استفتاء عام هل من الممكن ان سلك رود تخصرك اصدقائك؟

[DeViL_HeMa]

اولا احب اشكر كل الاعضاء اللي شاركوا في الموضوع ده و ده يعتبر أحسم موضوع انا شفته صراحة و أشكر الزعيم الكبيييييييييييييير اللي عمله
ثانيا انا عايز اقول حاجة بس اغلب الناس مش هتصدقني انا و الله من الناس اللي حصل لها مشاكل بسبب اللعبة دي انا و اهلي كلهم بقيت افضل ازعق و اتخانق لما حد يطفي الجهاز لما اكون عامل بوت و كنت ساعات بضرب فلوس عشان اجيب سيلك و أعلي الاكونت و حصلت مشاكل لا تعد و لا تحصى و رسبت في مواد في الجامعة عشان اللعبة الزفت دي و الله و الله و الله انا كان في ايام الجهاز ما بيطفيش عشان بكون بلعب و لو مش بلعب بكون عامل بوت بس أهم حاجة ان الجهاز ما يطفاش

بس و الله وقفت مع نفسي قلت هو انا استفدت ايه من اللعبة الغم دي ؟؟؟!!!!

تسلية و اتسليت بس فقدت حاجات كتير احترام الناس بس الحمد لله و الله الحمد لله انا دلوقتي مسافر السعودية بقالي شهرين حاسس براحة نفسية الله أعلم بها و مش مهم عندي اللي يعلى يعلى و حتى اللي اتبلك اتبلك بس اتعلمت ان احنا بني أدمين يعني مش لعبة عملوها الاجانب تخلي الناس في قرف على طول و و الله و الله هي جملة انا بقولها لاصحابي


( انت اللي تحكم اللعبة مش اللعبة اللي تحكمك )

حد فكر في يوم ليه اللعبة دي مافيهاش حاجة عن الاسلام ليه ؟؟؟؟؟؟؟؟؟

عشان اللي عملوا عايزين يضيعونا و الله اقل حاجة زي ما في اللعبة صور ابنية و كنائس اقل اقل اقل حاجة حتى يكون في لغة عربية مش مساجد

و بلييييييييييييز يا جماعة ما حدش ينسى الجملة اللي انا قلتها دي


( انت اللي تحكم اللعبة مش اللعبة اللي تحكمك )

و أسف على الاطالة و اتمنى ان ناس تعذرني


أخوكم : ابراهيم