الـجـروب الـرسـمى لـلـمـنـتـدى FaceBook | Official Group

**bleach** · 21-05-2011, 04:05 AM

السلام عليكم ورحمه الله وبركاته
احب اعرفكم بنفسى اولا
اسمى اسلام واحد من شعب مصر الكرام
طبعا انا عارف انى الواحد زهق من السياسيه ومبارك ومراته وولاده بقا والخ الخ الخ
عايز كل واحد هنا بقا يدخل يفرفش كده وانسى اذا كان ابوك مديك فوق دماغك بالشبشب او حته اذا كنت من مصابين الثوره وواخد طوبه فى دماغك وتلاقى واحد جيلك بيقولك بعد اذنك ممكن اتصور معاك !!
تروح انتا تقوله بكل فخر ليه يا باشا ؟؟؟
يقولك : صوره مع دماغ البطل ( على اساس انك The Hulk )

ملاحظه : كل الاحترام والتقدير لمصابين الثوره الاعزاء والله الموفق *

نبتدى موضوعنا

اخ يا دماغى من الناس اللى وجعتنى من معضله الشتاء او الصيف اللى افضل
طبعا فى اعتقادى الخاص الشتاء طبعا وعلشان اريحكم من قرف الصيف
انا هريحكم يا جماعه من الاجابه عن طريق الامثله اللى جايلكم من تجارب شخصيه.

حدث فى مثل هذا اليوم فى الصف الثانى الاعدادى
قاعد جنب واحد زميل لى فى الدراسه (فى فصل الصيف )
وريحه الفصل اللى ينور متقولوش مسك عنبر .( دى ريحه البلاعات) انضف من الريحه اللى كانت فى الفصل
واللى الاقيه جى بسندوتشات محشى ايوه متستغربوش انا كان معايا كائنات مينفعش تتصنف على انها بشر
واللى الاقيه بياكل سندوتشات لحمه بالمروخيه وفاكر نفسه قاعد فى حصه بيئه وتهويه وبيغنى مع الطبيعه بس مش من فمه عن طريق الالات اخرى (اكيد انتوا فهمتونى) .

نرجع طبعا لصحبنا اللى كان قاعد جنبى واللى هو السبب فى القشه اللى قسمت ضهرى مش ضهر البعير
قاعد جنبه فجاءه لقيت كتفى ملايين حاجات بيضه اوى انا قولت ممكن يكون بودره تلج يا راجل بنظر لشعره لقيت حاجات بيضه متجمعه على شكل دوائر .. انا طبعا كان نفسى استفرغ واغلب النساء الحوامل من ناحيه الاستفراغ .. فانا بكل بساطه بقوله ايه ده .؟؟ قالى عادى دى قشره .. انا قولتله بص يا ريس .... انا اول مره اشوف اقبال تاريخى من القشره فى راس بنى ادم كده .. يا راجل دول على ما اعتقد عاملين دريم بارك فى دماغك . وطبعا بعدها اكلت علقه منه بسبب كلامى اللى كان يعتبر بذىء جدا وقتها .. لانى شبهت دماغه بملاهى محليه .. تبا له .

موقف من مواقف اللى كنت بتعرض ليها فى المترو وانا فى الثانويه العامه

اتى المترو وانا بنظر ليه على انها محمل بالهدايا بس من نوع خاص وطبعا كالعاده اقبال تاريخى على المترو من البشر .
دخلت المترو وانا انظر لمختلف اصناف البشر من اسمر , ابيض , قمحاوى , اسود , صغير , كبير , الخ الخ
ومن حسن حظى كنت واقف جانب شخص الله ينور عليه جسمه يعمل من براميل الطرشى 5 او 6 كده
وبمجرد انه رفع ذراعه اللى حرام يتصنف على انها ذراع بنى ادم المفروض نقول عليها بلدوزر او جناح طياره اف 16 لانها ببساطه مش ذراع بشر .... بدات رائحه تنفذ من تحت ذراعه المفروض كنت احذره واقوله يا استاذ ذراعك بتسرب ريحه روح سد (...*) ولكن طبعا اخاف اقوله كده لحسن انا مش هضرب .. هتلاقونى فى صفحه الوفيات وطبعا كالعاده استحملت الريحه او تقدروا تقولوا كده قفلت نفسى لمده دقيقه ممكن لغايه ما كنت هتخنق باب المترو فتح من هنا وطبعا الناس شايفه واحد بيجرى وعمال يخبط فى الحديد وهو بيجرى .. اصل ده يا جماعه كان صراع بين الحياه والموت لاموت من الريحه الجميله اللى بتساعد على انتشارها الصيف والحر الخاص به والذى ياتى بخواصه الجميله والممتعه لبشر ^^ لاعيش وانا عندى مناعه طبيعيه مستقبليه من الروائح الجميله دى .
وطبعا انا لما فكرت فى الموقف اللى حصل ده قولت لنفسى اكيد الحكومه قصدها تخلى المترو ما فيها اى نوع من انواع التهويه اللى تساعد على منع انتشار وباء الروائح علشان تدينا مناعه من الكلام ده فى المستقبل
والله حكومه خايفه علينا فعلا .. احنا الشعب اللى الوحيد اللى ما بياخدش لقاح ضد الامراض احنا نشم بس ده بمليون لقاح من الامراض.

حسبى الله ونعم الوكيل

لما يحدث فى مثل هذا اليوم