سؤال ..........هوه ليه ما يبقاش فيه كده مثلا ؟؟؟

[mrhamdy]

والله يافقر انت تموت من الضحك حتى تعبيراتك مهلكه.
شخصية ايه بس اللى هتلف بيها السيرفرات انت فاكرها عجلة؟
روح ياشيخ انت فضحتنى فى السيرفرات كلها . يقولوا عليه ايه بس دلوقتى مصاحب واحد لا يفقه الالف من كوزو لاوى بوزو والا ايه بس ياعم كرومبو .
خليك معانا شويه وياريت تصحح لاخينا ده مفاهيمه لان العمليه بظرميط معاه.
وبعدين فانوس ايه ياعفركوش اللى بتتكلم فيه بس . ياعم احمد عفركوش ده هيبقى من الشخصيات العربيه فى لفل 140 وعليك خير وممكن تستدعيه ويساعدك وتلفله زيه زى الديب وبطلوا الهباب اللى انتوا بتشربوه ده جانتكم نيله ماليتوا البلد.
انت خليت رقبتى زى السمسمه فى السيرفر. سمسمة ايه دى بقت نانو سمسه.
اقولك اركب حصان وتعلالى الفلك شويه تقولى طب ومن فين اجيب الحمار ده !!
الفلك فى السونج سونج عند ترعة الميه اقولك نزل الديب علشان يلفل معاه تقولى لحسن يغرق !!!
تقولش احنا فى فيلم الارض والجاموسه فى بير الميه وكنت ناوى تقولى شد ياعبد الهادى شد يادياب !!
الفلك عند الشاكروم تقولى شاخرووم!!!
طب اعمل معاك ايه انت والوولفات بتاعتك دى؟
حتى الوولف كنت بتقول عليه كلـــــــب والشخرووم بتاعك بتقول عليه دوده!!
طب افهمك ازاى اننا مش بنلعب السلم والتعبان ؟
تعبان لما يلهفك
كمان شغال الرد على المواضيع يزيد الترابط والربط والحزم ايه ياعم انت كنت شغال فى وكالة البلح
عموما كفاية كده ومستنى منك الرد علشان نزيد الترابط والحزم والفك وشد يازكى ادره يشد زكى ادره - اربط يازكى أدره يربط زكى ادره. مين زكى أدره ده.