سبب تسمية بعض الاماكن بهذا الاسم ..ضحك فى ضحك..

[L.U.B]

عمرك مسألت نفسك


الاماكن ليه أتسمت بالاسم ده

تعالي نشوف




ســــبـب تــســـمــيـــة أمـــاكــــــــن بـــهـــذا الاســــــــم !!!!!!!!!!!!

كوبري القبة

ال...مهندس اللي بناة كان واقف علية فالسيجارة وقعت منة فقال - اوبااااااااااااا



وادي النطرون

كان في طفلين اخوات بيلعبو بالنطرون واتخانقوا فجة ابوهم و راح رامي النطرون

و قال لهم - وااااااادى النطرون - اللي انتو بتتخانقوا عليه



الوادي الجديد

لما الأخوات اتصالحوا أبوهم جابلهم نطرون جديد بس اتخانقوا تانى

فقام أبوهم مسكه و رماه و قال - واااااااادى الجديد



المطرية

في بداية نشأتها عام 1465 م

كان في 3 مهندسين شغالين في مشاريع الحفر و حبوا ياخدوا راحة

فواحد بيقول للتاني ما تعد يا باشمهندز علي الكنبه

راح رد عليه لا دي كنبه ناشفة

رد عليه : فين يا عم ده - مطرية - أهي وزي الفل

ومن هنا سميت المطرية




بـورسـعـيـد

كان في واحد اسمه عيد ده كان بلطجي و بيحب يعمل مقالب في الناس

و كان عنده برص كان يقعد يرميه ع الناس عشان بقرفهم

و مكانش حد بيقدر يكلمه كله كان بيخاف منه

و في يوم جه واحد من مدينة تانية بعيدة فعيد رمى عليه البرص

فده تلقائي قام قلع الشبشب و طراااااااخخ على البرص

فكان في راجل كبير واقف قاله انت عملت اييه يا مجنون

فقاله قتلت البرص

قاله يخرب بيتك دة - برص عيد -

و من ساعتها و المكان دة اسمه بورسعيد



الإسـكـنـدريـة

كان فيه احتلال انجليزي علي شاطي مدينة وكان قائد الجيش اسمه اندرية

فلما واحد سأل علي المكان ده قالوا

- ask Andria -

فسموهاإسكندرية



الإسماعـيـلـيـة

كان فى خروف زمان كانت ليته بتعمل صوت

فكل اللى يجي عندو يقول للتانى - اسمع اللية - فتسمت بقى بعد كدا اسماعيلية



المعادى

عشان وهم بيعملوا الكورنيش واحد قلع هدومه ملط و حب ينط في النيل

ولما سألوه :إنت إتجننت في عقل أهلك ؟؟ قاللهم - معــــــــادي - إيه المشكله يعني ؟




حلوان

علشان اتنين شباب بيعاكسوا اتنين بنات بيقولو لهم انتو بنتين حلوين

فالتاني قالو لأ لازم ترفع الخبر فرجع وقال انتوا بنتان – حلوان



سـوهـاج

كان فى مدينة واحد عملاق صينى اسمه سو

وكان لازم كل يوم ياخد اكل من الناس

و فى يوم مأكلش فهاج عليهم

فواحد لقى الناس بتجرى قال لهم فى ايه

قالولوا - (سو) هاج - فسموها سوهاج

[L.U.B]

و اي خدمات فرفشوا معانا في قسم الفرفشة والجمال

[k_a_r_i_m_]

هههههههههههههه بجد موضوع جميل وصاحبه احلى تسلم. تقبل مرورى

[RwanA]

^_^ بجد موضوع حلو وصاحبه احله

[ღ♥_ akeml _♥ღ]

تسلم ايديك

[XploD.XploD]

انا موش عارف ليه ان فيه 3 او 4 حجات من دولت موش صح او انا ممكن اكون خطاء انا موش عارف بصراحه بس موضوع حلو تشكرر يا معلم على الموضوع داه

[L.U.B]

المشاركة الأصلية كتبت بواسطة k_a_r_i_m_

هههههههههههههه بجد موضوع جميل وصاحبه احلى تسلم. تقبل مرورى

ربنا يخليك يا رب

المشاركة الأصلية كتبت بواسطة rwana

^_^ بجد موضوع حلو وصاحبه احله

دة شرف ليا والله

المشاركة الأصلية كتبت بواسطة akeml

تسلم ايديك

تسلملى ياض

المشاركة الأصلية كتبت بواسطة xplod.xplod

انا موش عارف ليه ان فيه 3 او 4 حجات من دولت موش صح او انا ممكن اكون خطاء انا موش عارف بصراحه بس موضوع حلو تشكرر يا معلم على الموضوع داه

متقبل مرورك يا جميل ^^

[Fire__Hell]

جامدين بس ابقى اعمل موضوع سبب تسميتهم الحقيقية لان دا بجد تاريخ

[L.U.B]

ان شاء الله