لكل من خائف من الأخوان المسلمين مش انتوا بس ده الغرب كمان

[Just_Warrior]

المشاركة الأصلية كتبت بواسطة feleb عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرآ لردك يا باشا وانا متفهم كل اللى بتقوله ومعاك فيه

بس انا بحاول اوصلك قصدى انت قولت



كلامك اكيد صح وانا مش ضد ان اى انثى تستر نفسها بس فى اختلاف يا ريت تفهم قصدى

فى الكنائس والاديرة الكلام ده بيحصل لان الراهبات دول وهبو نفسهم لعبادة الله ودول بيعيشو كده كل حياتهم

بس انا بتكلم عن منطلق المراءة المسيحية فى الشرق الاوسط اللى بيخليها تعمل ده وبيتعرف اذا كان دى مسيحية ولا مسلمة هى انها اختارت متلبسش حجاب او متعملش تقاليد او احكام اديان اخرى بمعنى انها عملت كده كـ نوع من انواع انها بتقول انا مش مسلمة اختارت الاختلاف عن الأخرين علشان تتعرف انها مسيحية

زى مثلا اللحية عمرك ما تلاقى شاب مسيحى بلحية غير لو هو راهب او قس لان دول بيكونو عايشين لوحدهم فى دير او كنيسة مش مختلطين بالناس ولا فى الشارع والشاب المسيحى اختار انه ميسيبش لحيته مش علشان تعباه ولا بتخنقه بس هو بيعمل كده لنفس السبب انه عايز يكون مختلف وميكونش ماشى على شريعة دين تانى او يكون بمعنى اصح مختلف بعض الشئ وده بيكون كـ اعلان للناس اللى حوليه انه مسيحى

وزى ما انه مينفعش تقول لـ شاب مسيحى خلى لحيتك طويلة مينفعش تقول للمراءة اتحجبى وهى مسيحية يا ريت يكون وصلك كلامى وفهمتنى



كلامك صح مش بغلطك وفاهمك كويس

بس حتى قانون الردع يكون رؤوف شوية على الناس يا رب حتى اللى يسرق يسجن مدى الحياة

بس متقطعش ايده ده انا معترض معاك فيه

هقولك حاجة برضو حاول تفهمنى انا عارف كلامى كتير وخنيق بس استحملنى

انا اشتغلت فترة مش قليلة فى مجال الملابس وبالخصوص الملابس الحريمى شوفت دى ودى وعرفت دى ودى واشكال والوان كتير جدآ

المهم المختصر المفيد لما بحصل تعارف ما بينى وبين واحدة فى مجال بيع وانها تيجى تشترى منى وكده واحس انها مش تمام مش بتعامل معاها باسلوب وحش وابعد عنها بحاول اكلمها مهما كانت مسيحية او مسلمة

ولما بنتكلم فى نقطة ان اللى هى بتعمله غلط متعود اقول جملة لانها عجبانى اوووووووووووى

ربنا مدى لكل انسان فينا امانة هو جسده بمعنى انه يحاول ميفسدوش لانه مش ملكه ربنا هو اللى اداله الامانة دى

يعنى مينفعش واحدة تمشى فى طريق غلط وتنجس جسدها وهو مش ملكها

مينفعش برضو الواحد يروح يبيع كليته او جزء من جسمه او دم ويقبض ثمن ليهم لان دول مش ملكه بغض النظر عن موضوع التبرع لان ده عمل انسانى بتاخد مكافئته من ربنا انك لجقت انسان بيموت

مينفعش برضو تقطع ايد واحد ولا هى ملكك ولا هى ملكه ملك الخالق اللى خلقنا كلنا

حاسب الحرامى اديله مؤبد او سجن مدى الحياة لكن تقطع ايده !!!!!!!!

اسف على كلامى الكتير تقبل مرورى وكلامى

السلام عليكم
اولا انا بجد سعيد بالنقاش معاك لانة نقاش محترم جدا
نبدأ بالرد
بص يا جميل
حضرتك بتقول
فى الكنائس والاديرة الكلام ده بيحصل لان الراهبات دول وهبو نفسهم لعبادة الله ودول بيعيشو كده كل حياتهم

بس انا بتكلم عن منطلق المراءة المسيحية فى الشرق الاوسط اللى بيخليها تعمل ده وبيتعرف اذا كان دى مسيحية ولا مسلمة هى انها اختارت متلبسش حجاب او متعملش تقاليد او احكام اديان اخرى بمعنى انها عملت كده كـ نوع من انواع انها بتقول انا مش مسلمة اختارت الاختلاف عن الأخرين علشان تتعرف انها مسيحية
==================

بالنسبة الى انك قولت (بمعنى انها عملت كده كـ نوع من انواع انها بتقول انا مش مسلمة)
فأحب اقولك اننا لو اختصرنا الدين فى حجاب ولحية مكنش حد تعب
وكمان لو تلاحظ ان فى بنات مسلمات غيرمحجبات فهل هى بذلك تقول للناس انا لست مسلمة؟؟
وعشان كدة سيدنامحمد قال
(الدين المعاملة) يعنى دينك بيبانمن خلال تعاملك اللى انت بتطبق فية الشريعة

اولا اناعاوز اسئلك سؤال وياريت تجاوبنى

احنا اتخلقنا لية؟؟؟؟
اجوبك انا من وجهة نظر الاسلام وهى قول الله سبحانة وتعالى

(وَمَا خَلَقْتُ الْجِنَّ وَالْإِنْسَ إِلَّا ليعبدون)
سورة الذاريات

معنى كدا ان الله سبحانة وتعالى خلقنا لعبادتة وعشان كدا فى ثواب و عقاب وفية جنة ونار
يعنى لو الراهبات وهبو انفسهم لعبادة الله يبقى انت مخلوق لية؟؟؟

اعتقد اننا كبشر كلنا خلقنالطاعة الله اذا الحجاب فريضة على المرأة المسيحية زى ماهو فريضة على الراهبة فى حال ان المرأة المسيحية خلقت لتعبد الله
ثانيا
سترة الجسد اصلا مش تقاليد او عادات
الله سبحانة وتعالى خلق سيدنا آدم والسيدة حواء مستورين
(فَأَكَلَا مِنْهَا فَبَدَتْ لَهُمَا سَوْآتُهُمَا وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ وَعَصَى آدَمُ رَبَّهُ فَغَوَى)
سورة طه
يعنى ربنا خلق ابوينا اللى هما آدم وحواء مستورين فما بالك بنا؟؟؟؟
و بالنسبة لموضوع اللحية يطبق عليةنفس الكلام
فهل العبادة فى المسيحية مقتصرة على القساوسة و الراهبات؟؟؟
================================================== =
ثانيا
حضرتك قولت (بس حتى قانون الردع يكون رؤوف شوية على الناس يا رب حتى اللى يسرق يسجن مدى الحياة)
انت كدا ظلمتة وحكمت علية بالاعدام لانةهيفضل محبوس طول الحياتة ودا ظلم
وبردة انت الى جوبت على اعتراضك بنفسك لما قولت(ربنا مدى لكل انسان فينا امانة هو جسده بمعنى انه يحاول ميفسدوش لانه مش ملكه ربنا هو اللى اداله الامانة دى)
فعلا كلامك صح
وعشان كدا ربنا هوا الى شَّرع ان السارق تقطع يدة
الله الذى اعطاه اياها هو الذى امر بهذا الحد او الجزاءلهذا الذنب
=======================================
بجد والله انا سعيد جدا بالنقاش معاك
واتكلم برحتك يا جميل و اناهقرأ اللى انت كاتبة مهما كان كتير