{ازاي اتعرفت على سيلكرود و المنتدى}

[hero2027]

انا اول معرفت سيلك رود كان من ابن عمتى المهم عملت اكونتاات بالهبل مكنتش لسة عارف اعمل اية لحد متعلمت كل حاجة المهم كان واحد صاحبة عندة كونت اسمة Th3King كان من اقوى الكونتات فى روم كان full sun +7 تقريبن و كان ماستر اقوى جيلد فى السيرفر هوا و Windly و DECO و ___Jv____ من ساعة ماخدت الايميل دة وانا عرفت سلك رود تانية خالص ال جوب والجيلد وار كان زى ميكون علامة مسجلة عى قفا كل thief بس الى ساعدنى كمان وعلمنى هوا مصطفى alex كان ساعتها معاة masrawy2007 وكنا حنا الاثنين lvl 80 بعدين نزل الاروبين فهوا طلع alex وانا عملت L_E_GE_N_D وبعت Th3King وبعد فترة قريبى اشترى masrawy2007 وهوا زى اخوية يعنى حاجتة حاجتى والعكس وعرفت المنتدى من اصحابى ومن مومن ملحوظة انا و مومن اصحاب من 8 سنين من اعدادى لحد هندسة معلش طولت عليكم شكرا

[AyMaN_ArEf]

المشاركة الأصلية كتبت بواسطة arbarmy عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الف شكر يا يمن على مشاركتك و بجد انت انسان جميل جدا

تسلم ياجميل وانتا ولله

وتم اضافه القصه بالكامل علشان مكملتهاش المره الى فاتت علشان كنت مستعجل


و موضوع ممتاز و فى غايه الروعه

[ღ♥Franky♥ღ]

انا بقا كنت اكوت من المدرسة و اروح السيبر عشان العب GTA ^_^
المهم كان سعتها 2005 يعني اول ما العبة نزلت اساسا كان في 7 سيرفر بس
و كان منهم سيرفر روم انا و صحبي عملنا اكونت علي و لعبناها و كانت العيال
في السيبر تقولي دة الجي ام عشان توصولو لازم تموت الوحوش دي كلها ^_^
و مع كل الاسلحة و بيضرب بي تعبان في ايدو ههههههههههههه و انا زي الاهبل
كنت بصدق ..... بس و كنت كل يوم اهرب من المدرسة عشان اروح السيبر و العبها ^_^
بس انا دلوقت خلاص سبتها بقالي اكتر من 4 سنين و بلعب برايفت سيرفر
لان خلاص بقتش حلوة زي الاول..... اللعبة كانت حلوة ايام ما كانت D9&D8 Only

[DR\Walid AbaZa]

والله موضوع رائع اشكر صاحبه عليه كنت عامل زيه زماااان بس مش عارف راح فين :)

بالنسبالي كان صديق ليا في الكليه من الاسكندريه هوة الي قالي علي الجيم فنزلتها كانت ساعتها السورس 500 ميجا بينزل في ثواني ^^ ودخلت عملت جلايفر زي ما قالي :) وكان بيكلمني علي اسكاي بي كل يوم ويقولي اضرب كذا واعمل كذا وهوة كان لفل 20 وبعدين هوا ساب الجيم وانا كملت وصلت للفل 52 والاكاونت خد بلوك مع اني لحد دلواتي ماجربتش اشغل بوت ^^وبعدين عملت واحد اكس بو بداله :)

بالنسبه للمنتدي مش فاكر عرفته ازاي بس اعتقد عن طريق جوجل عجبني فكرته وبدات اهتم بيه وكان في مشرف سيرفرات قديم اسمه مصاصه عمل مسابقه للاشراف علي روما كتبتله طلب وبقيت مشرف كنت ساعتها لفل 30 :) الصراحه كان ساعتها قسم روما مافهوش غير 5 او 6 مواضيع بس الي اتفاجئت بيه ان جوة الجيم عارفين الموقع بس مابيشاركوش بمواضيع وكان في اعضاء قدامي كانوا عاملين نشاط للسيرفر في الموقع بس كله انشغل بالحياة زيي ^^ بس انا بطل عليكم كل شويه عشان والله بتوحشوني وبهتم اني اتابع اخباركم . والله كان عندي قصص وطرائف كتيير كنت عايز اشاركم بيها بس عايزة تتعمل كتاب

[Halim]

موضوع جميل يا تامر :)

انا كنت الاول بروح السيبر افتح الياهوو و العب لعبه fifa

و بعدين ناس صحابنه جابو سيلك رود السيبر بقا كل الناس عندنا فى البلد تيجى تسهر طول الليل على سيلك رود دى و انا طبعا كنت واحد منهم و حصل مشاكل كتير بينا و بين بعض بسبب اللعبة دى :) و السيبر اتكسر اكتر من 3 مرات :D و ناس كتير كانو بيعلبو سيلك رود دى مش شباب بس لا كان فى ناس كبيره فى السن بتلعب معانا برضوه :)
وبعدين بقا ناس فى اللعبه كانت بتقولنا لو عاوزين اى مساعده ادخلو منتدى سيلك رود 4 عرب بصراحه مكنش حد فينا بيسجل فى المنتدى كنا ندخل نشوف الشرح و البرامج و خلاص :)