تغير لغة السيرفر

[Ahmed Mikkawe]

انا عندي كلاينت vsro 1.88 بس بلغة غريبة ممكن طريقة تغيير اللغة من دخل الجيم واللانشر

[Dangers SrO]

الsro_clinet fix هيعدلك اللغه لل انجليزيه
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[Ahmed Mikkawe]

جاري التجربة

[Ahmed Mikkawe]

محصلش حاجة يا برنس اللغة زي ما هي

[Dangers SrO]

جرب دا
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[Mohanad Adel]

حضرتك من ال edx loader اختار english patch و انت بتفتحو او نزل ال client من اللينك دة عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
او تنزل sro client جديد

[Jayden]

وليه تنزل sro_client لما ممكن تعملها بنفسك فى ال sro_client بتاعك
تابع معايه الشرح وركز اوى لانه صعب عشان ده جزء من الهندسة العكسية :

1- عشان برضو تكون فاهم طبعا Silkroad بتعتمد اعتماد كلى على فيلات ال pk2 ده بالنسبة للclient
طب وايه هى ال pk2 ؟ .. ال pk2 بتنقسم لقسمين
- القسم الأول: ده المسئول عن ربط الحاجات العامة اللى مسئولة عن تشغيل اللعبة .. ومسئول عن الحاجات الظاهرية للعبة (GUI) .. ده غير اكبر شىء اللى هو ال packets
- القسم الثانى: هو ده بقى المسئول عن ال packets وال parsing بتاعها .. طب ايه هى ال packets ؟ دى اى شىء بيتم فى السيرفر بيكون ليه packet زى الشخصية وهى بتمشى .. ال login .. ال Attak الخ .. اى شىء بيتم

2- طب فهمنا ال pk2 هنعدل بقى على انهو قسم ؟ .. هنعدل على القسم الاول .. ليه عشان اللغة دى شىء ظاهرى زى مانا قولت

3- هتعوزعشان تعمل الموضوع ده : برنامج OllyDbg 1.10

4- اول شىء هتفتح ال sro_client فى البرنامج وتسيبو يحمل .. بعد كده دوس كليك يمين فى اى حته فاضية وهات “Search for -> All referenced text strings”.

5- هيظهرلك نافذة جديدة .. دوس Home عشان تطلع لأول سطر .. بعد كده دوس كليك يمين وهات “Search for text”.

6- هتكتب فيها كلمة English و OK .. أول نتيجة هتطلعلك هتدوس عليها Double Click

7- كده انت دلوقتى فى المكان اللى فيه اللغات بتاعت الجيم .. واللى مربوطة بالملف Type.txt فى الميديا

8- دلوقتى دور على العربى .. هتلاقى جمبو لاين اوله JNZ هتدوس على ال Spacebar وتغير ال JNZ دى ل JMP .. كده انت خليت ال Client اما يشوف ال Line ده يعملو SKIP بمعنى يسيبو منه .. بعد كده دوس Assemble هتلاقى ال Line اتغير

9- دلوقتى هتروح للمكان اللى فيه ال English هتلاقى لاين برضو اوله JNZ هتدوس مسطرة وتغيرها ل NOP بعد كده دوس Assembly

10- لحد كده نقدر نقول خلصنا نص الطريق .. دلوقتى ال Client بيقرا فيلات اللغة الانجليزية لكن عمليا لسه مش بيقرا ال opcodes اللى بتطلع اول ما بتنزل بال Char

11- نكمل .. بعد كده هتدوس على الأيكون اللى فوق فى البرنامج اللى عليها R عشان نرجع لنتائج ال Texts اللى بحثنا عنها بعد كده هتدوس Home عشان تطلع لأول سطر وتدوس كليك يمين و Search for text واكتب "CharSelect "

12- هتسيب أول نتيجة طلعتلك وتدوس CTRL + L عشان تروح للى بعديها .. بعد كده دوس على اللى روحتلو ده Double Click عشان يوديك لمكان استجابة ال Client

13- هتنزل لتالت CALL ده اللى بيقرا اعدادات الكلينت بالنسبة للغة .. بمعنى انت عندك فى السطر اللى بعديه EAX + 0x160 ده كده بيشوف هل اللغة English ولا لا .. فطبعا بما ان الكلينت بتاعك لغته متغيرة فهيديلك نتائج غلط وهتاخد كراش ومع ذلك مش هنغير شىء هنا ! هتفتهم بعدين

14- دوس على Icon ال R تانى ودوس على Home تانى و كليك يمين Search for text واكتب “Please Execute”

15- انزل تحت شوية لحد ما تلاقى دول
JNZ SHORT sro_clie.0729646
CALL sro_clie.00A46D60
CALL NEAR ESI

هما مش تحت بعض على طول لكن هتلاقيهم .. المهم هتدوس على JNZ SHORT sro_clie.0729646 ده كليك يمين وتدوس على Binary وبعد كده Fill with NOPs

16- دلوقتى نقدر نغير الجزء اللى قولت عليه ل English .. هتدوس على اللاين مسطرة وتكتب “CALL 0x04C3D80” .. بعد كده هتدوس على اللاين الفاضى اللى بعديه مسطرة وتكتب ” MOV DWORD PTR DS:[EAX+0x160], 2”

17- وبكده نقدر نقول ألف مبروك غيرت اللغة .. دلوقتى وقت ال Saving هتدوس كليك يمين فى الصفحة الرئيسية
وتختار “Copy to executable->All Modifications”. بعد كده هتظهرلك نافذة اختار منها Copy All.

18- هتظهرلك نافذة جديدة دوس كليك يمين ودوس save file بأى اسم غير sro_client وتروح لل sro_client الاساسى وتسميه sro_client.exe.bak بعد كده تسمى ال sro_client بتاعك باسم sro_client

19- إدخل الجيم .. والف مبروك عليك

[Mohanad Adel]

بصراحة انا شايف ان بدل كل التعب دة ينزل واحدة جديدة

[Jayden]

أولا دى حاجة للى عايز يتعلم مش كلو عل جاهز
ثانيا انت لازم متثقش فى اى حاجة بتنزلها من اى حته غير لو من حد موثوق فيه تماماً
ثالثا الموضوع مش كبير لو قريت هتعرف .. انا بس اللى بشرح عشان افهمك انا بعمل ايه

[MarOz]

المشاركة الأصلية كتبت بواسطة Mohanad Adel عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بصراحة انا شايف ان بدل كل التعب دة ينزل واحدة جديدة

ما هو لازم يتعب عشان يتعلم مش كل حاجة يلاقيها ع الجاهز

المشاركة الأصلية كتبت بواسطة Jayden عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

أولا دى حاجة للى عايز يتعلم مش كلو عل جاهز ثانيا انت لازم متثقش فى اى حاجة بتنزلها من اى حته غير لو من حد موثوق فيه تماماً ثالثا الموضوع مش كبير لو قريت هتعرف .. انا بس اللى بشرح عشان افهمك انا بعمل ايه

استمرر ....

[Dangers SrO]

ارجو الاهتمام