ميزو: استخوبص مش لايق على شكلك الكلام دا خالص


محمد خلص لبس وراح لميزو

محمد: واد ياميزوو انا خلصت حلو كدا

ميزو: تمام بس سقط البنطلون شويه

محمد: ليه ياروح امك هاعمل فيلم اغراء فى الجامعه

ميزو: يامان الموضه ناو روشنه ونعكشه وهدوم مبهدله

محمد: يعنى انزل الجامعه معفن وشكلى شاذ عشان ابقى روش

ميزو: يامان الموديلز ناو كله ديرتى

محمد: طب يالله ياقذر عشان اتاخرنا مبسقطش انا اكتر من كدا

ميزو: اااذ يو لايك يامان لااتس جو

محمد: باى ياماما باى ياياسمين انا نازل

والده محمد: مع السلامه ياحبيبى ماتتاخرش

ياسمين: مع السلامه يامزاميزوووو











الساعه ناو 9:30

موبايل ميزو يرن

ميزو: الووووووووووو

ريم: الو هاى ياميزو اى ميس يو ..ازيك ؟

ميزو: وانا اكتر ..الله يسلمك انتى فين؟

ريم: انا 10 دقايق وهاكون فى الجامعه انا وميرنا

ميزو: اوكى ياقمر وانا محمد فى طريقنا نتقابل هناك يلا باى

ريم: اوكى هنستناكوا فى الكانتين بـــــــــــــــاى



محمد وميزو وصلوا الجامعه وفى اتجاههم للكانتين

وشافوا ميرنا وريم وكانوا بيشربوا عصير


ميزو: هاى ياريم هاى ياميرنا ازيكم؟

ميرنا: الله يسلمك

ريم: الله يسلمك واحشنى موووت ..ازيك يامحمد ايه اخبارك؟

محمد: تمام الحمدلله

ريم: (تخبط ميرنا) ماتنطقى سلمي عليه

ميرنا: (توشوشها) لا انا مكسوفه بعد اللى حصل اخر مره المفروض هو اللى يبدأ كلام

ميزو: انتوا هاتفضلوا توشوشوا بعض واحنا نستناكوا ولا ايه فى ليلتكم دى

محمد: (يقول للواد اللى فى الكانتين) واحد نسكافيه

ميزو: وانا اعملى كوبايه شاى ..

ريم:(تاخد ميزو على جمب) ميزو احنا عايزين نصالح محمد وميرنا على بعض

ميزو: ياستى فكك منهم تعالى احنا نشوف حالنا انتى واحشانى

ريم: اوكى يلا بينا تعجبنى فيك ندالتك ... بعد اذنك يا ميرنا هاتمشى انا وميزو شويه

ميرنا: اوكى بس ماتتاخريش عليا

ميزو وريم ركبوا ايديهم على بعض وبيتمشوا فى الجامعه

وميرنا خدت كوبايه العصير وقعدت عالديسك اللى جمب الكانتين

ومحمد واقف ساند على شجره وبيشرب النسكافيه

*********
ميرنا ترفع عينها تبص على محمد بخجل وتنزلها تانى

محمد رامى عينه عليها مابينزلهاش وسرحان بيفكر


ميرنا: (تكلم نفسها) اروح اصالحه ماهو انا اللى كنت غلطانه وسيبته ومشيت.. بس لالا هايبقى شكلى مش كويس

محمد: (يكلم نفسه) هو النسكافيه دا مسكر اوى ولا البت دى اللى حلوه زياده عن اللزوم

ميرنا: (بتكلم نفسها وترفع عينها تبص فى عينه) اتجرأ واروح اكلمه وخلاص .. لالا انا بنت ماينفعش ماينفعش

محمد: (يكلم نفسه.. وهو لسه عينه فى عينها) البت دى رقيقه اوى وابتسامتها جميله جدا بس بحس منها بالاستهبال

ميرنا: (تكلم نفسها ولسه عينها فى عينه) هو لذيذ وشخصيته جميله بس دايما بيتغالس عليا ويحرجنى وبضطر انى امشى

محمد: (يكلم نفسه .. وهو بيبصلها ) صعبانه عليا اوى وهى قاعده لواحدها كدا

ميرنا ماسكه كوبايه العصير باديها الاتنين وبصه فى الارض وسرحانه

محمد خد النسكافيه ورايح فى اتجاهها قعد جمبها

وهى سرحانه لسه

لقت واحد بيرفعلها دماغها لفوق كدا.. وبيسالها

محمد: بتفكرى فى ايه..

ميرنا: (اتخضت) فيك...لالا فيها..لالا فيهم.. هما فين ...؟

محمد: ابتسم..(.وبصوت منخفض) هما مين؟

ميرنا: وطت وشها تانى فى الارض وقالتله انت جيتلى ليه؟

محمد: حسيت انك محتجانى

ميرنا: ومن امته حسيت بيا؟ مانت على طول مش مدينى اى اهتمام ...!!

محمد: حسيت بيكى من اول كلمه قولتيها قدامى (سلام ياريم) بعدها عرفت عن شخصيتك كل حاجه

ميرنا: اومال ليه كنت بتعمل معايا كدا؟

محمد: عشان انتى بتكونى جميله اوى وانتى متعصبه رقتك بتبان اكتر

ميرنا: بجد انا متاسفه على اى حاجه عملتها وضايقتك

محمد: انا عمرى ماتضايقت منك فى حاجه بالعكس كان كل موقف بتعمليه بعرف منه قد ايه انتى انسانه جميله وحساسه

ميرنا: ميرسى يامحمد بجد مش عارفه اقولك ايه

محمد: نعم ياما بقى عمال اقولك الكلام دا كله وفى الاخر مش هاتقوليلى انتى حاجه

ميرنا: هههههههههههه اخص عليك يامحمد خرجتنى من احساس جميل كنت بدات اعيش فيه

محمد: لالالا فكك احساس ايه دلوقتى احنا فى الجامعه

ميرنا: محمد ممكن توعدنى ماتبعدش عنى تانى لانى بجد محتجالك اوى

محمد: (يحط ايده على شعرها ويبص فى عنيها) انتى حاسه ان انا اقدر ابعد عنك

ميرنا: انا مش عارفه انا اتشدتلك بسرعه اوى ومن اول يوم شوفتك وانا بفكر فيك كل يوم

محمد: نفس اللى حسيته معاكى .. انتى فيكى حجات كتير اوى كنت بدور عليها ومكنتش لاقيها فى اى بنت

ميرنا: وانت فيك كل حاجه كنت بتمناها

محمد: وانتى احلى واجمل وارق بنت قابلتها فى حياتى

ميرنا: بجد انا حاسه انى تايهه وانا معاك ونفسى مسمعش اى صوت تانى غير صوتك

محمد: (يبتسم وهو باصص فى عنيها) انا اللى نفسى ماشوفش حد تانى غيرك

ميرنا: انا هافضل معاك وعمرى ماهقبل انى اكون لحد غيرك ..بحبـــــــــــــــــــــــــــــــــــــــــك

محمد: يااااااااااااااااااااااه كان نفسى اسمعها منك من زمان ..بمووووووووت فيكى

ميرنا: ربنا مايحرمنى منك ..بجد الاحساس اللى انت معيشنى فيه دلوقتى مقدرش اوصفه باى شكل

محمد: ان شاء الله ياقلبى طول ماحنا مع بعض هانعيش اجمل لحظات حياتنا

ميرنا: طب ثوانى اسمعك السونجايه دى بتاعه جنات ... اسمع كلامى

محمد: معاكى عالفون ... اوكى شغليها

ميرنا: ولا اقولك هاغنيهالك انا وتقولى ايه رايك فى صوتى

محمد: مابلاش شغلى جنات احسن

ميرنا: ههههههه اخص عليك اسمع بقى

محمد: اتفضلى ياقمر

ميرنا: اسمع كلامى وصدقه انت اللى روحى بتعشقه كان حلم نفسى احققه انى ابقى ليــــــك

قربنى منك ضمنى قد اما احبك حبنى من غيرك انت يهمنى دانا روحى فيـــــــــــك

ملهوفه عليك ومسلمه تقدر تقول مستسلمه حاسه انى طايره فى السما واخدنى الشــــــــــــوق

متحيره ومتغيره وكأنى لسه صغيره لو بحلم انا من الحلم دا مش عايزه افـــــــــــــوق

محمد: الله ..انا اول مره اعرف ان صوتك جااااامد بالشكل دا .. بجد بسم الله ماشاء الله عليكى صوتك جميل جدا

ميرنا: ميرسى ياروحى ربنا يخليك

محمد: يابختى بيكى انتى جميله ورقيقه وانيقه وصوتك جامد بجد انتى كلك على بعضك عسووووله اوى

ميرنا: ربنا مايحرمنى منك يارب ..بجد انا فرحانه اوى اننا مع بعض دلوقتى

محمد: وان شاء الله هانكون مع بعض على طول .. تحبى نقوم نتمشى شويه

ميرنا: اوكى زى ماتحب

محمد: (قطف ورده وادهالها)

ميرنا: ميرسى يامحمد

محمد: ياختى عليكى وانتى مكثوفه كدا

ميرنا: (ضحكه رقيقه) وقامت خبطاه فى كتفه ..بس بقى بطل تحرجنى

محمد: هههههههههههههههه اوكى حاضر مع ان منظرك بيبقى جامد

ميرنا: هههههههههههه دانت بتكون قاصد بقى ههههههههه

محمد: طب بصى انا هاعمل معاكى واجب حماده هلال زى مانتى عملتى معايا واجب جنات

ميرنا: ايه دا بجد وانت اللى هاتغنى

محمد: لالا فكك .. انتى ممكن تقطعى علاقتنا لو سمعتى صوتى انا هاشغل الفون

ميرنا: هههههههههه اوكى يلا

محمد (يشغل الفون واغنيه لما بتلمسنى لحماده هلال)

لما بتلمسنى بتحسسنى ان انا فى اديا العالم كل اللى ناقصنى

واما بتتكلم انا بتعلم احب الناس واطمن طول مانت حاسسنى

وبحس معااك ان انا فى السما مش فى الدنيا وان انت ملاك ومعاك السنه بتفوت ثانيه

عيشنى فى هواك لازم اعيش معاك انا عايزك تقرب ليا وتبص فى عنيا

نستنى اللى فات شوفت معاك حجات ماشوفتهاش غير وانت واقف بين ايديا


ميرنا: الله السونجايه دى تحفــــــــــــــــــــــــــــه بجد حستها اوى ميرسى يامحمد

محمد: اى خدمه عشان ماتقوليش انى مقصر بس

ميرنا: انا مش محتاجه اى حاجه منك غير انك تكون جمبى على طوول

محمد: الحمد لله طلعتى بتوفرى انا كنت فاكرك من اللى بيحبوا الهدايا والفسح وافضل اجيب فى دباديب فى دبايديب لما يتخرب بيت اهلى

ميرنا: ههههههههههههههههههه ايه دا هو انت مش ناوى تفسحنى ولا ايه

محمد: لاطبعا

ميرنا: ايـــــــــه:0070:

محمد: هافسحك

ميرنا: هههههههههههههه ايوه كدا اتعدل

محمد: انا هاسيبك تدلعى كدا شويه عشان بس لسه فى الاول لكن بعد كدا اقسم بالله ... هاسيبك تدلعى بردوا عشان تبقى فاهمه

ميرنا: هههههههههههههه ربنا يخليك ليا ياروووووووووحى

محمد: ومايحرمنيش منك يااحلى حاجه حصلتلى فى حياتى

ميرنا: محمد انا عاوزه اقولك على حاجه

محمد: امممممممـ اتفضلى بس اوعى تطلبى دباديب من اولها

ميرنا: تؤ تؤ انا كنت سامعه انك بتخرج كل يوم مع بنات بالليل

محمد: ومين اللى قالك كدا

ميرنا: ميزو قال لريم وهى اللى قالتلى

محمد: (فى سره.. اه يابن الدزمه) لالا مش خروج يعنى احنا كنا بنقابلهم بالليل ناخد منهم المحاضرات ونمشى على طول

ميرنا: انا مش بعاتبك انا ماليش دعوه كنت بتعمل ايه قبل ماتعرفنى انا المهم عندى انك تحاول تبعد عن اى بنت تعرفها ..

محمد: اوكى ياقمرى ومن غير ماتقولى انا من بعد منك معدش فيه اى بنت تملى عينى

ميرنا: مش عاوزاك تقول عليا طماعه او انانيه لكن بجد انا عاوزاك ليا لواحدى

محمد: على فكره انا لاول مره بجد اسمع كلام ومقدرش ارد عليه ميرنا انتى فى فتره بسيطه جدا
قدرتى تشغلى بالى وعقلى وكل تفكيرى بيكون فيكى
وصدقينى على قد ماقدر هحاول احافظ عليكى وعلى حبنا وان شاء الله ماتكونيش لحد غيرى


ميرنا: انت كلامك جميل اوى بجد انا حاسه بالاطمئنان والراحه والسعاده طول منا معاك

محمد: وانا مش عاوز اكتر من انك تكونى سعيده

ميرنا: ربنا يخليك ليا وانا كمان ان شاء الله هاخليك اسعد واحد فى الدنيا

محمد: (مسك ايدياها الاتنين وحط عينه فى عينها وقالها) بحبـــــــــــــــــــــــــــــــــــــــــــــــ ــــــــــك


ميرنا( من شده الفرحه بالكلمه .. قامت بايساه فى خده) ومن الكسوف سابت ايديه ومشت قدام خطوطين تاخد نفسها من اللى عملته


محمد (فضل واقف مكانه مزهول)


ميرنا: (تكلم نفسها وهى بتنهج جامد) ايه اللى انا عملته دا


(تلف وشها تبص على محمد تلاقيه واقف وكتبه واقعه عالارض وباصصلها بابتسامه وسرحان فيها)

هى تتكسف اكتر من الموقف .. وفى الاخر تروحله موطيه وشها فى الارض

ميرنا: محمد بجد انا اسفه مش عارفه ايه اللى عملته دا

محمد (باصصلها وساكت)

ميرنا: صدقنى كان رد فعل تلقائى مقدرتش امسك نفسى من فرحتى

محمد (باصصلها وساكت مابينطقش بحرف)

ميرنا ترفع عينها تلاقى محمد باصصلها وساكت
اتحرجت اكتر ووشها بقى احمــــــــــــــــــر
نزلت وشها تانى فى الارض

محمد (يمسك دماغها ويرفعها لفوق ويبص فى عنيها ووشها الاحمر) *يحاول يشيل عنها الخجل*

محمد: يارتنى كنت قولتلك تتجوزينى كان زمانى استنفعت بحضن دلوقتى

ميرنا: ههههههه انت بتحلم .. انا والله لحد دلوقتى مافاهمه ايه اللى حصل دا

محمد: مش مهم تفهمى المهم انه حصل وصدقينى اللحظه دى عمرى ماهنساها فى حياتى لحد ماموت

ميرنا: بعد الشر عليك بس بجد دا اكتر موقف محرج اتحطيت فيه فى حياتى

محمد: محرج ايه بقى ماتكشفتى واللى كان كان

ميرنا: ههههههه لالالا ايد دا تقصد ايه والله انا بتكثف موووت و اول مره اعمل حاجه زى دى

وعلى فكره انت اول ولد اكلمه فى حياااتى كلها والله بجد

محمد: انا عارف وعارف عنك حجات كتير منها انك مالكيش اى صحاب فى حياتك غير ريم دى معاكى من الابتدائى ومابتحبيش الاختلاط بالناس ..واللى عاجبنى فيكى انك غير اى بنت

ميرنا: انا نفسى والله اتغير وابقى لمضه واعرف اتكلم مع الناس واخد عليهم بسرعه زى ريم كدا بس مبعرفش

محمد: بقى انا بقولك ان انا معجب بيكى بشخصيتك دى وانتى عاوزه تغيريها

ميرنا: ريم اللى بتقولى ان لازم اتغير وافوق لنفسى واعرف ارد واتكلم مع الناس ومبقاش ساذجه وانطوائيه كدا

محمد: لالا انا مش عاوزك تسمعى كلام ريم دى خالص .. انتى كدا بمثابه كنز يتمنى اى شاب الوصول اليه ..والحمدلله ربنا وفقنى واختارنى انا اللى افوز بيكى

ميرنا: بجد كلامك دا بيدينى ثقه كبيره اوى فى نفسى بعد ماكان الكل مفهمنى انى كدا مايعتبرش عايشه وماليش تواجد فى الحياه

محمد: فى طلب واحد بس هاطلبه منك ممكن..!

ميرنا: اتفضل طبعا

محمد: انا عاوزك تتحجبى .. انتى بسم الله ماشاء الله لبسك محترم جدا بس ناقص طرحه شيك كدا على دماغك وتدارى شعرك دا مش عاوز اشوفه تانى غير لما نكون فى بيتنا ان شاء الله

ميرنا: دا اول طلب تطلبه منى وعمرى ماقدر ارفضه ان شاء الله من بكره هانفذه وهاتشوفنى بالحجاب

محمد: ميرسى ياقمرى وانا متاكد انه ان شاء الله هايكون عليكى جميل اوووى

ميرنا: انا بجد كنت بفكر فى الحجاب من زمان بس البت ريم كانت بتكسلنى وتكرهنى فيه دايما وتقولى هاتبقى قديمه والناس تقول عليكى معقده

محمد: انا هاخلى الواد ميزو يلبسلها الحجاب عشان معدتش تقولك حاجه من الهيافه والحجج بتاعتها دى

ميرنا: هههههههههههههههههه اوكى تمام كدا

موبايل محمد يرن

ALo0o0o0o0o0o0o0o0o0o


ميزو: الوووو ها يابوب ايه اخبار اللاب توب

محمد: محتاج صيانه بس البورده تعبانه

ميزو: حبيبى .. ريم بتقولى انهم اتاخروا كدا ولازم يروحوا وبتتصل بميرنا قافله موبايلها

محمد: (يبعد الفون ويوشوش ميرنا) انتى قفلتى موبايلك

ميرنا: اها عشان مكنتش عاوزه حد يخرجنى من الجو اللى عايشاه معاك

محمد: اها ياميزو اصله فصل شحن منها

ميزو: انت معاها ناو

محمد: اها لقيتها قاعده لواحدها وانتوا اتاخرتوا روحت ادردش معاها لحد ماتيجو

ميزو: قشطه ياماااااااااان انتوا فين عشان نجيلكم

محمد: دقيقه وهانكون عند الكانتين

ميزو: اوكى واحنا هانجيلكوا هناك .. يلا بيس يامان


محمد:(محمد يقفل السكه فى وشه) يلا ياميرنا نرجع الكانتين تانى لحد ماييجوا

ميرنا: اوكى

محمد وميرنا فى طريقهم للكانتين

محمد: على فكره انتى محضرتيش ولا محاضره النهارده ودا مش عاوزه يتكرر تانى نخلص محاضراتنا وبعدين نبقى نشوف بعض

ميرنا: اوكى حاضر

محمد: عايزك اما تروحى تتغدى كويس وتقعدى تذاكرى لحد ماتنامى

ميرنا: حاضر

محمد: وخلى بالك من نفسك .. دى عشانى مش عشانك

ميرنا: انا هاخلى بالى من نفسى اكتر من الاول ميت الف مره عشانك

محمد: ربنا مايحرمنى منك ياقلبى ويخليكى ليا


محمد بيدور على موبايله عشان يتصل بميزو يشوفوا اتاخر ليه

مش لاقى الموبايل خالص معاه

ميرنا: مالك بتدور على ايه؟

محمد: الموبايل ضاع مش لاقيه شكله وقع منى بعد ماخلصت مكالمه مع ميزو

ميرنا: تطلع موبايلها خد رن عليه وان شاء الله تلاقيه

محمد يمسك موبايل ميرنا ويرن على موبايله مش طالعله صوت

ميرنا تاخد موبايلها منه وتسيف نمرته

و تفتح شنتطها وتطلع موبايل محمد منها وتديهوله وتقوله ميرسى اوى



محمد: هههههههههههههه يعنى انتى عملتى فيا الحركه دى عشان تاخدى رقم موبايلى
طب ماكنتى تطلبيه وانا اديهولك

ميرنا: كنت محروجه اطلبه

محمد: انا كدا كدا قبل مانمشى كنت هاطلب منك الرقم اساسى يعنى دانتى مجنونه هههههههههه

ميرنا: ههههههههههههههههه ثانكس

ميزو وريم يوصلولهم ويلاقوهم بيضحكوا


ريم: هاى ازيكم شكل مزاجكوا جامد

محمد: هش يابت من هنا :i

ريم: ههههههههههه ماشى ياعم الله يسهلوا بقى

ميزو: هههااااااى والعه يامان والعه

محمد: طب يالله نتصل بالمطافى عشان اتاخرنا الساعه بقت 5:00 المغرب

ميرنا: ايه دا بجد ..انا محستش بالوقت خالص

ريم: ايوه ومين قدك

ميزو: ياسيدى ياسيدى عالناس اللى كانت تايهه ومحستش بالوقت

محمد: اتفضلى اهو لسه محصلش حاجه وعالم عماله تقر علينا

ميرنا: ههههههههههههههههههه طب يالله بقى لانى بجد كدا اتاخرت اوى عالبيت وقافله الموبايل وزمان ماما كانت بتتصل وقلقانه

محمد: يلا ياريم خدى ميرنا وصليها وانا وميزو هانمشى

ريم: ماتيجوا نوصلكم فى طريقنا

ميزو: اه يلا يامان

محمد: يلا يامان ايه بروح اهلك بتقولك متاخره

ميزو: ماهو مفيهاش حاجه نوصلها هى الاول وبعدين ريم توصلنا انا وانت

محمد: وحياه طنط وافرض حد شافها وهى نازله من العربيه بتاعه صاحبتها ومعاهم شابين
بس ياله انت:0089:.. يلا ياريم انتوا امشوا سلام

ريم: اوكى ..باى ...

ميزو: خلاص ياريم.. يبقى على مسدات بقى سلام


ريم وميرنا روحوا

ومحمد وميزو فى طريقهم للبيت


محمد: واد ياميزو انا عاوز اروح محل هدايا شيك دلوقتى

ميزو: اوعى يامعلم على طول كدا هاتجيبلها هديه

محمد: هى مين دى

ميزو: ميرنا ياحبوب هو فيه غيرها

محمد: لالا دماغك راحت لبعيد دى لواحده تانيه كدا عاوز اصالحها

ميزو: اوكى يامان يبقى يلا بينا على جيفت سينتر

محمد: اوكى يلا

محمد دخل السنتر اشترى دبدووب وقلم وخاتم دهب

ميزو: ياعم انت ماتفهمنى الحجات دى لمين؟

محمد: للبت طمطم

ميزو: نعم يابا انت هاتشتغلنى

محمد: اه والله جايبهم ليها عشان كنت شخطت فيها امبارح وجرحتها بشويه كلام كدا

ميزو: تقوم تجيبلها خاتم دهب

محمد: ياعم اسكت انا معرفتش انام طول الليل شايل ذنبها وحلمت بيها امبارح وهى بتعيط وتعبانه دى بردوا انسانه ياجدع

ميزو: طب ياعم الحساس ارزعنى بقى 10.50

محمد: بتوع ايه دول

ميزو: عاوز اجيب كارت شحن

محمد: وانا ااعملك ايه ان شالله عنك ماشحنت

ميزو: ياعم انت هاتهم مانت عمال تبعزق فى فلوسك اهو جت عليا

محمد: انت ياد معندكش دم شايفنى صارف المصاريف دى كلها وبتطلب منى فلوس

ميزو: ياعم انا لومجيبتش كارت الشحن دا هاتفضح هات الـ 10 فلاشات ونص وانا اما اجيلك بالليل هاديهوملك

محمد:( اشتراله كارت الشحن واداهوله) امسك ياعم دانت رغاى

ميزو: حبيب قلبى يلا يامان خلعون انا بقى عالبيت وهابقى اعملك فون بعد ماتغدى نشوف هانظبط اليوم دا ازاى

محمد: اوكى يلا باى يامعلم

ميزو مروح ومحمد فى طريقه للبيت

وراح يخبط على بيت طمطم وهو شايل الهدايا

والده طمطم: اهلا يامحمد اتفضل ياحبيبى خطوه عزيزه


طمطم سمعت اسم محمد قامت نطت من عالسرير واتكعبلت وقعت عالارض وقامت نضفت هدومها وراحتله وبعدين افتكرت انه مزعلها قامت جاريه تانى داخله اوضتها


والده طمطم: مالها العبيطه دى بتجرى كدا زى الغزاله فى الشقه

محمد: هههههههههههه طب خدى ياطنط اديلها الحجات دى.. استاذن انا بقى

والده طمطم: طب استنى يابنى اشرب حاجه هاتمشى كدا على طول

محمد: معلش ياطنط هو انا غريب دانتى اللى مربيانى

والده طمطم: اومال ايه ياحبيبى البيت بيتك فى اى وقت

محمد: متشكر ياطنط يلا سلام

والده طمطم: مع السلامه ياحبيبى

محمد خرج من عندهم وروح و والده طمطم واخده الحاجه تدخلها لطمطم اوضتها

والده طمطم: ايه ياحماره اللى عملتيه دا بقى يبقى جاى ضيف عندنا تشوفيه وتجرى خدى اهو جايبلك هدايا اياك يطمر فيكى

طمطم: طيب طيب ياماما سيبيها واخرجى انتى بقى واقفلى الباب وراكى


طمطم قامت جرى تشوف الهدايا بعد مامتها ما خرجت
بتفتح اول هديه لقت الدبدوب



خدته فى حضنها جامد اوى وبعدين رمته عالسري وبتفتح الهديه التانيه فوجئت لقيته خاتم دهب كان هايغمى عليها




لبسته فى ايديها ومبهوره بيه اوى وبتفتح الهديه التالته لقيتها قلم وورقه جمبه



فتحت الورقه تقراها ودا المكتوب

انا متاسف ياطمطمايتى على معاملتى ليكى المره اللى فاتت

مش عاوزك تكونى زعلانه منى انا كنت مخنوق يومها والله وكنت جاى من مشكله مع ناس كدا

وطلعت عصبيتى كلها عليكى فى وقت نرفزه

انا بجد باعتبرك اكتر من اخت ليا احنا متربيين مع بعض من صغرنا

وعاوزك تستحملينى فى وقت نرفزتى وتسامحينى عالكلام اللى قولته ليكى

القلم دا اشتريتهولك عشان هاسمعلك بيه حروف الانجليزى المره الجايه اما اقابلك

يلا بقى ارمى الورقه دى وقومى احفظى الحروف

طمطم: حاضر حاضر

والده طمطم: (تدخل عليها) بتكلمى نفسك يابت بتقولى حاضر لمين انتى اتهبلتى

طمطم: لالا مافيش ياماما هاتيلى الكشكول بتاعى من بره اللى كان جايبهولى محمد

والده طمطم: حاضر اما نشوف اخرتها معاكى هاتنفعى ولا بتتعبى معاكى الجدع عالفاضى


والده طمطم جابتلها الكشكول وطمطم جابت حروف الانجليزى وقاعده تحفظ فيهم وهى لابسه الخاتم وحاضنه الدبدوب

*****
محمد وصل بيتهم الساعه ناو 6:00

بيخبط عالباب تك تك تك


ياسمين:(من جوه ) ميــــــــــــــــــن اللى بره

محمد: (من بره) مش انا

ياسمين: (من جوه ) لا مش موجود

محمد: (من بره) طب اندهيله

ياسمين: (من جوه ) انت عايز ايه

محمد: (من بره) نص كيلو جبنه رومى

ياسمين: (من جوه ) اللى هنا لانشون بس

محمد: (من بره) طب هاتيلى علبه حلاوه

ياسمين: (من جوه ) هههههههههههه خش ياميدو

محمد: اول مافتحت قام شايلها وفضل يلف بيها وهى تصرخ وفرحااااااانه

والده محمد: ايه الجمال دا بتلاعب اختك .. مزاجك حلو النهارده يعنى

محمد:(يزغزغ مامته فى جمبها) هو دا

والده محمد: ههههههههههههههههههه بس ياولا انت ابوك نايم انت جيت تعمل قلق

ياسمين: (واقفه تتنططله) شيلنى تانى شيلنى تانى لففنى فى الهوا

محمد: من عنيه يااجمل واحلى ياسمينا فى الدنيا (مسكها من ايديها وفضل يلف فيها)

والده محمد: بس ياولا انت وهى دوختونى

محمد:( ينزل ياسمين ) ماتيجى ياست الحبايب اما اخدك لفه عالسريع

والده محمد: يااخى اتوكس هو انت تقدر تشيلنى

محمد: ايوه ماحنا مش هانملى عينك .. معاكى ابويا متربى عالسمن البلدى هو يشيل بقى

ياسمين: ماما ماما هو بابا شالك يوم الفرح بتاعكوا زى تامر حسنى ماشال مى عز الدين فى الفيلم

والده محمد: اه ياحبيبتى كل عريس بيشيل عروسته وهما داخلين شقتهم

ياسمين: هييييييييه هييييييييييه هييييييييييه انا هاخليه يشيلنى يلف بيا طول الفرح\/

محمد: يبقى ماتفكريش فى عيال بقى

والده محمد: احترم نفسك يابغل اختك لسه صغيره

ياسمين: لا انا مش صغيره وفاهمه كل حاجه على فكره:i

محمد: ياماما صلى عالنبى بنتك تعرف حجات انتى ماتعرفيهاش

ياسمين: هههههههههه بس مبرداش اقولها قدامك عشان مافتحش عينك عالحجات دى وانتى لسه صغيره

والده محمد: يخرب عقلكوا دانتوا محدش يعرف يسلك معاكوا .. انا هااقوم احضرلكوا الغدا

محمد: اوكى ياماما وانا هداخل اغير هدومى


وياسمين ماشيه وراه بتتنطط وبترقص وتهز فى شعرها .. وتغنى اه ونص

ياميدو غير ..هدومك اه ونص ... غير براحتك ماتخافش انا مش هابص

والبس بكم.. بلاش تلبس بنص .. اياك تخفف والبس نص نص


محمد واقف متابعها وهى جايه تتمختر وتتنطط وبتغنى لحد مادخلتله الاوضه

قام ماسكها من قفاها وخرجها بره وحدفها عالكنبه وقفل باب الاوضه عليه ودخل يغير هدومه

والده محمد: يالله يامحمد الاكل هايبرد

محمد: (يفتح باب اوضته) خلاص ياماما جاي اهو

ياسمين: اجى اغيرلك يابيضه

محمد: (يفتح باب اوضته) لمى نفسك ياجزمه (ويقفل الباب تانى)

ياسمين: (تحط ايدها على بقها وتضحك) طب يالله ياعريس بقى عايزين ناكل انت بتتزوق اكنك خارج ماتلبس اى حاجه

والده محمد: مايالله صحيح يامحمد كل دا بتغير

محمد:( يخرج من اوضته) خلاص خلصت .. مش هانصحى بابا ياكل معانا

والده محمد: باباك كل اول ماجه ونام

محمد: اوكى سمى يابت ياياسمين قبل الاكل

ياسمين: حاضر .. بسم الله الرحمن الرحيم .. حاجه تانى

محمد: ماتيجى تاخديلك قلمين احسن

ياسمين: لا انا مقلمتى مليانه اقلام مش عاوزه منك حاجه

محمد: ان شاء الله هافضيلك الاقلام دى كلها على وشك

ياسمين: عادى هاقول لبابا يشتريلى غيرهم

محمد: سمسمه ماتستفزنيش عشان ماعكننش عليكى وانتى بتاكلى

ياسمين: اوكى حاضر

محمد: يحضرلك العشا ياختى

ياسمين: لا مبحبش اكل غير مين ايد ماما

والده محمد: (مش فاهمه حاجه بس فرحت بياسمين وقامت ماسكاها بايساها) ياختى ربنا يخليكى ليا وتكبرى واشوفك عروسه

محمد: قصدك جاموسه

ياسمين: انت مغيوظ منى عشان اجمل منك وشعرى طويل عنك

والده محمد: اه يابت هو متغاظ منك عشان انتى اجمل واشطر منه

محمد: واضح ان شكلى بقى وحش

ياسمين: ههههههههههههههههههه احسن احسن

[GEDOsadasds]

:d لو عايز السادس انا عندى:P

[a7mad63]

thx:)

[ღ♥_ akeml _♥ღ]

جميلة

[ALEX_MOON]

[| - CreSpO - |]

Thx

[ღ♥:: Beckham::♥ღ]

ايه ياعم دى قصيره اوى متفقناش على كدة

[☜ ĂиTaKą ☞]

^^

جميل اوى

مستنى الباقى

[HeeMa]

جامده اخر حاجه

[HiGhVoLTaGe]

Thanks iam Waitng The Next Topic

[maz999]

المشاركة الأصلية كتبت بواسطة Modeskene عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

Hi! Del this post please if offtop! Sorry!

There are several costs that continue to unfold each day. A person may need financial help to pay your bills عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ], medical expenses and education, auto repair and home renovations and so on. Sometimes it is impossible for one person to save money عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ], especially when you have a steady income. In addition, costs are rising today as anything. Due to insufficient funds, must crush you like. loans fax payday will help in these difficult situations.
Nobody likes to talk to your عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] family and friends to borrow money. They do not want to damage family relationships are established by writing a check without funds to pay a cash shortage. When applying for a loan online, you can avoid the embarrassment of asking friends or relatives for money and can pay their bills on time, without fear of incurring overdraft fees عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] on their behalf and debit cards.
strongConveniencestrong Imagine عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] getting out of bed to the computer, the request for online cash loans, then back to sleep. Is it really so easy when you apply online and do not take the trouble to showcase local businesses loans.
Some عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] of the following features of this spreadsheet software debt calculator: organize up to six credits, calculate loan amounts and interest, and calculates the estimated balance dump salary. You can create scenarios to easily change the amounts paid or عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] rollover. The budget is linked to payday loans and new loans biweekly. You can compare the actual budget with the budget. The calculations are performed in spreadsheets% APR (annual rate) that can be compared with business contracts payday loan.
If you're one عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] of those people who live paycheck to paycheck, then you know that sometimes there are emergencies that can not handle the budget. If you need emergency car repairs, or if one child receives a sudden illness, you may not have the funds to manage money. A quick loan may عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] be exactly what you need. Remember, however, that in the case of unsecured loans, the interest will be high, sometimes up to 20%, so take this into account when determining whether and when to return. Also, since you're on a tight budget عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ], be sure to consider carefully whether or not you will be able to pay the balance of the loan in time, because the penalties for payday loans is quite high.

ربنا يسهلك (لو معايا فكه كنت اديتك)

[كريم احمد]

جامده ومنتظرين المزيد تسلم :)

[ღ♥:: Beckham::♥ღ]

فين الجزء السادس بتاع النهاردة؟؟

[maz999]

المشاركة الأصلية كتبت بواسطة dedonor عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

فين الجزء السادس بتاع النهاردة؟؟

مفيش حالاص الفي دماغي خلص

[™Kamatcho™]

كمللللللللل

كمللللللللللللللللللللللللل