شـريـط الاهـداءات |
|
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
22-02-2012, 10:31 AM
|
#1 | ||||||||||||
  
|
السلام عليكم بعد السلام و الكلام و اللذي منه .. احب اقولكم انكم وحشتوووووووووووني جدا جدا جدا انا تقريبا بقالي سنة كاملة ماعملتش اي مشاركات خالص و دي مشاركة سريعة ع الماشي و هرجع اغيب فترة الثانوية العامة اللي فيها و جي تاني بعد الامتحانات المهم ندخل في الموضوع على طول من يومين كده اشتريت خط موبايل جديد .. و بمجرد ما حطيت الشريحة في التليفون لقيت كمية كبيرة من الرسائل القصيرة بتوصل ورا بعضها .. رسايل كتير قوي .. استغربت من مين تكون كل الرسايل دي إذا كانت الشريحة لسه جديدة و مدتش رقمي لحد !! .. لاحظت إن الرسايل جايه كلها من رقم معين وبتواريخ متقاربة و مضمونها واحد : و هو إن فيه واحده بتترجى (مصطفى ميكونش زعلان منها) و (إنه يرجع لها) و (إنه يرد عالموبيل ويبطل تطنيش) .. استنتجت إن الخط ده كان بتاع واحد اسمه (مصطفى) و إن اللي بتبعت الرسايل دي ربما تكون خطيبته اللي سابها أو أمه اللي طفشان منها وإنها – الرسايل يعني – وصلت دفعة واحدة أول ما الخط اتفعّل من تاني .. و عموماً – صاحبنا لسه بيحكي - قلت أعمل ديليت للرسايل دي كلها لأنها شاغله مساحة عالفاضي وطبعاً ملهاش أي فايدة بالنسبة لي .. لكن و أنا بعمل ديليت لقيت نمرة بتتصل .. هي نفس النمرة اللي باعته الرسايل .. قلت أرد عشان أوضح حقيقة الالتباس وأنهي الموضوع .. رديت .. و بمجرد ما قلت (آلو) لقيت واحده ست بتصرخ صراخ هستيري كأنها ما صدقت إنه فيه حد رد : (يا مصصطفففى تعاااالى بقى) ... ( يا مصصصطططففي واحشني قوي) .. اتخضيت من الموقف وقلبي اتقبض .. حاولت أفهّم الست إني مش (مصطفى) اللي عايزاه وإني لسه شاري الرقم ده ولكن صوتي وكلامي ضاع وسط توسلاتها وإصرارها إني "مصطفى" .. قفلت السكة بعد ما عجزت إني أتفاهم معاها .. وبطلت أرد عالنمرة دي تماماً لأني في كل مرة برد كان نفس الموال بيتكرر .. و لما زادت الاتصالات والرسايل قررت أغير الشريحه .. و قبل ما أشيل الشريحة من التليفون بثواني – وكالمتوقع - لقيت نفس النمرة بتتصل بنفس الإصرار .. كان ممكن أشيل الشريحة واخلص و يبقى الموضوع اتقفل .. فضلت أبص على الرقم لفترة و قررت إني أرد .. قلت هرد على الست دي لآخر مرة ، آخر مرة بس ، و في المرة دي قلت هبذل مجهود أكبر عشان أحاول أفهمها إن الرقم ده خلاص مبقاش بتاع مصطفى اللي بتدور عليه .. كنت عايز أعمل كده عشان أريح أعصابها وعشان اللي هيشتري الرقم ده من بعدي ميقعش في نفس المشكله الغريبة دي .. رديت .. وكنت متوقع سيل من الصراخ والعويل كالعادة .. ولكن المرة دي سمعت صوت تاني .. صوت بنت عمرها في حدود 15 أو 16 سنه .. قالت لي الكلام ده بالحرف : " انا بعتذر لحضرتك بالنيابة عن أمي .. الرقم اللي معاك ده كان بتاع اخويا (مصطفى فتحي محمود) .. استشهد في أحداث 28 يناير .. و ماما بقالها 10 شهور مش مستوعبة إنه مات وبتتصل على موبايله يمكن يرد .. وجت فيك انت .. احنا آسفين .." .. وقفلت السكة ... منقول |
||||||||||||
|
| إعلانات google |
|
|
|
22-02-2012, 10:43 AM
|
#2 | ||||||||||||
  
|
no comment
|
||||||||||||
|
|
|
22-02-2012, 10:50 AM
|
#3 | ||||||||||||
  
|
فعلا قصه مؤثره شوفتها على الفيس قبل كده
|
||||||||||||
|
|
|
22-02-2012, 11:01 AM
|
#4 | ||||||||||||
 
|
لا حول ولا قوة الا بالله
|
||||||||||||
|
|
|
22-02-2012, 11:39 AM
|
#5 | ||||||||||||
   
|
لا اله الا الله لا حول ولا قوه الا بالله عليه العظيم منهم لله الى قتلوه ربنا على كل ظالم
|
||||||||||||
|
|
|
22-02-2012, 12:24 PM
|
#6 | ||||||||||||
|
مش أسوأ ما سمعت بس تسلم |
||||||||||||
|
|
|
22-02-2012, 01:06 PM
|
#7 | ||||||||||
  
|
مش قادر اوصف احساسى .. ربنا يرحمه و يصبر اهله
|
||||||||||
|
|
|
22-02-2012, 01:40 PM
|
#8 | ||||||||||||
 
|
تسلم إيديك
|
||||||||||||
|
|
|
22-02-2012, 01:56 PM
|
#9 | ||||||||||||
|
قصه مؤثره تسلم ايدك
|
||||||||||||
|
|
|
22-02-2012, 06:15 PM
|
#10 | ||||||||||||
|
غريبه هو الوضع الاقتصادى تدهور ..بقا حتى الخط نص عمر ههههههههههه  القصه دى شايفها من زمان بس مدخلتش دماغى ..يعنى شكلها مش حقيقه |
||||||||||||
|
|
|
22-02-2012, 07:14 PM
|
#11 | ||||||||||||
|
فيه حاجات غم أكتر من كده .. بس شكراً =))
|
||||||||||||
|
|
|
22-02-2012, 11:28 PM
|
#12 | ||||||||||||
|
تسلم ايديك يا احمد فعلا موثرة جدا |
||||||||||||
|
|
|
23-02-2012, 04:47 AM
|
#13 | ||||||||||||
|
ودا الطبيعى من بنك مصر ربنا يرحمنا برحمته
|
||||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
