شـريـط الاهـداءات |
|
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
01-06-2011, 06:12 AM
|
#1 | ||||||||||
  
|
تتجوزينى .........الله يرحمه مدخلش دنيا تتجوزينى؟؟؟؟
تتجوزيني ؟ - أفندم ؟ بقولك تتجوزيني ؟ ؟؟؟ تتجوزيني ؟ لأ ليه ؟ بصراحة كدة شكلك مش عاجبني إزاي يعني ؟ يعني .. أصل أنا ليا مواصفات معينة لفارس أحلامي مواصفات معينة ؟ .. هو انتي هتتجوزي عربية؟ لأ ! .. بصراحة كده .. إنت مش فارس أحلامي اللي باتمناه *********************************** تتجوزيني ؟ إيه ده ؟ شكلك اتغير إيه رأيك ؟ واو .. شعرك بقة ناعم ! .. دي باروكة ؟ أيوة ودي عدسات خضراء ؟ أيوة واو ! .. بس بجد .. بقيت وسيم .. واو ! ده انت بقيت شبه نيكولاس كيج مين عباس كيج ده ؟ عباس ؟!! ياي .. إيه عباس دي ؟ اسمه نيكولاس مين نيكولاس ده ؟ بقة مالكشي في السيما وجاي تكلمني ؟ .. ياي *********************************** تتجوزيني ؟ انت لسه ليك عين تكلمني ؟ أيوة .. أنا عرفت مين بنكرياس كيج ده أولاً : اسمه نيكولاس كيج أيوة أيوة .. كنت هاقول اسمه صح .. بس اختصرته .. ده ممثل ممثل إيه ؟ ممثل أمريكاوي أمريكاوي ؟! .. إخّييي ! .. اسمه أميريكان يا بابا .. ما تبقاش دونكي دونكي دي تبقى شتيمة ؟ أوف كورس *********************************** تتجوزيني ؟ عندك عربية موديل كام ؟ موديل دي تبقى شتيمة ؟ *********************************** تتجوزيني ؟ قوللي الأول .. حاطط أنهي نغمة في الموبايل بتاعك ؟ نغمة دي تبقى شتيمة ؟ *********************************** تتجوزيني ؟ ما قلتليش .. إنت بتشتغل إيه ؟ أنا -بلا فخر- عاطل عاطل ؟ .. ياي مش أحسن من اللي ما بيشتغلش ؟ لا يعني مش هتتجوزيني ؟ لا كدة أنا أزعل ما تزعلش يا بابا .. خليك فريش ماشي .. ماشي .. بس قوليلي إيه ؟ فريش دي تبقى شتيمة ؟ *********************************** تتجوزيني ؟ لقيت شغل ؟ أيوة طبعًا .. سنتين وأنا بادور .. أخيرًا لقيت وإيه هو ؟ سواق تاكسي ياي ! .. مش مكسوف وانت بتقولها ؟ فيها إيه ؟ العمل شرف .. وكلها كام سنة وأجمع مبلغ كويس شرف ؟ جتك القرف *********************************** تتجوزيني ؟ جمعت مبلغ كويس ؟ طبعًا .. مبلغ كبير جداً قد إيه يعني ؟ ألف جنيه نعم ؟!!! .. ألف جنيه دول تروح تسرح بيهم ببطاطا يعني موافقة ؟ روح اتنيّل *********************************** تتجوزيني ؟ عندك شقة ؟ طبعًا .. أوضة على السطوح نعم ؟ إيه المشكلة ؟! .. أحسن ما ننام في الشارع في الشارع ؟! .. إيه الألفاظ السوقية دي ؟ ياي ! .. لازم يا بابا تجيب شقة طيب .. كلها كام سنة وأجيبلك أحسن شقة في الدنيا وهتجيبها في جاردن سيتي ولا في الزمالك ؟ لا .. في الأهلي .. هيهع هيهع هيهع *********************************** ( بعد سنوات) تتجوزيني ؟ جبت الشقة ؟ أيوة .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات فانتاستيك بس الشقة ناقصة حاجة إيه هي ؟ مفيهاش حمام امشي من قدامي ! .. مش طايقاك *********************************** تتجوزيني ؟ إنت تاني ؟ جبتلك حمّام إنما إيه خليه ينفعك ليه بس ؟ .. ده ينفع لينا احنا الاتنين وأنا مالي ؟ مش عاجبك .. مش مشكلة .. أكتبه باسمك *********************************** (بعد سنين) هتتجوزيني ولا أولع فيكي ؟ ومالك محروق كدة ؟ حكايتنا طولت قوي .. طولت أكتر من اللازم أوكي .. بس ممكن أعرف حاجة ؟ إيه ؟ إنت ليه متمسك بيا أوي كدة ؟ أصل .. أصل أصل إيه ؟ أصل أنا بحُبك (بضم الحاء) بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين خليك روش وقول I you ماشي .. بس قوليلي نعم ؟ روش دي تبقى شتيمة ؟ *********************************** تتجوزيني ؟ بصراحة .. في حاجة كنت عاوزة أقولهالك من زمان إيه ؟ أنا بصراحة .. مش شايفة إن في حد في العالم يستاهلني يا سلام ! .. ليه ؟ عشان أنا جميلة .. خفيفة الدم .. رشيقة .. رقيقة رقيقة ؟! .. ده انت بدأتي تقشفي فشر فوقي لنفسك .. العمر بيجري أنا مصرة على رأيي يعني إيه ؟ يعني اقطع معايا بعد كل السنين دي ؟! .. بعد كل الحب ده ؟ بلاش تراجيديا من فضلك - ماشي .. بس قبل ما أمشي عاوز أسألك سؤال واحد بس إيه هو ؟ تراجيديا دي تبقى شتيمة ؟ *********************************** ( بعد سنوات ) تتجوشيني ؟ إيه ؟ تتجوشييينييييييي ؟ إنت مين ؟ أنا حبيبك يا هبلة .. البشي النضارة عشان تشوفيني طيب شاعدني عشان ألاقي النضارة آهي على الترابيزة قدامك فين ؟ لا دي نظارتي أنا أيوة لقيتها البشيها بقة ططييبب عينيكي فوق شوية .. ده بقك طيب لبشهالي إنت عقبال ما البشك الدبلة ما تكشفنيش .. كنت بتقول إيه بقى ؟ كنت بقول تتجوشششيييينيييييي ؟ أكوشك ؟ .. إزاي ؟ يا ولية مش تكوشيني .. ت .. ت .. ج .. و.. ش .. ي .. ن .. ي؟ دي شتيمة ؟ لاء .. بقولك تتجوشيني ؟ آه !! .. أجوشك بالضابط .. هاه ؟ شيبني أفكر أشيبك تفكري ؟! .. ده انت هتموتي خلاش لا .. شيبني أفكر بش ربنا يوفقك إيه ؟ ربنا يوفقك بتقول إيه ؟ ربنا ياخدك *********************************** (على فراش الموت) ت … كوح .. كوح .. تت .. كوح كاح كيح .. تتكو .. كوح .. كوح تتكوش .. كوح كوح .. يني ؟ مش شامعة ب .. قولل .. كوح .. كوح .. بقولك .. ت .. ت .. كوح .. كوح تتجوشي .. ؟ كوح .. كوح أجوش مين ؟ ه .. و.. ه .. كوح كوح كاح .. هوه إنتي .. كوح كوح .. معرفتي ش .. كوح كوح كيح .. مي .. كوح .. مين ؟ إيه ؟ لا .. كوح .. أبدًا .. كوح .. كنت … كح كح .. بأكح كنت بتكح ؟!!!! .. شلامتك .. ما قلتليش ليه ؟ هو .. كوح .. إنتي .. لشة .. عارف .. ة .. كوح كوح بتقول إيه ؟ يا .. ولية .. كوح كوح .. ردي .. كوح كوح .. عليا .. ت .. ت .. جو شي .. كوح كوح كوح كوح .. ني ؟ أجوشك ؟!! .. طب بش خد الدوا الأول يا ولي .. ة .. كوح .. كوح .. أنا .. كوح .. كوح .. هتتجوشي .. كوح كوح كوح .. ني ؟ أيوة يا حاج .. موافقة موافقة إنك تتكوشني ..أخي….كوح كوح ..راً !! .. كوح كوح - كدة أموت .. كوح كوح .. وأنا .. كوح .. مطمئن ومرتاح .. الودا .. كوح ..ع ع ع ع يا حاج .. يا حاج لاء مات الحج !!!!! الله يرحمه  |
||||||||||
|
|
| إعلانات google |
|
|
|
01-06-2011, 11:45 AM
|
#2 | ||||||||||||
  
|
|
||||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
