.•°« الحقيقه وراء ما يدور ف كل الدول العربيه »°•.

[golden_spear]

المشاركة الأصلية كتبت بواسطة !! White angel !! عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تـحـلـيـلـى لـلـمـوضـوع مـن أولـه لآخـره كـمـصـرى قـبـل مـا اكـون أنـا :

يوم 24 يناير بالظبط يوم الاثنين .. اكيد الكل فاكر الموضوع اللى نزله اندروا - توكسى الكل كان واخد الموضوع بتهريج و فاكرين ان هيحصل زى ما بيحصل كل مرة فى المظاهرات اللى بتحصل ..

المهم لما جه يوم 25 شوفنا عكس ما كنا نتوقع 360 درجة .. ثورة حقيقية بدأها الشباب المصرى بس !! خلوا بالكم الشباب المصرى بس !!

و كان من اشهر الحركات اللى كانت موجود ساعتها " كفاية " و " شباب 6 ابريل " و انا كنت مشارك فى الحركتين على فكرة .. افكارهم كانت زى ما اى شاب كان عايز .. يرحل النظام اللى نشر الفساد و الرشاوى و المحسوبية فى البلد و زاد فى عهده الفقر و الجشع و الطمع و البلطجة ..

و اظن ده ظاهر للكل .. كفاية منظر المبانى العشوائية اللى على مسافة 100 كيلو على الطريق الدائرى .. كفاية دى .. مصر الفرعونية ، ارقى و اذكى الشعوب فى العالم .. يبقى ده اخرتها

المهم .. لما الناس لقيت ان الشعلة اللى مقدروش هم يولعوها .. ولعت من الشباب .. قالوا ننزل و نطلع الطاقة المدفونة خلال 30 سنة

كدة الثورة بقت شعبية .. بمعنى كل طوائف الشعب شاركوا فيها .. لسبب واحد هو بس اقسم بالله .. انهم يحسوا بالحرية اللى اتحرموا منها خلال 30 سنة .. !!

ظهرت خلال الثورة البلطجية .. و على فكرة البلطجية دوول مصريين بردوا بس الفقر و الظلم و الحقد الطبقى هو اللى حولهم لكدة ..

تخيل تبقى بتاخد فى الشهر 100-200 جنيه و عندك اسرة متكونة من زوجة و طفل واحد ..

و واحد تانى بياخد فى الشهر مليون جنيه ..

متقنعنيش انك مش هيبقى عندك حقد طبقى ..

تخيل بقى لو معندكش دخل مادى اصلا .. !!

يوم ثورة الغضب ( معركة الجمل ) كان المتسبب فيها 100% اعضاء مجلس الشعب و الحزب الوطنى .. انا عارف اشكال البلطجية بتوع الحزب الوطنى من ايام الانتخابات ..

و ع فكرة الشباب لما نزلت مكنش اللى دافعهم واحد بس .. بس هى الفكرة ..

يعنى حتة لو وائل غنيم هو صاحب البيج بتاعت " كلنا خالد سعيد " مش هتفرق معانا حاجة ..

و ملحوظة ناس كثير من شباب الثورة مش بتحب وائل غنيم و انا واحد منهم ..

شخص عادى مصرى حاول يشارك فى الثورة ..

انا بالنسبة ليا اقل شهيد فى الثورة احسن منه مليون مرة ..

و حوار ان فيه قوة خارجية بتتحكم فى الثورات العربية .. ممكن الاحتمال ده يبقى على اى بلد الا مصر .. الا مصر علشان شبابنا الواعى مش بينثاق وراه اى كلام فاضى ..

الثورة دى كانت ارادة شعبية ملهاش قائد ..

و بالنسبة لأسماء دى !!

زيها زى غيرها ليها وجهة نظر و احنا لينا حق يبقى لينا وجهة نظر تانية ..

و الناس اللى نزلت يوم 27 مايو دووول مصريين .. اخويا و ابويا و جارى و صاحبى ..

و نزلوا يوم الجمعة علشان ميعطلوش الشغل فى المصر ..

و اظن ان اليوم عدى و محصلش عمليات شغب او بلطجة كثير .. !!

و بالنسبة للجيش .. الجيش 1.000.000% فيه فساد و رشوة و قلة ادب بردوا ..

لكن احنا ملقناش حد غيره يقدر يمسك البلد فى الفترة الانتقالية دى !!

و لأى نظام حكم انتقاضات ..

و الجيش لازم يرد على الانتقادات اللى موجهة ليه ..

و اظن ان لازم لما رئيس يمسك .. قيادات الجيش تحاكم و نشوف مين شريف و مين حرامـى ؟

و اظن ان دى حاجة مش عيب ..

عجبنى اووى لما بيقول وائل غنيم يرشح نفسه للانتخابات ...

لووووول بجد :)

ده لو كان اللى بيتكلم مجنون يبقى المستمع عاقل :)

صباحو :))

تمام بس الثورة كانت عكس ما افتكرنا 180 درجة مش 360 انت كده رجعت زى مكنت :)